Tera te Kantaninga Ibukia Maate?
Ti bane n rotaki n te mate. Ma te koaua bwa te mate bon tokira ni kabane? A a mwanuokinaki n aki toki maate? Iai te kantaninga ibukia maate?
IANGOA TE BAE E TAEKINAKI N TE BAIBARA:
A AKI MWANUOKINAKI MAATE
“Aomata ake a mena i nanon taian ruanimate . . . a na otinako.”—Ioane 5:28, 29.
E uringia maate te Atua. A na manga kautaki naake a mena n ana ururing.
E NA IAI TE MANGAUTI N TE AONNABA
“A na boni mangauti akana raoiroi ma akana aki raoiroi.”—Mwakuri 24:15.
A na manga kautaki birion ma birion aomata ma kantaningaan te maiu n aki toki ma te rau ae bati.
E BONI KOAUA TE KANTANINGA AE TE MANGAUTI
“E wareki mwaitin taian itoi [te Atua], ao e weteiia ni kabane n araia.”—Taian Areru 147:4.
Ngkai e kona te Atua ni weteiia itoi ni kabane n araia, e kai uringia naba ngkanne aomata ake e na kautiia.