Cando o teu home ou a túa muller che é infiel

A INFIDELIDADE nun matrimonio é devastadora. É certo que algunhas persoas foron capaces de perdoar a súa parella arrepentida e de recuperar a súa relación.a Pero, tanto se esa relación segue adiante coma se non, os que descobren que a súa parella lle foi infiel sempre senten unha dor enorme. Que podería axudarlles a loitar contra esas emocións tan intensas?

TEXTOS BÍBLICOS QUE CHE PODEN AXUDAR

A Biblia consolou a moitas persoas que foron vítimas dunha infidelidade, aínda que se sentían moi tristes. Chegaron a entender que Deus ve as súas lágrimas e que sente compaixón por eles (Malaquías 2:13-16).

“Cando as preocupacións me angustiaban, ti consolábasme e tranquilizábasme” (Salmo 94:19, TNM).

Bill recorda: “Cando lía este versículo, imaxinábame a Xehováb calmándome con cariño, igual que o faría un pai cariñoso”.

“Co piadoso móstraste piadoso” (Salmo 18:26 [18:25, TNM]).

Carmen, unha muller á que o seu home lle foi infiel durante meses, explica: “O meu home non foi leal, pero eu sabía que Xehová sempre o será. Deus nunca me vai decepcionar”.

“Non vos angustiedes por nada. En vez diso, en calquera situación, facédelle saber a Deus as vosas peticións con oracións e súplicas [...]. E a paz de Deus, que vai máis alá do que calquera ser humano pode entender, protexerá o voso corazón” (Filipenses 4:6, 7).

Sasha di: “Lía este texto unha e outra vez. Canto máis oraba, máis paz me daba Deus”.

Tódalas persoas que mencionamos neste artigo pensaron en renderse nalgún momento. Pero confiaron en Xehová e estudaron a Biblia, e iso animounas moito. Por exemplo, Bill di: “Cando todo parecía virse abaixo, a fe dáballe sentido á miña vida. Aínda que durante un tempo pasei por momentos moi tristes, Deus estivo comigo” (Salmo 23:4).