Göi Itre Icasikeu Ne La Huliwa

Koi 11 Okotropa Me Wiike Cili

Nyima 219

10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xatuane jë la itre trejine asë troa xome la itre hnying ne la götrane 1 matre troa wange hmaca la itre not ne hna Kovasio Ne Distrik “Ce Tro Jë Me Akötresie,” hna hnëkën troa ce ithanatan ngöne la Icasikeu Ne La Huliwa ne la wiike ka troa xulu. Xome jë la itre mekun nyine ixatua ngöne götrane 8 (maine ka loi kowe la teritoare së) troa iamacanyin la aqane troa tro fë la zonal La Tour de Garde ne 15 Okotropa me Réveillez-vous ! ne 22 Okotropa. Ithuecatre jë kowe la itretre cainöj troa xome la caa xötr ngöne la angatr a nyiqaane ithanata. Hetrenyi kö la itre xaa aqane nyiqaane ithanata ka loi nyine troa xom.

15 men: Loi e hetre madrin troa xatuane la itre xan. (Ioane 4:​34) Troa hnying kowe la itre trejin. Ketre madrine ka tru la easë a öhne la kola saze la ialameke ne la ketre atr ngöne la angeic a atre la nyipici qa hnine la Wesi Ula i Akötresie. (w94 1/3 g. 29 par. 6-7) Troa hnyingën kowe la luetre maine köni trejin maine itre pionie ka huliwane hnyawa la Tusi Hmitrötr ngöne la hna cainöj, nge ka nyiqaane etid memine la itre atr. Tune kaa la aqane akökötren angatre la aja ka eje thene la itre atr? Nemene la madrin hnei angatr hna kapa ngöne la huliwa cili? Upi angatre jë troa qaja maine troa iamacanyin la itre ewekë hnei angatr hna melën ngöne la hna cainöje trootro.

20 men: “Ketre Ijine Ka Ketre Pengön Göi Tro Fë Boroshür Ka Hnyipixe.”a Troa kuca hnene la qatre thup ka thupën la huliwa ne cainöj. Hetrenyi la itre aqane nyiqaane ithanata hna hnëkëne hë, iamacanyine jë itre ej. Ame ketre iamacany, troa amaman hnene la ketre atr laka thaa nyipi ajane kö angeic troa goeën la itre xötr ne la Tusi Hmitrötr, haawe, thaa boroshüre kö la hna hamën hnene la trejin ngo caa tarak.

Nyima 69 me thithi ne nyipun.

Koi 18 Okotropa Me Wiike Cili

Nyima 127

5 men: Itre ithuemacanyi koi së. Troa pane nango amexej göi itre hna hnëkën thatraqane lo tro fë boroshür.

40 men: “Kola Uku Së Hnene La Kovasio Ne Distrik Troa Ce Tro Me Akötresie.” Troa kuca hnene la ketre qatre thup. Thaa tro kö a sasaith la caa menetr ne nyiqaan, nge troa ce ithanatan la porogaram ne kovasio jëne la itre hnying hna hamëne hë. Troa thawa hnyawa la traem matre troa sa la isa hnying, maine jë tro hi a caa mekun ka sa la itre xaa hnying. Thatreine kö troa e asë la itre xötr ne la Tusi Hmitrötr; kola hamën itre ej matre atreine tro sa canga öhne la mekun ka sa la hnying. Troa amamane hnyawa hnene la itre mekun la itre manathith hna kapa, e troa trongën la itre ewekë hna inin.

Nyima 165 me thithi ne nyipun.

Koi 25 Okotropa Me Wiike Cili

Nyima 56

10 men: Itre ithuemacanyi koi së. Tro cile fë la hna ithingë. Iamacanyine jë la aqane tro fë la boroshür ka hnyipixe laka ka hetre thangane ka loi ngöne la teritoare së. Maine ijije la traem, qaja jë la itre xaa hna melën ngöne la ijine tro fë boroshür ka hnyipixe. Qaja jë la ketre hna amekötin göi cainöj e 1 Nofeba.

15 men: Itre ihaji koi së.

20 men: Itre Mekun Hna Eköthe Hnyawa Hune La Wesi Ula i Akötresie. Troa ce ithanatan la itre mekun qa hnine la itus École du ministère, götrane 256-7. Tune kaa la aqane troa xome hnyawa la itre mekun e tröne la Tusi Hmitrötr, matre troa xatuan la itre atr troa kapa madrin la eloine la itre xötr? Sipone jë la itre atrene la icasikeu troa qeje mekun ngöne la itre hnyinge celë: Nemene la itre ceitun ka amamane hnyawa laka hetre Atre Xupe la hnengödrai me fen? (rs g. 73-4) Nemene la aqane tro sa xome la itre hna qaja hnene la itre ka inamacan e celë fen, matre troa xatuan la itre xan troa atre hnyawa laka Tusi Hmitrötre hi la Wesi Ula i Akötresie? (rs g. 55-7) Nemene la ceitun nyine tro sa xom matre tro la itre xan a hane atre la kepin matre Akötresie a nue la iakötrë? (rs g. 239) Nemene la itre hna melën maine itre ceitun hnei epuni hna xom matre troa xatuan la itre xan troa kapa madrin la inamacan qa ngöne la hna trongën la eamo ne la Tusi Hmitrötr?

Nyima 62 me thithi ne nyipun.

Koi 1 Nofeba Me Wiike Cili

Nyima 15

10 men: Itre ithuemacanyi koi së. Mekune kö lo itre rapor ne hna cainöj.

20 men: Tune Kaa La Aqane Tro Sa Xatuane La Itre Ka Qaja La Itre Xaa Qene Hlapa. Cainöj nge troa ce ithanatan la itre mekun hna xom qa hnine la sine itus hna hape, Une bonne nouvelle pour toutes les nations. Xome jë la itre xaa mekun ka tru qa hnine lai sine tus. Ithanatane jë la köni götran nyine tro sa xom matre troa xatuane la itre atr ka qaja la ketre qene hlapa hne së hna thaa trotrohnine kö. Xome jë la itre mekun qa hnine la Huliwa Ne Baselaia ne Julai 2003 götrane 6. Loi e troa nyialiene la pepa hna hape, Veuillez suivre l’intérêt (S-43) ngacama pëkö ajan la itre atr troa drenge la maca ne Baselaia. Iamacanyine jë la aqane troa huliwan lai sine itus ka hnyipixe.

15 men: Qaja jë la itre hna melën ngöne lo ijine huliwa ne cainöj ka ketrepengön, ngöne lo kola tro fë la boroshür ka hnyipixe. Maine jë troa iamacanyin la itre xan. Maine kola uti la etrune la la itre boroshür ngöne la ekalesia, sipone jë kowe la itre trejin maine tru hnei boroshür thei angatr, matre troa hamën kowe la atrekë hnëqan la itre itus.

Nyima 175 me thithi ne nyipun.

[Ithuemacany]