Manaén: Jehová servísio haʼe vaʼerã la iñimportantevéva

Manaén haʼe vaʼekue peteĩva umi ermáno omoakã vaʼekue pe kongregasión de Antioquía síglo primérope. “Haʼe ningo Herodes kompañerokue ostudiárõ guare”, ha “Herodes hína pe governadór de Galilea” (Hech. 13:1). Jahechaháicha Manaén ijestúdio porã vaʼekue ha ikatu voi oime ihentekuéra ipláta raʼe.

¿Péro mbaʼépa haʼe odesidi ojapo? Manaén oúramo jepe peichagua famíliagui, oiko chugui kristiáno ha ombaʼapo jejopy pe kongregasiónpe. Haʼe ijestúdio porã ha oikuaa vaʼekue heta hénte iñimportántevape, péro ndojaprovechái upévare ohupyty hag̃ua heta mbaʼe ko múndope. Upéva rangue ombaʼapo jejopy oipytyvõ hag̃ua ermanokuérape.

Manaén ehémplo ohechauka ñandéve la iñimportantevéva ndahaʼeiha ñanefamóso térã ñandepláta heta, síno jaservi Jehovápe. Manaén ojapo haguéicha, ñañehaʼãmbaitékena ñamotenonde Jehová servísio ha ani jaiko jahupytyse heta mbaʼe ko múndope (Mat. 6:33). Iporã añete umi estúdio, péro jajasegura vaʼerã “mbaʼépa hína umi mbaʼe iñimportantevéva”. Upéicha nañapermitimoʼãi mbaʼeve ñandedistrae Jehová servísiogui (Filip. 1:​9, 10).