Cando a vida parece insoportable

A VIDA pode ser moi bonita cando todo vai ben. Pero que pasa se as circunstancias fan que che pareza insoportable?

Por exemplo, Sallya, dos Estados Unidos, perdeu todo o que tiña nun furacán e conta: “Non sabía canto máis podería aguantar. Moitos días sentía que estaba ó límite”.

E que pasa cando morre un ser querido? Janice, de Australia, comenta: “Cando perdín os meus dous fillos, a miña vida rompeuse en mil cachiños e tiven que xuntalos de novo o mellor que puiden. Suplicáballe a Deus: ‘Por favor, xa non podo máis! Déixame durmir e non despertar nunca máis’”.

Daniel sentiuse devastado cando a súa muller lle foi infiel. El explica: “Cando mo confesou, foi coma se un coitelo me atravesase o corazón. Era unha dor física, coma se me apuñalasen unha e outra vez, e sentín iso durante meses”.

Este número de A Atalaia axudarache a ver por que vale a pena vivir aínda que...

... sufras un desastre natural
... che morra un ser querido
... che sexan infiel
... teñas unha enfermidade grave
... sintas que xa non podes máis

Así que, primeiro imos ver que podes facer para seguir adiante despois dun desastre natural.

a Cambiáronse algúns nomes nestes artigos.