Dálles vida ós relatos bíblicos

Na Biblia hai moitos relatos de sucesos reais que nos ensinan importantes leccións. Cando intentamos imaxinalos, podemos entender mellor o que lemos e sacámoslles máis partido. Vexamos algunhas ideas que che poden axudar a facer isto.

• Ler en voz alta. Ler a Biblia en voz alta pode axudarche a imaxinar mellor as escenas. Se ledes a Biblia en familia, podedes darlle máis vida ó relato se cada un le un personaxe diferente.

• Imaxinar a escena. Intenta entender que pensaban e como se sentían os personaxes. Por exemplo, pregúntate: “Por que falou ou actuou así? Que sentiría ou pensaría eu se estivese na mesma situación?”.

• Debuxar. Debuxar escenas da Biblia pode axudarche a visualizar e recordar mellor os relatos, incluso se o que fas non é unha obra de arte.