Debuxar para recordar

Quizais, como a moitos de nós, che resulte difícil recordar o que estudas. Pero, dáste conta do rápido que nos veñen á cabeza as comparacións de Xesús? Podemos imaxinar o que estaba dicindo e isto axúdanos a quedarnos co que quería ensinar. De maneira parecida, podes recordar mellor o que estudas se creas imaxes visuais. E como podes facelo? Debuxando o que vas aprendendo.

As persoas que fan debuxos das cousas novas que van aprendendo, a miúdo as recordan mellor. Este método non só lles axuda a entender máis facilmente as palabras, senón tamén as ideas e os conceptos abstractos. Pero non fan obras de arte. Máis ben, son debuxos sinxelos que se fan en pouco tempo. As probas demostran que isto pode axudarlles especialmente ás persoas de máis idade.

A próxima vez que estudes, podes intentar facer algún debuxiño do que aprendiches. Quizais te sorprenda o moito que recordas!