Taabangakin Namakinan ae Ko a Tiku i Bon Iroum—Tera Arom n Taobaraa te Namakin Anne?

• “E kaania iterani mwaitiia ikawai i Amerika ake a taekinna bwa iai namakinan ae a a tiku i bon irouia, ao e a moamoa riki namakinan anne irouia te roro ae 18 nakon 25 te ririki.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “E a tia [te Botaki ni Kuakua n te Aonnaba ae te World Health Organization] ni katanoataa katean te rabwata teuana are tabena bwa e na katerea ae namakinan te tiku i bon iroum, bon te aoraki naba teuana ae riai ni buokaki katokana. Taben naba te rabwata aei bwa e na kaungaia aomata bwa a na rabakau aroia n reitaki ma tabemwaang ao ni kakaaei aanga riki tabeua aika raraoi ni buokiia iai te koraki aika kaubwai ma aika mangori, ake a namakina ae a tiku i bon irouia.”—World Health Organization, Nobembwa 15, 2023.

E anga taeka n ibuobuoki te Baibara ake a na buokira ni karikirakea te reitaki ae kaan ma tabemwaang bwa ti aonga n aki namakina ae ti a tiku i bon iroura.

Booto n reirei man te Baibara aika kona n ibuobuoki

Kauarerekea karaoan te bwai ae ko na kararoaaki iai ma tabemwaang. A irekereke naba mwakuri akanne ma kabatiaan te tai i aon te intanete. N oneani mwin anne, ukeri aanga ake ko na kona iai ni kawariia tabemwaang ni maroro ma ngaiia, ao karekeia raoraom ni koaua.

• Ana boto n reirei te Baibara: “E kaotiota te tangira n taai nako te rao ni koaua, ao boni ngaia te tari ae bungiaki ibukin tain te rawawata.”—Taeka N Rabakau 17:17.

Ukeri aanga ni buokiia iai tabemwaang. Karaoani mwakuri n akoi nakoia tabemwaang, e na aki tii kakorakoraa te reitaki ma e na kakukureira naba.

• Ana boto n reirei te Baibara: “E kakukurei riki te anga nakon te anganaki.”—Mwakuri 20:35.

Nora ara atureti n te intanete ni karekei riki iai rongorongo aika ibuobuoki man te Baibara, ake a kaineti ma karikirakean te reitaki ae raoiroi ma tabemwaang.