Kanoana — Watchtower ONLINE LIBRARY

KAONGORA 1 IBUKIN TE REIREI - Baikara aanga aika uoua aika kakawaki ake e kaota iai Tamana Iesu nakoia taan rimwina ao tabeman riki? Ti na kanga ni katotonga Iesu ni kaota Tamana nakoia aomata? Ti na buokaki ni kaekai titiraki aikai n te kaongora aei.

KAONGORA 2 IBUKIN TE REIREI - E rangi n nonoraki te aki kakaonimaki n te aonnaba ae ngkai, ma e riai n aki kariaiakaki bwa e na urua te rau ao te katiteuanaaki n te utu ni Kristian ao te ekaretia. E na kaotaki n te kaongora aei bwa ti kona ni kateimatoa kakaonimakira nakon te Atua ao i marenara.

KAONGORA 3 IBUKIN TE REIREI - Ti na kanga ni kaotia bwa a bane nanora nakon Iehova? Tera te kabuanibwai ae ti riai ni kawakin nanora mai iai? Ao tera ae na buokira ni kateimatoa nanora ni kabane nakon te Atua? Ko kona n nori kaekaan titiraki aikai n te kaongora aei.

KAONGORA 4, 5 IBUKIN TE REIREI - N tain te “rawawata ae korakora,” a na matanaki ana aomata te Atua n te buaka ae te kabanea ni korakora. (Mataio 24:21) E aera bwa ti kakoauaa ae e na boni kamaiuira Iehova? E na kanga ni buokira n teimatoa ni kakaonimaki ma te nano ae eti ngkai ti kariariaa te toki? Ko kona n nori kaekaaia aika a kakorakoraa te onimaki ni kaongora aikai.

[Te taamnei n itereniba 3]