Aekakira Tein te Riaboro?
Ana kaeka te Baibara
Te Riaboro bon te taamnei, ae nanona bwa iai rabwatana ma ti aki kona n noria.—I-Ebeto 6:11, 12.
Te korobanna ae taabangaki ibukin te Riaboro kaanga ai aron te kooti ae iai korona, iai bukina, ao iai ana kainiwai ae abwabwaki. A taekinna tabeman bwa kataamneian te Riaboro akanne, a moani koreaki irouia taani korobanna rimoa ake a mwamwanaaki ni karakinani katein te aba ao karaki nikawai aika akea koauaia.
E kangaa te Baibara ni kabwarabwaraa te Riaboro?
E kabonganai kabotau aika kakaokoro te Baibara ni kabwarabwaraa iai te Riaboro. E buokira aei bwa ti na ota tiaki n aron teina, ma n aroarona. Aikai kabotau tabeua:
Te anera ae kaotiota te oota. E baka n raoiroi n arona n anga te bwai ae aongkoa e raoiroi, n anai nanoia aomata iai bwa a na kakairi n ana reirei ao tiaki n ana reirei te Atua.—2 I-Korinto 11:14.
Te raian ae bekorara. E kakorakoraa ni kaaitaraia taan taromauria te Atua.—1 Betero 5:8.
Te rakon are korakora. E kakamaaku, e korakora, ao e karikii kabuanibwai.—Te Kaotioti 12:9.
Kiibu n te Baibara ibukin te Riaboro