Jehová chepytyvõ amehora hag̃ua heta mbaʼépe

Upépe oĩ vaʼekue heta mbaʼe ahecharamóva, péro la chesorprendeve vaʼekue kuri umi ermáno. Oĩ vaʼekue ermáno ha ermána imitãva ojapóva káda día la mísma kósa ha ndaipóri vaʼekue la tódo el tiémpo omombaʼéva chupekuéra. Lomímonte umi ermáno ovyʼaiterei. Iñehemplokuéra chepytyvõ antende hag̃ua mbaʼépa heʼise ñaneumílde vaʼerãha jaservívo Ñandejárape.

Heta áñorema Jehová chepytyvõ aservi porãve hag̃ua chupe, péro che ningo yma budista vaʼekue, upévare tamombeʼumína peẽme la che istória añepyrũrõ guare aheka pe rrelihión verdadéra.

CHEMITÃITE GUIVE AIKUAASE VAʼEKUE ÑANDEJÁRA TEÉPE

Che anase ha akakuaa Estados Unídospe, peteĩ siuda héravape Chicago, oĩva pe estádo de Illinóispe. Ore roĩ éntre 4 ermáno ha che hína pe majór. Che tuakuéra ova kuri Japóngui oiko hag̃ua Chicágope pórke opensa hikuái roiko porãitevetaha Estados Unídospe. Haʼekuéra oipota kuri ifamília ijestúdio porã ikatu hag̃uáicha upéi oiko porã.

Che tuakuéra budista hatã vaʼekue, che sy okakuaa vaʼekue peteĩ óga oĩháme voi peteĩ témplo budista. Itúa ha mokõi iñermáno haʼe vaʼekue mónhe budista. Upéicha rupi akakuaa aja che famíliape g̃uarã pe rrelihión budista iñimportanteterei vaʼekue. Chemanduʼa ag̃uahẽmírente voi eskuélagui amyendýma voi peteĩ insiénso ha amoĩ y ha arrós ore Buda raʼangápe. Domingokue roho voi peteĩ témplo budístape ha upépe ropurahéi peteĩ Buda raʼanga ojoguávape avei pe roreko vaʼekuépe ógape, péro upéva tuichavénte ha de óro.

Arekórõ guare 7 áñorupi chemanduʼa amañámi hague pe Buda rorekóvare ógape ha apensa: “¿Mbaʼéiko oikóta chehegui amano rire?”. Pe rrelihión budístape ojeʼe vaʼekue chéve amano rire ikatuha oiko chehegui peteĩ espíritu, upépe ahechakuaa ha areko enkuénta algún día ikatuha amano. Apensa oikóramo jepe chehegui peteĩ espíritu, ndadisfrutamoʼãveimaha umi mbaʼe odisfrutáva umi persóna oikovéva. Che ambyasyeterei vaʼekue upéva ha derrepénte añandu ndaiporiha avave ikatúva ñanepytyvõ.

Arekópe 15 áñorupi añandu vaʼekue umi kostúmbre budista naisentidoiha, haʼete vaʼekue la ofaltáva chéve álgo (Mat. 5:3). Upémarõ añepyrũ vaʼekue apensa oĩmante vaʼerãha peteĩ Dios oikovéva ha ipoderósova ha che aikuaase vaʼekue chupe. Akalkula vaʼekue la Biblia ikatuha orresponde umi mbaʼe che aikuaaséva. Upémarõ ajogua peteĩ Biblia usáda, hérava Versión del Rey Jacobo peteĩ festivál budístape, ha legálmente upéva iñextráño pórke umichagua lugárpe ningo noñevendéi la Biblia.

Una vuéltape arekórõ guare 17 áño, aguata kuri kállere ha ambopasea che rymba jaguápe. Upémarõ oñemboja cherehe peteĩ ermáno hérava Wilson Bashou. Haʼe oporandu chéve: “¿Reikuaápa mbaʼépa Ñandejára opromete amo gotyove g̃uarã?”. Ojapo rire chéve upe porandu ropyta roñeʼẽ umi mbaʼe ipypukúva oĩvare la Bíbliape. Ermáno Wilson olee chéve Apocalipsis 17:1 oñeñeʼẽhápe peteĩ kuña hekovaívare oguapýva heta y ári. Upémarõ pe ermáno oporandu chéve: “¿Mbaʼépa heʼise ko téxto oñeʼẽvo pe ýre?”. Ha che ndarekói ni idéa, upémarõ ohechauka chéve pe versíkulo 15 heʼihápe pe y orrepresentaha heta héntepe. Che ahecharamoiterei kuri mbaʼéichapa umi testígo de Jehová oipuru la Biblia jeýnte oexplika hag̃ua umi téxto ijetuʼuvéva. Ermáno Wilson ohokuetévo omeʼẽ kuri chéve peteĩ lívro hérava La verdad que lleva a vida eterna. Upe lívro hovyʼíva okambiaite kuri la che rekove.

Diez día upe rire primera ves aha rreunionhápe peteĩ Salón del Réinope. Ndaikatúi cheresarái mbaʼeichaitépa cherresivi porã kuri upérõ umi ermáno ha upe guive ndafaltavéiva rreunionhápe. Upe rire Wilson oñepyrũ ostudia chendive la Biblia, chegustaiterei vaʼekue umi mbaʼe aaprendéva la Bíbliagui, upévare sapyʼánte la ore estúdio ipuku vaʼekue voi 8 óra. Che tuakuéra oñepyrũ vaʼekue ojepyʼapy ha oñemoĩ mbarete voi cherehe astudia haguére la Biblia. Péro che katu amáske astudia añekonvense atopa hague pe rrelihión verdadéra. Upémarõ ajevautisa áño 1983-pe.

AHEJA PE UNIVERSIDA OIKO HAG̃UA CHEHEGUI PREKURSÓR

Ajevautisárõ guare astudia kuri medisína peteĩ universida ikonosidoitereívape. Che tuakuéra heta ojesakrifika vaʼekue ikatu hag̃uáicha astudia. Che ikatu kuri asegi astudia, péro ameʼẽse vaʼekue Jehovápe la iporãvéva ha aservise de tiémpo kompléto.

Che túa heʼi porã vaʼekue chéve: “Ehejárõ nde estúdio, ¡romosẽta ógagui!”. Che apyta vaʼekue yvýre ha ndaikuaái mbaʼépa la ajapótava, pórke ahayhueterei che tuakuérape ha ndaipotái haʼekuéra oñeñandu vai che káusare. Pyʼỹinte aĩ vaʼekue pe universida korapýpe pyharekue, upépe amaña umi estrélla ojajaipávare ha che pyʼaite guive haʼe Jehovápe: “Jehová, por favór chepytyvõmína adesidi hag̃ua la ajapótava”. Amo ipahápe adesidi ahejataha la che estúdio ha papa heʼi chéve asẽ hag̃ua ógagui. Upémarõ ahenói Wílsonpe ha amombeʼu chupe la oikóva, haʼe ikalidaiterei ha heʼi chéve aha hag̃ua aiko hendive, upémarõ ajupi peteĩ kolektívope ha aha hendápe. La che kosakuéra mimi ijapaite voi peteĩ volsonʼípente. Chemanduʼa porãiterei upérõ guare añandu chepyʼaguapyha pórke aikuaa adesidi porã hague.

Upérõ añandu ajoguaha peteĩ guyraʼi osẽva pe iháulagui, hasypeve ikatútama kuri añemeʼẽmbaite Jehová servísiope. Upéi áño 1984-pe añepyrũ aservi de prekursór.

Ajapoha tiémpope che prekursorádo rregulár Jehová chemboʼe heta mbaʼe iñimportánteva, por ehémplo ani hag̃ua pyaʼeterei añentrega. Peteĩ díape añedesanimaite kuri pórke ndatopái che irũrã asẽ hag̃ua apredika kaʼarukue, ha apensa iporãha voi la apytáramo, péro lomímonte aha kuri. Upéi apredika rire 2 órarupi chekaneʼõma, añeñandu cheaño ha haʼete voi la okýtava. Apensa vaʼekue voi ahántema vaʼerãha, péro upéi akalkula último ahataha apredika peteĩ departaméntope. Ajupi aja ahávo pe tercer písope ajotopa peteĩ mitãkariaʼy Filipinasguándi. Che aimoʼã haʼe nacherendusemoʼãiha péro tuichaiterei ajavy. Pe mitãkariaʼy oñepyrũ ostudia chendive la Biblia ha upéi oiko chugui Testígo.

AAPRENDE HETA MBAʼE BETEL DE BROÓKLYNPE

Aiko rire 2 áño Wilson ndive añeinvita aservi hag̃ua Betel de Broóklynpe, áño 1985-pe. Haʼéma haguéicha peẽme, añeasigna kuri ambaʼapo hag̃ua ojejapohápe umi lívro. Chemanduʼa peteĩ díape ambaʼapo kuri hína umi mákina oimprimívare umi lívro ape, ha peteĩ vuéltape hetaiterei lívro ape oñehundimi che káusare. Umi ermáno heʼi chéve amombeʼu hag̃ua pe superintendéntepe la oikóva. Upémarõ aha ha aexplikapaite chupe mbaʼérepa la ajavy péro legálmente ndaʼéi kuri peteĩ mbaʼe iñimportánteva. Upémarõ pe superintendénte mborayhúpente heʼi chéve: “Siémpre iporã jajediskulpa”. Upérõ guare aaprende iñimportantetereiha ñarrekonose la jajavy jave ha jaʼe: “Chediskulpamína”.

Família Betélpe oĩ vaʼekue umi ermáno ijedáva ha ifiélva ha chuguikuéra aaprende avei iñimportantetereiha jaservi ótrope. Peteĩ vuéltape chemanduʼa ermáno Milton Henschel oguapy hague okaru hag̃ua pe mesa che aĩháme, haʼe oĩ vaʼekue Kuérpo Governántepe upe tiémpope. Upe díape chemanduʼa hetaiterei hague la hénte komedórpe ha umi móso ombaʼapo itarovávaicha oservi hag̃ua entérope la tembiʼu. Umi oremitãvéva roĩva upe mesápe roñepyrũ roñeʼẽ ñemi ha rojeplagea pórke mbegueterei ojeservi la tembiʼu. Upérõ ermáno Henschel heʼiʼỹre mbaʼevete opuʼã ha oipytyvõ umi mósope. Haʼe ojagarra umi hárra ha umi pláto orekóva pan ha mantéka oservi hag̃ua la héntepe. Pe ermáno ohechauka vaʼekue iñumildeha ha upéva chemomanduʼa mbaʼeichaitépa Jesús oservi vaʼekue avei yma ijapostolkuérape. Koʼag̃aite peve che ndacheresaráiri la oiko vaʼekuégui (Juan 13:​3-5).

“NDÉKO UPÉICHARÕ JAPONÉS LA RESTUDIA VAʼERÔ

Áño 1987-pe aviaha kuri Japónpe ha ahecharamoiterei voi mbaʼéichapa la ermanokuéra upépe ikyreʼỹ ha iñumílde. Che ningo legálmente aipytyvõse kuri chupekuéra predikasiónpe péro oĩ kuri peteĩ provléma: Che nañeʼẽi japonéspe. Upéi aha jey Estados Unídospe ha amombeʼu peteĩ ermána oservívape Betélpe hérava Michiko Oda la ahasa vaʼekue aĩrõ guare Japónpe. Upémarõ pe ermána omaña porã cherehe ha heʼi: “Ndéko upéicharõ japonés la restudia vaʼerã”. Ha upéva la ajapo vaʼekue upéi. Che ni nañeimahinái vaʼekue la upe ermána heʼi vaʼekue chéve okambiaitetaha la che rekove.

Unos kuánto mése upe rire ava peteĩ kongregasión japonésape Nueva Yórkpe. Aaprende rupi japonés oñepresenta chéve hetave oportunida aservi porãve hag̃ua Jehovápe. Áño 1989-pe aha primera ves peteĩ asambléa japonésape ojejapo vaʼekue Los Ángeles, Califórniape. Chemanduʼa upérõ cheresaho peteĩ ermána oĩ vaʼekuére pe drámape. Haʼe peteĩ prekursóra hérava Miwako Onami.

Ore romenda vaʼekue áño 1992-pe ha rovyʼaiterei ikatu haguére roservi oñondive Betel de Broóklynpe. Miwako ningo imbaʼerechakuaa, iñamávle ha siémpre oĩ oipytyvõ hag̃uáicha ótrope, iñehémplo chepytyvõ atrata porãve hag̃ua avei ótrope. Che rembireko ningo legálmente peteĩ rregálo iporãitereíva oúva Jehovágui, haʼe siémpre chepytyvõ avyʼa hag̃ua.

ROHO SUKURSÁL DE JAPÓNPE HA UPÉI ROSẼ BETÉLGUI

Kon el tiémpo Miwako tuakuéra oikóva Japónpe ou hasyete. Upérõ umi ermáno imbaʼeporãiterei orendive ha oremondo hikuái roservi hag̃ua sukursál de Japónpe. Upéicha ikatúta roĩ ag̃ui Miwako tuakuéragui ha rokuida hesekuéra. Upémarõ rova Japónpe áño 1999-pe.

Pe família Betel Japonpegua orerresivi porãiterei kuri ha upéi rojepokuaáma upe lugárpe. Umi ermáno ha ermána japonés imbaʼeporã ha ipojeraiterei, umi kualida porã ahecháva hesekuéra chepytyvõ asegi hag̃ua amehora. Por ehémplo umi ermáno ombaʼapóta jave ojagarra ensério la itraváho ha nomakaneaiete voi hikuái. Avei ombaʼapokuaa hikuái en grúpo, pe kultúra japonésape iñimportanteve ñambaʼapo unído, jaiko rangue ñaneañónte jahupyty umi mbaʼe iporãva ñande traváhope. La iñehemplokuéra chepytyvõ cheumílde hag̃ua ambaʼapóvo ótrondi ha ahechakuaa hag̃ua la ajapomíva oipytyvõha hína oñekumpli hag̃ua Jehová volunta.

Ndakakuaái rupi pe kultúra japonésape sapyʼánte ijetuʼu vaʼekue chéve antende hag̃ua mbaʼérepa umi ermáno ojapo umi mbaʼe peteĩ hendáicha. Upévare tekotevẽ vaʼekue chepasiénsia ha añehaʼã arreaksiona porã hag̃ua nantendéi jave mbaʼérepa ojapo hikuái peteĩ mbaʼe. Kon el tiémpo akambia la apensa lája ha ahechakuaa Jehová ovendesitaha oimeraẽ mbaʼe ojedesidíva ojesegíma guive umi instruksión omeʼẽva iñorganisasión. Amo ipahápe haʼénte voi oñenkarga osẽ porã hag̃ua la ojedesidíva.

Che arrekonose Betel chepytyvõ hague akambia hag̃ua heta mbaʼépe, ha siémpre chemanduʼa péicha avei Jehová oipytyvõ hague Moiséspe. Cuarenta áño aja okuidárõ guare umi ovecháre Jehová oipytyvõ chupe iñumílde ha ivuenove hag̃ua. Moisés rehe oiko haguéicha, che ajuhágui avei iñimportánte la ñandeestúdio porã. Umi estúdio káusare aju vaʼekue cheorgullóso ha ajeroviaiterei chejehe, péro Betélpe aaprende cheumílde ha akonfia hag̃ua Jehováre. Jehová ipasiénsia haguéicha Moisés rehe, koʼã áñope avei haʼe ipasiénsia cherehe ikatu hag̃uáicha amehora.

Ore rokuida vaʼekue Miwako tuakuérare amo 24 áñorupi omano meve hikuái. Upe tiémpo aja heta rohenói vaʼekue ituakuérape, umi doktórpe, heta rojepyʼapy ha pyʼỹi roiko pe ospitálre. Miwako sy héra vaʼekue Masako ha haʼe hasyetérõ guare apéna opuʼã oguata hag̃ua. Ijetuʼúma kuri chupe oho rreuniónpe ha osẽ opredika, omano mboyvemi oikóma voi kuri sílla de rruédape. Péro ijetuʼúramo jepe la isituasión haʼe ohayhuve Jehovápe amás día, la hova ningo ojajái vaʼekue káda ke oñeʼẽ la Bíbliare. Miwako sy omeʼẽ chéve peteĩ ehémplo iporãitereíva, haʼe osegi oservi Jehovápe ha ovyʼa toiko la oikóva ha che asegise la iñehémplo.

Áño 2024-pe tuichaiterei okambiami la ore situasión. Roservi rire mas de 30 áñore Betélpe, roñeasigna roservi hag̃ua de prekursór espesiál, ha koʼág̃a roservi hína pe ísla de Okináwape. Ag̃ui orehegui opyta peteĩ váse militár oikohápe avei umi soldádo hentekuéra ha oréve g̃uarã tuicha priviléhio la ikatu haguére roho ropredika chupekuéra. Umi mbaʼe roaprende vaʼekue Betélpe, orepytyvõ pyaʼeve rojepokuaa hag̃ua ore asignasión pyahúpe. Roñehaʼãmbaite ningo romantene peteĩ orário oikoitéva ha roaprovecha porã la ore tiémpo rojesareko hag̃ua ore asignasiónre ha rombaʼapo jejopy hag̃ua. Jehová ningo imbaʼeporãiterei orendive pórke omeʼẽ oréve umi estudiánte haʼetéva voi ore família. Koʼág̃a mas ke núnka rohechakuaa mbaʼeichaitépa iñimportánte jahayhu la héntepe. Miwako ha che káda día roagradese Jehovápe omeʼẽ haguére oréve ko asignasión iporãitéva.

ASEGÍTA AHEJA JEHOVÁ TACHEPYTYVÕ AMEHORA HAG̃UA

Che hentekuéra koʼág̃a noñemoĩvéima che kóntrape, péro ndoikói avei chuguikuéra Testígo. Upéicharõ jepe Jesús opromete vaʼekue entéro umi ohejáva ifamília oiko hag̃ua chugui idisípulo, upéi oñemeʼẽtaha chupekuéra 100 vése mas upe oheja vaʼekuégui (Mar. 10:​29, 30). Ha upevaite hína la oikóva cherehe. Jehová organisasiónpe atopa che henterã, che núnka ndaikatumoʼãi akontapa mboy ermáno ha ermánapa ko yvy tuichakuére ohechauka chéve cherayhuha ha chetrata voi hikuái che haʼeramoguáicha ifamília tee.

Koʼag̃aite peve che areko pe lívro La verdad que lleva a vida eterna omeʼẽ vaʼekue chéve Wilson. Káda ke amaña pe lívro hovyʼíre chemanduʼa mbaʼeichaitépa Jehová ivuéno ha opermiti chéve aikuaa chupe (1 Crón. 28:9). Che ajedesidíma apermititaha Jehovápe siémpre tachepytyvõ aservi porãve hag̃ua chupe, ha avei asegíta amombeʼu pe añetegua umi héntepe ikatu hag̃uáicha oikove hikuái pára siémpre.