Titiraki Ibukin te Reirei ni Karaki Man te Baibara
E Karikii Bwaai te Atua
1. A bane bwaai aika raraoi n roko mairoun antai, ao ko kona n anga te katoto teuana?
2. Tera te moanibwai are e karikaki iroun te Atua?
3. E aera ngkai e rianako okoron te moan anera?
4. Kabwarabwaraa bwa aekakira tein te aonnaba n te moantai. (Nora te taamnei.)
5. E kanga te Atua ni katauraoa te aonnaba bwa a aonga ni maeka iai maan ao aomata?
Titiraki riki tabeua:
1. Wareka Ieremia 10:12.
Baikara aroaron te Atua aika kaotaki n ana karikibwai? (Ita. 40:28; IRom 11:33)
2. Wareka I-Korote 1:15-17, BK.
Tera ana mwakuri Iesu n te karikibwai, ao tera iangoana iroura iai? (IKoro. 1:15-17, BK)
3. Wareka Karikani Bwaai 1:1-10.
(a) E kanga ni moan riki te aonnaba? (KBwaai 1:1)
(b) Tera ae e riki n te moani bong ni karikibwai? (KBwaai 1:3-5)
(c) Kabwarabwaraa bwa tera ae e riki n te kauoua ni bong ni karikibwai. (KBwaai 1:7, 8)
Te Oo-n-aroka ae Rangi ni Kan
1. E kanga te Atua ni katauraoa te aonnaba bwa mwengara?
2. Kabwarabwarai aeka ni man ake e karikii te Atua. (Nora te taamnei.)
3. E aera ngkai e okoro tein te oo-n-aroka are Eten?
4. Tera ae e tangiria te Atua bwa e na riki nakon te aonnaba ni kabutaa?
Titiraki riki tabeua:
1. Wareka Karikani Bwaai 1:11-25.
(a) Tera ae e karikia te Atua n te katenua ni bong ni karikibwai? (KBwaai 1:12)
(b) Tera ae e riki n te kaaua ni bong ni karikibwai? (KBwaai 1:16)
(c) Aekakira maan ake e karikiia te Atua n te kanimaua ao n te kaonoua ni bong? (KBwaai 1:20, 21, 25)
2. Wareka Karikani Bwaai 2:8, 9.
Baikara aroka aika uakai ake a kakawaki riki n ana oo-n-aroka te Atua, ao a tei ibukin tera?
Te Moani Mwaane ao n Aine
1. Tera kaokoron te taamnei are ni Karaki 3 ma te taamnei are ni Karaki 2?
2. Antai ae karika te moan aomata, ao antai arana?
3. Tera te mwakuri are e anganaki Atam iroun te Atua bwa e na karaoia?
4. E aera ngke e kamatunakoa Atam te Atua?
5. E na maanra aia tai ni maiu Atam ma Nei Ewa, ao tera te mwakuri are e tangiriia Iehova bwa a na karaoia?
Titiraki riki tabeua:
1. Wareka Taian Areru 83:18.
Antai aran te Atua, ao tera nakoana ae kaineti nakoina n tii ngaia? (Ier. 16:21; Tan. 4:17)
2. Wareka Karikani Bwaai 1:26-31.
(a) Tera ana karikibwai te Atua ae kakawaki n te kaonoua ni bong, ao tera kaokoron te karikibwai aei ma maan? (KBwaai 1:26)
(b) Tera are e anga Iehova nakoia aomata ao maan? (KBwaai 1:30)
3. Wareka Karikani Bwaai 2:7-25.
(a) Tera ae e irekereke ma ana mwakuri Atam n arania maan? (KBwaai 2:19)
(b) E kanga Karikani Bwaai 2:24 ni buokira bwa ti na mataata n ana iango Iehova ibukin te mare, te raure, ao te buu-raure? (Mat. 19:4-6, 9)
Bukin Buan Mwengaia
1. Tera ae e riki nakon Atam ma Nei Ewa ae oti n te taamnei?
2. E aera ngkai e katuuaia Iehova?
3. Tera are e tuangaki Nei Ewa iroun te naeta?
4. Antai ae e karaoa te naeta bwa aongkoa e taetae?
5. E aera ngkai e bua mwengaia Atam ma Nei Ewa ae te Baretaiti?
Titiraki riki tabeua:
1. Wareka Karikani Bwaai 2:16, 17 ao 3:1-13, 24.
(a) E kanga ni kabuakakaki Iehova n ana titiraki te naeta nakon Nei Ewa? (KBwaai 3:1-5; 1Ioa. 5:3)
(b) E kanga n riki Nei Ewa bwa te bwai ni kauring nakoira? (IBir. 4:8; Iak. 1:14, 15; 1Ioa. 2:16)
(c) Tera aroia Atam ao Nei Ewa ae kaotaki iai bwa a aki kariaia kairuaia? (KBwaai 3:12, 13)
(d) A kanga ni boutokaa ana tautaeka Iehova taiani kerubim ake a kateaki i tanimainikun te oo-n-aroka are Eten? (KBwaai 3:24)
2. Wareka Te Kaotioti 12:9.
Tera aron nakoraoin ana waaki Tatan ni katannakoia aomata man ana kairiri te Atua? (1Ioa. 5:19)
Rokon te Maiu ae Karawawata
1. Tera aroni maiuia Atam ma Nei Ewa i tinanikun te oo-n-aroka are Eten?
2. Tera are e a moana rikina nakoia Atam ma Nei Ewa, ao bukin tera?
3. E aera ngkai a na rikirake ni kara ao ni mate natin Atam ma Nei Ewa?
4. Ngke arona bwa a ongeaba Atam ma Nei Ewa iroun Iehova, tera aroni maiuia ngkanne ma natiia?
5. E kanga ana aki ongeaba Nei Ewa ni karekea te maraki nakoina?
6. Antai araia moan natiia Atam ma Nei Ewa ake uoman mwaane?
7. Antai riki ataei akana n te taamnei anne?
Titiraki riki tabeua:
1. Wareka Karikani Bwaai 3:16-23 ao 4:1, 2.
(a) Tera aron rotakin maiun Atam ni karekeani kain aontano? (KBwaai 3:17-19; IRom 8:20, 22)
(b) E aera ngkai e botau raoi aran Nei Ewa ma nanona ae te “Aomata ae Maiu”? (KBwaai 3:20)
(c) E kanga ni kaota te atataiaomata Iehova nakoia Atam ma Nei Ewa imwin kairuaia? (KBwaai 3:7, 21)
2. Wareka Te Kaotioti 21:3, 4.
Baikara “bwaai rimoa” ake ko ingainga ni kan nori kamaunakia?
Te Nati ae Raoiroi ao Temanna ae Buakaka
1. Tera aia mwakuri Kain ao Abera?
2. Baikara karea ake a kareanna Kain ao Abera nakon Iehova?
3. E aera Iehova ngke e kukurei n ana karea Abera, ao e aera ngkai e aki kukurei n ana karea Kain?
4. Te aekaki n aomata raa Kain, ao e kanga Iehova ni kataia ni kaetia?
5. Tera are e karaoia Kain ngke ai tii ngaia ma tarina n te tawaana?
6. Kabwarabwaraa bwa tera ae e riki nakon Kain imwin tiringan tarina irouna.
Titiraki riki tabeua:
1. Wareka Karikani Bwaai 4:2-26.
(a) E kanga Iehova ni kabwarabwaraa aroaron Kain ae karuanikai? (KBwaai 4:7)
(b) E kanga Kain ni kaota nanona? (KBwaai 4:9)
(c) Tera ana iango Iehova ni katutuan te raraa ae akea burena? (KBwaai 4:10; Ita. 26:21)
2. Wareka te 1 Ioane 3:11, 12.
(a) E aera ngke e korakora unin Kain, ao tera te kauring nakoira iai ni boong aikai? (KBwaai 4:4, 5; TaeRab. 14:30; 28:22)
(b) E kanga ni kaotia te Baibara bwa ti kona n teimatoa ni kakaonimaki, e ngae ngke a bane n rawa nakon Iehova kaain ara utu? (TaiAre. 27:10; Mat. 10:21, 22)
3. Wareka Ioane 11:25.
Tera te karaunano ae e anga Iehova ni kaineti ma te koraki ake a mate ibukin te raoiroi? (Ioa. 5:24)
Te Mwaane ae Ninikoria
1. Tera kaokoron Enoka?
2. Bukin tera bwa a kaakaraoi mwakuri aika bati ma ni bubuaka, aomata ake a maiu n ana bong Enoka?
3. Baikara mwakuri aika bubuaka ake a karaoi? (Nora te taamnei.)
4. E aera ngkai e riai n ninikoria Enoka?
5. Maanra aia tai ni maiu aomata n taai akekei, ma abwakira maiun Enoka?
6. Tera ae e riki imwin maten Enoka?
Titiraki riki tabeua:
1. Wareka Karikani Bwaai 5:21-24, 27.
(a) Te aeka n iraorao raa are iroun Enoka ma Iehova? (KBwaai 5:24)
(b) Antai te aomata ae te kabanea ni bati ana ririki ae taekinaki n te Baibara, ao iraua ana ririki ngke e mate? (KBwaai 5:27)
2. Wareka Karikani Bwaai 6:5.
Tera aron te buakaka n te aonnaba imwin maten Enoka, ao tera aroni kabotauana ma ara bong aikai? (2Tim. 3:13)
3. Wareka Ebera 11:5, BK.
Tera aroaron Enoka aika raraoi ake a “kakukureia te Atua,” ao tera mwina? (KBwaai 5:22)
4. Wareka Iuta 14, 15.
A kanga Kristian ni boong aikai ni katotonga ninikorian Enoka, ngkana a kauringia aomata taekan rokon te buaka are Aremaketon? (2Tim. 4:2; Ebera 13:6)
Aintoa Ngkoa I Aon te Aba
1. Tera are e riki ngke a ira nanon Tatan tabeman ana anera te Atua?
2. Bukin tera ngke a katoka aia mwakuri tabeman anera i karawa ao a ruo nakon te aonnaba?
3. E aera ngkai a bure anera ngke a ruo nakon te aonnaba, ao ni karikii rabwataia n aomata?
4. Tera kaokoroia natiia anera?
5. N aron ae ko noria n te taamnei, tera ae a karaoia natiia anera ngke a a riki bwa aintoa?
6. Antai te aomata ae raoiroi ae maiu imwin Enoka, ao e aera ngkai e tatangiria te Atua?
Titiraki riki tabeua:
1. Wareka Karikani Bwaai 6:1-8.
Tera ae kaotia Karikani Bwaai 6:6 ni kaineti ma ana namakin Iehova n aroarora? (TaiAre. 78:40, 41; TaeRab. 27:11)
2. Wareka Iuta 6.
A kanga anera “ake a aki kawakin aroia n uea” n ana bong Noa, n riki bwa bwaai ni kauring nakoira ni boong aikai? (1Kor. 3:5-9; 2Bet. 2:4, 9, 10)
E Kabaa te Aake Noa
1. Iraman kaain ana utu Noa, ao antai araia natina mwaane ake teniman?
2. Tera te mwakuri ae kaokoro are e tuanga Noa te Atua bwa e na karaoia, ao bukin tera?
3. Tera aroia aomata ake a maeka i rarikin Noa, ngke e kaongoia taekan te aake?
4. Tera are e tuanga Noa te Atua, bwa e na karaoia nakoia maan?
5. Tera are a karaoia Noa ma ana utu, imwin kainan mataroan te aake iroun te Atua?
Titiraki riki tabeua:
1. Wareka Karikani Bwaai 6:9-22.
(a) Tera ae e karika Noa bwa e na rianako aron taromaurian te Atua ae koaua irouna? (KBwaai 6:9, 22)
(b) Tera ana iango Iehova n te iowawa, ao tera irekerekena ma arora n rinea ara bwai ni kakibotu? (KBwaai 6:11, 12; TaiAre. 11:5)
(c) Ti na kanga ni katotonga Noa ngkana iai baireara man ana botaki Iehova? (KBwaai 6:22; 1Ioa. 5:3)
2. Wareka Karikani Bwaai 7:1-9.
Tera kaungaakira n taai aikai, man te koaua are e iangoaki Noa iroun Iehova, bwa te aomata ae raoiroi e ngae ngke e aki kororaoi? (KBwaai 7:1; TaeRab. 10:16; Ita. 26:7)
Te Ieka ae Korakora
1. Bukin tera bwa akea ae e kona n rin n te aake ngke e a moana bwakana te karau?
2. Mwaitira te ngaina ma te tairiki are e kabwakaa iai te karau Iehova, ao iabutira te ran?
3. Tera ae e riki nakon te aake ngke e a moanna n rabuna nako te aonnaba te ran?
4. A kamaiuaki man te leka aintoa, ao tera are e riki nakoia tamaia?
5. Tera ae e riki nakon te aake imwin nimaua te namwakaina?
6. E aera ngke e kakibanakoa te reeben Noa man te aake?
7. E kanga n ataia Noa bwa e a iki rikaaki te ran i aon te aba?
8. Tera ae tuangaki Noa iroun te Atua, imwin tikuna ma ana utu i nanon te aake n te maan ae raka i aon teuana te ririki?
Titiraki riki tabeua:
1. Wareka Karikani Bwaai 7:10-24.
(a) Mwaitira aika kamaunaki i aonnaba? (KBwaai 7:23)
(b) Maanra tain ikinakon ranin te Ieka? (KBwaai 7:24)
2. Wareka Karikani Bwaai 8:1-17.
E kanga ni kaotia Karikani Bwaai 8:17 bwa e aki bitaki ana moani kaantaninga Iehova ibukin te aonnaba? (KBwaai 1:22)
3. Wareka te 1 Betero 3:19, 20.
(a) Ngke a okira karawa anera ake a karitei, tera motikan taekaia are a karekea? (Iuta 6)
(b) E kanga rongorongon Noa ma ana utu, ni kakorakoraa onimakinan Iehova bwa e boni kona ni kamaiuia ana aomata? (2Bet. 2:9, BK)
Moan Otin Nei Wirara
1. N aron ae e kaotaki n te taamnei, tera are e karaoia Noa ngke e moan otinako man te aake?
2. Tera ana tua te Atua nakoia Noa ma ana utu imwin te Ieka?
3. Tera te berita are e karaoia te Atua?
4. Ngkana ti nora Nei wirara, ao tera ae ti kauringaki iai?
Titiraki riki tabeua:
1. Wareka Karikani Bwaai 8:18-22.
(a) Ti na kanga n anga “te boi ae boiarara” nakon Iehova ni boong aikai? (KBwaai 8:21; Ebera 13:15, 16)
(b) Tera te bwai are e taekinna Iehova ni kaineti ma te nano, ao tera ae ti riai n tarataraira iai? (KBwaai 8:21; Mat. 15:18, 19)
2. Wareka Karikani Bwaai 9:9-17.
(a) Tera te berita are e karaoia Iehova ma baika a maiu ni kabane i aon te aba? (KBwaai 9:10, 11)
(b) E na toki ningai korakoran te berita ibukin Nei wirara? (KBwaai 9:16)
A Katea te Taua ae Rietata
1. Antai Nimrota, ao tera aron taraana iroun te Atua?
2. E aera ngkai a karao buriki aomata n te taamnei aei?
3. E aera Iehova ngkai e aki kukurei n te mwakuri ni kateitei aei?
4. E kanga te Atua ni katoka katean te taua?
5. Tera aran te kaawa aei, ao tera nanon te ara anne?
6. Tera are e riki nakoia aomata ngke e a kamangaoa aia taetae te Atua?
Titiraki riki tabeua:
1. Wareka Karikani Bwaai 10:1, 8-10.
Tera aroaron Nimrota are e kaakaraoia, ao tera te kauring ae reke mai iai? (TaeRab. 3:31)
2. Wareka Karikani Bwaai 11:1-9.
Tera are e kaira nanoia aomata bwa a na katea te taua, ao bukin tera ngkai e a aki koro bukina? (KBwaai 11:4; TaeRab. 16:18; Ioa. 5:44)
Aberaam Bon Raoraon te Atua
1. Aeka n aomata raa kaain te kaawa ae Ura?
2. Antai te mwaane ae n te taamnei aei, e bungiaki n ningai, ao e maeka iia?
3. Tera are e tuangaki Aberaam iroun te Atua bwa e na karaoia?
4. E aera ngke e aranaki Aberaam bwa raoraon te Atua?
5. Antai raon Aberaam ngke e kitana Ura?
6. Tera are e tuangaki Aberaam iroun te Atua, ngke e a roko n te aba are Kanaan?
7. Tera te berita are e karaoia te Atua nakon Aberaam ngke ai 99 ana ririki?
Titiraki riki tabeua:
1. Wareka Karikani Bwaai 11:27-32.
(a) Raan Aberaam Rota? (KBwaai 11:27)
(b) E ngae ngke e taekinaki Tera bwa e kaira mwaingia kaain ana utu nako Kanaan, ma ti kanga n ataia bwa bon Aberaam ae kaungaa te mwaing, ao bukin tera ngkai e karaoa anne? (KBwaai 11:31; Mwa. 7:2-4)
2. Wareka Karikani Bwaai 12:1-7.
Tera aron raababan te berita nakon Aberaam are e karaoia Iehova, ngke e a roko Aberaam n te aba are Kanaan? (KBwaai 12:7)
3. Wareka Karikani Bwaai 17:1-8, 15-17.
(a) E bitaki nakon antai aran Aberam ngke e a koro 99 ana ririki, ao bukin tera? (KBwaai 17:5)
(b) Tera te kakabwaia nakon taai ake imwina riki are e beritanna Iehova nakon Tara? (KBwaai 17:15, 16)
4. Wareka Karikani Bwaai 18:9-19.
(a) Baikara mwioko aika katauraoaki ibukia taama ni Karikani Bwaai 18:19? (TuaKau. 6:6, 7; IEbe. 6:4)
(b) Tera rongorongon Nei Tara ae oti iai bwa ti aki kona ni karabaa te bwai teuana mairoun Iehova? (KBwaai 18:12, 15; TaiAre. 44:21)
E Kataa Ana Onimaki Aberaam te Atua
1. Tera te berita are e karaoia te Atua nakon Aberaam, ao e kanga te Atua ni kawakina ana berita?
2. N aron ae kaotaki n te taamnei, e kanga te Atua ni kataa ana onimaki Aberaam?
3. Tera are e karaoia Aberaam, e ngae ngke e aki mataata raoi bwa tera bukin tuangana iroun te Atua bwa e na karaoa arei?
4. Tera are e riki ngke e a buuta te biti Aberaam bwa e nang tiringa natina?
5. Abwakira onimakinan te Atua iroun Aberaam?
6. Tera are e katauraoia te Atua ibukin ana karea Aberaam, ao n te aro raa?
Titiraki riki tabeua:
1. Wareka Karikani Bwaai 21:1-7.
E aera ngke e korotobibia natina Aberaam n te kawanua ni bong? (KBwaai 17:10-12; 21:4)
2. Wareka Karikani Bwaai 22:1-18.
E kanga Itaaka ni kaota te aantaeka nakon tamana are Aberaam, ao e kanga n riki ana katoto bwa bannan te bwai ae kakawaki ae e na karaoaki rimwi riki? (KBwaai 22:7-9; 1Kor. 5:7; IBir. 2:8, 9)
E Tanrikaki Buun Rota
1. E aera ngke a maenako Aberaam ma Rota?
2. Bukin tera ngke e rinea Totom Rota bwa e na maeka iai?
3. Aekakira kaain Totom?
4. Tera te kauring are a angan Rota anera ake uoman?
5. Bukin tera ngke e riki buun Rota bwa te boua ae te taoro?
6. Tera reireiara ae ti kona ni karekea man rongorongon buun Rota?
Titiraki riki tabeua:
1. Wareka Karikani Bwaai 13:5-13.
Tera reireiara ae ti karekea mairoun Aberaam, ni kaineti ma katokan te kangaanga i marenaia aomata? (KBwaai 13:8, 9; IRom 12:10; IBir. 2:3, 4, BK)
2. Wareka Karikani Bwaai 18:20-33.
Tera aron reitakin Iehova ma Aberaam ae buokira bwa ti na onimakinia Iehova ao Iesu, bwa a na boni kaetitaeka n te aro ae riai? (KBwaai 18:25, 26; Mat. 25:31-33)
3. Wareka Karikani Bwaai 19:1-29.
(a) Tera ana iango te Atua n te wene ni bure i marenaia aomata aika titeboo aroia ni mwaane ke n aine, ae oti man rongorongo ake n te Baibara? (KBwaai 19:5, 13; NakIbo. 20:13)
(b) Tera te kaokoro ae ti noria n aroia Aberaam ao Rota ni kaineti ma ana kaetieti te Atua, ao tera reireiara mai iai? (KBwaai 19:15, 16, 19, 20; 22:3)
4. Wareka Ruka 17:28-32.
Te aeka n nano raa nanon buun Rota ni kaineti ma bwaikoraki, ao e kanga n riki aei bwa te kauring nakoira? (Ruka 12:15; 17:31, 32; Mat. 6:19-21, 25)
5. Wareka te 2 Betero 2:6-8.
Tera ae ti riai ni karaoia nakoia aomata aika bubuaka aika otabwaninira, ni katotonga ana katoto Rota? (Etek. 9:4, BK; 1Ioa. 2:15-17)
E a Reke Buun Itaaka ae Raoiroi
1. Antai te mwaane ao te aine ae n te taamnei?
2. Tera are e karaoia Aberaam ibukin karekean buun natina, ao bukin tera?
3. E kanga ni kaekaki ana tataro ana toro Aberaam?
4. Tera ana kaeka Rebeka ngke e titirakinaki bwa e kani mare ma Itaaka ke e aki?
5. Tera are e a manga kaoka kukurein Itaaka?
Titiraki riki tabeua:
1. Wareka Karikani Bwaai 24:1-67.
(a) Tera aroaron Nei Rebeka ae raoiroi are e oti, ngke e kaitiboo ma ana toro Aberaam i rarikin te mwanibwa? (KBwaai 24:17-20; TaeRab. 31:17, 31, BK)
(b) Tera are e karaoia Aberaam ibukin Itaaka, ae riki bwa te katoto ae raoiroi ibukia Kristian ni boong aikai? (KBwaai 24:37, 38; 1Kor. 7:39; 2Kor. 6:14)
(c) E aera ngkai ti riai ni kakarekea ara tai n iango, n aron are e karaoia Itaaka? (KBwaai 24:63; TaiAre. 77:12; IBir. 4:8)
Bwebwee Aika Kaokoro
1. Antai Etau ao Iakoba, ao tera kaokoroia?
2. Iraua aia ririki Etau ao Iakoba ngke e mate tibuia are Aberaam?
3. Tera are e karaoia Etau are a rangi n nanokawaki iai ana karo?
4. E aera ngke e rangi n un Etau iroun tarina are Iakoba?
5. Tera te reirei are e anga Itaaka nakon natina are Iakoba?
Titiraki riki tabeua:
1. Wareka Karikani Bwaai 25:5-11, 20-34.
(a) Tera ana taetae ni burabeti Iehova, ni kaineti ma natin Rebeka ake uoman? (KBwaai 25:23)
(b) Tera te kaokoro i marenan Iakoba ao Etau ni kaineti ma te karinerine ni karimoa? (KBwaai 25:31-34)
2. Wareka Karikani Bwaai 26:34, 35; 27:1-46; ao 28:1-5.
(a) E kanga n oti bwa e karako tangiran baika tabu iroun Etau? (KBwaai 26:34, 35; 27:46)
(b) Tera are e tuangaki Iakoba bwa e na karaoia iroun Itaaka, bwa e aonga n reke kakabwaiana iroun te Atua? (KBwaai 28:1-4)
3. Wareka Ebera 12:16, 17, BK.
Tera ae e kaotaki n ana katoto Etau ni kaineti ma ae e na riki nakoia aomata aika a aki karinei baika tabu?
E Nako Aran Iakoba
1. Antai te ateiaine ane n te taamnei, ao tera ae e karaoia Iakoba ibukina?
2. Tera are e kukurei ni karaoia Iakoba bwa e aonga ni mare ma Rakera?
3. Tera are e karaoia Raban ngke e a roko te tai are a nang mareaki iai Iakoba ao Rakera?
4. Tera are e kukurei ni karaoia Iakoba bwa e aonga ni buuna Rakera?
Titiraki riki tabeua:
1. Wareka Karikani Bwaai 29:1-30.
(a) E ngae ngke e mwamwanaki Iakoba iroun Raban, ma e kanga ni kaotia bwa e kakaonimaki, ao tera reireiara mai iai? (KBwaai 25:27; 29:26-28; Mat. 5:37)
(b) E kanga Iakoba ni kaota te kaokoro i marenan te tangira ni koaua ao te tangira ae kai toki? (KBwaai 29:18, 20, 30; AneTor. 8:6)
(c) Antai aine ake aman ake a a riki bwa kaain ana auti Iakoba, ao imwina a a karikiia natina mwaane? (KBwaai 29:23, 24, 28, 29)
1. Antai araia natin Iakoba ake onoman mwaane mairoun moani buuna are Nei Rea?
2. Antai natin Iakoba mwaane aika uoman, ake e bungia Nei Tireba are ana toro Rea?
3. Antai araia natin Iakoba aika uoman, ake e bungia Nei Birea are ana toro Rakera?
4. Antai natin Rakera mwaane ake uoman ake e bungia, ma tera are e a riki imwin bungiakin natina are te kauoman?
5. Iraman natin Iakoba aika n te taamnei aei, ao tera ngkoa are e kaoti mairouia?
Titiraki riki tabeua:
1. Wareka Karikani Bwaai 29:32-35; 30:1-26; ao 35:16-19.
N aron ae e kaotaki irouia natin Iakoba ake 12 mwaane, tera aron aranakia naati mwaane irouia I-Ebera rimoa?
2. Wareka Karikani Bwaai 37:35.
E ngae ngke tii Rina ae kaotaki arana n te Baibara, ma ti kanga n ataia bwa e raka i aon temanna natin Iakoba aine? (KBwaai 37:34, 35)
E Uruaki Aron Nei Rina
1. E aera ngkai a aki tangiria Aberaam ma Itaaka, bwa a na mare natiia ma kaaini Kanaan?
2. E kukurei Iakoba bwa e na iraorao natina te aine ma ataeinnainen Kanaan?
3. Antai te mwaane ae tataraa Rina n te taamnei aei, ao tera te mwakuri ae buakaka are e karaoia?
4. Tera are a karaoia mwanen Rina aika Timeon ma Rewi, ngke a ongo te bwai are e riki?
5. Te koaua bwa e kariaia Iakoba te bwai are a a tia ni karaoia Timeon ma Rewi?
6. A kanga ni moan riki kangaanga aikai ni kabane nakon te utu aei?
Titiraki riki tabeua:
1. Wareka Karikani Bwaai 34:1-31.
(a) Te koaua bwa tii aei ana tai n iraorao Rina ma ataeinnainen Kanaan? Kabwarabwaraa. (KBwaai 34:1, NW)
(b) Bukin tera bwa e riai ni bukinaki Nei Rina i bon irouna, ibukin buan arona ni kibono? (IKar. 6:7)
(c) A na kanga rooro-n-rikirake ni boong aikai, ni kaotia bwa a karina raoi i nanoia ana katoto Nei Rina? (TaeRab. 13:20; 1Kor. 15:33; 1Ioa. 5:19)
E Riribaa Ioteba Tarina
1. Bukin tera ngkai a bakantang tarin Ioteba irouna, ao tera are a karaoia?
2. Tera are a tangiria tarin Ioteba bwa a na karaoia nakoina, ma tera are e taku Reuben?
3. Tera ae e riki ngke a rikekei taani bobwai ake tibun Itimaera?
4. Tera are a karaoia tarin Ioteba, bwa e aonga n iangoia tamaia bwa e boni mate Ioteba?
Titiraki riki tabeua:
1. Wareka Karikani Bwaai 37:1-35.
(a) A na kanga Kristian ni katotonga ana katoto Ioteba, ni kaotakin taiani bure aika a karaoaki irouia kaain te ekaretia? (KBwaai 37:2; NakIbo. 5:1; 1Kor. 1:11)
(b) Tera ae kairiia tarin Ioteba bwa a na iowawa nakoina? (KBwaai 37:11, 18; TaeRab. 27:4, NW; Iak. 3:14-16)
(c) Tera te mwakuri are e karaoia Iakoba ae bon iteran naba te rawawatannano imwin maten te aomata? (KBwaai 37:35)
E a Karabutinaki Ioteba
1. Iraua ana ririki Ioteba ngke e uotaki nako Aikubita, ao tera ae riki ngke e roko ikekei?
2. E a kanga naba ni karabutinaki Ioteba?
3. Tera taben Ioteba ae mwiokoaki iai n te karabuti?
4. Tera are e karaoia Ioteba nakon te tia taraa niman Barao ao te tia umum?
5. Tera ae e riki ngke e a kaotinakoaki man te karabuti te tia taraa niman Barao?
Titiraki riki tabeua:
1. Wareka Karikani Bwaai 39:1-23.
E ngae ngke akea te tua ae koreaki mairoun te Atua ibukin te wene ni kimoa n ana tai ni maiu Ioteba, ma tera are e kairia bwa e na rawa ni wene ma buun Botiba? (KBwaai 2:24; 20:3; 39:9)
2. Wareka Karikani Bwaai 40:1-23.
(a) Kauarerekea am kabwarabwara i aon miin te tia taraa niman Barao, n ikotaki ma kabwarana are e anganaki Ioteba iroun Iehova. (KBwaai 40:9-13)
(b) Tera miin te tia umum ao tera nanona? (KBwaai 40:16-19)
(c) E kanga te toro ae kakaonimaki ae wanawana ni boong aikai, ni katotonga aron Ioteba? (KBwaai 40:8; TaiAre. 36:9; Ioa. 17:17; Mwa. 17:2, 3)
(d) E kanga Karikani Bwaai 40:20 ni katereterea aia iango Kristian ni kaineti ma bukamaruan te rekenibong? (TeMin. 7:1; Mareko 6:21-28)
Miin Barao
1. Tera ae e riki nakon Barao n te tairiki teuana?
2. Tera bukin ae e a tibwa uringa Ioteba, te tia taraa niman Barao?
3. N aron ae e kaotaki n te taamnei, baikara miin Barao aika uoua?
4. Tera are e taku Ioteba bwa kabwaraan nanon mii aikai?
5. E kanga n riki Ioteba bwa te aomata ae kakannato i aan raoi Barao i Aikubita?
6. E aera ngkai a roko i Aikubita tarin Ioteba, ao bukin tera ngkai a aki kinaa?
7. Baikara miin Ioteba ake e uringi, ao tera buokana iai bwa e na mataata ni baika a riki?
Titiraki riki tabeua:
1. Wareka Karikani Bwaai 41:1-57.
(a) E kanga Ioteba ni kaatuua taekan Iehova, ao a na kanga Kristian ni boong aikai n toua mwin ana katoto? (KBwaai 41:16, 25, 28; Mat. 5:16; 1Bet. 2:12)
(b) A kanga ririki ni mari i Aikubita ngkoa ake a taorimwiaki n ririki n rongo, ni kaota raoi kaokoron aroia ana aomata Iehova ni boong aikai ma aroia Aaro ake aongkoa Kristian ngaiia? (KBwaai 41:29, 30; Amota 8:11, 12)
2. Wareka Karikani Bwaai 42:1-8 ao 50:20.
E bure ngkana a bobaraki taan taromauria Iehova, i matan te aomata ae kakannato ae e karineaki ibukin nakoana ngkana boni katein te aba? (KBwaai 42:6)
E Kataiia Tarina Ioteba
1. E aera ngkai e bukinia tarina Ioteba bwa aongkoa taan tibwaai?
2. E aera ngkai e kariaia Iakoba bwa e na iri ana bina are Beniamin nako Aikubita?
3. E kanga n rin ana mwangko Ioteba are te tirewa i nanon ana bua Beniamin?
4. Tera are e anganano iai Iuta bwa e aonga ni bwara Beniamin?
5. A bitaki n te aro raa tarin Ioteba?
Titiraki riki tabeua:
1. Wareka Karikani Bwaai 42:9-38.
E kanga ana taeka Ioteba ni Karikani Bwaai 42:18 n riki bwa te bwai ni kauring, nakoia te koraki ake iai mwiokoaia n ana botaki Iehova ni boong aikai? (Neem. 5:15; 2Kor. 7:1, 2)
2. Wareka Karikani Bwaai 43:1-34.
(a) E ngae ngke bon te karimoa Reuben, ma tera are e kaotaki iai, bwa Iuta are e a riki bwa te tia taetae ibukia tarina? (KBwaai 43:3, 8, 9; 44:14, 18; 1Rong. 5:2)
(b) E kanga Ioteba ni kataiia tarina, ao bukin tera? (KBwaai 43:33, 34)
3. Wareka Karikani Bwaai 44:1-34.
(a) Tera are e taekinna Ioteba ibukin aroarona ni kaineti ma mwamwanakia tarina bwa a aonga n aki kinaa ? (KBwaai 44:5, 15; NakIbo. 19:26)
(b) A kanga ni kaotia tarin Ioteba bwa e a toki aroia ngkoa are a babakantang irouia tariia? (KBwaai 44:13, 33, 34)
E Mwaing Nako Aikubita te Utu
1. Tera are e riki ngke e a kaongoia tarina Ioteba bwa antai ngaia?
2. Tera are e kabwarabwaraa Ioteba ma te akoi nakoia tarina?
3. Tera are e taku Barao imwin ataakin taekaia tarin Ioteba?
4. Buburara ana utu Iakoba ngke a mwaing nako Aikubita?
5. Antai araia ana utu Iakoba ake a aranaki iai, ao bukin tera?
Titiraki riki tabeua:
1. Wareka Karikani Bwaai 45:1-28.
E kanga rongorongon Ioteba n te Baibara ni kaotia bwa e kona Iehova ni bita te waaki are a na ruanikai iai ana toro nakon te mwakuri ae raoiroi? (KBwaai 45:5-8; Ita. 8:10; IBir. 1:12-14)
2. Wareka Karikani Bwaai 46:1-27.
Tera te karaunano are e anganaki Iakoba iroun Iehova i aon kawaina nako Aikubita? (KBwaai 46:1-4)
E Kakaonimaki Iobi
1. Antai Iobi?
2. Tera are e kataia ni karaoia Tatan, ma e tokanikai iai?
3. Tera are e kariaia Iehova bwa e na karaoia Tatan, ao bukin tera?
4. Bukin tera ngkai e tuangaki Iobi iroun buuna bwa e na ‘taetaebuakaa te Atua bwa e aonga ni mate’? (Nora te taamnei.)
5. N aron ae ko kona noria n te kauoua n taamnei, e kanga Iehova ni kakabwaiaa Iobi, ao bukin tera?
6. Ngkana ti katotonga Iobi n rangi ni kakaonimaki nakon Iehova, tera kakabwaiara iai?
Titiraki riki tabeua:
1. Wareka Iobi 1:1-22.
A kanga Kristian ni boong aikai ni katotonga Iobi? (Iobi 1:1; IBir. 2:15; 2Bet. 3:14)
2. Wareka Iobi 2:1-13.
Tera te kaokoro i marenan aron Iobi ni kaeka bwainikirinana iroun Tatan, ma aroni buuna? (Iobi 2:9, 10; TaeRab. 19:3; Mika 7:7; Maraki 3:14)
3. Wareka Iobi 42:10-17.
(a) Tera te boraoi i marenan kaniwangan Iobi are e karekea, ma are e karekea Iesu ni kaineti ma arona naba n rangi ni kakaonimaki ni kabanea maiuna? (Iobi 42:12; IBir. 2:9-11)
(b) Ti kanga ni kaungaki ni kakabwaiakin Iobi are e karekea, ibukin arona n teimatoa ni kakaonimaki nakon te Atua? (Iobi 42:10, 12; Ebera 6:10; Iak. 1:2-4, 12, BK; 5:11)
Uean Aikubita ae Buakaka
1. Antai te mwaane ae iai irouna te kai ni kataere n te taamnei, ao antai are e kataerea?
2. Imwin maten Ioteba, tera ae riki nakoia tibun Iteraera?
3. Tera are a maakaki iai tibun Iteraera irouia I-Aikubita?
4. Tera ana tua Barao nakoia aine ake taani kabungia ainen Iteraera?
Titiraki riki tabeua:
1. Wareka Te Otinako 1:6-22.
(a) N te aro raa are e a moanaki iai kakoroan bukin ana berita Iehova nakon Aberaam? (TeOti. 1:7; KBwaai 12:2; Mwa. 7:17)
(b) A kanga ni kaotia taani kabung ake kaain Ebera, bwa a karinea tabun te maiu? (TeOti. 1:17; KBwaai 9:6)
(c) A kanga taani kabung ni kakabwaiaki n aia kakaonimaki nakon Iehova? (TeOti. 1:20, 21; TaeRab. 19:17)
(d) E kanga Tatan ni kataia n totokoa ana kaantaninga Iehova, ni kaineti ma Ana Kariki Aberaam are e beritanaki? (TeOti. 1:22; Mat. 2:16)
Kamaiuan te Merimeri ae Mote
1. Antai te tei ae n te taamnei aei, ao antai tabonibaina ane e taua?
2. Tera are e karaoia tinan Mote ibukin kamaiuan Mote man te tiringaki?
3. Antai te tei ae te aine ae n te taamnei, ao tera ae e karaoia?
4. Ngke e kunea te tei natin Barao aei, ao tera ae e taekinna Miriam?
5. Tera ae e taku te uea-n-aine nakon tinan Mote?
Te titiraki riki teuana:
1. Wareka Te Otinako 2:1-10.
E kanga n reke ana tai tinan Mote ni kataneiaa ma n reireina Mote mangke te merimeri, ao tera te katoto nakoia kaaro ni boong aikai ae reke mai iai? (TeOti. 2:9, 10; TuaKau. 6:6-9; TaeRab. 22:6; IEbe. 6:4; 2Tim. 3:15)
Bukin Birinakon Mote
1. E ikawairake iia Mote, ma tera ae e ataia ibukia ana karo?
2. Tera are e karaoia Mote ngke e a koro 40 ana ririki?
3. Tera are e taku Mote nakon teuare tibun Iteraera are e un, ao tera ana kaeka teuarei?
4. E aera ngkai e birinako mai Aikubita Mote?
5. E biri nakea Mote, ao antai ae e boo ma ngaiia?
6. Tera are e karaoia Mote i nanon 40 te ririki imwin birinakona mai Aikubita?
Titiraki riki tabeua:
1. Wareka Te Otinako 2:11-25.
E kanga Mote ni kaota kakaonimakina iroun Iehova ao ana aomata, e ngae ngke e a tia n reiakinaki te rabakau n Aikubita i nanon te tai ae maan? (TeOti. 2:11, 12; Ebera 11:24)
2. Wareka Mwakuri 7:22-29.
Tera reireiara ae ti kona ni karekea man aroni Mote ni kataia ni kainaaomataia tibun Iteraera mai Aikubita i bon irouna ? (Mwa. 7:23-25; 1Bet. 5:6, 10)
E Urarake te Aroka
1. Tera aran te maunga ae n te taamnei?
2. Kabwarabwaraa te bwai are e noria Mote ae kamimi, ngke e nako n te maunga ma ana tiibu.
3. Tera ae e taku te bwanaa man te aroka are e bue arei, ao antai bwanana?
4. Tera aroni Mote ni kaeka ngke e tuangaki bwa e na kaotinakoia ana aomata te Atua mai Aikubita?
5. Tera are e tuangaki Mote iroun te Atua bwa e na taekinna, ngkana a titirakinna aomata bwa antai ae e kanakoa?
6. E na kanga Mote ni kaota koauan ae e boni kanakoaki iroun te Atua?
Titiraki riki tabeua:
1. Wareka Te Otinako 3:1-22.
Ti kanga ni kakoauaa n rongorongon Mote bwa e ngae ngke ti namakinna bwa ti aki tau nakon te mwioko teuana ae ti anganaki mairoun te Atua, ma e na boni kakorakoraira iai Iehova? (TeOti. 3:11, 13; 2Kor. 3:5, 6, BK)
2. Wareka Te Otinako 4:1-20.
(a) Tera te bitaki ae riki nakon aroaron Mote, i nanon 40 te ririki are e kabanea i Mirian, ao tera reireiaia iai te koraki ake a kani karekei mwiokoaia n te ekaretia? (TeOti. 2:11, 12; 4:10, 13; Mika 6:8; 1Tim. 3:1, 6, 10)
(b) E ngae ngke ti anganaki te reirei ni kaetieti iroun Iehova rinanon ana botaki, ma tera te bwai ae ti onimakinna n ana katoto Mote? (TeOti. 4:12-14; TaiAre. 103:14; Ebera 12:4-11)
A Kawara Barao Mote ao Aaron
1. Tera aron rotakia tibun Iteraera imwin karaoan taiani kakai irouia Mote ao Aaron?
2. Tera are e tuangaki Barao iroun Mote ao Aaron, ao tera ana kaeka Barao?
3. N aron ae oti n te taamnei, tera ae e riki ngke e karenako aontano ana kai Aaron?
4. E kanga Iehova n reireina Barao, ao tera aroni Barao iai?
5. Tera are e riki imwin te katebwina n rekenikai?
Titiraki riki tabeua:
1. Wareka Te Otinako 4:27-31 ao 5:1-23.
Tera ae nanonna Barao ngke e kangai: “I aki ata Iehova”? (TeOti. 5:2; 1Tam. 2:12; IRom 1:21)
2. Wareka Te Otinako 6:1-13, 26-30.
(a) N te aro raa ae e aki kaota aroarona Iehova nakon Aberaam, Itaaka, ao Iakoba? (TeOti. 3:13, 14; 6:3; KBwaai 12:8)
(b) Tera ae e buokira bwa ti na ataia bwa e ngae ngke e namakinna Mote bwa e aki tau ana konabwai nakon tabena are e mwiokoaki iai, ma e boni kabonganaki naba iroun Iehova? (TeOti. 6:12, 30; Ruka 21:13-15)
3. Wareka Te Otinako 7:1-13.
(a) Tera te katoto ibukia ana toro te Atua ni boong aikai are e reke man ninikoriaia Mote ao Aaron, ngke a nikira taekan ana motikitaeka te Atua iroun Barao? (TeOti. 7:2, 3, 6; Mwa. 4:29-31)
(b) Tera aron Iehova ni kaota mwaakana i aoia atuaia kaain Aikubita? (TeOti. 7:12; 1Rong. 29:12)
Rekenikai Ake 10
1. Kabwarabwarai moan taamnei aika tenua, ake a kaineti ma te rekenikai are e karokoa Iehova i aon Aikubita.
2. Tera te kaokoro i marenan moan rekenikai ake tenua ma rekenikai ake nikiraia?
3. Tera te kaaua n rekenikai, te kanimaua, ao te kaonoua?
4. Kabwarabwaraa te kaitua n rekenikai, te kawanua ao te karuaiwa.
5. Tera are e tuangia tibun Iteraera Iehova bwa a na karaoia imwain te katebwina n rekenikai?
6. Tera te katebwina n rekenikai, ao tera are e riki imwina?
Titiraki riki tabeua:
1. Wareka Te Otinako 7:19– 8:23.
(a) E ngae ngke a kona taan tabunea i Aikubita ni katotonga ana rekenikai Iehova are te moan ao te kauoua, ma tera are a kairoroaki bwa a na taekinna imwin rikin te katenua n rekenikai? (TeOti. 8:18, 19; Mat. 12:24-28)
(b) E kanga te kaaua n rekenikai ni kaota ana konabwai Iehova ni kamanoia ana aomata, ao tera aron aia namakin ana aomata te Atua n ataakin aei, ngkai a a kariaa rokon te ‘rawawata ae korakora’ are e a kaman taekinaki? (TeOti. 8:22, 23; TeKao. 7:13, 14; 2Rong. 16:9)
2. Wareka Te Otinako 8:24; 9:3, 6, 10, 11, 14, 16, 23-25; ao 10:13-15, 21-23.
(a) Antai koraki aika uoua ake a kaotaki aia kairua n Rekenikai ake Tebwina, ao tera aron rotakin ara kaantaninga ibukia koraki aikai ni boong aikai? (TeOti. 8:10, 18, 19; 9:14)
(b) E kanga Te Otinako 9:16 ni buokira bwa ti na mataata bwa bukin tera ngkae e kariaia Iehova bwa e na maiu Tatan ni karokoa ngkai? (IRom 9:21, 22)
3. Wareka Te Otinako 12:21-32.
E kanga n reke kamaiuakia aomata aika bati n te toa ae te Riao, ao bannan tera te toa aei? (TeOti. 12:21-23; Ioa. 1:29; IRom 5:18, 19, 21; 1Kor. 5:7)
A Rinanon Taari ae Uraura
1. Iraman mwaitiia tibun Iteraera aika mwaane n ikotaki ma aine ao ataei ake a kitana Aikubita, ao antai ake a a iri ma ngaiia ni kitana naba ikekei?
2. Tera ana namakin Barao imwin kanakoaia tibun Iteraera irouna, ao tera are e karaoia?
3. Tera are e karaoia Iehova n totokoia kaain Aikubita bwa a na aki ruonia ana aomata?
4. Tera are e riki ngke e arora ana kai Mote ni kaitaraa Taari ae Uraura, ao tera are a karaoia tibun Iteraera?
5. Tera are e riki ngke a kawaekoaia kaain Aikubita n ruo nako taari n rimwia tibun Iteraera?
6. A kanga ni kaotia tibun Iteraera bwa a kukurei ao a kakaaitau nakon Iehova ngkai a maiu?
Titiraki riki tabeua:
1. Wareka Te Otinako 12:33-36.
Tera are e karaoia Iehova bwa e aonga ni kabooaki raoi mwin rawawataia ana aomata, n tautoronakia ngkoa irouia kaain Aikubita? (TeOti. 3:21, 22; 12:35, 36)
2. Wareka Te Otinako 14:1-31.
Tera aron rotakia ana toro Iehova ngkai n ana taeka Mote are n Te Otinako 14:13, 14, ngkai a nang kaaitara ma te buaka ae Aremaketon? (2Rong. 20:17; TaiAre. 91:8)
3. Wareka Te Otinako 15:1-8, 20, 21.
(a) E aera ngkai a riai ana toro Iehova n anene n neboia? (TeOti. 15:1, 2; TaiAre. 105:2, 3; TeKao. 15:3, 4)
(b) Tera te katoto ibukin neboan Iehova are a karaoia Miriam ma raona n aine i etan Taari ae Uraura, ibukia aine aika Kristian ni boong aikai? (TeOti. 15:20, 21; TaiAre. 68:11)
Te Aeka n Amwarake ae Boou
1. Tera ae a rikorikoia aomata i aontano n te taamnei, ao tera aran te bwai anne?
2. Tera te reirei are e tuangia aomata Mote ni kaineti ma rikorikoan te manna?
3. Tera are e tuangia aomata Iehova bwa a na karaoia n te kaonoua ni bong, ao bukin tera?
4. Tera te kakai are e karaoia Iehova ni kaineti ma kawakinan te manna ibukin te kaitua ni bong?
5. Maanra ana tai Iehova ni kakamwarakeia aomata n te manna?
Titiraki riki tabeua:
1. Wareka Te Otinako 16:1-36 ao Warekaia Iteraera 11:7-9.
(a) Tera are e kaotaki n Te Otinako 16:8 ni kaineti ma riaira, ni karineia ake iai mwiokoaia iroun te Atua n te ekaretia ni Kristian? (Ebera 13:17)
(b) A kanga ni kauringaki tibun Iteraera ni katoa bong n te rereua, bwa e boboto maiuia mairoun Iehova? (TeOti. 16:14-16, 35; TuaKau. 8:2, 3)
(c) E taekina te manna Iesu bwa te kaikonaki ibukin tera, ao ti kanga ni kakabwaiaki n te “berena mai karawa” aei? (Ioa. 6:31-35, 40)
2. Wareka Iotua 5:10-12.
Mwaitira ririki ake a kakana iai te manna tibun Iteraera, ao tera aroni kataakiia iai, ao tera reireiara man te rongorongo aei? (TeOti. 16:35; WarIte. 11:4-6; 1Kor. 10:10, 11)
E a Kateia Ana Tua Iehova
1. A kaembwa iia tibun Iteraera tao uoua te namwakaina imwin kitanan Aikubita?
2. Tera are e taku Iehova are e tangiria bwa a na karaoia ana aomata, ao tera aia kaeka iai?
3. Bukin tera ngkai e anganaki Mote uoua atibu aika baaba iroun Iehova?
4. Baikara riki tuua ake e angania tibun Iteraera Iehova, irarikin Tuua Ake Tebwina?
5. Baikara tuua aika uoua ake e taku Iesu Kristo bwa taiani kabanea ni kakawaki?
Titiraki riki tabeua:
1. Wareka Te Otinako 19:1-25; 20:1-21; 24:12-18; ao 31:18.
E kanga ni buokira Te Otinako 19:8 bwa ti na mataata n te bwai ae e irekereke ma te katabu ni Kristian? (Mat. 16:24; 1Bet. 4:1-3)
2. Wareka te Tua-Kaua 6:4-6; Nakoaia Ibonga 19:18; ao Mataio 22:36-40.
A kanga Kristian ni kaotiota aia tangira ibukin Atuaia ao raoia n aomata? (Mareko 6:34; Mwa. 4:20; IRom 15:2)
Te Kao te Tei ae te Koora
1. Tera ae a tabe ni karaoia aomata n te taamnei, ao bukin tera?
2. E aera ngkai e un Iehova, ao tera are e karaoia Mote ngke e nora te bwai are a karaoia aomata?
3. Tera are e tuangia tabeman mwaane Mote bwa a na karaoia?
4. Tera reireiara ae riai n reke man te karaki aei?
Titiraki riki tabeua:
1. Wareka Te Otinako 32:1-35.
(a) E kanga te rongorongo aei ni kaota aron Iehova n renganan aia waaki Aaro aika kewe ma te taromauri ae koaua? (TeOti. 32:4-6, 10; 1Kor. 10:7, 11)
(b) Tera te bwai ae a riai n taratara raoi iai Kristian ni kaineti ma rinean aia kakibotu, n aron te anene ao te mwaie? (TeOti. 32:18, 19; IEbe. 5:15, 16, BK; 1Ioa. 2:15-17)
(c) A kanga kaain te baronga are Rewi ni karaoa te katoto ae raoiroi n tei ibukin te raoiroi? (TeOti. 32:25-28; TaiAre. 18:25)
Te Umwa-n-rianna n Taromauri
1. Tera te kateitei ae n te taamnei, ao e kabonganaki n tera?
2. E aera Iehova ngkai e tuanga Mote bwa e na karaoa te umwa-n-rianna bwa e aonga ni kai uruakaki tomatomana nako?
3. Tera te bwaoki are n te ruu are e uarereke are i tabon te umwa-n-rianna, ao tera kanoana?
4. Antai are e rineia Iehova bwa e na riki bwa te ibonga ae rietata, ao tera are e kaakaraoia?
5. Kaotii aran bwaai aika tenua ake a mena n ruun te umwa-n-rianna are e bubura.
6. Baikara bwaai aika uoua ake a mena n oon te umwa-n-rianna ae tabu, ao tera bonganaia?
Titiraki riki tabeua:
1. Wareka Te Otinako 25:8-40; 26:1-37; 27:1-8; ao 28:1.
A tei ibukin tera kerubim ake i aon “te ati ni berita”? (TeOti. 25:20, 22; WarIte. 7:89; 2Uea 19:15)
2. Wareka Te Otinako 30:1-10, 17-21; 34:1, 2; ao Ebera 9:1-5.
(a) E aera Iehova ngke e rangi ni katereterea riain kawakinan te itiaki n rabwata nakoia ibonga ake a mwakuri n ana umwa-n-rianna ae tabu, ao tera aron rotakira iai ni boong aikai? (TeOti. 30:18-21; 40:30, 31; Ebera 10:22)
(b) E kanga ni kaotia te abotoro Bauro bwa e a aki manena te umwa-n-rianna are tabu ao te berita n Tua, n te tai are e kororeta iai nakoia Kristian ake i Ebera? (Ebera 9:1, 9; 10:1)
Tibwaai Aika 12
1. Tera am iango ni kaineti ma te amwi ni kurebe ae n te taamnei, ao a reke iia?
2. E aera ngke e kanakoia tibwaai ake 12 Mote nakon te aba are Kanaan?
3. Tera aia rongorongo tibwaai ake tengaun ngke a a okira Mote?
4. A kanga ni kaota onimakinan Iehova tibwaai ake uoman, ao antai araia?
5. E aera ngke e un Iehova, ao tera are e tuanga Mote?
Titiraki riki tabeua:
1. Wareka Warekaia Iteraera 13:1-33.
(a) Antai ake a rineaki bwa a na tuoa te aba, ao tera kabwaiaia ae reke iai? (WarIte. 13:2, 3, 18-20)
(b) E aera ngke e kaokoro aia rongorongo Iotua ao Kareba, ma tibwaai ake tabemwaang ao tera reireiara iai? (WarIte. 13:28-30; Mat. 17:20; 2Kor. 5:7)
2. Wareka Warekaia Iteraera 14:1-38.
(a) Tera te kauring ibukin te ngurengure nakoia taan tei ibukin Iehova n te aonnaba, ae ti riai n ongeaba iai? (WarIte. 14:2, 3, 27; Mat. 25:40, 45; 1Kor. 10:10)
(b) E kanga ni kaotaki ni Warekaia Iteraera 14:24, bwa Iehova e mumutiakinia ana toro n tatabemania nako? (1Uea 19:18; TaeRab. 15:3)
E a Uee Okon Aaron
1. Antai ake a karitei nakon aia kairiri Mote ao Aaron, ao tera are a taku nakon Mote?
2. Tera are a tuangaki bwa a na karaoia, Kora ma raona ake 250 iroun Mote?
3. Tera are e taku Mote nakoia aomata, ao tera are e riki ngke e bon toki naba ngkekei ana taetae?
4. Tera are e riki nakon Kora ma raona ake 250?
5. Tera are e karaoia Ereata are natin Aaron, ma aia boora ni kabuoki ribano mwaane ake a mate, ao bukin tera?
6. Bukin tera Iehova ngkai e karikii uee n okon Aaron? (Nora te taamnei.)
Titiraki riki tabeua:
1. Wareka Warekaia Iteraera 16:1-49.
(a) Tera are a karaoia Kora ma raona, ao bukin tera ngkai bon te karitei nakon Iehova baenne? (WarIte. 16:9, 10, 18; NakIbo. 10:1, 2; TaeRab. 11:2)
(b) Tera te iango ae kairua are a karikirakea i nanoia, Kora ma raona ake 250 ake “mataniwin te botaki”? (WarIte. 16:1-3; TaeRab. 15:33; Ita. 49:7)
2. Wareka Warekaia Iteraera 17:1-11 ao 26:10.
(a) Tera ae e kaotaki ngke e a uee okon Aaron, ao bukin tera ngke e tua Iehova bwa e na kawakinaki n te ati ni berita? (WarIte. 17:5, 8, 10, Ebera 9:4)
(b) Tera reireiara ae kakawaki man te bwai are e riki nakon okon Aaron? (WarIte. 17:10; Mwa. 20:28; IBir. 2:14; Ebera 13:17)
E Orea te Bwaa Mote
1. E kanga Iehova n tabeakinia tibun Iteraera ni menaia n te rereua?
2. A ngureakina tera tibun Iteraera ngke a kaembwa i Kateti?
3. E kanga Iehova ni karekea te ran ibukia aomata ma aia man?
4. Antai te aomata ae e koteia i bon irouna aei, ao bukin tera ngkai e karaoa aei?
5. E aera ngkai e un Iehova irouia Mote ao Aaron, ao e kanga ni katuuaia?
6. Tera are e riki n te Maunga are Ora, ao antai are e a riki bwa te ibonga ae rietata irouia Iteraera?
Titiraki riki tabeua:
1. Wareka Warekaia Iteraera 20:1-13, 22-29 ao Te Tua-Kaua 29:5.
(a) Tera reireiara ae reke man aron Iehova n tabeakinia tibun Iteraera n te rereua? (TuaKau. 29:5; Mat. 6:31; Ebera 13:5; Iak. 1:17)
(b) Tera ana iango Iehova ni mamaaraia Mote ma Aaron n aroia n aki tabuia i buakoia tibun Iteraera? (WarIte. 20:12; 1Kor. 10:12; TeKao. 4:11)
(c) Tera reireiara man aron Mote ni butimwaea boaakina iroun Iehova? (WarIte. 12:3; 20:12, 27, 28; TuaKau. 32:4; Ebera 12:7-11)
Te Naeta ae te Buraati
1. Tera ae minominotaki i aon te kai ae n te taamnei, ao bukin tera ngkai e tuangaki Mote iroun Iehova bwa e na katokaa i aona?
2. A kanga aomata ni kaota te aki-kakaitau ni baike e a tia te Atua ni karaoi ibukia?
3. Tera are a tuanga Mote aomata imwin kanakoaia naeta aika tiritiri iroun Iehova bwa e na katuuaia iai?
4. E aera ngke e tuangaki Mote iroun Iehova bwa e na karaoa te naeta ae te buraati?
5. Tera reireiara ae ti kona ni karekea man te karaki aei?
Titiraki riki tabeua:
1. Wareka Warekaia Iteraera 21:4-9.
(a) Tera kauringakira man aia ngurengure tibun Iteraera, ni kaineti ma baike e katauraoi Iehova? (WarIte. 21:5, 6; IRom 2:4)
(b) Tera aroia tibun Iteraera ni kabongana te naeta are te buraati arei n tienture ake imwina riki, ao tera are e karaoia te Uea are Etekia? (WarIte. 21:9; 2Uea 18:1-4)
2. Wareka Ioane 3:14, 15.
E kanga n riki katokaan te naeta are te buraati arei i aon te kai, bwa bannan taurakin Iesu Kristo? (IKar. 3:13; 1Bet. 2:24)
Te Taongki ae Taetae
1. Antai Baraka, ao bukin tera ngkai e kananako wetean Baraam?
2. E aera ngke e a wene ana taongki Baraam i nanon te kawai?
3. Tera ana taeka te taongki are e ongo Baraam?
4. Tera are e taku te anera nakon Baraam?
5. Tera are e riki ngke e kataia Baraam ni kamaraiaia tibun Iteraera?
Titiraki riki tabeua:
1. Wareka Warekaia Iteraera 21:21-35.
Bukin tera ngke a tokanikai tibun Iteraera i aon Uean Amoraite ae Taion, ao i aon Uean Batian ae Oka? (WarIte. 21:21, 23, 33, 34)
2. Wareka Warekaia Iteraera 22:1-40.
Tera raoi ana kaantaninga Baraam ngke e kataia ni kamaraiaa Iteraera, ao tera reireiara ae ti karekea mai iai? (WarIte. 22:16, 17; TaeRab. 6:16, 18; 2Bet. 2:15; Iuta 11)
3. Wareka Warekaia Iteraera 23:1-30.
E ngae ngke e tataetae Baraam kaanga ai aron ae ngaia naba te tia taromauria Iehova, ma tera are e oti n ana mwakuri? (WarIte. 23:3, 11-14; 1Tam. 15:22)
4. Wareka Warekaia Iteraera 24:1-25.
E kanga ni kakorakoraa ara onimaki karakin te Baibara aei, ni kaineti ma kakoroan bukin ana kaantaninga Iehova? (WarIte. 24:10; Ita. 54:17)
E a Moana te Kairiri Iotua
1. Antai mwaane aika n te taamnei, aika a tei i rarikin Mote?
2. Tera are e tuangaki Iotua iroun Iehova?
3. Bukin tera Mote ngke e tamwarakea taubukin te Maunga are Nebo, ao tera are e tuangnga Iehova?
4. Iraua ana ririki Mote ngke e mate?
5. E aera ngke a nanokawaki aomata, ma tera bukin kukureia?
Titiraki riki tabeua:
1. Wareka Warekaia Iteraera 27:12-23.
Tera mwiokoan Iotua mairoun Iehova ae rawawata, ao e kanga ni kaotaki ana mwamwannano Iehova ni boong aikai nakoia ana aomata? (WarIte. 27:15-19; Mwa. 20:28; Ebera 13:7)
2. Wareka Te Tua-Kaua 3:23-29.
E aera ngkai a aki kariaiakaki Mote ao Aaron iroun Iehova bwa a na roko n te aba ni berita, ao tera reireiara mai iai? (TuaKau. 3:25-27; WarIte. 20:12, 13)
3. Wareka Te Tua-Kaua 31:1-8, 14-23.
E kanga n oti bwa e nanorinano Mote ni kariaia katuuaeana iroun Iehova, n ana taeka ni karaaure nakoia I-Iteraera? (TuaKau. 31:6-8, 23)
4. Wareka Te Tua-Kaua 32:45-52.
E na kanga n riai n rotaki maiura n Ana Taeka te Atua? (TuaKau. 32:47; NakIbo. 18:5; Ebera 4:12)
5. Wareka Te Tua-Kaua 34:1-12.
E ngae Mote ngke e aki nora raoi rabwatan Iehova, ma tera ae kaotaki n Te Tua-Kaua 34:10 ni kaineti ma reitakina ma Iehova? (TeOti. 33:11, 20; WarIte. 12:8)
E Karabaia Tibwaai Nei Raaba
1. E mamaeka iia Nei Raaba?
2. Antai mwaane aika n te taamnei, ao bukin tera ngkai a mena i Ieriko?
3. Tera are e tuangaki Nei Raaba iroun uean Ieriko bwa e na karaoia, ma tera ana kaeka?
4. E kanga Nei Raaba ni buokiia mwaane aika uoman aikai, ao tera ana bubutii are e tabekia?
5. Tera aia berita tibwaai aika uoman aikai nakon Nei Raaba?
Titiraki riki tabeua:
1. Wareka Iotua 2:1-24.
E kanga ana berita Iehova n Te Otinako 23:27 ni kakoroaki bukina ngke a buakana Ieriko tibun Iteraera? (Iot. 2:9-11)
2. Wareka Ebera 11:31.
E kanga ana katoto Raaba ni katereterea kakawakin te onimaki? (IRom 1:17; Ebera 10:39; Iak. 2:25)
Te Rinanon te Ioretan
1. Tera te kakai are e karaoia Iehova, bwa a aonga ni kona n rinanon te Karaanga ae te Ioretan tibun Iteraera?
2. Tera are a riai ni karaoia tibun Iteraera ni kaota iai aia onimaki, bwa a aonga ni kona n rinanon te Karaanga ae te Ioretan?
3. E aera ngke e tuangaki Iotua iroun Iehova bwa e na rikoi atibu aika 12 aika bubura mai kabin te karaanga?
4. Tera are e riki ngke a aerake ibonga man te Ioretan?
Titiraki riki tabeua:
1. Wareka Iotua 3:1-17.
(a) N aron ae e kabwarabwaraki n te rongorongo aei, tera ae ti riai ni karaoia bwa ti aonga ni karekea iroura buokara ao kakabwaiakira mairoun Iehova? (Iot. 3:13, 15; TaeRab. 3:5; Iak. 2:22, 26)
(b) Tera aron te Karaanga ae te Ioretan ngke a rinanona tibun Iteraera nakon te Aba ni Berita, ao e kanga te baei ni karekea neboakin aran Iehova? (Iot. 3:15; 4:18; TaiAre. 66:5-7)
2. Wareka Iotua 4:1-24.
Tera bukin anaakin atibu ake 12 man te Ioretan, ao unikakia i Kirekara? (Iot. 4:19-24)
Oon Ieriko
1. Tera are e tuangia taani buaka Iehova, ma ibonga bwa a na karaoia i nanon onobong?
2. Tera are a na karaoia mwaane aikai n te kaitibong?
3. N aron ae ko noria n te taamnei, tera ae e riki nakon oon Ieriko?
4. E aera e tinetine te kabae ae uraura man te winto arei?
5. Tera are e tuangia taani buaka Iotua bwa a na karaoia nakoia kaain te kaawa, ma tera aron te tirewa, te koora, te buraati, ao te biti?
6. Tera are a tuangaki tibwaai ake uoman bwa a na karaoia?
Titiraki riki tabeua:
1. Wareka Iotua 6:1-25.
(a) Tera te bwai ae titeboo iai aroia tibun Iteraera ni katomimia Ieriko n te kaitibong, ma waakin te mwakuri n uarongorongo irouia Ana tia Kakoaua Iehova ni boong aika kaitira aikai? (Iot. 6:15, 16; Ita. 60:22; Mat. 24:14; 1Kor. 9:16)
(b) E kanga ni kakoroaki bukin te taetae ni burabeti are n Iotua 6:26, 500 tabun te ririki imwina, ao tera reireiara iai n ana taeka Iehova? (1Uea 16:34; Ita. 55:11)
Te Tia Iraa i Iteraera
1. Antai te mwaane ae tauna te kaubwai are e reke mai Ieriko ae n te taamnei, ao antai aika a buokia aikai?
2. E aera ngkai e rangi ni kakaiaki te mwakuri ae e karaoia Akan aei ma ana utu?
3. Tera are e taku Iehova, ngke e titiraki Iotua bwa e aera ngkai a konaaki irouia kaain Ai?
4. Tera are e riki nakoia Akan ma ana utu, imwin kairaia nakon Iotua?
5. Tera reireiara ae e reke ni motikan taekan Akan?
Titiraki riki tabeua:
1. Wareka Iotua 7:1-26.
(a) Tera are e oti n ana tataro Iotua, ni kaineti ma reitakina ma ana tia Karikiriki? (Iot. 7:7-9; TaiAre. 119:145; 1Ioa. 5:14)
(b) Tera are e oti man ana katoto Akan, ao e kanga n riki te baei bwa te kauring nakoira? (Iot. 7:11, 14, 15; TaeRab. 15:3; 1Tim. 5:24; Ebera 4:13)
2. Wareka Iotua 8:1-29.
Tera mwiokoara n te ekaretia ni Kristian ni boong aikai? (Iot. 7:13; NakIbo. 5:1; TaeRab. 28:13)
A Wanawana Kaain Kibeon
1. A kanga ni kaokoro kaain Kibeon, ma kaain Kanaan ake a mena ni kaawa ake a uakaan ma ngaiia?
2. Tera ae a karaoia kaain Kibeon ae teretere n te taamnei, ao bukin tera?
3. Tera ana berita Iotua ma taani kairiri irouia tibun Iteraera nakoia kaain Kibeon, ma tera are a a tibwa ataia tenibong imwina?
4. Tera are a karaoia ueani kaawa tabeua, ngke a ongo bwa a karekea te raoi kaain Kibeon ma Iteraera?
Titiraki riki tabeua:
1. Wareka Iotua 9:1-27.
(a) Kioina ngke e a tia n tua Iehova nakoia te natannaomata ae Iteraera, bwa a na “kamaunaia kaain aon te aba ni kabanea,” baikara aroarona aika raoiroi ake a kateretereaki ni kamaiuaia kaain Kibeon? (Iot. 9:22, 24; Mat. 9:13; Mwa. 10:34, 35; 2Bet. 3:9)
(b) E kanga Iotua ni karaoa te banna ni katoto ae raoiroi nakoia Kristian ni boong aikai, n arona ni kawakina raoi te berita are e karaoia ma kaain Kibeon? (Iot. 9:18, 19; Mat. 5:37; IEbe. 4:25)
2. Wareka Iotua 10:1-5.
A kanga kaain te koraki ae uanao ni katotongia kaain Kibeon, mangaia are a momoanimataaki n tera? (Iot. 10:4; Tek. 8:23; Mat. 25:35-40; TeKao. 12:17)
E Tei Taai n Aki Buti
1. Tera ae e taekinna Iotua n te taamnei aei, ao bukin tera?
2. E kanga Iehova ni buoka Iotua ma ana tia buaka?
3. Iraman uea ake taiani kairiribai ake a taenikai iroun Iotua, ao maanra te tai ni boo ni buaka?
4. E aera Iotua ngke e tibwatibwaa te aba are Kanaan?
5. Iraua ana ririki Iotua ngke e mate, ao tera are e riki nakoia aomata imwina?
Titiraki riki tabeua:
1. Wareka Iotua 10:6-15.
N ataakin are e a tia Iehova ni katoka butin taai ma namwakaina ibukia Iteraera, tera ngaira ae ti onimakinna ni boong aikai? (Iot. 10:8, 10, 12, 13; TaiAre. 18:3; TaeRab. 18:10)
2. Wareka Iotua 12:7-24.
Antai ae boni karekea raoi konaakia uean Kanaan ake 31, ao e aera ngkai e kakawaki nakoira ni boong aikai? (Iot. 12:7; 24:11-13; TuaKau. 31:8; Ruka 21:9, 25-28)
3. Wareka Iotua 14:1-5.
E kanga n tibwatibwaki te aba i marenaia aia baronga Iteraera, ao tera ae teretere n aei ni kaineti ma tibwangara n te Baretaiti? (Iot. 14:2; Ita. 65:21; Etek. 47:21-23; 1Kor. 14:33)
4. Wareka Taani Motiki-taeka 2:8-13.
Antai ngkai aika a a riki bwa taan rawa ni kabwaoua te koaua, n aron Iotua i Iteraera ngkoa? (MotiTae. 2:8, 10, 11; Mat. 24:45-47; 2Tet. 2:3-6; Tit. 1:7-9; TeKao. 1:1; 2:1, 2)
Aine Uoman Aika Ninikoria
1. Tera aia mwakuri ao aroia taani moti, ao antai araia tabeman?
2. Tera te kakabwaia ae okoro are e mwiokoaki iai Tebora, ao tera are e karaoia?
3. Ngke a a kakamaakaki tibun Iteraera iroun te Uea are Iabin ma mataniwin ana taanga ni buaka are Titera, tera te rongorongo are e tua Iehova nakon Tebora bwa e na kaongoa te tia Moti ae Baraka, ao antai are e taku neiei bwa e na reke atongana iai?
4. E kanga ni kaotia Iaera bwa bon te aine ae ninikoria ngaia?
5. Tera are e riki imwin maten te Uea ae Iabin?
Titiraki riki tabeua:
1. Wareka Taani Motiki-taeka 2:14-22.
A kanga tibun Iteraera ni karokoa unin Iehova i aoia, ao tera reireiara ae reke iai? (MotiTae. 2:20; TaeRab. 3:1, 2; Etek. 18:21-23)
2. Wareka Taani Motiki-taeka 4:1-24.
Baikara reirei ni kaineti ma te onimaki ao te ninikoria, aika a kona n reke irouia aine aika Kristian ni boong aikai, man aia katoto Tebora ao Iaera? (MotiTae. 4:4, 8, 9, 14, 21, 22; TaeRab. 31:30; 1Kor. 16:13)
3. Wareka Taani Motiki-taeka 5:1-31.
E na kanga ni kabonganaki aia anene n tokanikai Baraka ao Tebora, bwa te tataro ni kaineti ma te buaka ae e a kan roko n Aremaketon? (MotiTae. 5:3, 31; 1Rong. 16:8-10; TeKao. 7:9, 10; 16:16; 19:19-21)
Ruta ao Naomi
1. E a kanga naba n roko n te aba ae Moaba, Nei Naomi?
2. Antai Ruta ao Oreba?
3. Tera aroia Ruta ao Oreba, ngke a tuangaki iroun Naomi bwa a nang okiriia aia koraki?
4. Antai Boati, ao e kanga ni buokiia Ruta ao Naomi?
5. Antai aran natin Boati ma Ruta are e bungiaki, ao e aera ngkai ti riai n uringnga?
Titiraki riki tabeua:
1. Wareka Ruta 1:1-17.
(a) Tera kabwarabwaran aron Ruta ni kaotiota te tangira ae kakaonimaki? (Ruta 1:16, 17)
(b) N te aro raa ae titeboo iai nanon Ruta ma aroia “tiibu tabemang,” nakoia te koraki ake a kabiraki i aon te aba ni boong aikai? (Ioa. 10:16; Tek. 8:23)
2. Wareka Ruta 2:1-23.
E kanga ni karaoa te banna ni katoto ae raoiroi Ruta, nakoia ateiaine ni boong aikai? (Ruta 2:17, 18; TaeRab. 23:22; 31:15)
3. Wareka Ruta 3:5-13.
(a) Tera aroni Boati n ana anganano Ruta ni kani mare ma ngaia, n onean mwin are e na kakaaea te mwaane ae ataei riki?
(b) Tera reireiara man anuan Ruta ni kaotiota te tangira ae kakaonimaki? (Ruta 3:10; 1Kor. 13:4, 5)
4. Wareka Ruta 4:7-17.
A na kanga mwaane aika Kristian ni boong aikai, ni kona ni katotonga aron Boati? (Ruta 4:9, 10; 1Tim. 3:1, 12, 13; 5:8)
Kiteon ma Mwaane Aika 300
1. A kanga n reke n te kangaanga ae kakaiaki tibun Iteraera, ao bukin tera?
2. E aera ngke e tuangaki Kiteon iroun Iehova bwa e a rangi ni bati kaain ana taanga ni buaka?
3. Iraman mwaitiia mwaane ake a tiku, ngke e tuangia ake a maaku Kiteon bwa a na okiri mwengaia?
4. Kabwarabwaraa man te taamnei, bwa e kanga Iehova ni kauarerekea riki mwaitiia kaain ana taanga ni buaka Kiteon, nakon tii 300 mwaane.
5. Tera aroni Kiteon ni baireia ana mwaane ake 300, ao e kanga Iteraera ni moanna n te buaka?
Titiraki riki tabeua:
1. Wareka Taani Motiki-taeka 6:36-40.
(a) E kanga Kiteon ni kakoauaa raoi bwa tera nanon Iehova?
(b) Ti na kanga ngaira ni boong aikai ni kona n ataa nanon Iehova? (TaeRab. 2:3-6; Mat. 7:7-11; 2Tim. 3:16, 17)
2. Wareka Taani Motiki-taeka 7:1-25.
(a) Tera reireiara ae reke mairouia mwaane ake 300 ake a teimatoa n tantani, ni kabotauaki ma te koraki ake a kaota te aki-taratara raoi? (MotiTae. 7:3, 6; IRom 13:11, 12; IEbe. 5:15-17)
(b) N aroia mwaane ake 300, ake a karekei reireiaia ngke a tarataraa Kiteon, tera ngaira reireiara ae reke ngkana ti tarataraa Kiteon ae Kakannato riki ae taekan Iesu Kristo? (MotiTae. 7:17; Mat. 11:29, 30; 28:19, 20; 1Bet. 2:21)
(c) Tera buokara ae reke man Taani Motiki-taeka 7:21, ae ti na kukurei iai ni beku n ana botaki Iehova n aki ongeia bwa tera mwiokoara? (1Kor. 4:2; 12:14-18; Iak. 4:10)
3. Wareka Taani Motiki-taeka 8:1-3.
Ngkana ti nang karekea ae riai i marenara ma te tari temanna, tera reireiara man aron Kiteon ni kaeta te aki-nakoraoi ma kaain Eberaim? (TaeRab. 15:1; Mat. 5:23, 24; Ruka 9:48)
Ana Berita Iebeta
1. Antai Iebeta, ao e maiu n te tai raa?
2. Tera ana berita Iebeta nakon Iehova?
3. E aera ngke e a nanokawaki Iebeta ngke e a okira mwengana imwin tokanikaina i aoia tibun Ammon?
4. Tera ana taeka natin Iebeta ngke e a ataa ana berita tamana?
5. E aera ngke e tatangiraki natin Iebeta irouia aomata?
Titiraki riki tabeua:
1. Wareka Taani Motiki-taeka 10:6-18.
Tera te kauring ae ti riai n ira nanona, ni kaineti ma rongorongoia Iteraera n aki kakaonimaki nakon Iehova? (MotiTae. 10:6, 15, 16; IRom 15:4; TeKao. 2:10)
2. Wareka Taani Motiki-taeka 11:1-11, 29-40.
(a) Ti kanga n ataia bwa ngke e taekinaki bwa e anga natina Iebeta bwa te “karea ni kabuokaki,” e aki nanonaki iai bwa e na kabuekaki neiei n te ai bwa te karea? (MotiTae. 11:31; NakIbo. 16:24; TuaKau. 18:10, 12)
(b) N te aro raa are e anga iai natina Iebeta bwa te karea?
(c) Tera reireiara man aroaron Iebeta ni kaineti ma ana berita nakon Iehova? (MotiTae. 11:35, 39; TeMin. 5:4, 5; Mat. 16:24)
(d) Tera ana banna ni katoto natin Iebeta ae raoiroi ibukia Kristian ake a ataei riki, ake a kani beku ni kabwanina aia tai? (MotiTae. 11:36; Mat. 6:33; IBir. 3:8)
Te Kabanea n Aintoa
1. Antai aran te mwaane ae te kabanea n aintoa, ao antai ae anganna korakorana?
2. Tera are e karaoia Tamton n te taina nakon te raian ae bubura, ae ko kona n noria n te taamnei?
3. Tera ana rongorongo Tamton ae raba are e a kaongoa Nei Terira n te taamnei aei, ao e kanga n riki iai bwa te taenikai irouia I-Biritia?
4. E kanga Tamton ni kamateia kairiribai aika I-Biritia aika 3,000 mwaitiia n te bong are e mate iai?
Titiraki riki tabeua:
1. Wareka Taani Motiki-taeka 13:1-14.
E kanga Manoa ma buuna ni karaoa te banna ni katoto ae raoiroi ibukia kaaro, ni kaineti ma kaikawaaia naati? (MotiTae. 13:8; TaiAre. 127:3; IEbe. 6:4)
2. Wareka Taani Motiki-taeka 14:5-9 ao 15:9-16.
(a) Tera ae e oti ni kaineti ma ana mwakuri taamnein Iehova ae raoiroi n rongorongon Tamton n tiringa te raian, ni motikan roobu ake a boou ake e kabaeaki iai, ao ni kabonganan mwangain te aati mwaane n tiringia iai mwaane aika 1,000 mwaitiia?
(b) E kanga ni buokira te taamnei ae raoiroi ni boong aikai? (MotiTae. 14:6; 15:14; Tek. 4:6; Mwa. 4:31)
3. Wareka Taani Motiki-taeka 16:18-31.
Tera aron rotakin Tamton n ana iraorao ma aomata aika buakaka, ao tera reireiara iai? (MotiTae. 16:18, 19; 1Kor. 15:33)
E Toro Iroun te Atua te Tei
1. Antai aran te tei ae n te taamnei, ao antai akana tabeman?
2. Tera ana tataro Anna are e mwaneweia n te bong teuana ngke e kawara ana umwa-n-rianna ae tabu Iehova, ao tera aron Iehova ni kaekaa?
3. Iraua ana ririki Tamuera ngke e a nikiraki bwa e na beku iroun Iehova n ana umwa-n-rianna, ao tera are e kaakaraoia tinana i bukina ni katoa ririki?
4. Antai araia natin Eri mwaane, ao aekakira maiuia mwaane aikai?
5. E kanga Iehova ni wetea Tamuera, ao tera te rongorongo are E kaongoa?
6. Tera nakoan Tamuera ngke e a ikawairake, ao tera are e riki ngke e a kara?
Titiraki riki tabeua:
1. Wareka te 1 Tamuera 1:1-28.
(a) Tera ana banna ni katoto Erekana ae raoiroi ibukia mataniwin taian utu, n arona ni kairiri ibukin te taromauri ae koaua? (1Tam. 1:3, 21; Mat. 6:33; IBir. 1:10)
(b) Tera reireiara ae ti karekea man aron Anna, ni kaitaraa te kangaanga ae e aki ataa katokana? (1Tam. 1:10, 11; TaiAre. 55:22; IRom 12:12)
2. Wareka te 1 Tamuera 2:11-36.
E kanga Eri ni karineia riki natina nakon karinean Iehova irouna, ao e kanga n riki aei bwa te bwai ni kauring nakoira? (1Tam. 2:22-24, 27, 29; TuaKau. 21:18-21; Mat. 10:36, 37)
3. Wareka te 1 Tamuera 4:16-18.
Baikara rongorongo aika kananokawaki aika aua, ake a roko man te tabo ni buaka, ao tera aron rotakin Eri iai?
4. Wareka te 1 Tamuera 8:4-9.
E kanga Iteraera n rangi ni kammaraka Iehova, ao ti na kanga ni boutokaa ana Tautaeka n Uea ma te kakaonimaki ni boong aikai? (1Tam. 8:5, 7; Ioa. 17:16; Iak. 4:4)
Tauro—Moan Uean Iteraera
1. Tera ae e karaoia Tamuera n te taamnei, ao bukin tera?
2. E aera ngkai e tatangiraki Tauro iroun Iehova, ao te aekaki ni mwaane raa ngaia?
3. Antai aran natin Tauro are te mwaane, ao tera are e karaoia te nati aei?
4. E aera Tauro ngke e a karaoa naba te angakarea, ao e a aki taningaa Tamuera bwa e na karaoia?
5. Tera reireiara ae reke man rongorongon Tauro?
Titiraki riki tabeua:
1. Wareka te 1 Tamuera 9:15-21 ao 10:17-27.
E kanga ni buokaki Tauro n ana nanorinano bwa e na totokoa karaoan ae buakaka, ngke a taetae n aki karinerine mwaane tabeman i bukina? (1Tam. 9:21; 10:21, 22, 27; TaeRab. 17:27)
2. Wareka te 1 Tamuera 13:5-14.
Tera te bure are e karaoia Tauro i Kirekara? (1Tam. 10:8; 13:8, 9, 13)
3. Wareka te 1 Tamuera 15:1-35.
(a) Tera te bure ae kakaiaki are e karaoia Tauro ni kaineti ma Akaka are uean Amareka? (1Tam. 15:2, 3, 8, 9, 22)
(b) E kanga Tauro ni karaoiroa are e karaoia, ao ni bukinia tabemwaang? (1Tam. 15:24)
(c) Tera te kauring ae ti riai n uringnga ni boong aikai, ngkana ti anganaki te reirei? (1Tam. 15:19-21; TaiAre. 141:5; TaeRab. 9:8, 9; 11:2)
E Rinea Tawita te Atua
1. Antai aran te teinimwaane ae n te taamnei, ao ti kanga n ataia bwa e ninikoria?
2. E mamaeka iia Tawita, ao antai aran tamana ma tibuna te unimwaane?
3. E aera ngke e tuangaki Tamuera iroun Iehova bwa e na nakon ana auti Iete i Betereem?
4. Tera ae riki ngke a a bane natin Iete ake itiman ni kairaki nakon Tamuera?
5. Tera are e tuangaki Tamuera iroun Iehova, ngke e a kairaki Tawita nakoina?
Titiraki riki tabeua:
1. Wareka te 1 Tamuera 17:34, 35.
E kanga te rongorongo aei ni katuruturua ninikorian Tawita ao onimakinan Iehova irouna? (1Tam. 17:37)
2. Wareka te 1 Tamuera 16:1-14.
(a) E kanga ana taeka Iehova ae n te 1 Tamuera 16:7, ni buokira bwa ti na aki inanonano, ao n totokoa te kairiribai ae boto i aon kaokoron taraakia aomata? (Mwa. 10:34, 35; 1Tim. 2:4)
(b) E kanga ana katoto Tauro ni kaotia bwa ngkana e a anaa ana taamnei ae raoiroi Iehova mairoun te aomata, ao e a oneaki naba mwina n te taamnei ae buakaka, ke korakorani kani karaoan ae buakaka? (1Tam. 16:14; Mat. 12:43-45; IKar. 5:16)
Tawita ma Koria
1. Tera te kakaewenako are e karaoia Koria nakoia ana taanga ni buaka tibun Iteraera?
2. Buburara Koria, ao tera te kaniwanga are e berita te Uea are Tauro bwa e na angan te aomata are e tiringa Koria?
3. Tera are e taku Tawita ngke e tuangaki iroun Tauro bwa e aki kona ni buaka ma Koria bwa bon te tei ngaia?
4. E kanga ni kaotia Tawita bwa e onimakina Iehova n ana kaeka nakon Koria?
5. N aron ae ko noria n te taamnei, tera are e kamanenaa Tawita n tiringa iai Koria, ao tera are e riki nakoia I-Biritia imwin aei?
Titiraki riki tabeua:
1. Wareka te 1 Tamuera 17:1-54.
(a) Tera ae e kaira Tawita bwa e na aki mamaaku, ao ti na kanga ni katotonga ninikoriana? (1Tam. 17:37, 45; IEbe. 6:10, 11)
(b) Bukin tera ngkai a aki riai Kristian ni bwaina te nano ni kaiangatoa are iroun Koria, ngkana a takaakaro ke a kaakibotu? (1Tam. 17:8; IKar. 5:26; 1Tim. 4:8)
(c) E kanga n oti n ana taeka Tawita bwa e onimakina ae e na boni boutokaki iroun te Atua? (1Tam. 17:45-47; 2Rong. 20:15)
(d) E kanga ni kaotaki n te rongorongo aei bwa te boo aei bon tiaki tii i marenaia taanga ni buaka aika uoua, ma ni koauana bon te boo i marenaia atua aika kewe, ao te Atua ae koaua ae Iehova? (1Tam. 17:43, 46, 47)
(e) A kanga nikiraia taani kabiraki ni katotonga Tawita n onimakina Iehova? (1Tam. 17:37; Ier. 1:17-19; TeKao. 12:17)
Riain Birinakon Tawita
1. E aera ngkai e bakantang Tauro iroun Tawita, ma tera kaokoron natin Tauro are Ionatan?
2. Tera ae riki n te taina ngke e tabe Tawita n uouoa Tauro ni katangitang n te aabi?
3. Tera are e taku Tauro bwa e riai ni karaoia Tawita imwain ae e na buuna natina ae Mikara, ao e aera Tauro ngkai e taekina aei?
4. Ngke e katangitang n te aabi Tawita n uouoa Tauro, tera are e a manga riki naba n te katenua n tai, ae e oti n te taamnei?
5. E kanga Mikara ni buoka Tawita ni kamauria, ao tera are e riai ni karaoia Tawita imwina i nanon itua te ririki?
Titiraki riki tabeua:
1. Wareka te 1 Tamuera 18:1-30.
(a) E kanga ana itangitangiri Ionatan ma Tawita ae aki kona n uruaki, ni katea bannan te itangitangiri i marenaia “tiibu tabemang,” ao te “nanai ae uarereke”? (1Tam. 18:1; Ioa. 10:16; Ruka 12:32; Tek. 8:23)
(b) N taraakin ae e bon riai Ionatan n uea imwin Tauro, e kanga ni kaotaki n te 1 Tamuera 18:4 bwa e rianako aron Ionatan n aantaeka nakon teuare e rineaki bwa e na uea?
(c) E kanga ana katoto Tauro ni kaotia bwa e kairiri te bakantang nakon buure aika kakaiaki riki, ao tera te kauring ae katauraoaki nakoira iai? (1Tam. 18:7-9, 25; Iak. 3:14-16)
2. Wareka te 1 Tamuera 19:1-17.
E kanga Ionatan ni karuanikaia oin maiuna ngke e taekina are e koreaki n te 1 Tamuera 19:4, 5? (1Tam. 19:1, 6)
Abikaira ao Tawita
1. Antai aran te aine ae n te taamnei ae tabe ni kawara Tawita, ao te aeka n aine raa ngaia?
2. Antai Nabara?
3. E aera ngke e kanakoia ana aomata tabeman Tawita bwa a na tuanga Nabara aia bubutii?
4. Tera are e taku Nabara nakoia ana aomata Tawita, ao tera aron Tawita iai?
5. E kanga ni kaotia Abikaira bwa te aine ngaia ae nanowanawana?
Titiraki riki tabeua:
1. Wareka te 1 Tamuera 22:1-4.
A kanga ni kaota te katoto ae raoiroi ana utu Tawita nakoira, n arora ni boutokaia tarira ni Kristian? (TaeRab. 17:17; 1Tet. 5:14)
2. Wareka te 1 Tamuera 25:1-43.
(a) E aera ngkai e kabuakakaki Nabara? (1Tam. 25:2-5, 10, 14, 21, 25)
(b) Tera reireiaia buu-aine aika Kristian ni boong aikai, n ana katoto Abikaira? (1Tam. 25:32, 33; TaeRab. 31:26; IEbe. 5:24)
(c) Baikara bwaai aika uoua aika buakaka, ake e kamauraki Tawita man karaoana iroun Abikaira? (1Tam. 25:31, 33; IRom 12:19; IEbe. 4:26)
(d) Tera aron taetaen Tawita nakon Abikaira, ae e buokiia mwaane ni boong aikai, bwa a na kaboraoa aia iango ma Iehova, ni kaineti ma aine? (Mwa. 21:8, 9; IRom 2:11; 1Bet. 3:7)
E a Kaueaaki Tawita
1. Tera are a karaoia Tawita ma Abitiai ngke e matu Tauro i nanon ana kaembwa?
2. Baikara titiraki ake e titirakinaki iai Tauro iroun Tawita?
3. E nakea Tawita imwin kitanan Tauro irouna?
4. Tera are e rangi ni kananokawaka Tawita, ngaia are e a korea taekan kunana ae rangi n tikiraoi?
5. Iraua ana ririki Tawita ngke e a kaueaaki i Eberon, ao antai araia natina mwaane tabeman?
6. E a manga tautaeka riki iia Tawita ngke e uea?
Titiraki riki tabeua:
1. Wareka te 1 Tamuera 26:1-25.
(a) Tera te iango ae riai ni kaineti ma ana babaire te Atua, ae e kaotaki n ana taeka Tawita are e koreaki n te 1 Tamuera 26:11? (TaiAre. 37:7; IRom 13:2)
(b) Ngkana ti kabanei korakorara ni kaotiota te akoi ae boto i aon te tangira, ma ngkana ti kaekaaki n ae aki riai, e na kanga ni buokira ana taeka Tawita n te 1 Tamuera 26:23 ni bwaina te nano ae raoiroi? (1Uea 8:32; TaiAre. 18:20)
2. Wareka te 2 Tamuera 1:26.
A na kanga Kristian ni boong aikai ni ‘kabatia aia itangitangiri,’ n aroia Tawita ao Ionatan? (1Bet. 4:8; IKoro. 3:14; 1Ioa. 4:12)
3. Wareka te 2 Tamuera 5:1-10.
(a) Iraua ana ririki Tawita n uea, ao e bwenauaki nakon mwakoro raa? (2Tam. 5:4, 5)
(b) Tera ae e karika Tawita bwa te aomata ae kakannato, ao tera kauringakira iai ni boong aikai? (2Tam. 5:10; 1Tam. 16:13; 1Kor. 1:31; IBir. 4:13)
Kangaanga n Ana Utu Tawita
1. Tera are e riki nakon te aba are Kanaan, n ana ibuobuoki Iehova?
2. Tera are e riki n te tairiki teuana ngke e mena Tawita i eta n ana bareti?
3. E aera ngke e rangi n un Iehova iroun Tawita?
4. Antai ae n te taamnei, ae e kanakoaki iroun Iehova bwa e na tuanga Tawita ana bure, ao tera ae e na riki nakon Tawita ae e taku te mwaane anne?
5. Baikara kangaanga ake a riki nakon Tawita?
6. Antai are e a manga uea i aon Iteraera imwin Tawita?
Titiraki riki tabeua:
1. Wareka te 2 Tamuera 11:1-27.
(a) Ti na kanga ni kamanoaki ngkana ti katabetabeira ni beku ibukin Iehova?
(b) E kanga n reke n te bure Tawita, ao tera te kauring mai iai nakoia ana toro Iehova ni boong aikai? (2Tam. 11:2; Mat. 5:27-29; 1Kor. 10:12; Iak. 1:14, 15)
2. Wareka te 2 Tamuera 12:1-18.
(a) Tera reireiaia unimwaane ao kaaro man aron Natan ni kawara Tawita, bwa e na anganna te reirei ni kaetieti? (2Tam. 12:1-4; TaeRab. 12:18; Mat. 13:34)
(b) E aera ngkai e nanoangaki Tawita iroun Iehova? (2Tam. 12:13; TaiAre. 32:5; 2Kor. 7:9, 10)
Te Uea ae Wanawana ae Toromon
1. Tera are e tuangaki Toromon iroun Iehova, ao tera ana kaeka?
2. Tera are e berita Iehova bwa e na angan Toromon, ibukina bwa e kukurei n ana bubutii?
3. Tera te kangaanga ae matoatoa iangoana are a kaotia aine ake uoman nakon Toromon?
4. E kanga Toromon ni katoka te kangaanga, n aron ae ko noria n te taamnei?
5. Tera aron ana tautaeka Toromon, ao bukin tera bwa e riki anne?
Titiraki riki tabeua:
1. Wareka te 1 Uea 3:3-28.
(a) Tera reireiaia mwaane aika a anganaki mwiokoaia n ana botaki te Atua ni boong aikai, ae e reke man ana taeka Toromon are n te 1 Uea 3:7? (TaiAre. 119:105; TaeRab. 3:5, 6)
(b) E kanga n reke ana bubutii Toromon bwa te katoto ae raoiroi ibukin baika a riai n tataroaki? (1Uea 3:9, 11; TaeRab. 30:8, 9; 1Ioa. 5:14)
(c) Tera reireiara man ana konabwai Toromon ni katoka aia kauntaeka aine ake uoman, ni kaineti ma aron ana kairiri Toromon ae Kakannato riki ae Iesu Kristo, nakon taai aika a na roko? (1Uea 3:28; Ita. 9:6, 7; 11:2-4)
2. Wareka te 1 Uea 4:29-34.
(a) E kanga Iehova ni kaekaa ana bubutii Toromon are e na anganna te nano n ongeaba? (1Uea 4:29)
(b) Tera ae ti riai ni karaoia ni kaineti ma te reirei n Ana Taeka te Atua, n aron ae oti man aia kakorakora aomata ni kan ongora rabakaun Toromon? (1Uea 4:29, 34; Ioa. 17:3; 2Tim. 3:16)
E Katea te Tembora Toromon
1. Maanra katean ana tembora Iehova iroun Toromon, ao e aera ngke e bati te mwane ae kabaneaki iai?
2. Mwaitira ruu ake a kateaki i nanon te tembora, ao baikara ake a karinaki n ruu aikai?
3. Tera are e taekinna Toromon n ana tataro ngke e a tia te tembora?
4. E kanga ni kaotia Iehova bwa e kukurei n ana tataro Toromon?
5. Tera are e kairarangaki Toromon bwa e na karaoia irouia buuna, ao tera are e riki nakon Toromon?
6. Bukin tera ngke e un Iehova iroun Toromon, ao tera are e tuangnga?
Titiraki riki tabeua:
1. Wareka te 1 Rongorongo 28:9, 10.
Ni kaineti ma ana taeka Tawita are e koreaki n te 1 Rongorongo 28:9, 10, tera ae ti riai ni kakorakoraira ni karaoia ni katoa bong? (TaiAre. 19:14; IBir. 4:8, 9)
2. Wareka te 2 Rongorongo 6:12-21, 32-42.
(a) E kanga ni kaotia Toromon bwa akea te auti ae kateaki irouia aomata, ae e kona ni mwaneaua raoi iai te Atua ae Moan te Rietata? (2Rong. 6:18; Mwa. 17:24, 25)
(b) Tera ae e kaotaki ibukin Iehova n ana taeka Toromon, ake a kuneaki n te 2 Rongorongo 6:32, 33? (Mwa. 10:34, 35; IKar. 2:6)
3. Wareka te 2 Rongorongo 7:1-5.
Ti na kanga n rotaki ni boong aikai ngkana ti iaiangoa ana kakabwaia Iehova nakoia ana aomata, n aron rotakia tibun Iteraera ngke a kaota te kakaitau n norakin mimitongin Iehova? (2Rong. 7:3; TaiAre. 22:22; 34:1; 96:2)
4. Wareka te 1 Uea 11:9-13.
E kanga ni kaotaki n rongorongon Toromon bwa e kakawaki te teimatoa ni kakaonimaki ni karokoa te toki? (1Uea 11:4, 9; Mat. 10:22; TeKao. 2:10)
E a Bwenaua te Tautaeka
1. Antai araia mwaane aika uoman aika n te taamnei, ao antai ngaiia?
2. Tera are e karaoia Aiia nakon ana kunnikai are i aona, ao tera ae nanonaki n te mwakuri are e karaoia?
3. Tera are e kataia ni karaoia Toromon nakon Ieroboam?
4. A aera aomata ngke a kaueaa Ieroboam i aoia baronga aika tebwina?
5. E aera ngke e karaoi kaao ataei Ieroboam aika koora, ao tera ae riki nakon te aba n te tai ae waekoa imwina?
6. Tera are e riki nakon te tautaeka n uea ni baronga aika uoua, ao ana tembora Iehova i Ierutarem?
Titiraki riki tabeua:
1. Wareka te 1 Uea 11:26-43.
Te aekaki n aomata raa Ieroboam, ao tera are e beritanna Iehova nakoina, ngkana e kawakina ana tua te Atua? (1Uea 11:28, 38)
2. Wareka te 1 Uea 12:1-33.
(a) Tera reireiaia kaaro ma unimwaane ni kaineti ma kabonganaan mwaakaia n te aro ae aki riai, ae e reke man aroaron Reoboam ae rangi ni buakaka? (1Uea 12:13; TeMin. 7:7; 1Bet. 5:2, 3)
(b) A na kawara antai rooro-n-rikirake ni boong aikai ibukin karekean te kairiri ae raoiroi, ngkana a na karaoi motinnano aika kakawaki ni maiuia? (1Uea 12:6, 7; TaeRab. 1:8, 9; 2Tim. 3:16, 17; Ebera 13:7)
(c) Tera are e kaira Ieroboam bwa e na karaoi uoua taabo n taromauri nakoia kaao ataei aika koora, ao e kanga te baei ni kaota te aki-karinerine ae korakora nakon Iehova? (1Uea 11:37; 12:26-28)
(d) Antai ae kairiia aomata ake a mena i aan te tautaeka n uea ni baronga aika tebwina, bwa a na karitei nakon te taromauri ae koaua? (1Uea 12:32, 33)
Ietebera—Te Uea n Aine ae Buakaka
1. Antai Ietebera?
2. E aera ngke e a nanokawaki n te bong teuana te Uea are Aaba?
3. Tera are e karaoia Ietebera ibukin karekean ana nne ni kurebe Nabota, iroun buuna are Aaba?
4. Antai are e kanakoa Iehova bwa e na katuuaea Ietebera?
5. Tera ae riki ngke e a roko Ieu n ana bareti Ietebera, n aron ae ko noria n te taamnei?
Titiraki riki tabeua:
1. Wareka te 1 Uea 16:29-33 ao 18:3, 4.
Tera aron buakakan te waaki i Iteraera, n ana tai te Uea are Aaba? (1Uea 16:33)
2. Wareka te 1 Uea 21:1-16.
(a) E kanga Nabota ni kaota te ninikoria ao te kakaonimaki nakon Iehova? (1Uea 21:1-3; NakIbo. 25:23-28)
(b) Tera reireiara mairoun Aaba ni kaineti ma te nanomwaaka ngkana e rawawata nanora? (1Uea 21:4; IRom 5:3-5)
3. Wareka te 2 Uea 9:30-37.
Tera reireiara ae reke man ana nanokorakora Ieu ni karaoa nanon Iehova? (2Uea 9:4-10; 2Kor. 9:1, 2; 2Tim. 4:2)
E Onimakina Iehova Ieotiabata
1. Antai Ieotiabata, ao e maiu n te tai raa?
2. E aera ngke a maaku tibun Iteraera, ao tera are a karaoia te koraki aika bati i buakoia?
3. Tera ana kaeka Iehova nakon ana tataro Ieotiabata?
4. Tera are e karaoia Iehova nakoia kairiribai imwain te boo ni buaka?
5. Tera reireiara ae ti kona ni karekea mairoun Ieotiabata?
Titiraki riki tabeua:
1. Wareka te 2 Rongorongo 20:1-30.
(a) E kanga Ieotiabata ni kaota te bwai ae a riai ni karaoia ana toro te Atua, ngkana a kaaitara ma te waaki ae kakamaaku? (2Rong. 20:12; TaiAre. 25:15; 62:1)
(b) Kioina ngke e aki toki ngkoa Iehova ni kabongana te anga n itoman teuana ngkana e na reitaki ma ana aomata, tera ae E kabongana ibukin te reitaki ma ana aomata ni boong aikai? (2Rong. 20:14, 15; Mat. 24:45-47; Ioa. 15:15)
(c) N te tai are e a moana iai te Atua, karokoan te “buaka n te bong are kakanato are ana bongi te Atua ae Moan te Mwaka,” e na kanga n titeboo arora ma Ieotiabata? (2Rong. 20:15, 17; 32:8; TeKao. 16:14, 16)
(d) Tera aroia bwaiania ao mitinare ni katotongia tibun Rewi, n angakarea ni kaineti ma aia mwakuri n uarongorongo ni katobibia te aonnaba ni boong aikai? (2Rong. 20:19; IRom 10:13-15; 2Tim. 4:2)
A a Manga Maiu Uoman Ataei
1. Antai aomata aika teniman aika n te taamnei, ao tera ae riki nakon te ataeinimwaane aei?
2. Tera are e tataroakinna Eria ni kaineti ma te ataeinimwaane, ao tera ae riki imwina?
3. Antai aran ana tia ibuobuoki Eria?
4. E aera ngke e a kawaekoaki Eritai nakon ana auti ainen Tunem?
5. Tera are e karaoia Eritai, ao tera are riki nakon te ataeinimwaane are e mate?
6. Tera aroni mwaakan Iehova, are e kaotaki rinanon aia mwakuri Eria ao Eritai?
Titiraki riki tabeua:
1. Wareka te 1 Uea 17:8-24.
(a) E kanga ni kataaki ongeaban Eria ao ana onimaki? (1Uea 17:9; 19:1-4, 10)
(b) E aera ngkai e rianako ana onimaki ainen Tarebata, are e a tia ni mate buuna? (1Uea 17:12-16; Ruka 4:25, 26)
(c) E kanga ni kaotaki koauan ana taeka Iesu are e koreaki ni Mataio 10:41, 42, n rongorongon ainen Tarebata are e a tia ni mate buuna? (1Uea 17:10-12, 17, 23, 24)
2. Wareka te 2 Uea 4:8-37.
(a) Tera reireiara mairoun ainen Tunem ni kaineti ma akoakia iruwa? (2Uea 4:8; Ruka 6:38; IRom 12:13; 1Ioa. 3:17)
(b) Ti na kanga n akoiia ana toro te Atua ni boong aikai? (Mwa. 20:35; 28:1, 2; IKar. 6:9, 10; Ebera 6:10)
E Buoka te Toka te Ataeinnaine
1. Tera ae e tuangaki te toka te aine ae n te taamnei, iroun te ataeinnaine?
2. Antai te toka te aine ae n te taamnei, ao tera ae e karaoia te ataeinnaine n ana auti te toka?
3. Tera are e tuatua Eritai nakon ana toro bwa e na kaongoaki Naaman, ao e aera ngke e un iai Naaman?
4. Tera are riki ngke e ongo Naaman iroun ana toro?
5. E aera ngke e aki butimwaeaki ana bwaintangira Naaman iroun Eritai, ma tera are e karaoia Keati?
6. Tera are riki nakon Keati, ao tera reireiara mai iai?
Titiraki riki tabeua:
1. Wareka te 2 Uea 5:1-27.
(a) A na kanga ni kaungaki rooro-n-rikirake ni boong aikai, man ana katoto ataeinnainen Iteraera aei? (2Uea 5:3; TaiAre. 8:2; 148:12, 13)
(b) E aera ngkai e raoiroi bwa ti na ururinga ana katoto Naaman, ngkana ti anganaki reireiara man te Baibara? (2Uea 5:15; Ebera 12:5, 6; Iak. 4:6)
(c) Baikara reirei aika a kona n reke, ngkana e kabotauaki aron Eritai ma Keati? (2Uea 5:9, 10, 14-16, 20; Mat. 10:8; Mwa. 5:1-5; 2Kor. 2:17)
Iona ao te Ika ae Bubura
1. Antai Iona, ao tera are e tuangaki iroun Iehova bwa e na karaoia?
2. Tera are e karaoia Iona, ngke e aki kan nakon te tabo are e kanakoa Iehova nako iai?
3. Tera are e tuangia kaimoa Iona bwa a na karaoia bwa e aonga n toki te buaka?
4. N aron ae ko noria n te taamnei, tera ae riki nakon Iona ngke e iinako i taari?
5. Maanra Iona n tiku i nanon te ika ae bubura, ao tera are e karaoia ikekei?
6. E nakea Iona imwin otinakona man te ika are e bubura, ao tera reireiara n aei?
Titiraki riki tabeua:
1. Wareka Iona 1:1-17.
N aron ae teretere, tera aron Iona nakon mwiokoana are e na uarongorongo nakoia kaain Ninewe? (Iona 1:2, 3; TaeRab. 3:7; TeMin. 8:12)
2. Wareka Iona 2:1, 2, 10.
E kanga rongorongon Iona ni kakoauaa raoi nakoira aron Iehova ni kaineti ma kaekaan ara tataro? (TaiAre. 22:24; 34:6; 1Ioa. 5:14)
3. Wareka Iona 3:1-10.
(a) Tera kaungaakira ae reke man aron Iehova n teimatoa ni kabongana Iona, e ngae ngke e aki kakororaoa mwiokoana n te moantai? (TaiAre. 103:14; 1Bet. 5:10)
(b) Tera reireiara ae reke man aron Iona nakoia kaain Ninewe, n arora ni motiki taekaia aomata aika maeka n ara aono are ti uarongorongo iai? (Iona 3:6-9; TeMin. 11:6; Mwa. 13:48)
E Beritana te Baretaiti te Atua
1. Antai Itaia ao e maiu n te tai raa, ao tera are e kaotia nakoina Iehova?
2. Tera ae nanonaki n te taeka ae “baretaiti,” ao ko kauringaki taekan tera iai?
3. Tera are e tuanga Itaia Iehova bwa e na koreia ibukin te Baretaiti ae boou?
4. E aera Atam ma Nei Ewa ngke a kabuaa mwengaia are e rangi n raoiroi taraana?
5. Tera are e beritanna Iehova ibukia te koraki ake a tangiria?
Titiraki riki tabeua:
1. Wareka Itaia 11:6-9.
(a) E kanga Ana Taeka te Atua ni kabwarabwaraa te rau are e na riki, i marenaia maan ao aomata n te aonnaba ae boou? (TaiAre. 148:10, 13; Ita. 65:25; Etek. 34:25)
(b) Tera kakoroan bukin ana taeka Itaia n te aro ni kaikonaki, i buakoia ana toro Iehova ni boong aikai? (IRom 12:2; IEbe. 4:23, 24)
(c) Antai ae riai ni kamoamoaki ngkana e a bitaki aroaroia aomata nakon ae raoiroi, n taai aikai ao n te aonnaba ae boou? (Ita. 48:17, 18; IKar. 5:22, 23; IBir. 4:7)
2. Wareka Te Kaotioti 21:3, 4.
(a) E kanga te Baibara ni kaotia bwa menan te Atua ma aomata, e nanonaki iai te aro ni kaikonaki, ao tiaki nanona bwa e na ruo mai karawa ni mena i aon te aba ma ngaiia? (NakIbo. 26:11, 12; 2Rong. 6:18; Ita. 66:1; TeKao. 21:2, 3, 22-24)
(b) Te rannimata ma te maraki raa are e na kamaunaki? (Ruka 8:49-52; IRom 8:21, 22; TeKao. 21:4)
E Buoka Etekia te Atua
1. Antai te mwaane ae n te taamnei, ao e aera ngkai e a rangi n rotaki n te kangaanga?
2. Baikara reeta aika a karerenaki iroun Etekia bwa a na noraki iroun te Atua, ao tera are e tataroia Etekia?
3. Te aeka n uea raa Etekia, ao tera ana rongorongo Iehova are e roko irouna rinanon te burabeti are Itaia?
4. Tera are e karaoia ana anera Iehova nakoia kaain Aturia, ae e oti n te taamnei?
5. E ngae ngke a maeka n rau kaain te tautaeka n uea ni baronga aika uoua i nanon tabeua te tai, ma tera are e riki imwin maten Etekia?
Titiraki riki tabeua:
1. Wareka te 2 Uea 18:1-36.
(a) E kanga te tia taetae i Aturia ae Rabetiake, n ukoukora kamamaraan aia onimaki tibun Iteraera? (2Uea 18:19, 21; TeOti. 5:2; TaiAre. 64:3)
(b) A na kanga Ana tia Kakoaua Iehova ni katotonga Etekia, ngkana a kaaitara ma taiani kairiribai? (2Uea 18:36; TaiAre. 39:1; TaeRab. 26:4; 2Tim. 2:24)
2. Wareka te 2 Uea 19:1-37.
(a) A kanga ana aomata Iehova ni boong aikai ni katotonga Etekia n taai ni karawawata? (2Uea 19:1, 2; TaeRab. 3:5, 6; Ebera 10:24, 25; Iak. 5:14, 15)
(b) Baikara aaro aika tenua are e a konaaki iai te Uea ae Tennakeriba, ao e katea iai bannan antai? (2Uea 19:32, 35, 37; TeKao. 20:2, 3)
3. Wareka te 2 Uea 21:1-6, 16.
Bukin tera ngkai e kona n taekinaki bwa Manate bon temanna mai buakoia uea aika rangi ni buakaka ake a tautaeka i Ierutarem? (2Rong. 33:4-6, 9)
Te Kabanea n Uea ae Raoiroi i Iteraera
1. Iraua ana ririki Iotia ngke e moan riki n uea, ao tera are e moana karaoana ngke e a koro itua ana ririki n uea?
2. Tera ae ko noria bwa e karaoia Iotia n te moan taamnei?
3. Tera are e kunea mataniwia ibonga, ngke e onobwaiaki te tembora?
4. E aera ngkai e a raeuaka ana kunnikai Iotia?
5. Tera ana rongorongo Iehova are e anganaki Iotia, iroun Ureta are te burabeti n aine?
Titiraki riki tabeua:
1. Wareka te 2 Rongorongo 34:1-28.
(a) Tera te katoto are e karaoia Iotia ibukia te koraki ake a a tia n nanomwaaka ni kangaanga aika bati ngke a kaikawaaki? (2Rong. 33:21-25; 34:1, 2; TaiAre. 27:10)
(b) Baikara mwaneka aika kakawaki ake e karaoi Iotia ni kaineti ma te taromauri ae koaua, ngke ai ana ka-8 n ririki n uea, ana ka-12, ao ana ka-18? (2Rong. 34:3, 8)
(c) Baikara reirei ake a reke man ana katoto te Uea are Iotia ao Mataniwia Ibonga are Irekia, ni kaineti ma kateimatoan raoiroin ara tabo n taromauri? (2Rong. 34:9-13; TaeRab. 11:14; 1Kor. 10:31)
Te Mwaane ae Aki Mamaaku
1. Antai te rorobuaka n ataei ae n te taamnei?
2. Tera ana iango Ieremia ni kaineti ma rikina ni burabeti, ma tera are e tuangnga Iehova?
3. Tera te rongorongo are e teimatoa Ieremia ni kaongoia aomata?
4. A kanga ibonga ni kataia ni katoka Ieremia, ma e kanga ni kaotia bwa e aki maaku?
5. Tera ae riki ngke e aki bitaki aroia tibun Iteraera ae buakaka?
Titiraki riki tabeua:
1. Wareka Ieremia 1:1-8.
(a) N aron ae kaotaki n ana katoto Ieremia, tera ae e kataua te aomata nakon te beku ibukin Iehova? (2Kor. 3:5, 6)
(b) Tera te kaunganano nakoia rooro-n-rikirake ni boong aikai, ae reke man ana katoto Ieremia? (TeMin. 12:1; 1Tim. 4:12)
2. Wareka Ieremia 10:1-5.
Tera te kabotau ae rangi ni katekenano ae kabonganaki iroun Ieremia, ae kaotaki iai bwa e matebuaka onimakinan te bouannanti? (Ier. 10:5; Ita. 46:7; Aba. 2:19)
3. Wareka Ieremia 26:1-16.
(a) A kanga nikiraia taani kabiraki n ira ana taeka Iehova nakon Ieremia, are e ‘na aki katuka te taeka teuana,’ n aroia ni kauringia aomata ni boong aikai? (Ier. 26:2; TuaKau. 4:2; Mwa. 20:27)
(b) Tera te katoto ae raoiroi ae e karaoia Ieremia, ibukia Ana tia Kakoaua Iehova ni boong aikai, n tataekinan ana kauring Iehova nakoia natannaomata nako? (Ier. 26:8, 12, 14, 15; 2Tim. 4:1-5)
4. Wareka te 2 Uea 24:1-17.
Tera te bwai ae kananokawaki, are mwin aia aki-kakaonimaki Iutaia nakon Iehova? (2Uea 24:2-4, 14)
Aman Ataeinimwaane i Baburon
1. Antai ataeinimwaane aika aman aika n te taamnei, ao bukin tera ngkai a mena i Baburon?
2. Tera ana babaire Nebukaneta ibukia ataeinimwaane aika aman aikai, ao tera are e tuangia ana toro?
3. Tera ana bubutii Taniera ni kaineti ma amwarake ao mooi, ake a katauaki ibukina ma raoraona ake teniman?
4. Imwin kanakin uaanikai ma baanikai i nanon tebwina te bong irouia Taniera ma raoraona ake teniman, tera aroni kabotauaia ma rorobuaka n ataei ake tabemwaang?
5. A a kanga naba ni memena Taniera ma raoraona ake teniman n ana bareti te uea, ao tera raoiroia riki nakoia ibonga ao taan rabakau?
Titiraki riki tabeua:
1. Wareka Taniera 1:1-21.
(a) Te aeka ni kakorakora raa ae ti kainnanoia, bwa ti aonga n totokoa te kaririaki ao n tokanikai i aon te mamaara? (Tan. 1:8; KBwaai 39:7, 10; IKar. 6:9)
(b) N te aro raa ae a kona ni kataaki iai rooro-n-rikirake ni boong aikai, ni kaineti ma bwaai tabeua ake a aranaki bwa baika “raraoi”? (Tan. 1:8; TaeRab. 20:1; 2Kor. 6:17–7:1)
(c) Tera otara ae reke ni kaineti ma karekean te rabakau n aonnaba, man rongorongoia rooro-n-rikirake ake I-Ebera ake aman? (Tan. 1:20; Ita. 54:13; 1Kor. 3:18-20)
E a Kamaunaki Ierutarem
1. Tera ae riki nakon Ierutarem, ao nakoia tibun Iteraera ae oti n te taamnei?
2. Antai Etekiera, ao baikara bwaai aika kakuba ake e kaotii nakoina Iehova?
3. Tera ana berita Iehova are e karaoia ibukina bwa a aki karinea, tibun Iteraera?
4. Tera are e karaoia te Uea are Nebukaneta imwin aia karitei tibun Iteraera nakoina?
5. E aera ngkai e kariaia Iehova bwa e na uruanaki aroia tibun Iteraera n te aro ae kakaiaki?
6. E kanga n riki ae e a katukaki te aba ae Iteraera n aki kaainaki, ao maanra akean kaaina?
Titiraki riki tabeua:
1. Wareka te 2 Uea 25:1-26.
(a) Antai Tetekia, tera are riki nakoina, ao e kanga arona anne ni kakoroa bukin te taetae ni burabeti n te Baibara? (2Uea 25:5-7; Etek. 12:13-15)
(b) Antai ae e bukinna Iehova n aia aki-kakaonimaki kaain Iteraera? (2Uea 25:9, 11, 12, 18, 19; 2Rong. 36:14, 17)
2. Wareka Etekiera 8:1-18.
A kanga Aaro aika aongkoa Kristian ngaiia ni katotongia kaain Iteraera ake a kitana ma ni kabwaoua te koaua ngke a taromauria taai? (Etek. 8:16; Ita. 5:20, 21; Ioa. 3:19-21; 2Tim. 4:3)
A Rawa ni Bobaraki
1. Tera are e tua Nebukaneta are uean Baburon, nakoia aomata?
2. A aera raoraon Taniera ake teniman, ngkai a aki kani bobaraki nakon te boua are te koora?
3. Ngke a a manga anganaki aia tai I-Ebera ake teniman iroun Nebukaneta bwa a na bobaraki, a kanga ni kaota onimakinan Iehova?
4. Tera are e tuangia ana aomata Nebukaneta bwa a na karaoia nakon Tiateraka, Metiaka, ao Abeteneko?
5. Tera are e noria Nebukaneta ngke e taraa nanon te nne ni kanaiai?
6. E aera te uea ngke e neboa Atuan Tiateraka, Metiaka ao Abeteneko, ao tera te katoto are a karaoia ibukira?
Titiraki riki tabeua:
1. Wareka Taniera 3:1-30.
(a) Tera aroaroia ataeinimwaane ake teniman ake kaain Ebera, ae a riai naba ni katotongnga ana toro te Atua ni kabane, ngkana a kaaitara ma kataakin aia onimaki? (Tan. 3:17, 18; Mat. 10:28; IRom 14:7, 8)
(b) Tera te reirei ae kakawaki ae reireinaki iai Nebukaneta iroun Iehova ae te Atua? (Tan. 3:28, 29; 4:34, 35)
Te Koroboki I Aon te Oo
1. Tera ae riki ngke e booa ana baka n amwarake uean Baburon, ao e kabonganai mwangkon ma booran ana tembora Iehova are i Ierutarem?
2. Tera are e taku Beretiata nakoia ana tia rabakau, ma tera are a aikoa kona ni karaoia?
3. Tera are e tuangaki te uea bwa e na karaoia iroun tinana?
4. Ni kaineti ma are e taekinna Taniera nakon te uea, e aera te Atua ngke e kanakoa te bai bwa e na koroboki i aon te oo?
5. E kanga Taniera ni kabwarabwarai nanon taian taeka ake i aon te oo?
6. Tera are riki i nanon ana tai n taetae Taniera?
Titiraki riki tabeua:
1. Wareka Taniera 5:1-31.
(a) Kabotaua maakakin te Atua, ma maakun Beretiata ngke e a nora te koroboki i aon te oo. (Tan. 5:6, 7; TaiAre. 19:9; IRom 8:35-39)
(b) E kanga Taniera ni kaota te ninikoria ae bati ngke e taetae nakon Beretiata, ao ana aomata aika kakannato? (Tan. 5:17, 18, 22, 26-28; Mwa. 4:29)
(c) N te aro raa ae e kamatataaki riki iai, riain Iehova n tautaeka i aoni bwaai ni kabane, n Taniera mwakoro 5? (Tan. 4:17, 25; 5:21)
Taniera ni Nneia Raian
1. Antai Taraiati, ao tera arona nakon Taniera?
2. Tera are a kaungaa Taraiati bwa e na karaoia, mwaane tabeman aika bakantang?
3. Tera aron Taniera ngke e ongo taekan te tua ae boou?
4. E aera Taraiati ngke e a rangi n rawawata ao e a aki kona n reke matuna, ao tera are e karaoia n te moaningabong are imwina?
5. E kanga Taniera ni kaekaa Taraiati?
6. Tera are riki nakoia mwaane ake a buakaka ake a kataia n tiringa Taniera, ao tera are e koreia Taraiati nakoia aomata ni kabane ake a mena i aan ana tautaeka?
Titiraki riki tabeua:
1. Wareka Taniera 6:1-28.
(a) Tera kauringakira ni kaineti ma aia mwakuri taani kakaaitara ngkai, ake a kataia n tuka aia mwakuri Ana tia Kakoaua Iehova, n aron naba te boraraoi ngkoa are karaoaki ibukin kaitaraan Taniera? (Tan. 6:7; TaiAre. 94:20; Ita. 10:1; IRom 8:31)
(b) A na kanga ana toro te Atua ni boong aikai, ni katotonga Taniera, n teimatoa n aantaeka “irouia ake a tau-taeka i aoia”? (Tan. 6:5, 10; IRom 13:1; Mwa. 5:29)
(c) Ti na kanga ni katotonga Taniera n toro iroun Iehova “n aki toki”? (Tan. 6:16, 20; IBir. 3:16; TeKao. 7:15)
A Kitana Baburon Ana Aomata te Atua
1. Tera ae a karaoia tibun Iteraera ae e kaotaki n te taamnei?
2. E kanga Tairati ni kakoroa bukin ana taetae ni burabeti Iehova are e koreia Itaia?
3. Tera are a tuangaki tibun Iteraera ake a aikoa kona n okira Ierutarem, iroun Tairati?
4. Tera are e angania aomata Tairati, bwa a na kaokia nako Ierutarem?
5. Maanra mwanangaia tibun Iteraera nako Ierutarem?
6. Iraua te ririki ni bwakanako man te tai are e moani kitanaki iai Ierutarem n aki kaainaki?
Titiraki riki tabeua:
1. Wareka Itaia 44:28 ao 45:1-4.
(a) E kanga Iehova ni katereterea raoi, bwa e na boni koro bukin te taetae ni burabeti ibukin Tairati? (Ita. 55:10, 11; IRom 4:17)
(b) Tera ae e kaotaki n ana taetae ni burabeti Itaia ibukin Tairati, ni kaineti ma ana konabwai Iehova ae te Atua n taekina kanoan te tai ae na roko? (Ita. 42:9; 45:21; 46:10, 11; 2Bet. 1:20)
2. Wareka Etira 1:1-11.
Ni kaineti ma aia katoto te koraki ake a aikoa kona n oki nako Ierutarem, ti na kanga ngaira ni ‘kakorakorai baia’ naake a kona ni beku ibukin te Atua ni kabwanina aia tai? (Etira 1:4, 6; IRom 12:13; IKoro. 4:12)
Onimakinan Ana Ibuobuoki te Atua
1. Iraman ake a ira te mwananga ae abwabwaki mai Baburon nako Ierutarem, ma tera are a kunea iai ngke a a roko?
2. Tera are a a moana kateana tibun Iteraera imwin rokoia, ma tera are a karaoia aia kairiribai?
3. Antai Akai ao Tekaria, ao tera are a tuangia aomata?
4. E aera ngke e kanakoa ana reta Tatenai nako Baburon, ao tera kaekaana?
5. Tera are e karaoia Etira ngke e a ongo taekan kainnanoakin katiaan ana tembora te Atua?
6. Tera ae e tataroia Etira ae oti n te taamnei, ao e kanga ni kaekaaki ana tataro, ao tera reireiara mai iai?
Titiraki riki tabeua:
1. Wareka Etira 3:1-13.
Ngkana ti mena n te tabo ae akea iai ana ekaretia te Atua, tera ae ti riai n teimatoa ni karaoia? (Etira 3:3, 6; Mwa. 17:16, 17; Ebera 13:15)
2. Wareka Etira 4:1-7.
Tera te katoto are e karaoia Terubabera ibukia ana aomata Iehova, ni kaineti ma te ikotaki n taromauri i marenaia Aaro? (TeOti. 34:12; 1Kor. 15:33; 2Kor. 6:14-17)
3. Wareka Etira 5:1-5, 17 ao 6:1-22.
(a) A aera kairiribai ngkai a aikoa kona n tuka katean te tembora? (Etira 5:5; Ita. 54:17)
(b) Tera aia mwakuri unimwaane ake kaain Iutaia, ae e kaungaia unimwaanen te ekaretia bwa a na ukoukora ana kairiri Iehova, ngkana a kaaitara ma te kairiribai? (Etira 6:14; TaiAre. 32:8; IRom 8:31; Iak. 1:5)
4. Wareka Etira 8:21-23, 28-36.
Imwain moanan te waaki teuana iroura, tera ana katoto Etira ae raoiroi ibukira bwa ti na kakairi iai? (Etira 8:23; TaiAre. 127:1; TaeRab. 10:22; Iak. 4:13-15)
Moretekai ao Etita
1. Antai Moretekai ao Etita?
2. E aera ngke e a tangira buuna ae boou te Uea are Aatueruti, ao antai are e rineia?
3. Antai Aman, ao tera bukina ngke e rangi n un?
4. Tera te tua are e kateaki, ao tera are e karaoia Etita imwin rokon ana rongorongo Moretekai irouna?
5. Tera are riki nakon Aman, ao tera ae riki nakon Moretekai?
6. A kanga tibun Iteraera ni kamaiuaki mairouia aia kairiribai?
Titiraki riki tabeua:
1. Wareka Etita 2:12-18.
E kanga Etita ni kaotiota kakawakin maiuakinan “te nano ae nimamanei ae rau”? (Etita 2:15; 1Bet. 3:1-5)
2. Wareka Etita 4:1-17.
N aron Etita are e reke ana tai n tei ibukin te taromauri ae koaua, tera ae ti kona ni karaoia n taai aikai, ae ti kaota iai tangiran Iehova ao onimakinana? (Etita 4:13, 14; Mat. 5:14-16; 24:14)
3. Wareka Etita 7:1-6.
A kanga ana aomata te Atua aika mwaiti ni boong aikai ni kaaitara ma te bwainikirinaki, n aron are e riki naba nakon Etita? (Etita 7:4; Mat. 10:16-22; 1Bet. 2:12)
Oon Ierutarem
1. Tera aia namakin tibun Iteraera ngke a maeka n te kaawa ae Ierutarem ae akea oona ni katobibia?
2. Antai Neemia?
3. Tera ana mwakuri Neemia, ao e aera ngkai e kakawaki?
4. Te rongorongo raa are e kananokawaka Neemia, ao tera are e karaoia?
5. E kanga ni kaota te atataiaomata te uea ae Atatokititi nakon Neemia?
6. E kanga ni bairea te mwakuri ni kateitei Neemia, n te aro are a na aki kona ni katokia, aia kairiribai tibun Iteraera?
Titiraki riki tabeua:
1. Wareka Neemia 1:4-6 ao 2:1-20.
E kanga Neemia n ukoukora ana kairiri Iehova? (Neem. 2:4, 5; IRom 12:12; 1Bet. 4:7)
2. Wareka Neemia 3:3-5.
Tera reireiaia unimwaane ma tooro ni minita, man kaokoroia I-Tekoa ma “aia toka”? (Neem. 3:5, 27; 2Tet. 3:7-10; 1Bet. 5:5)
3. Wareka Neemia 4:1-23.
(a) Tera ae kaungaia tibun Iteraera bwa a na teimatoa ni kateitei, e ngae ngke e korakora kaaitarakia? (Neem. 4:6, 8, 9; TaiAre. 50:15; Ita. 65:13, 14)
(b) N te aro raa ae ti kaungaki iai ni boong aikai man aia katoto tibun Iteraera?
4. Wareka Neemia 6:15.
Tera ae e kaotaki ibukin korakoran te onimaki, ni kaineti ma tian karaoan oon Ierutarem i nanon uoua namwakaina? (TaiAre. 56:3, 4; Mat. 17:20; 19:26)
E Kawara Maria te Anera
1. Antai te aine ae n te taamnei?
2. Tera are e tuangaki Maria iroun Kabiriera?
3. E kanga ni kabwarabwaraa Kabiriera nakon Maria, bwa e na boni bikoukou, e ngae ngke akea buuna?
4. Tera are riki ngke e nako Maria ni kawara ana koraki are Eritabeta?
5. Tera ana iango Ioteba ngke e a ataia are e bikoukou Maria, ma e aera ngke e a manga bita ana iango?
Titiraki riki tabeua:
1. Wareka Ruka 1:26-56.
(a) Tera ae kaotaki n Ruka 1:35 ni kaineti ma aki-rotakin kanoan biroton Maria n aki kororaoin Atam, ngke e kamwaingaki maiun Natin te Atua nako iai man te aba n taamnei? (Akai 2:11-13; Ioa. 6:69; Ebera 7:26; 10:5)
(b) E kanga Iesu ni karineaki ngke e tuai ni bungiaki? (Ruka 1:41-43)
(c) Tera ana katoto Maria nakoia Kristian ni boong aikai, ake a anganaki mwioko aika okoro n ana botaki Iehova? (Ruka 1:38, 46-49; 17:10; TaeRab. 11:2)
2. Wareka Mataio 1:18-25.
E ngae ngke e aki aranaki Iesu bwa Emanuera, ma e kanga ni kakororaoa nanon te ara anne ni maiuna i aon te aba? (Mat. 1:22, 23; Ioa. 14:8-10; Ebera 1:1-3)
Bungian Iesu ni Nneia Maan
1. Antai te merimeri ae n te taamnei, ao e kaweneaki iia iroun Maria?
2. E aera Iesu ngke e bungiaki i buakoia maan?
3. Antai mwaane aika a nang rin ni nneia maan ae oti n te taamnei, ao tera are e a tia n tuangia te anera?
4. E aera ngkai e rianako okoron Iesu?
5. E aera ngkai e kona n aranaki Iesu bwa Natin te Atua?
Titiraki riki tabeua:
1. Wareka Ruka 2:1-20.
(a) Tera are e karaoia Kaitara Aukutito are e buoka naba iai kakoroan bukin te taetae ni burabeti ni kaineti ma bungian Iesu? (Ruka 2:1-4; Mika 5:2)
(b) E nang kanga naba te aomata n atongaki bwa kaain te koraki ake ‘a tangiraki iroun te Atua’? (Ruka 2:14, BK; Mat. 16:24; Ioa. 17:3; Mwa. 3:19; Ebera 11:6)
(c) Ngkana ngaia bwa a rotaki n te kimwareirei taani kawakin tiibu ake I-Iutaia ni bungian te tia Kamaiu, tera bukina ae kakawaki riki ae a na kimwareirei iai ana toro te Atua ni boong aikai? (Ruka 2:10, 11; IEbe. 3:8, 9; TeKao. 11:15; 14:6)
E Kairiia Mwaane te Itoi
1. Antai mwaane aika n te taamnei, ao bukin tera bwa e kotea te itoi ae otamwaaka temanna i buakoia?
2. E aera ngke e un te Uea are Erote, ao tera are e karaoia?
3. E kairiia nakea mwaane te itoi are otamwaaka, ao bukin tera ngke a a okira abaia n te kawai ae kaokoro?
4. Tera are e tua Erote bwa e na karaoaki, ao bukin tera?
5. Tera are e tuangaki Ioteba bwa e na karaoia iroun Iehova?
6. Antai ae karaoa te itoi are e boou arei bwa e na otamwaaka, ao bukin tera?
Te titiraki riki teuana:
1. Wareka Mataio 2:1-23.
Iraua ana ririki Iesu ao e maeka iia ngke e kawaraki irouia kaaini mainiku? (Mat. 2:1, 11, 16)
Iesu n te Tembora
1. Iraua ana ririki Iesu n te taamnei aei, ao e mena iia?
2. Tera are e kaakaraoia Ioteba ma ana utu ni katoa ririki?
3. Imwin mwanangaia Ioteba ao Maria n oki nakon mwengaia i nanon teuana te bong, e aera ngke a a manga karairaki nako Ierutarem?
4. E kuneaki iia Iesu iroun Ioteba ao Maria, ao bukin tera ngke a mimi aomata?
5. Tera are e taku Iesu nakon tinana are Maria?
6. Ti na kanga ni katotonga Iesu n reiakina taekan te Atua?
Titiraki riki tabeua:
1. Wareka Ruka 2:41-52.
(a) E ngae ngke e koreaki n te Tua bwa tii mwaane ake a na kaei tooa ake a karaoaki ni katoa ririki, ma tera aia katoto Ioteba ao Maria are a karaoia ibukia kaaro ni boong aikai? (Ruka 2:41; TuaKau. 16:16; 31:12; TaeRab. 22:6)
(b) E kanga Iesu ni karaoa te banna ni katoto ibukia te koraki ake a ataei riki ni boong aikai, ni kaineti ma te aantaeka irouia aia karo? (Ruka 2:51; TuaKau. 5:16; TaeRab. 23:22; IKoro. 3:20)
2. Wareka Mataio 13:53-56.
Antai tarin Iesu ake aman ake a taekinaki araia n te Baibara, ao a kanga ni kabonganaki uoman i buakoia rimwi riki n te ekaretia ni Kristian? (Mat. 13:55; Mwa. 12:17; 15:6, 13; 21:18; IKar. 1:19; Iak. 1:1; Iuta 1)
E Bwabetitoa Iesu Ioane
1. Antai mwaane aika uoman aika n te taamnei?
2. E kanga aroni bwabetitoakin te aomata?
3. Te koraki raa ake e bon tataneiai Ioane ni bwabetitoia?
4. Tera bukina are e tuatua iai Iesu bwa e na bwabetitoaki iroun Ioane?
5. E kanga ni kaotia te Atua bwa e kukurei ngke e bwabetitoaki Iesu?
6. Tera are e riki ngke e nako Iesu nakon te tabo ae akea kaaina n tiku iai 40 te bong?
7. Antai tabeman ake a moan riki bwa taan rimwin Iesu, ao tera ana moani kakai?
Titiraki riki tabeua:
1. Wareka Mataio 3:13-17.
Tera te banna are e karaoia Iesu ibukin bwabetitoakiia taan rimwina? (TaiAre. 40:7, 8; Mat. 28:19, 20; Ruka 3:21, 22)
2. Wareka Mataio 4:1-11.
Ti kanga ni kaungaki bwa ti na reirei n te Baibara ni katoatai, man aron Iesu ni mwaatai ni kabongana te Baibara? (Mat. 4:5-7; 2Bet. 3:17, 18; 1Ioa. 4:1)
3. Wareka Ioane 1:29-51.
E kairiia taan rimwina Ioane te tia Bwabetito nakon antai, ao ti na kanga ni katotongnga ni boong aikai? (Ioa. 1:29, 35, 36; 3:30; Mat. 23:10)
4. Wareka Ioane 2:1-12.
E kanga ni kaotaki n ana moani kakai Iesu, bwa E aki taua te bwai ae raoiroi Iehova mairouia ana toro? (Ioa. 2:9, 10; TaiAre. 84:11; Iak. 1:17)
E Kaitiaka te Tembora Iesu
1. E aera ngkai a a kaboakinako maan i nanon te tembora?
2. Tera are e un iai Iesu?
3. N aron ae oti n te taamnei, tera ae e karaoia Iesu, ao tera are e tuangia mwaane ake a kakaboonakoi taobe?
4. Ngke a a nora te bwai are e karaoia Iesu taan rimwina, tera are a kauringaki iai?
5. E rinanon te kaawa raa Iesu ni kawaina n oki nako Kariraia?
Te titiraki riki teuana:
1. Wareka Ioane 2:13-25.
N iangoan unin Iesu ni kaineti ma te raimwane n te tembora, tera iangoan te bitineti n te Tabo n Taromauri n taai aikai? (Ioa. 2:15, 16; 1Kor. 10:24, 31-33)
Boona ma Neiei n te Mwanibwa
1. E aera ngke e motirawa Iesu i etan te mwanibwa i Tamaria, ao tera are e taku nakon te aine ikekei?
2. E aera ngke e kubanako te aine arei, ao tera are e tuangnga Iesu ao bukin tera?
3. Te ran raa are e iangoia te aine arei bwa e taekinna Iesu, ma te ran raa are e bon nanonna Iesu?
4. E aera ngke e a kubanako te aine arei n ataakin arona iroun Iesu, ao e kanga n ataa te rongorongo anne Iesu?
5. Tera reireiara ae ti kona ni karekea man rongorongon te aine are i etan te mwanibwa?
Titiraki riki tabeua:
1. Wareka Ioane 4:5-43.
(a) Tera arora ae ti riai ni karaoia nakoia aomata aika kakaokoro aia reeti ke aroni kaubwaia, ae reke man ana katoto Iesu? (Ioa. 4:9; 1Kor. 9:22; 1Tim. 2:3, 4; Tit. 2:11)
(b) Tera te kakabwaia n taamnei ae reke iroun te aomata are e riki bwa te tia rimwin Iesu? (Ioa. 4:14; Ita. 58:11; 2Kor. 4:16)
(c) Ti na kanga ni kaota te kaitau n aron ainen Tamaria are e ingainga nanona ni kan tibwaa reireiana are reke? (Ioa. 4:7, 28; Mat. 6:33; Ruka 10:40-42)
E Reirei Iesu n te Maunga
1. E angareirei Iesu iia ae oti n te taamnei, ao antai ake a tekateka n uakaan ma ngaia?
2. Antai araia abotoro ake 12?
3. Te Tautaeka n Uea raa are e angareirei i aona Iesu?
4. Tera are e reireinia aomata Iesu bwa a na tataroakinna?
5. Tera are e taku Iesu bwa a riai ni karaoia aomata i marenaia?
Titiraki riki tabeua:
1. Wareka Mataio 5:1-12.
N te aro raa ae ti kaotia iai bwa ti tabeakina karikirakean ara onimaki? (Mat. 5:3, NW; IRom 10:13-15; 1Tim. 4:13, 15, 16)
2. Wareka Mataio 5:21-26.
E kanga ni kaotaki ni Mataio 5:23, 24, bwa e kona n rotaki ara itoman ma Iehova n reitakira ma tarira? (Mat. 6:14, 15; TaiAre. 133:1; IKoro. 3:13; 1Ioa. 4:20)
3. Wareka Mataio 6:1-8.
Baikara waaki ni kamoamoa ake a na rawa nako iai Kristian? (Ruka 18:11, 12; 1Kor. 4:6, 7; 2Kor. 9:7)
4. Wareka Mataio 6:25-34.
Tera ana reirei Iesu are taekan riaira n onimakina Iehova ni kaineti ma ara bwai ake ti kainnanoi? (TeOti. 16:4; TaiAre. 37:25; IBir. 4:6)
5. Wareka Mataio 7:1-11.
Tera reireiara man te kabotau ae mataata ae kuneaki ni Mataio 7:5? (TaeRab. 26:12; IRom 2:1; 14:10; Iak. 4:11, 12)
E Kautiia Maate Iesu
1. Antai taman te ataeinnaine ae n te taamnei, ao bukin tera bwa a rangi n raraoma ngkoa tamana ma tinana?
2. Tera are e karaoia Iairo ngke e kunea Iesu?
3. Tera are e riki i aoni kawain Iesu ni kawara mwengan Iairo, ao tera te rongorongo are e kaongoaki Iairo imwain rokona?
4. Bukin tera ngke a ngareakina Iesu kaain ana auti Iairo?
5. Tera are e karaoia Iesu imwin kairaia ana abotoro ake teniman ao ana karo te ataeinnaine, nakon te ruu are e mena iai te mate?
6. Antai riki ake e kautiia Iesu man te mate, ao tera ae oti n aei?
Titiraki riki tabeua:
1. Wareka Ruka 8:40-56.
E kanga Iesu ni kaota te nanoanga ao te riai nakon te aine are e nraraa, ao tera reireiaia unimwaanen te ekaretia ni boong aikai iai? (Ruka 8:43, 44, 47, 48; NakIbo. 15:25-27; Mat. 9:12, 13; IKoro. 3:12-14)
2. Wareka Ruka 7:11-17.
E aera ngke e korakora raun nanoia aomata ake iai raoia aika tangiraki ake a a tia ni mate, n aron Iesu nakon te aine are e a kamani mate buuna are kaain Nain? (Ruka 7:13; 2Kor. 1:3, 4; Ebera 4:15)
3. Wareka Ioane 11:17-44.
E kanga Iesu ni kaotia bwa bon aroia aomata ae a na taonaki n te nanokawaki, ngkana e mate ae tangiraki irouia? (Ioa. 11:33-36, 38; 2Tam. 18:33; 19:1-4)
E Kaamwarakeia Aika Bati Iesu
1. Tera te bwai ae kakaiaki ae riki nakon Ioane te tia Bwabetito, ao tera ana namakin Iesu iai?
2. E kanga Iesu ni kaamwarakeia aomata aika uanao ake a ririmwina, ao mwaitira nikiran te amwarake?
3. E aera ngke a maaku taan rimwin Iesu ngke e a tairiki, ao tera are e riki nakon Betero?
4. E kanga Iesu ni kaamwarakeia naba aomata ake ngaa ma ngaa mwaitiia n te kauatai?
5. E aera ngkai e na kakukurei ngkana e a tautaekana te aonnaba Iesu, n ana kariaia te Atua?
Titiraki riki tabeua:
1. Wareka Mataio 14:1-32.
(a) Tera aroaron Betero ae oti, n te rongorongo ae mena ni Mataio 14:23-32?
(b) E kanga ni kateretereaki n te Baibara bwa e a ikawai n te onimaki Betero, ao e a tokanikai i aon aroarona are te aki iango moa imwain karaoan te bwai teuana? (Mat. 14:27-30; Ioa. 18:10; 21:7; Mwa. 2:14, 37-40; 1Bet. 5:6, 10)
2. Wareka Mataio 15:29-38.
E kanga Iesu ni kaota te karinerine ni kaineti ma baike a reke mairoun Tamana? (Mat. 15:37; Ioa. 6:12; IKoro. 3:15)
3. Wareka Ioane 6:1-21.
A kanga Kristian ngkai ni katotonga aroaron Iesu ni kaineti ma tautaekan te aonnaba? (Ioa. 6:15; Mat. 22:21; IRom 12:2; 13:1-4)
E Tatangiriia Ataei
1. Tera are a kauntaekaia abotoro i aoni kawaia n oki man kawaia ae abwabwaki?
2. E aera ngke e wetea te ataei temanna Iesu, ao e kateia i buakoia abotoro?
3. N te aro raa ae a riai iai abotoro ni katotongia ataei?
4. E kanga Iesu ni kaotia tabeua te namwakaina imwin anne bwa e tatangiriia ataei?
Titiraki riki tabeua:
1. Wareka Mataio 18:1-4.
E aera Iesu ngke e kabonganai kaikonaki, n angareirei iai? (Mat. 13:34, 36; Mareko 4:33, 34)
2. Wareka Mataio 19:13-15, BK.
Baikara aroaroia ataei ae ti riai ni karekea iroura, ngkana ti na buoka tibwatibwakin taekan te Tautaeka n Uea? (TaiAre. 25:9; 138:6; 1Kor. 14:20)
3. Wareka Mareko 9:33-37.
Tera are e reireinia taan rimwina Iesu, ni kaineti ma tangiran te kani kakannato? (Mareko 9:35; Mat. 20:25-27a; IKar. 6:3; IBir. 2:5-8)
4. Wareka Mareko 10:13-16, BK.
Tera aron Iesu ni butimwaeia ake a kawaria, ao tera reireiaia unimwaanen te ekaretia iai? (Mareko 6:30-34; IBir. 2:1-4; 1Tim. 4:12)
Aron Iesu n Angareirei
1. Tera ana titiraki temanna te mwaane nakon Iesu, ao bukin tera?
2. Tera ae e kakabongana Iesu n tabetai ngkana e angareirei, ao tera reireiara man rongorongoia I-Iutaia ao I-Tamaria?
3. Ni kaineti ma ana karaki Iesu, tera are riki nakon te I-Iutaia ngke e mwananga n te kawai are e nako Ieriko?
4. Tera are riki ngke a toua te kawai arei, ibongan Iutaia ao tibun Rewi?
5. Antai ae e buoka te I-Iutaia are kamwaruaaki, ae oti n te taamnei?
6. Tera ana titiraki Iesu are e kateia imwin banen ana karaki, ao tera ana kaeka te mwaane arei?
Titiraki riki tabeua:
1. Wareka Ruka 10:25-37.
(a) N onean mwin are e na kaekaa te titiraki Iesu are e tabekaki nakoina iroun te aomata ae rabakau n te Tua, e kanga ni kaira ana iango teuarei bwa e na iangoa raoi kaekan ana titiraki i bon irouna? (Ruka 10:26; Mat. 16:13-16)
(b) E kanga Iesu ni kabonganai kaikonaki ni katoki iai aia riribai ana taan ongora? (Ruka 10:36, 37; 18:9-14; Tit. 1:9)
E Kamarurungia Aoraki Iesu
1. Tera are e karaoia Iesu ngke e mwananga rinanoni kaawa?
2. Tera are e tuangia ana abotoro Iesu, ngke ai tenua tabun te ririki imwin bwabetitoana?
3. Antai aomata aika n te taamnei, ao tera ae e karaoia Iesu nakon te aine aei?
4. E aera ngke a a maamaa mataniwin te Aro n ana kaeka Iesu nakon aia kakarabakau?
5. Ngke a a uakaan ma Ieriko Iesu ma ana abotoro, tera are e karaoia nakoia mataki aika uoman?
6. E aera ngkai e karaoi kakai Iesu?
Titiraki riki tabeua:
1. Wareka Mataio 15:30, 31.
Tera kamimin mwaakan Iehova ae kaotiotaki rinanon Iesu, ao tera aron rotakin ara atatai iai ni kaineti ma ana berita Iehova ibukin te waaki ae boou ae na roko i aon te aba? (TaiAre. 37:29; Ita. 33:24)
2. Wareka Ruka 13:10-17.
E kanga ni kaotaki te ibuobuoki are e na karaoia Iesu nakoia aomata n ana Tautaeka ae Maanna Tengaa te Ririki, man te koaua are tabeua ana kakai aika kakawaki riki, a karaoaki n te Taabati? (Ruka 13:10-13; TaiAre. 46:9; Mat. 12:8; IKoro. 2:16, 17; TeKao. 21:1-4)
3. Wareka Mataio 20:29-34.
E kanga n oti n te rongorongo aei bwa e aki kona Iesu ni karimoaa korakoran tabena n te aro are e a aki kona n reke ana tai ni buokiia aomata, ao tera reireiara iai? (TuaKau. 15:7; Iak. 2:15, 16; 1Ioa. 3:17)
E a Roko Iesu Bwa te Uea
1. Ngke e a roko Iesu n te kaawa ae uarereke i rarikin Ierutarem, ao tera are e tuangia taan rimwina bwa a na karaoia?
2. Tera ae riki n te taamnei, ngke e a uakaan Iesu ma te kaawa ae Ierutarem?
3. Tera are a karaoia ataei ngke a nora Iesu ni kamarurungia mataki ma mwauku?
4. Tera are e taku Iesu nakoia ibonga ake a un akekei?
5. Ti na kanga ni kamoamoaa Iesu ni katotongia ataei aikai?
6. Tera are a kan ataia taan rimwin Kristo?
Titiraki riki tabeua:
1. Wareka Mataio 21:1-17.
(a) Tera kaokoron rinin Iesu i Ierutarem ngke e butimwaeaki bwa te Uea, ma are a kaakaraoia mataniwin ana taanga ni buaka Rom imwin te tokanikai n te buaka? (Mat. 21:4, 5; Tek. 9:9; IBir. 2:5-8; IKoro. 2:15)
(b) Tera reireiaia ake a a ataei riki, n aia taeka ataeinimwaane aika I-Iteraera, ni mwanewea Taian Areru 118 nakon Iesu ngke e rin n te tembora? (Mat. 21:9, 15; TaiAre. 118:25, 26; 2Tim. 3:15; 2Bet. 3:18)
2. Wareka Ioane 12:12-16.
Tera ae kaotaki ni mwanganikai ake a kabonganaki irouia aomata ake a kamoamoaa Iesu? (Ioa. 12:13; IBir. 2:10; TeKao. 7:9, 10)
N te Maunga Are Oriweta
1. E ngaa Iesu n te taamnei, ao antai aika i rarikina aikai?
2. Tera ae a kataia ni karaoia ibonga nakon Iesu n te tembora, ma tera are e tuangia?
3. Tera aia titiraki abotoro nakon Iesu?
4. Bukin tera ngke e tuangia ana abotoro Iesu bwaai tabeua ake a na riki n te aonnaba, ngkana e a tautaeka bwa te Uea i karawa?
5. Tera are e taku Iesu bwa e na riki imwain ae e kamaunaa te buakaka ni kabane man te aonnaba?
Titiraki riki tabeua:
1. Wareka Mataio 23:1-39.
(a) E ngae ngke e kaotaki n te Baibara bwa a kona n aranaki aomata n nakoa aika irekereke ma kakannatoia, ma tera ae oti n ana taeka Iesu ni Mataio 23:8-11 ni kaineti ma kabonganan nakoa ni karinerine tabeua n te ekaretia ni Kristian? (Mwa. 26:25; IRom 13:7; 1Bet. 2:13, 14)
(b) Tera are a kabongana Baritaio ni kataia n totokoia iai aomata bwa a na aki riki ni Kristian, ao a kanga ni karaoa aekakin anne mataniwin Aaro n taai aikai? (Mat. 23:13; Ruka 11:52; Ioa. 9:22; 12:42; 1Tet. 2:16)
2. Wareka Mataio 24:1-14.
(a) E kanga ni kaotaki kakawakin te nanomwaaka ni Mataio 24:13?
(b) Tera ae nanonaki n te taeka ae “te toki” ni Mataio 24:13? (Mat. 16:27; IRom 14:10-12; 2Kor. 5:10)
3. Wareka Mareko 13:3-10.
Tera are e taekinaki ni Mareko 13:10 ae kaotaki iai kaumakan tataekinan te rongorongo ae raoiroi, ao tera aron rotakira n ana taeka Iesu? (IRom 13:11, 12; 1Kor. 7:29-31; 2Tim. 4:2)
N te Ruu Are I Eta
1. N aron ae kaotaki n te taamnei, bukin tera ngkai a mena n te ruu ae bubura i eta, Iesu ma ana abotoro ake 12?
2. Antai teuare otinako, ao tera ae e nang karaoia?
3. Te botaki n amwarake raa are e moana karaoana Iesu, imwin banen te Toa are te Riao?
4. Te mwakuri raa are a kauringaki tibun Iteraera ni karaoan te Toa are te Riao, ao tera are a na ururingnga taan rimwin Iesu n te botaki n amwarake are e rianako okorona arei?
5. Tera are e tuangia taan rimwina Iesu, imwin karaoan ana Katairiki te Uea, ao tera are a karaoia?
Titiraki riki tabeua:
1. Wareka Mataio 26:14-30.
(a) E kanga ni kaotaki ni Mataio 26:15 bwa kamwanean Iesu, bon te mwakuri ae e karaoia Iuta ma nanona ni koaua?
(b) Baikara bwaai aika uoua aika a koro bukiia ni kaineti ma katutuan raraan Iesu? (Mat. 26:27, 28; Ier. 31:31-33; IEbe. 1:7; Ebera 9:19, 20)
2. Wareka Ruka 22:1-39.
Tera nanon ae e rin Tatan i nanon Iuta? (Ruka 22:3; Ioa. 13:2; Mwa. 1:24, 25)
3. Wareka Ioane 13:1-20.
(a) Ni kaineti ma are e taekinaki n Ioane 13:2 e na bukinaki Iuta n te bwai are e karaoia, ao tera reireiaia ana toro te Atua n aei? (KBwaai. 4:7; 2Kor. 2:11; IKar. 6:1; Iak. 1:13, 14)
(b) Tera te mwakuri are e karaoia Iesu ae riki bwa te bwai n reirei ae rangi ni kakawaki? (Ioa. 13:15; Mat. 23:11; 1Bet. 2:21)
4. Wareka Ioane 17:1-26.
N te aro raa are e tataro iai Iesu ibukia taan rimwina bwa a na “riki n teuana”? (Ioa. 17:11, 21-23; IRom 13:8; 14:19; IKoro. 3:14)
Iesu n te Oo-n-aroka
1. E nakea Iesu ma ana abotoro imwin kitanan te ruu are i eta, ao tera are e tuangia bwa a na karaoia?
2. Tera ae e noria Iesu ngke e okira te tabo are a mena iai abotoro, ao mwaitira ana tai ni karaoa aei?
3. Antai aika a roko n te oo-n-aroka, ao tera are e karaoia Iuta Itekariota n aron ae e oti n te taamnei?
4. E aera ngke e kaboria Iuta ma Iesu, ao tera are e karaoia Betero?
5. Tera are e taku Iesu nakon Betero, ao e aera Iesu ngke e aki butiia te Atua bwa e na karokoia ana anera?
Titiraki riki tabeua:
1. Wareka Mataio 26:36-56.
(a) E kanga n riki aron Iesu n reiakinia taan rimwina, bwa te katoto ae raoiroi ibukia unimwaanen te ekaretia ni boong aikai? (Mat. 20:25-28; 26:40, 41; IKar. 5:17; IEbe. 4:29, 31, 32)
(b) Tera ana iango Iesu n tabekan te bwai n tiritiri ni kaaitaraia iai raora n aomata? (Mat. 26:52; Ruka 6:27, 28; Ioa. 18:36)
2. Wareka Ruka 22:39-53.
Ngke e kaoti te anera nakon Iesu n te oo-n-aroka are Ketetemane bwa e na kakorakoraa, e oti n aei bwa e a moanna ni mamaara ana onimaki Iesu? Kabwarabwaraa. (Ruka 22:41-43; Ita. 49:8; Mat. 4:10, 11; Ebera 5:7)
3. Wareka Ioane 18:1-12.
E kanga Iesu ni kamanoia taan rimwina mairouia ana kairiribai, ao tera reireiara man te katoto aei? (Ioa. 10:11, 12; 18:1, 6-9; Ebera 13:6; Iak. 2:25)
E a Kamateaki Iesu
1. Antai ae e na bukinaki ni maten Iesu?
2. Tera are a karaoia abotoro tabeman ngke e a kairaki nako Iesu irouia mataniwin te Aro?
3. Tera are riki n ana auti Kaiaba, are te ibonga ae rietata?
4. E aera ngke e nako Betero n tang ni korakai?
5. Ngke e a manga kaokaki Iesu nakon Birato, tera are a tatakaaruaia mataniwia ibonga?
6. Tera are riki nakon Iesu imwin tawanou teutana n te Kanimabong, ao tera are e beritanna nakon te tia kamwarua are e tauraki n te kai ni kammaraki i rarikina?
7. E na mena iia te Baretaiti are e taekinna Iesu?
Titiraki riki tabeua:
1. Wareka Mataio 26:57-75.
N te aro raa ae e oti iai bwa e buakaka nanoia I-Iutaia ake a mena n te tabo ni bowii are rietata? (Mat. 26:59, 67, 68)
2. Wareka Mataio 27:1-50.
E aera ngkai e kona n taekinaki bwa nanokawakin Iuta are e namakinna ngke e uringaba, bon tiaki te raraoma ni koaua? (Mat. 27:3, 4; Mareko 3:29; 14:21; 2Kor. 7:10, 11)
3. Wareka Ruka 22:54-71.
Tera reireiara ae kona n reke man aron Betero ni baka n aki kinaa Iesu, n te tairiki are e kamwaneaki iai Iesu ma n tauaki? (Ruka 22:60-62; Mat. 26:31-35; 1Kor. 10:12)
4. Wareka Ruka 23:1-49.
Tera aron Iesu ngke e karaoaki ae ribuaka nakoina, ao tera reireiara mai iai? (Ruka 23:33, 34; IRom 12:17-19; 1Bet. 2:23)
5. Wareka Ioane 18:12-40.
Tera ae oti man te koaua are e ngae ngke e aki tokanikai ngkoa Betero i aon maakaia aomata, ma e riki rimwi bwa te abotoro ae rianako arona? (Ioa. 18:25-27; 1Kor. 4:2; 1Bet. 3:14, 15; 5:8, 9)
6. Wareka Ioane 19:1-30.
(a) Tera aron taraakin bwaikorakin te maiu aei iroun Iesu n te aro ae riai? (Ioa. 2:1, 2, 9, 10; 19:23, 24; Mat. 6:31, 32; 8:20)
(b) A kanga ana kabanea n taeka Iesu imwain matena, ni kaotia bwa e a tokanikai ni boutokaa riain ana tautaeka Iehova i aoni bwaai ni kabane? (Ioa. 16:33; 19:30; 2Bet. 3:14; 1Ioa. 5:4)
E a Manga Maiu Iesu
1. Antai te aine ae n te taamnei, ao antai mwaane aika uoman aikai, ao a mena iia?
2. E aera ngke a tuanga Birato ibonga bwa a na kanakoaki tautia bwa a na tantani n ruanimaten Iesu?
3. Tera ae e karaoia te anera ni moaningabongin te katenua ni bong imwin maten Iesu, ma tera are a karaoia ibonga?
4. E aera ngke a kubanako aine tabeman ngke a kawara ruanimaten Iesu?
5. E aera ngke a biri Betero ao Ioane nakon ruanimaten Iesu, ao tera are a noria?
6. Tera ae riki nakon rabwatan Iesu, ao tera are e karaoia ni kaotia nakoia taan rimwina bwa e a manga maiu?
Titiraki riki tabeua:
1. Wareka Mataio 27:62-66 ao 28:1-15.
N te tai are e a manga-uti iai Iesu, a kanga mataniwia ibonga, Baritaio, ao unimwaane, ni bure nakon te taamnei ae raoiroi? (Mat. 12:24, 31, 32; 28:11-15)
2. Wareka Ruka 24:1-12.
E kanga rongorongon manga-utin Iesu, ni kaotaki iai bwa a onimakinaki aine iroun Iehova bwa taani kakoaua? (Ruka 24:4, 9, 10; Mat. 28:1-7)
3. Wareka Ioane 20:1-12.
E kanga Ioane 20:8, 9 ni buokira bwa ti na bwaina te taotaonakinnano, ngkana ti aki bati ni mataata raoi ni kakoroan bukin ana taetae ni burabeti te Baibara? (TaeRab. 4:18; Mat. 17:22, 23; Ruka 24:5-8; Ioa. 16:12)
N te Ruu ae Roka
1. Tera are e taku Maria nakon te mwaane are e bukinna bwa te tia ununiki, ma tera are e a kinaa iai bwa bon Iesu?
2. Tera are riki nakoia taan rimwin Kristo aika uoman ake a rianna nakon te kaawa are Emmauti?
3. Baikara bwaai aika kamimi ake a riki, ngke a tuangia abotoro taan rimwin Kristo ake uoman akekei bwa a nora Iesu?
4. Iraua ana tai Iesu ni kaoti nakoia taan rimwina?
5. Tera are e taku Toma ngke e ongo are a a tia n nora te Uea taan rimwin Kristo, ma tera are riki wanibong imwina?
Titiraki riki tabeua:
1. Wareka Ioane 20:11-29.
Te koaua bwa e taekinna Iesu n Ioane 20:23 bwa iai mwaakaia aomata ni kabwarai buure? Kabwarabwaraa. (TaiAre. 49:2, 7; Ita. 55:7; 1Tim. 2:5, 6; 1Ioa. 2:1, 2)
2. Wareka Ruka 24:13-43.
Ti na kanga ni katauraoi nanora bwa ti aonga ni butimwaei koaua man te Baibara? (Ruka 24:32, 33, BK; Etira 7:10; Mat. 5:3, NW; Mwa. 16:14; Ebera 5:11-14)
E a Okira Karawa Iesu
1. Iraman taan rimwin Iesu ake a noria n te taina, ao tera are e taekinna nakoia?
2. Tera Uean te Atua, ao aekakira aron te maiu n te aonnaba, ngkana e a tautaeka Iesu bwa te Uea i nanon tengaa te ririki?
3. Mwaitira te bong are e kakaoti iai Iesu nakoia taan rimwina, ma tera ngkai ae e nang karaoia?
4. Tera are e tua Iesu nakoia taan rimwina bwa a na karaoia imwain ae e kitania?
5. Tera ae riki n te taamnei, ao e a kanga naba n aki noraki Iesu?
Titiraki riki tabeua:
1. Wareka te 1 I-Korinto 15:3-8.
E aera Bauro ngke e kona n taetae n aki nanououa ibukin manga-utin Iesu, ao baikara bwaai aika a kona n taekinna Kristian ni boong aikai n aki nanououa iai? (1Kor. 15:4, 7, 8; Ita. 2:2, 3; Mat. 24:14; 2Tim. 3:1-5)
2. Wareka Mwakuri 1:1-11.
Tera aron butanakon te mwakuri n uarongorongo, ni kaineti ma are e taetae ni burabetinaki ni Mwakuri 1:8? (Mwa. 6:7; 9:31; 11:19-21; IKoro. 1:23)
Te Tataninga i Ierutarem
1. N aron ae oti n te taamnei, tera ae riki nakoia taan rimwin Iesu, ake a tataninga i Ierutarem?
2. Tera bukin kubanakoia iruwa n te bwai are riki i Ierutarem?
3. Tera are e kabwarabwaraa Betero nakoia aomata?
4. Tera aia namakin aomata imwin ongoraaia iroun Betero, ao tera are e tuangia bwa a na karaoia?
5. Iraman aomata ake a bwabetitoaki ni bongin Bentekota n 33 C.E.?
Titiraki riki tabeua:
1. Wareka Mwakuri 2:1-47.
(a) E kanga ni kaotaki n ana taeka Betero ni Mwakuri 2:23, 36, bwa bon I-Iutaia ni kabane aika a bukinaki ni maten Iesu? (1Tet. 2:14, 15)
(b) E kanga Betero ni katea te katoto ae raoiroi ibukin te angareirei man te Baibara ae kamwakura aia iango aomata? (Mwa. 2:16, 17, 29, 31, 36, 39; IKoro. 4:6)
(c) E kanga Betero ni kabongana moani “kiingin uean te Atua,” are e beritanna Iesu bwa e na anganna? (Mwa. 2:14, 22-24, 37, 38; Mat. 16:19)
Otinakoia Man te Karabuti
1. Tera are riki nakoia Betero ao Ioane n te bwakantaai teuana ngke a nakon te tembora?
2. Tera are e taku Betero nakon te mwaane ae mwauku, ao tera are e anganna ae kakawaki riki nakon te mwane?
3. E aera ngke a un mataniwin te Aro, ao tera are a karaoia nakon Betero ao Ioane?
4. Tera are e taku Betero nakoia mataniwin te Aro, ao tera te kauring are a anganaki abotoro?
5. E aera ngke a a bakantang mataniwin te Aro, ma tera are riki ngke a a manga kamatawarikaki kaua abotoro?
6. Tera aroia abotoro ni kaeka ngke a a karinaki n te Tanirim?
Titiraki riki tabeua:
1. Wareka Mwakuri 3:1-10.
E ngae ngke ti aki anganaki te mwaaka bwa ti na karaoi kakai ngkai, ma e kanga ni buokira ana taeka Betero are ni Mwakuri 3:6, bwa ti na ataa kakawakin rongorongon te Tautaeka n Uea? (Ioa. 17:3; 2Kor. 5:18-20; IBir. 3:8)
2. Wareka Mwakuri 4:1-31.
Ngkana ti kaaitara ma ribaakira n ara mwakuri ni minita, ti na kanga ni katotongia tarira ni Kristian ake n te moan tienture? (Mwa. 4:29, 31; IEbe. 6:18-20; 1Tet. 2:2)
3. Wareka Mwakuri 5:17-42.
A kanga aomata aika tiaki taani Kakoaua n taai aika nako ao ngkai, ni kaotiota te iango ae riai ni kaineti ma te mwakuri n uarongorongo? (Mwa. 5:34-39)
E Karebanaki Tetebano
1. Antai Tetebano, ao tera are e buokaki bwa e na kona ni karaoia iroun te Atua?
2. Tera are e taku Tetebano are e a rangi ni kauniia iai mataniwin te Aro?
3. Tera are a karaoia mwaane nakon Tetebano imwin are a uaakinna nako tinanikun te kaawa?
4. Antai te rorobuaka n ataei ae e tei i rarikin taiani kooti ae oti n te taamnei?
5. Tera are e tataroia Tetebano nakon Iehova, imwain matena?
6. Tera ae ti riai ni karaoia ni katotonga Tetebano, ngkana iai ae karaoa ae buakaka nakoira?
Titiraki riki tabeua:
1. Wareka Mwakuri 6:8-15.
Tera aia waaki ni mwamwana te aba mataniwin te Aro, ae a kataia ni katoka iai aia mwakuri n uarongorongo Ana tia Kakoaua Iehova? (Mwa. 6:9, 11, 13)
2. Wareka Mwakuri 7:1-60.
(a) Tera ae e buoka Tetebano bwa e na mwaatai n taekina te rongorongo ae raoiroi i matan te Tanirim, ao tera reireiara man ana katoto? (Mwa. 7:51-53; IRom 15:4; 2Tim. 3:14-17; 1Bet. 3:15)
(b) Tera ae ti riai ni karikirakea, bwa arora nakoia taani kakaitaraa ara mwakuri? (Mwa. 7:58-60; Mat. 5:44; Ruka 23:33, 34)
Te Mwananga Nako Tamateko
1. Tera are e karaoia Tauro imwin tiringan Tetebano?
2. Tera are riki ae kamimi i aoni kawain Tauro nako Tamateko?
3. Tera are e tuangaki Tauro iroun Iesu?
4. Baikara kaetieti ake e anganaki Anania iroun Iesu, ao e kanga Tauro ni manga noraaba?
5. Antai aran Tauro imwina are e a kinaaki iai, ao e mwiokoaki n te mwakuri raa?
Titiraki riki tabeua:
1. Wareka Mwakuri 8:1-4.
E kanga te bwainikirinaki are e wai nakon te ekaretia are e a tibwa tei, ni karababaa nako riki te onimaki ni Kristian, ao tera te bwai ae aekakin naba anne ae riki n taai aikai? (Mwa. 8:4; Ita. 54:17)
2. Wareka Mwakuri 9:1-20.
Tera te mwioko are tenua mwakorona, are e kaota iangoana Iesu ibukin Tauro? (Mwa. 9:15; 13:5; 26:1; 27:24; IRom 11:13)
3. Wareka Mwakuri 22:6-16.
Ti na kanga n riki bwa kaanga Anania, ao e aera ngkai e kakawaki anne? (Mwa. 22:12; 1Tim. 3:7; 1Bet. 1:14-16; 2:12)
4. Wareka Mwakuri 26:8-20.
E kanga rairakin Tauro nakon te Kristian, n riki bwa te kaunganano nakoia te koraki ake tiaki kaain te onimaki buuia ngkai? (Mwa. 26:11; 1Tim. 1:14-16; 2Tim. 4:2; 1Bet. 3:1-3)
E Kawara Korenerio Betero
1. Antai te mwaane ae bobaraki ae n te taamnei?
2. Tera are e tuangaki Korenerio iroun te anera?
3. Tera are e kamiiaki Betero bwa e na noria iroun te Atua, ngke e mena i taubukin ana auti Timon i Iobe?
4. E aera ngke e tuangaki Korenerio iroun Betero bwa e aki riai ni bobaraki ma n taromauria?
5. E aera ngke a kubanako I-Iutaia ake taan rimwin Kristo ake raon Betero?
6. Tera reireiara ae kakawaki man kawarakin Korenerio iroun Betero?
Titiraki riki tabeua:
1. Wareka Mwakuri 10:1-48.
Tera ae kaotaki n taeka aika a kabonganaki iroun Betero ni Mwakuri 10:42, ni kaineti ma tataekinan te rongorongo ae raoiroi ibukin te Tautaeka n Uea? (Mat. 28:19; Mareko 13:10; Mwa. 1:8)
2. Wareka Mwakuri 11:1-18.
Tera aroaron Betero ngke e a teretere ana kairiri Iehova ni kaineti ma Tientaire, ao ti na kanga ni katotongnga? (Mwa. 11:17, 18; 2Kor. 10:5; IEbe. 5:17)
Timoteo—Buokan Bauro ae Boou
1. Antai te rorobuaka n ataei ae n te taamnei, ao e mamaeka iia, ao antai aran tinana ao tibuna?
2. Tera are e taku Timoteo ngke e titirakinna Bauro, bwa e kan iria ma Tira n te mwakuri n uarongorongo n taabo ake a raroa ke e aki?
3. A moan aranaki iia taan rimwin Iesu bwa Kristian?
4. Imwin kitanan Antioka iroun Bauro, Tira ao Timoteo, baikara kaawa tabeua ake a kawari?
5. E kanga Timoteo ni buoka Bauro, ao baikara titiraki aika a riai n titirakinia iai ngkai, te koraki ake a ataei riki?
Titiraki riki tabeua:
1. Wareka Mwakuri 9:19-30.
E kanga te abotoro Bauro ni kaota te wanawana ngkana e kaaitara ma ribaakina ibukin te euangkerio? (Mwa. 9:22-25, 29, 30; Mat. 10:16)
2. Wareka Mwakuri 11:19-26.
E kanga ni kaotaki ni Mwakuri 11:19-21, 26 bwa e kairiri taamnein Iehova n te mwakuri n uarongorongo?
3. Wareka Mwakuri 13:13-16, 42-52.
E kanga ni kaotaki ni Mwakuri 13:51, 52 bwa a aki kariaia taan rimwin Kristo bwa e na bwara nanoia ni kaaitarakia? (Mat. 10:14; Mwakuri 18:6; 1Bet. 4:14)
4. Wareka Mwakuri 14:1-6, 19-28.
E kanga ni buokira te taeka are ‘a anga ngaiia nakon Iehova,’ ni kabebeteira man raraomara ngkai ti tabe ni buokiia aika boou? (Mwa. 14:21-23; 20:32; Ioa. 6:44)
5. Wareka Mwakuri 16:1-5.
E kanga ana anganano Timoteo n aantaeka nakon te korotobibi, ni kaota kakawakin karaoan “bwaai ni kabane i bukin te euangkerio”? (Mwa. 16:3; 1Kor. 9:23; 1Tet. 2:8)
6. Wareka Mwakuri 18:1-11, 18-22.
Tera ae kaotaki ni Mwakuri 18:9, 10 ni kaineti ma aron Iesu ni kaira te mwakuri n uarongorongo, ao tera te bwai ae kakoauaki iai nakoira ni boong aikai? (Mat. 28:20)
Te Teinimwaane ae Matunako
1. Antai te teinimwaane ae wene i aontano aei, ao tera ae riki nakoina?
2. Tera ae e karaoia Bauro ngke e a ataia bwa e a mate te teinimwaane?
3. A na nakea Bauro ma Timoteo ao raoia ni mwananga, ao tera are riki ngke a moana Mireto?
4. Tera te kauring are e tuangaki Bauro iroun te burabeti are Akabo, ao e kanga n riki n aron are e a kaman taekinna te burabeti?
Titiraki riki tabeua:
1. Wareka Mwakuri 20:7-38.
(a) N aron ana taeka Bauro ni Mwakuri 20:26, 27, ti na kanga n teimatoa n “itiaki man raraia aomata ni kabaneia”? (Etek. 33:8; Mwa. 18:6, 7)
(b) E aera ngkai a riai unimwaane n “taua bukin te taeka are koaua,” ngkana a angareirei? (Mwa. 20:17, 29, 30; Tit. 1:7-9; 2Tim. 1:13)
2. Wareka Mwakuri 26:24-32.
E kanga Bauro ni kabongana rikiana n I-Rom, ni kakororaoa iai mwiokoana n te uarongorongo mairoun Iesu? (Mwa. 9:15; 16:37, 38; 25:11, 12; 26:32; Ruka 21:12, 13)
E Urubekebeke te Kaibuke
1. Tera are riki nakon te kaibuke are e toka iai Bauro, ngke e rirarikin te abamwakoro ae Kirete?
2. Tera are e taku Bauro nakoia kaain te kaibuke?
3. E kanga te kaibuke n urubekebeke?
4. Tera are e tua te tia kawakinia buure bwa e na karaoaki, ao iraman aika maiu aika a roko n te aba?
5. Te aba raa are a koro iai, ao tera are e riki nakon Bauro ngke e a raoi?
Titiraki riki tabeua:
1. Wareka Mwakuri 27:1-44.
E kanga n nene onimakinan ae e boni koaua te Baibara, ngke ti wareka rongorongon ana borau Bauro nako Rom? (Mwa. 27:16-19, 27-32; Ruka 1:3; 2Tim. 3:16, 17)
2. Wareka Mwakuri 28:1-14.
Ngkana ngaia bwa a ‘kabatiaa te akoi’ bekan ake kaain Merita nakon te abotoro Bauro ma raona ni borau, e na tera riki ngkanne aroia Kristian ae a na kaotia ao n te aro raa? (Mwa. 28:1, 2; Ebera 13:1, 2; 1Bet. 4:9)
E Mena i Rom Bauro
1. Antai ake e uarongorongo Bauro nakoia, ngke e mena n te karabuti i Rom?
2. Antai ae roko ae oti n te taamnei aei n tekateka n te taibora, ao tera ae e karaoia ibukin Bauro?
3. Antai Ebaberorito, ao tera are e uotia ngke e a okira Biribi?
4. Tera bukin ana kororeta Bauro nakon raoraona ae rangi n taatangiria ae Biremon?
5. Tera are e karaoia Bauro ngke e a kainaaomataki man te karabuti, ao tera ae riki nakoina rimwi riki?
6. Antai are e kabonganaki iroun Iehova bwa e na korei taiani kabanea ni boki n te Baibara, ao tera ae taekinaki n te boki ae Te Kaotioti?
Titiraki riki tabeua:
1. Wareka Mwakuri 28:16-31 ao I-Biribi 1:13.
E kanga Bauro ni kabongana ana tai ngke e karabutinaki i Rom, ao tera mwin korakoran ana onimaki nakoia kaain te ekaretia ni Kristian? (Mwa. 28:23, 30; IBir. 1:14)
2. Wareka I-Biribi 2:19-30.
Tera ana kakaaitau Bauro ae e kaotiotia ni kaineti ma Timoteo ao Ebaberorito, ao ti na kanga ni katotonga Bauro? (IBir. 2:20, 22, 25, 29, 30; 1Kor. 16:18; 1Tet. 5:12, 13)
3. Wareka Biremon 1-25.
(a) Tera raoi aan ana kaumaki Bauro nakon Biremon bwa e na karaoa ae riai, ao tera reireiaia unimwaane ni boong aikai iai? (Bire. 9; 2Kor. 8:8; IKar. 5:13)
(b) E kanga ni kaotaki aroni Bauro n ana taeka are ni Biremon 13, 14 bwa e karinea mataniwin nanoia kaain te ekaretia? (1Kor. 8:7, 13; 10:31-33)
4. Wareka te 2 Timoteo 4:7-9.
Ti na kanga ni kakoauaa raoi n aron Bauro, bwa e na boni karekei kaniwangara Iehova ngkana ti teimatoa ni kakaonimaki ni karokoa te toki? (Mat. 24:13; Ebera 6:10)
Tokin te Buakaka ni Kabane
1. E aera te Baibara ngkai e taekinia aoti i karawa?
2. Tera aran ana buaka te Atua ma aomata aika buakaka n te aonnaba, ao tera bukin te buaka aei?
3. Antai ae n te taamnei ae e na kaira te buaka, ao e aera ngkai e baunna, ao tera ae nanonaki n ana kabaang?
4. Ni kaineti ma Karaki 10, 15 ao 33, e aera bwa ti aki riai ni kubanako ngkai e na kamaunaia aomata aika buakaka te Atua?
5. A kanga Karaki aika 36 ao 76 ni kaotia nakoira bwa e na kamaunaia aomata aika buakaka te Atua, e ngae ngkana a taku bwa a bon taromauria?
Titiraki riki tabeua:
1. Wareka Te Kaotioti 19:11-16.
(a) A kanga kiibu n te Baibara ni katereterea bwa bon Iesu Kristo ae toka i aon te aoti ae mainaina? (TeKao. 1:5; 3:14; 19:11; Ita. 11:4)
(b) E kanga ni kakoauaki bwa e a bobonga raoi tokanikain Iesu, ni kateboakin ana kunnikai n te raraa? (TeKao. 14:18-20; 19:13; Ita. 63:1-6)
(c) Tao, antai naba kaain taanga ni buaka akana a rimwin Iesu, ane e toka i aon ana aoti ae mainaina? (TeKao. 12:7; 19:14; Mat. 25:31, 32)
Te Baretaiti ae Boou n te Aonnaba
1. Tera aroni maiura n te Baretaiti n te aonnaba, ae e katereterea te Baibara?
2. Tera ana berita te Baibara nakoia te koraki ake a na maeka n te Baretaiti?
3. N ningai ae e na karaoa iai te bitaki ae kamimi aei Iesu?
4. Tera are e karaoia Iesu i aon te aba, ae e kaotii iai baika e na karaoi, ngkana e a Uea n Ana Tautaeka n Uea te Atua?
5. Tera ae a na karaoia Iesu ma raona n tautaeka, ngkana a a tautaekana te aonnaba mai karawa?
Titiraki riki tabeua:
1. Wareka Te Kaotioti 5:9, 10.
E aera ngkai ti kona ni kakoauaa bwa te koraki ake a na tautaekana te aonnaba n te Tautaeka ae Maanna Tengaa te Ririki, bon uea ma ibonga aika a atataiaomata ma n nanoanga? (IEbe. 4:20-24; 1Bet. 1:7; 3:8; 5:6-10)
2. Wareka Te Kaotioti 14:1-3.
Tera te koaua ae teretere man koreakin aran te Tama ma te Tiibutetei i ramwaia te koraki ake 144,000? (1Kor. 3:23; 2Tim. 2:19; TeKao. 3:12)
Arora ni Kona ni Maiu n Aki Toki
1. Tera ae ti kainnanoa ataakina ngkana ti kani maiu n aki toki?
2. Ti na kanga n reiakina taekan Iehova ae te Atua ao Iesu, ae oti iroun te teinnaine ae uarereke ae n te taamnei ma raoraona?
3. Tera te boki are teuana riki ae ko noria n te taamnei, ao e aera ngkai ti riai ni warekia n taai nako?
4. Tera riki ae kainnanoaki ibukin karekean te maiu are aki toki, irarikin reiakinan taekan Iehova ao Iesu?
5. Tera reireiara ae reke ni Karaki 69?
6. Tera ana katoto ae raoiroi te ataei are Tamuera ae oti ni Karaki 55?
7. Ti na kanga n toua mwin ana katoto Iesu Kristo, ao ngkana ti a katotongnga, tera ae ti na kona ni karaoia nakon taai aika a na roko?
Titiraki riki tabeua:
1. Wareka Ioane 17:3.
E kanga n oti n te Baibara bwa karekean ataakin Iehova ae te Atua ao Iesu Kristo, e bati ae riai ni karaoaki riki iai nakon are tii kamatenikunaakin taiani koaua? (Mat. 7:21; Iak. 2:18-20; 1Ioa. 2:17)
2. Wareka Taian Areru 145:1-21.
(a) Baikara tabeua bukin neboakin Iehova? (TaiAre. 145:8-11; TeKao. 4:11)
(b) E kanga n “raoiroi Iehova nakoia aomata ni kabaneia,” ao tera aron anaakin nanora iai bwa ti na kaania riki? (TaiAre. 145:9; Mat. 5:43-45)
(c) Ngkana ti tangira Iehova, tera ae ti kairaki iai bwa ti na karaoia? (TaiAre. 119:171, 172, 175; 145:11, 12, 21)