Karikirakean Rabakaura n te Mwakuri ni Minita—Te Uarongorongo Rinanon te Intercom

Bukini Kakawakina: E kona ni kangaanga te uarongorongo rinanon te intercom. Ti na kangaa n totokoa te kangaanga aei bwa e na aki kerikaaki iai ingaingara ni kani karaoi mwakuri aika raraoi? Iaiangoia are te uarongorongo rinanon te intercom bon te anga teuana ae ti kona ni karokoa te rongorongo ae raoiroi irouia aomata nako. (IRom 10:14) E oti n te rongorongo bwa e kona n uaana te uarongorongo ni kamanenaan te anga aei. (Nora te 2011 Yearbook, i. 65-66, ao te 2000 Yearbook, i. 54, bar. 3.) Rinanoi aanga aikai.

Aroni Karaoana:

Katauraoa am maroro ae kimototo, koreia n te aro bwa ko na kona ni warekia nakoni kaain te auti rinanon te intercom. Ko kona ni buokaki iai bwa ko na aki nanououa n te baere ko na taekinna. Ngkana ko moani waaki, kabwarabwaraa bukina. Kabongana aran kaain te auti ngkana ko ataia. Motika am maroro ni baireia bwa ko na nikira (ke ni katikua n ana mataroa) te turaeki ke te maekatin ae iai rongorongo aika bati iai.
Kateimatoa te iango ae raoiroi. Wingare ao kammwakura rabwatam n aron ae ko boni kaaitara ni maroro ma te aomata anne.
Tai ienikuri, ma karaurau ni maroro. Taetae n te bwanaa ae bon tau nenena ae ota raoi. Tai katoka am maroro n te tai ae aki riai ao tai tatanako ni maroro.
Karaoa raoi am babaire. E kona n aki angaraoi karekeaia kaain auti tabeua n te tai are ti taetae iai. Ma e tamaroa ngkana ti baireia bwa ti na reitaki ma tii tabeman.

Kataa Aei n te Namwakaina:

Karaoa te kataneiai n am taromauri n utu are a na kaotioti iai uoman aomata ake a maroro ni katannako mairouia.