9 XÉFORA, PÚAH, AMRAM, IOQUÉBED E MÍRIAM
Pola súa fe protexeron a Moisés
UNS sesenta anos despois da morte de Xosé, os exipcios esquecéranse del e de como Xehová usara este home fiel para salvalos da fame. Agora gobernaba un faraón novo. El tíñalles medo ós israelitas e odiábaos porque Xehová os estaba bendicindo e eran cada vez máis. Por iso, o faraón converteunos en escravos e os exipcios empezaron a maltratalos. Aínda así, os israelitas seguiron multiplicándose.
O seguinte plan do faraón foi terriblemente cruel. Mandou chamar a Xéfora e Púah, dúas parteiras hebreas. Imaxina como se deberon sentir cando este poderoso gobernante lles ordenou matar a tódolos varóns que nacesen nos partos que asistían! Pero estas valentes mulleres “mostráronse temerosas de Deus”. Sabían que ningún home, por moi poderoso que fose, tiña dereito a obrigalas a desobedecer a Xehová, o Soberano do Universo. O seu temor de Deus motivounas a facer algo que requiría moito valor: “Non fixeron caso do que lles mandara o rei de Exipto”. Todo o contrario, axudaron a protexer e a salvar a tódolos bebés que puideron. Ó ver que seguían nacendo nenos o faraón púxose moi furioso. Pero elas foron moi listas e ocultáronlle o que estaban facendo. Xehová viu o seu valor e, co tempo, “premiou as parteiras” dándolles os seus propios fillos.
Que sería de Moisés se non fose polo valor que demostraron as parteiras, os seus pais e a súa irmá?
Cando o faraón se deu conta de que o seu plan non funcionara decidiu facer algo aínda máis horrible: ordenoulles ós exipcios que afogasen a tódolos bebés varóns no río Nilo. Nesta época tan complicada vivía unha parella hebrea. Chamábanse Amram e Ioquébed e xa tiñan dous fillos: Míriam e Aarón. Cando ela quedou embarazada do seu terceiro fillo, sabían que se era neno a súa vida correría perigo. Por iso, cando naceu o pequeno intentaron escondelo todo o tempo que puideron. Pero ocultar un bebé non é fácil. Así que, cando o neno tiña tres meses Ioquébed colleu unha cesta, untouna de brea e betume, e meteuno dentro. Despois foi á beira do río Nilo e agochou a cesta entre os xuncos. A súa filla Míriam escondeuse a certa distancia para ver que pasaba co seu irmán pequeno.
Pouco despois, a filla do faraón baixou a bañarse ó Nilo e viu a cesta. Entón mandoulle a unha escrava que a collese e, ó abrila, viu o precioso bebé. Como estaba chorando conmoveuse profundamente e decidiu adoptalo. Pero decatouse de que necesitaría unha nai que lle dese de mamar. Rapidamente Míriam soubo que facer. Correu con valor onda a filla do faraón e ofreceuse a buscar unha muller para que criase o bebé. Ela aceptou e Míriam marchou volvendo máis tarde coa súa propia nai. Imaxina o contenta que se debeu poñer Ioquébed cando soubo que podería seguir coidando do seu fillo sen perigo. E aínda por riba íanlle pagar por facelo! Seguro que ela e Amram fixeron todo o posible por ensinarlle a este rapaz sobre Xehová. Pero cando o neno creceu tivo que devolverllo á filla do faraón, quen o chamou Moisés.
Recompensou Xehová a Amram, Ioquébed e Míriam pola fe e o valor que demostraron? Por suposto que si! Amram e Ioquébed ensináronlles a Míriam e a Aarón a amar a Xehová, e viron como chegaron a converterse nos seus servos fieis. E tamén puideron ver que Xehová estaba protexendo a Moisés. Non sabemos se viviron o tempo suficiente para presenciar como o usou Xehová (Éx. 6:20). Pero Míriam e Aarón si. Foron testemuñas das cousas marabillosas que Xehová fixo mediante o seu irmán. E os tres xuntos demostraron unha fe e un valor extraordinarios. No próximo capítulo veremos as circunstancias nas que creceu Moisés e por que decidiu servir a Xehová.
Le o relato da Biblia:
Éxodo 1:6–2:10
Pensa nisto:
De que formas demostraron valor as parteiras e a familia de Moisés?
Afonda máis
1. Como demostra a arqueoloxía a exactitude deste relato? (g04 8/4 páx. 4 par. 4–páx. 5 par. 1-wcgr).
2. Que probas apoian o relato bíblico da cesta de papiro e o mandato do faraón de matar os bebés hebreos? (g04 8/4 páx. 5 par. 2–páx. 6 par. 1-wcgr). A
Christine Osborne Pictures/Alamy Stock Photo
Imaxe A: Incluso na actualidade, úsase o papiro para facer barcas.
3. Que sabemos das parteiras hebreas, e como as bendiciu Xehová? (w03 1/11 páx. 8 pars. 3, 4-wcgr; it “Parteira”-wcgr). B
Imaxe B
4. Como demostrou Míriam unha fe sobresaínte incluso cando xa era moi maior? (ijwia artigo 7 pars. 14-18-wcgr).
Medita no que aprendiches
Que poden aprender os pais de Amram e Ioquébed?
Que poden aprender de Míriam os nenos que teñen irmáns máis pequenos? C
Imaxe C
Como podes imitar o valor de Xéfora e Púah na túa vida?
Analiza o cadro completo
Que me ensina este relato sobre Xehová?
Como se relaciona este relato co propósito de Xehová?
Que me gustaría preguntarlles ós protagonistas deste relato cando resuciten?
Aprende máis
Mira como podemos beneficiarnos do exemplo das mulleres que desobedeceron o faraón.
“Mulleres que fixeron feliz a Xehová” (w03 1/11 páxs. 8-9 pars. 3-5-wcgr)
Segue axudando Xehová ós que o obedecen con valor a el antes cós homes?