Kola Upi Së Hnene La Kovasio Ne Distrik Troa Ce Tro Me Akötresie

Kola mama hnyawa ngöne la ijine Kovasio Ne Distrik “Ce Tro Jë Me Akötresie,” la aqane eatrongë së hnei Nyidrë: “Dei la gojeny, tro nyipunie a trongën’ ej”! (Is. 30⁠:21) Maine tro sa trongën la ini hne së hna kapa, tro ha xatua së troa ‘wange hnyawa la aqane tronge së.’ (Efe. 5:​15) Maine tro sa mekune hnyawa la itre hne së hna inin, tro hë itre ej a thupë së ngöne la easë a “trongëne la nyipici.”​—3 Ioane 3.

Xome jë cahu itre hnying memine la itre mekun hnei epuni hna xom ngöne lo ijine kovasio ne distrik matre troa hnëkë me ce ithanatan ngöne la ijine kola troa ce wange hmaca itre ej. Troa ce wange hmaca itre ej ngöne la Icasikeu Ne La Huliwa ne 18 Okotropa me wiike cili.

1. Tune kaa la aqane ce tro hnyawa Enoka me Akötresie ngacama tru la gomegom ngöne la hneijine i angeic? (Heb. 11:​1, 5, 6; Iuda 14, 15; “Ce Tro Jë Me Akötresie Ngöne La Itre Ijine Gomegom”)

2. Ngöne Nemene Götran Ne La Mel Easë a Thel Troa Trongën La Trepene Meköti Ngöne Luka 16⁠:10? (“Nyipunieti Kö a ‘Nyipici Ngöne La Itre Hnepe Ewekë Ka Co’?”)

3. (a) Qaja jë la foa lao ini ka lolo hne së hna xome qa ngöne la tusi Hosea mekene 6 koi 9, ka troa xatua së troa ce tro me Akötresie. (Hos. 6:​6, 7; 7:​14; 8⁠:⁠7) (b) Nemene la itre xaa mekun ka eje ngöne la tusi Hosea mekene 10 koi 14 ka xatua së troa ce tro me Akötresie? (“Hna Perofetan Hnei Hosea a Xatua Së Troa Ce Tro Me Akötresie”​—Cainöj hna thawa nyimutren)

4. Nemene la itre ewekë ka lolo hna kuca hnene la itre keresiano trahmanyi me föe, matre troa acatren la faipoipo i angatr? (Ite edomë 12⁠:4; Efe. 5:​29; “The Tro Kö a Seng ‘La Hnei Akötresie Hna Iothekeun’ ”)

5. Tune ka la aqane tro sa amamane la metrötre së kowe la itre icasikeu ka hmitrötr? (Ate Cai. 5⁠:1; Is. 66⁠:23; “Amamane Jë La Metrötre Së Kowe La Itre Icasikeu Ka Hmitrötr”)

6. (a) Nemene la köni götran ka nyipi ewekë ngöne la huliwa ne cainöje së nyine tro sa waipengöne hnyawa, matre troa xecie hnyawa koi së laka easë a xome hnyawa ej? (Is. 52⁠:7; Zaka. 8:​23; Mar. 6:​34) (b) Nemene la itre götrane ne la itus Une bonne nouvelle pour tous, hnei nyipunieti hna öhne ka lolo catr? (“Maca Ka Loi Kowe La Itre Atr Ne La Itre Nöj Asë,” “Xatuane Jë Së La Itre Xaa Atr Ka Ithanatan La Ketre Qene Hlapa”)

7. Nemene la aqane tro sa xatuan la itre ka xötrei atre la nyipici, matre troa hetrenyi thei angatr la mejiun ka catr troa tro fë la maca ne Baselaia? (A. ame. 7:​17; “Xatuane Jë La Ka Ala Nyimu Troa Ce Cainöj Me Easë”)

8. Tune kaa la aqane tro sa amamane la mejiune së laka “eashenyi hë la drai ka tru i Iehova”? (Zef. 1:​14; “Troa Tro Thenge La Lapaun, Ngo Thaa Thenge Kö La Hna Goeën”)

9. (a) Nemene la engazon la troa thixötr me troa iathixötrë? (Mar. 9:​42-​48) (b) Tune kaa la aqane tro sa neën matre thaa tro kö sa thixötr? (Sal. 119⁠:165) (c) Tune kaa la aqane troa kuca matre thaa tro kö sa athixötrëne la itre xan? (1 Kor. 10⁠:24; “Neëne Jë La Itre Jëne Troa ‘Iathixötrë’ ”)

10. Tune kaa la aqane tro sa inamacan ngöne la aqane tro sa thele föe, nge easë a catre thupën la mele së ngöne la götrane la ngönetrei, memine la aqane tro sa huliwa manie? (Sal. 26⁠:4; Mat. 6:​25; 1 Tim. 6⁠:9; “Loi e Troa Inamacan La Aqane Tro Sa Waiewekë”)

11. (a) Nemen la ewekë ka lolo catr ka mama ekö ngöne lo hneijine kola kapa madri Iesu hnene la itre xaa atr? (Luka 10⁠:42; 24⁠:32) (b) Nemene la aqane tro sa kuca la itre nyine madrin, ka troa hamë egöcatre së hmaca memine la itre xan? (1 Kor. 10⁠:​31-​33; “Itre Nyine Madrin Ka Akeukawan La Itre Hni Së”)

12. Thenge la Hna 23 ne Salamo, nemene la itre manathith hne së hna kapa itre mamoe i Iehova, nge nemene la itre hnëqa së? (1 Kor. 10⁠:21; “Iehova La Atre Thupë Së”)

13. Tune kaa la aqane wangatrun hnene la itre Keresiano la itre eamo qa hnine la Tusi Hmitrötr matre troa ‘anyipi ewekëne la nöjei ijin’? (Efe. 5:​16; “Loi Tro Sa Anyipi Ewekën La Nöjei Ijin”)

14. (a) Nemene la ‘ijine ihnyingë’ hna qaja ngöne Hna Amamane 14⁠:7? (b) Tune kaa la aqane amamane hnyawa hne së, ka hape, thaa ka ce sinee hmaca kö së me Babulona Atraqatr? (“ ‘Lapa Hmeke Jë’​—Traqa Ha La Ijine Ne Ihnyingë”) (c) Nemene la itre mekun hne së hna kapa madrine qa ngöne la boroshür, “ Veillez ! ”

15. Qaja jë la köni thiina ka nyipi ewekë koi së matre thaa tro kö sa “nue tije la gojenyi ka meköt.” (2 Pet. 2:​15; “Thupëne Kö Wanga ‘Nue Trije Pi Së La Gojenyi Ka Meköt’ ”)

16. Nemene la aqane troa kötren hnene la itre thöth “la jëne la ite ka menu”? (Ite edomë 4:​14; “Itre Thöth​—Trongëne Jë La Gojenyi Ne La Meköt”)

17. (a) Ngöne nemen la kola qaja, ka hape, Paulo la ketre tulu ka sisitria ngöne la troa xomihniahoeany? (Ite hu. 14⁠:​19, 20; 16⁠:​25-​33) (b) Pine nemen matre thaa nyine xouene kö la itretre icilekeu memine la nyipi hmi? (Daram me cainöj “Catre Pi Së Anyipicin Enehila Ngacama Tru La Icilekeu”)

18. Nemene la itre manathith hna kapa hnene la itre ka catre ce tro me Akötresie? (“Maine Tro Sa Ce Tro Me Akötresie Tro Hë Së a Kapa La Itre Manathith Enehila Me Epine Palua”)

Epi tro sa catre drenge hnyawa la ‘itre trenge ewekë hutrö së’ matre tro sa ce tro memine la Tretretro së epine palua.​—Is. 30⁠:21; Ioane 3:​36.