Hemɔ Be Kɛkase Nyɔŋmɔ He Nii

Kɛ́ ohé be kɛkase Nyɔŋmɔ he nii lɛ, omii baashɛ ohe ni obaatsɔ Nyɔŋmɔ naanyo. Kɛ́ ofee nakai lɛ, no tsɔɔ akɛ ole akɛ Nyɔŋmɔ he miihia bo. Hã wɔsusu nɔ ni Yesu tsɔɔ yɛ sane nɛɛ he lɛ he wɔkwɛ.

Nɔ ni Yesu wie

“Mɛi ni le akɛ Nyɔŋmɔ he miihia amɛ lɛ yɛ miishɛɛ.”​—Mateo 5:3.

• Wɔ fɛɛ wɔmiitao wɔle sanebimɔi komɛi tamɔ nɔ ni nyiɛ sɛɛ nɛɛ ahetoo: Mɛni hewɔ wɔyɔɔ shihilɛ mli? Mɛni hewɔ mɛi babaoo kɛ naagbai ni mli wala kpeɔ nakai? Kɛ́ gbɔmɔ gbo lɛ, mɛɛ shihilɛ mli eyajeɔ? Kɛ́ wɔmii baashɛ wɔhe waa lɛ, ja wɔná sanebimɔi nɛɛ ahetoo.

“Jeee niyenii pɛ naa esa akɛ gbɔmɔ ahi wala mli yɛ, shi moŋ, yɛ wiemɔ fɛɛ wiemɔ ni jɛɔ Yehowaa daaŋ lɛ naa.”​—Mateo 4:4.

• Bɔ ni esa akɛ wɔye niyenii koni wɔná gbɔmɔtsoŋ hewalɛ kpakpa lɛ, nakai nɔŋŋ esa akɛ wɔná sanebimɔi ni he hiaa waa lɛ ahetoo koni wɔnyɛ wɔtsi wɔbɛŋkɛ Nyɔŋmɔ. Yesu fee lɛ faŋŋ akɛ, kɛ́ wɔkɛ wɔhe fɔ̃ Nyɔŋmɔ nɔ be fɛɛ be lɛ, wɔbaanyɛ wɔtsi wɔbɛŋkɛ Nyɔŋmɔ.

“Owiemɔ lɛ anɔkwale ni.”​—Yohane 17:17.

• Yesu tsɔɔ akɛ, Nyɔŋmɔ Wiemɔ ni ji Biblia lɛ, ji gbɛ titri ni Nyɔŋmɔ tsɔɔ nɔ eyeɔ ebuaa wɔ koni wɔnyɛ wɔbɛŋkɛ lɛ.

Wɔmiiwo bo hewalɛ ni ohé be kɛkase Nyɔŋmɔ he nii koni oná sanebimɔi ni he hiaa waa lɛ ahetoo ni omii ashɛ ohe daa. Naa nibii komɛi ni baanyɛ aye abua bo ni ofee nakai:

• Kanemɔ Biblia lɛ, aheee bo nɔ ko.

• Bi ni ahã mɔ ko kɛ bo akase Biblia lɛ ni owooo nyɔmɔ ko, abaafee lɛ tamɔ sanegbaa.