Te Miitara ae Kakorakoraa te Onimaki

9:1-7

Iangoa ana namakin Iesu ngke e onikaki ao e ongo bwanaan Tamana n taetae mai karawa bwa E kakatonga irouna. E boni bae ni kakorakoraaki iai Iesu ni kaineti ma te rawawata are e nang rinanona. E korakora naba rotakia n te miitara aei Betero, Iakobo, ao Ioane. Bon te Mesia Iesu, ao a wanawana ngke a ongo irouna. Tao 32 te ririki imwina, e bon teimatoa naba Betero n uringa te baene riki anne ao aroni kakorakoraan riki iai onimakinan “taian taetae ni burabeti” irouna.—2Be 1:16-19.

E ngae ngke ti aki nora te miitara anne, ma ti a nora ngkai kakoroani bukina. E a tautaeka ngkai Iesu bwa te Uea ae mwaaka. E na “bon tokanikai” n te tai ae e a kaan, ao ni kauka te kawai nakon te aonnaba ae boou ae mena iai te raoiroi.—Kao 6:2.

E kangaa ni kakorakoraaki am onimaki n norani kakoroani bukin taetae ni burabeti man te Baibara?