Manaen—E Moanibwai Baika Irekereke ma te Onimaki

Manaen bon temanna mai buakoia naake a kairiri n te moan tienture n te ekaretia are i Antioka. E “reireinaki ngkoa ma Erote are te tia tautaeka n te aono.” (Mwa. 13:1) Ngaia are e boni bubura ana reirei Manaen ao e ikawairake n te utu ae kaubwai.

N aki ongea aroni kaikawaani Manaen ma e rineia bwa e na riki bwa te Kristian ao ni boutokaa te ekaretia. E aki kamanena ana reirei ke irekerekena ma taan tautaeka ni karietataa iai. Ma e beku ibukia tarina.

E oti n ana katoto Manaen bwa e rangi ni kakawaki riki te beku iroun Iehova nakon uaiakinan te kakannato n te aonnaba. N aroni Manaen, ti riai ni moanibwai baika irekereke ma te onimaki nakon uaiakinan te kaubwai n te aonnaba. (Mat. 6:33) Irarikina, e ngae ngke e kakawaki iroura te reirei ma ti taraia bwa ti na “koaua raoi bwa baikara bwaai aika kakawaki riki” ao e na aki tukira man taromaurian Iehova uaiakinani bwaai riki tabeua.—IBir. 1:9, 10.