Ani Yesu Ji Nyɔŋmɔ Ofe?

Hetoo ni Biblia lɛ kɛhãa

Mɛi ni teɔ shi woɔ Yesu lɛ folɔ enaa akɛ ekɛ ehe miito Nyɔŋmɔ he. (Yohane 5:18; 10:30-33) Kɛ̃lɛ, Yesu ekɛɛɛ kɔkɔɔkɔ akɛ ekɛ Nyɔŋmɔ Ofe lɛ yeɔ egbɔ. Ekɛɛ: ‘Tsɛ lɛ da fe mi.’—Yohane 14:28.

Yesu mra beaŋ sɛɛnyiɛlɔi lɛ enaaa lɛ akɛ ekɛ Nyɔŋmɔ Ofe lɛ yeɔ egbɔ. Akɛ nɔkwɛmɔnɔ lɛ, bɔfo Paulo kɛɛ akɛ be ni atee Yesu shi sɛɛ lɛ, Nyɔŋmɔ “wó [Yesu] enɔ gojoo.” Eyɛ faŋŋ akɛ, Paulo heee eyeee akɛ Yesu ji Nyɔŋmɔ Ofe. Kɛ́ jeee nakai lɛ, te Nyɔŋmɔ baafee tɛŋŋ awó Yesu nɔ gojoo lɛ?—Filipibii 2:9.