Karikirakean Rabakaura n te Mwakuri ni Minita​—Te Uarongorongo Rinanon te Kainrawetaamnei ke te Intercom

BUKINI KAKAWAKINA: Ibukin rikiraken te rabakau ae boou ao te kakeru, e a rangi ni kakabonganaaki te kainrawetaamnei ao te intercom n auti nako. E kona ni kangaanga tibwaan te rongorongo ae raoiroi ma te aomata ae ti aki noria ma e kona n norira. Ma ti na buokaki ni kauring aikai ni kona n uarongorongo rinanon te kainrawetaamnei ke te intercom ma te aki nanokokoraki.

ARONI KARAOANA:

• Bwaina te iango ae raoiroi. A bati kaain te auti aika iai aia kainrawetaamnei ke aia intercom ae a kani maroro ma ngaira

• Uringnga are tabeua kainrawetaamnei a a kaman rawerawe imwain ae ko katanga beeron te auti, ao e a kaman tarataraiko ma n ongo bwanaam kaain te auti man te tai are ko toua iai mwaaken ana auti

• Ngkana e kaekako kaain te auti, taetae nakon te intercom ke te kainrawetaamnei n aron ae ko bon taetae ma ngaia. Wingare ao kammwakura rabwatam n aron ae ko boni maroro ma te aomata. Taekina te baere ko boni katauraoia ngke arona bwa e tei n ana mataroa. Ngkana iai te kainrawetaamnei, tai rangi ni katenaa ubum ma ngaia. Ngkana ko aki kaekaaki, tai katuka am rongorongo

• Ngkana e moti te maroro, uringnga are e boni kona naba n noriko ao n ongo bwanaam kaain te auti