Ani Biblia Lɛ Wieɔ Hii Kɛ Hii Loo Yei Kɛ Yei Ni Boteɔ Gbalashihilɛ Mli Ahe?

Hetoo ni Biblia lɛ kɛhãa

Wɔ-Bɔlɔ lɛ to mla ni kudɔɔ gbalashihilɛ lɛ shishi kwraa dani maŋ nɔyelɔi lɛ bɔi mlai ni baakudɔ gbalashihilɛ lɛ kɛhamɔ. Biblia mli klɛŋklɛŋ wolo lɛ kɛɔ wɔ akɛ: “Nuu aaashĩ etsɛ kɛ enyɛ, ni eeekpɛtɛ eŋa he, ni amɛaatsɔ̃ heloo kome.” (1 Mose 2:24) Wolo ko Vine’s Expository Dictionary of Biblical Words tsɔɔ mli akɛ, Hebri wiemɔ “ŋa, lɛ kɔɔ yoo ni ji gbɔmɔ adesa lɛ he.” Yesu ma nɔ mi akɛ, esa akɛ mɛi ni boteɔ gbalashihilɛ mli lɛ afee “nuu kɛ yoo.”—Mateo 19:4.

No tsɔɔ akɛ, Nyɔŋmɔ to gbalashihilɛ akɛ efee nɔ ni hiɔ shi daa, nɔ ni baahã nuu kɛ yoo abɛŋkɛ amɛhe kpaakpa. Abɔ nuu kɛ yoo akɛ mɛi srɔtoi enyɔ ni baanyɛ ahi shi bɔ ni afee ni mɔ kome anyɛ atsu mɔ kroko lɛ henumɔŋ kɛ bɔlɛnamɔŋ hiamɔ nii ahe nii koni amɛnyɛ amɛfɔ bii hu.