Porogaram Ne Ini Ne Cainöj Qaathei Akötresie Göi Macatre 2005

Itre Hna Amekötin

Hane cahu aqane trongen la Ini Ne Cainöj Qaathei Akötresie Göi Macatre 2005.

ITRE ITUS: Les Saintes Écritures — Traduction du monde Nouveau [bi12], La Tour de Garde [w], Tirez profit de l’École du ministère théocratique [be], “ Toute Écriture est inspirée de Dieu et utile ” (édition 1997) [si], Comment raisonner à partir des Écritures (édition 1989) [rs].

Troa nyiqaan la icasikeu ngöne la HAWA, jën la nyima me thith, me itre hnepe ithanata nyine ikep, nge sisedrëne jë tune la:

ATREINE CAINÖJ: 5 menetr. Tro la atre thupën la ini, maine sine ce huliwa i angeic, maine ketre qatre thupe pena ka maca troa ini, a ithanatan la ketre aqane troa cile fë hnyawa la itre xötre qa hna nyitrepen ngöne la itus École du ministère. (Ame hnine la itre ekalesia gaa co qatre thup, atreine hi troa cile fë la hnëqa cili hnene la ketre drikona ka maca troa ini.) Maine pëkö hna qaja, troa xome la itre mekun hna eköhagen ngöne lai itre götran hna troa ce ithanatan. Thaa tro kö a kuca la itre qa. Isa qanyi së pë hë isa ala caas troa kuca itre ej nge itre ihaji lai thatraqa së isa ala caas.

HNËQA Naba 1: 10 menetr. Troa kuca la qa celë hnene la ketre qatre thup maine ketre drikona, nge troa nyitrepene la itre ini hna troa hamën hnene la zonal, La Tour de Garde, maine Tirez profit de l’École du ministère théocratique maine “ Toute Écriture est inspirée de Dieu et utile. ” Treen menetr la eqean, troa kuca kösë ketre cainöj, nge thaa tro kö a nyi hnying nyine troa ce wang ngöne la pun. Ame la hna ajan ngöne la xötre qa celë, tre thaa ene hmekuje kö la troa qejepengöne ju hi la itre xötre hna troa xom, ngo loi pe troa amamane hnyawa la thangane ka sisitria hna troa kapa qa ngöne la itre mekune cili, me qaja atrun la itre mekune ka troa xatuane la ekalesia. Troa xom la taan hna hamëne hë. Loi e tro la itre trejine ka troa kuca la cainöje cili a metrötrëne la eqean la traem hna amekötin thatraqane lai. Maine hna sasaith la traem, atreine hi troa hamën la itre xaa eamo ka ijij.

MEKUN KA SISITRIA QA NGÖN LA ITRE MEKEN LA TUSI HMITRÖTR: 10 menetr. Tro la ketre qatre thup ka maca troa ini maine ketre drikona pena, a xome la pane sikisi lao menetr matre troa thele ini thatraqane la ekalesia, qa ngöne la itre xötr ne la Tusi Hmitrötr hna troa ce wang. Atreine hi tro angeic a hamë mekun qa ngöne lai itre mekene asë ne la Tusi Hmitrötr hna amekötin troa e ngöne la wiik. Thaa angeic hmekuje kö a troa qaja nyimenyimëne ju hi la alien la itre xötr hna amekötin troa ce e. Ame la hna ajan ka nyipi ewekë ngöne la cainöje celë, tre, ene la troa xatuan la itre atrene la icasikeu troa trotrohnin la kepin me aqane troa kepe thangan hne së la itre ithuemacany hna troa hamën. Loi e troa thupën hnene la trejin matre thaa tro kö a sasaith la sikisi lao pane menetr hna amekötine koi angeic. Thupene lai, tro angeic a xom la foa lao menetr troa sipon la itre atren la icasikeu troa qeje mekun, ngo thaa tro kö a aqean menun la itre mekun (thaa tro kö a sasaith la 30 secondes) hna troa hamën, ngöne la hnei angatr hna kapa madrin me kepe thangane ka loi qa ngöne la hna e la Tusi Hmitrötr. Thupene lai tro la atre thupëne la ini, a nue la itre hnainin troa isa tro kowe la itre xaa hna ini.

HNËQA Naba 2: 4 menetr. Troa e tus hnene la ketre trejin trahmany. Tusi Hmitrötr la hna troa e lapaan. Ame ngöne la treu, troa acaa wang ngöne la xötre qa celë la ketre hna cinyihan qa hnine la zonal, La Tour de Garde. Tro la hnainin a e la itre xötr, ngo thaa tro kö a thele mekun nyine nyiqaan maine nyine nyipun pena. Isa pengöne kö la itre nyine troa e ngöne la itre wiik, ngo caasi hi la etrun la traem, thaa tro kö a sasaithe la foa lao menetr. Loi e tro la atre thupën la ini a canga goeën la itre xötre qa, qëmekene troa isa athip kowe la itre ka troa kuca, matre ië angatr, thenge la itre macatre me itre hna atrein hnene la itre hnainin. Loi e tro fe angeic a thele hnyawa troa xatuan la itre hnainin troa e, cememine la trotrohnin, troa uke la aqane e, troa mama hnyawa la itre mekune ka sisitria ngöne la kola e, troa thupën la hne nyinawa, troa thupën la aqane troa mano ngöne la kola e, nge loi e thaa tro kö a nyi pengön ngöne la easë a e tus.

HNËQA Naba 3: 5 menetr. Troa kuca hnene la ketre trejine föe. Ame kowe la itre sör ka troa kuca la xötre qa celë, isa qanyi angatre kö troa iën la aqane tro angatr a nyitrepen la xötre qa, maine troa xome la ketre ini qa hnine la götrane 82 ne la itus École du ministère. Loi e troa xom hnene la hnainin la taan hna athip, me ithanatane ej thenge la ketre aqane troa cainöje trootro ka lolo, nge ka ihmeku memine la teritoar ne la ekalesia së. Maine thaa hna nyitrepene kö lai xötre qa hnine la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itus hna hamën hnene la hlue ka nyipici nge ka inamacan. Ame koi itre hnainin ka hnyipixe, loi e troa athipe koi angatr la itre xötre qa hna nyitrepene hnene la ketre itus, matre thaa tro kö a jole koi angeic. Loi e tro la atre thupën la ini, a wange hnyawa la aqane eköth hnene la hnainin la itre mekun, memine la aqane xatuan hnei angeic la atr hna cainöje kow troa thele ewekë jën la itre xötr ne la Tusi Hmitrötr, me troa trotrohnin la itre mekune kii ne la taan hna cile fë. Loi e troa athip la xötre qa celë kowe la itre hnainin ka atreine e tus. Tro la atre thupën la ini a iën la ketre matre troa sine ce porotrik ne lai hnainin.

HNËQA Naba 4: 5 menetr. Loi e troa eköth hnene la hnainin la taan hna athip. Maine thaa hna nyitrepene kö lai xötre qa hnene la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itus hna hamën hnene la hlue ka nyipici nge ka inamacan. Maine hna athip la xötre qa celë kowe la ketre trejin trahmany, ma loi e troa cile fë la ketre cainöj, nge tro angeic a mekune hnyawa, ka hape, angeic a troa ithanata kowe la itre atren la icasikeu hnine la Uma Ne Baselaia. Ame ngöne la kola kuca hnene la trejine föe la hnëqa celë, loi e tro pala hi angeic a tro fë ceitun me kola kuca la Hnëqa Naba 3. Maine jë tro la atre thupëne la ini ne cainöj a athipe la qa Naba 4 kowe la ketre trejin, maine kola öhne laka atreine hi tro angeic a kuca lai. Ame la itre topik hna nyihatren, tre troa kuca hmekuje itre ej ceitun me ketre cainöj, hnene la itre trejin trahmany.

TRAEM: Pëkö cainöj ka troa sasaith la traem, ketre tune mina fe la kola hamë eamo hnene la atre thupën la ini. Ame koi Hnëqa Naba 2 koi Naba 4 maine kolo ha sasaithi traem, loi e troa thupatën ngo cememin pala hi la metrötr. Maine kola sasaith la traem hnene la trejin ka kuca la Hnëqa Naba 1, maine ka xomi ini pena qa ngöne lo itre xötr ne la Tusi Hmitrötr nyine troa e ngöne la wiik, haawe, loi e tro pë hë a hamën caasin koi angeic la ketre eamo nyine ixatua. Loi e tro asë hi la itre trene xötre qa, a goeëne hnyawa la traeme matre thaa tro kö a sasaith. Ame la etrun la traem hna amekötin thatraqan la Porogarame Ne Ini Ne Cainöj Qaathei Akötresie, tre, 45 menetr, thaa hna e fe kö la nyima me thith.

EAMO: 1 menetr. Tro la atre thupëne la ini a thupën matre thaa tro kö a sasaith la caa menetr troa hamën kowe la hnainin, la itre xaa hnepe ixatua ka lolo ngöne lo lai götrane ne la cainöj hna troa huliwan. Ame la ka nyipi ewekë, tre, thaa ene hmekuje kö la troa qaja, ka hape, ‘ka loi’ ngo loi pe troa hane amexeje hnyawa la itre sipu kepin matre lolo la aqane huliwan lai ini hna kuca. Maine kola mekun troa hamën la itre xaa ixatua ka nyipi ewekë kowe lai hnainin, ma loi e troa wai angeice caasi pë hë thupene la hna icasikeu, maine e ketre ijine pena.

KA IXATUA TROA EAMO: Tro la collège ne la itre qatre thup a iën la ketre qatre thup ka maca, maine ijij tro angeic a xatuan la atre thupëne la ini, göi troa ixatua troa eamo. Maine nyimu qatre thup hnine la ekalesia, haawe loi e troa ithöeën la huliwa cili ngöne la nöjei macatre hnene la itre qatre thup ka maca. Ame la hnëqa i angeic, tre, ene la troa hamën caasin la ixatua, maine kola öhne laka, nyipi ewekë troa hamën, kowe la itre trejin ka troa kuca la Hnëqa Naba 1 memine la ka cile fë la itre ini hna xome qa ngöne la itre xötr hna troa e ngöne la wiik. Thaa nyipi ewekë kö e troa hamë eamo ngöne la nöjei kola ase kuca la itre cainöj, hnene la itre qatre thup maine itre drikona pena. Troa trongën pala hi la itre hna amekötine celë e macatre 2005 nge troa wange trongëne pë hë thupen.

ITRE EAMO: Hnine itus.

REVIZIO HNA CE ITHANATAN: 30 menetr. Ame ngöne la nöjei hnaaluene treu, tro la atre thupëne la ini a xomiujin lai revizio hna ce ithanatan. Ngo qëmekene troa kuca lai, troa nyiqaane hnene la itre mekune göi troa atreine cainöj, memine lo itre xötr ne Tusi Hmitrötr nyine e ngöne la wiik. Ame göi revizio hna ce ithanatan, tre hna xome itre ej ngöne lo itre ini hna kuca ngöne lo lue treu ka ase hë, a memine fe la wiik qëmekene la revizio. Maine kola asabele ne sirkoskripsio la ekalesia i epun, maine kola vizite pena ngöne la wiike ne revizio hnene la qatre thup ka iwai trootro ngöne la itre ekalesia, haawe, xötrethenge ju la itre ini hna hamën hnine la Huliwa Ne Baselaia ne Diseba 2003, götrane 6.

POROGARAM

3 Jan. E Tusi Hmitrötr: Iosua 16-​20 Nyima 6

Atreine Cainöj: Itre Mekun Ka Thaa Jole Troa Trotrohnin (be g. 226 ¶1–g. 227 ¶1)

N. 1: Xouene Jë La Nyipi Akötresie (be g. 272 ¶1–g. 273 ¶1)

N. 2: Iosua 16⁠:1–​17⁠:4

N. 3: Pine Nemen Matre Thaa Tro Hmekuje Kö a E Ju Hi La Tusi Hmitrötr (rs g. 316 ¶1-2)

N. 4: Trenamo Maine Puafala, Hapeu Lue Hatrene Lai Ka Hape Ka Xoue Iehova Së?

10 Jan. E Tusi Hmitrötr: Iosua 21-​24 Nyima 100

Atreine Cainöj: Qejepengöne Jë La Itre Mekun Hna Thaa Majemine Kö Troa Xom (be g. 227 ¶2–g. 228 ¶1)

N. 1: Loi e Tro Sa Ahlemun La Ëje i Akötresie (be g. 273 ¶2–g. 274 ¶1)

N. 2: Iosua 23:​1-​13

N. 3: Ame La Nyipi Hmi Tre, Hna Nyitrepene Ej Hnene La Tusi Hmitrötr Nge Eje a Ahlemune La Ëje i Akötresie (rs g. 316 ¶3-4)

N. 4: Hapeu Ka Meköti Kö e Troa Thili Koi Iesu?

17 Jan. E Tusi Hmitrötr: Angete Amekötin 1-4 Nyima 97

Atreine Cainöj: Loi e Troa Qejepengöne Asë La Itre Mekun Ka Nyipi Ewekë (be g. 228 ¶2-3)

N. 1: Kola Atrehmekune La Ketre Atr Hnene La Ëje i Angeic (be g. 274 ¶2-5)

N. 2: Angete Amekötin 2:​1-​10

N. 3: Kola Amamane Hnene La Nyipi Hmi La Nyipi Lapaun Koi Iesu Keriso (rs g. 317 ¶1)

N. 4: Tune Kaa La Aqane Troa Thupë Nyipunie Qa Ngöne La Itre Miuzik Ka Ngazo Hna Jëne Video?

24 Jan. E Tusi Hmitrötr: Angete Amekötin 5-7 Nyima 47

Atreine Cainöj: Tune Kaa La Aqane Troa Ketr La Hni Ne La Atr (be g. 228 ¶4–g. 229 ¶1)

N. 1: Ëje i Akötresie​—“Hnapo Ka Cat” (be g. 274 ¶6–g. 275 Hna cinyihan acon)

N. 2: Angete Amekötin 6:​25-​35

N. 3: Tune Kaa La Aqane Troa Hetre Thangan La Tusi Hmitrötr Ngöne La Aqane Isa Ië Ewekë Së?

N. 4: Ame La Nyipi Hmi Tre, Thaa Kolo Kö a Huliwa Göi ëjen, Ngo Ketre Aqane Mel (rs g. 317 ¶2)

31 Jan. E Tusi Hmitrötr: Angete Amekötin 8-​10 Nyima 174

Atreine Cainöj: Ithuemacany Kowe La Itre Ka Drei Së (be g. 230 ¶1-6)

N. 1: Loi e Troa Anyipici Iesu (be g. 275 hna cinyihan acon–g. 276 ¶1)

N. 2: w03 15/1 g. 19-​20 ¶16-​18

N. 3: Itre Atren La Nyipi Hmi a Ihnimikeu Nge Thaa Angatre Kö a Hane Ce Sinee Memine La Fen (rs g. 317 ¶3-4)

N. 4: Ame La Troa Hnimi Mo Tre, Thaa Kolo Hmekuje Kö a Hape Troa Hetrenyi La Itre Mo Ka Nyimutre

7 Feb. E Tusi Hmitrötr: Angete Amekötin 11-​14 Nyima 209

Atreine Cainöj: Troa Hetre Thangane Ka Loi La Ketre Mekun e Hne Së Hna Thele Ewekë (be g. 231 ¶1-3)

N. 1: Loi e Tro Sa Qaja Atrune La Hnëqa i Iesu Laka Ka Itö Mele Së (be g. 276 ¶2-3)

N. 2: Angete Amekötin 12:​1-​15

N. 3: Pine Nemen Matre Ka Caasi La Itretre Anyipici Iehova

N. 4: Ame La Itre Atren La Nyipi Hmi Tre, Ka Catre Anyipicine Angatr La Baselaia i Akötresie (rs g. 317 ¶5)

14 Feb. E Tusi Hmitrötr: Angete Amekötin 15-​18 Nyima 105

Atreine Cainöj: Qejepengöne Jë La Itre Xötr (be g. 231 ¶4-5)

N. 1: Qaja Atrune Jë La Itre Hnëqa i Iesu Laka Atre Huuj Ka Tru Me Hene La Ekalesia (be g. 277 ¶1-2)

N. 2: Angete Amekötin 15:​9-​20

N. 3: aMaine ketre atr a qaja koi epuni ka hape: ‘Thaa nyipi ewekë kö la hmi hnei epuni hna xom, ame la ka sisitria tre, ene la tro epuni a lapaune koi Iesu’ (rs g. 320 ¶2)

N. 4: Pine Nemen Matre Thaa Thatraqai Itre Keresiano Kö La Hypnose

21 Feb. E Tusi Hmitrötr: Angete Amekötin 19-21 Nyima 53

Atreine Cainöj: Qejepengöne Jë La Aliene La Itre Hnëewekë (be g. 232 ¶1)

N. 1: Amamane Jë La Hnëqa i Iesu Ngöne La Nyidrëti a Joxu Me Mus (be g. 277 ¶3-4)

N. 2: w03 1/2 g. 17-​18 ¶18-​21

N. 3: bMaine Ketre Atr a Qaja Ka Hape: ‘Nemene La Ka Aijijë Epuni Troa Qaja Ka Hape Caasi Hi La Hmi Ka Lolo’ (rs g. 320 ¶3)

N. 4: Nemene La Itre Xaa “Ewekë Ga Jui Akötesie”? (1 Kor. 2⁠:⁠10)

28 Feb. E Tusi Hmitrötr: Rutha 1-4 Nyima 120

Atreine Cainöj: Ithanata Jë Jëne La Itre Xötr Ne La Tusi Hmitrötr (be g. 232 ¶2-4)

Revizio Hna Ce Ithanatan

7 Maac E Tusi Hmitrötr: 1 Samuela 1-4 Nyima 221

Atreine Cainöj: Iëne Jë La Itre Mekun Ka Troa Hetre Thangane Ka Loi Kowe La Itre Ka Drei Epun (be g. 233 ¶1-5)

N. 1: Xomi Keriso Jë Nyine Trepen (be g. 278 ¶1-4)

N. 2: 1 Samuela 2⁠:​1-11

N. 3: Thaa Hna Amele Iesu Kö Memine La Ketre Ngönetrei Ne Atr (rs g. 322 ¶1-3)

N. 4: Pine Nemen Matre Thaa Kolo Kö a Thel Hnene La Itre Keresiano La Pengöi Angatr Elany Jëne La Itre Wëtresij Me Itre Ewekë e Caha Hnengödrai

14 Maac E Tusi Hmitrötr: 1 Samuela 5-9 Nyima 151

Atreine Cainöj: Loi e Troa Xome La Itre Mekune Hna Hamëne Hë (be g. 234 ¶1–g. 235 ¶3)

N. 1: Maca Ka Loi Ne La Baselaia Celë (be g. 279 ¶1-4)

N. 2: 1 Samuela 5⁠:​1-12

N. 3: Pine Nemen Matre Iesu a Iamamany Ngöne La Itre Ngönetrei Ne Atr (rs g. 322 ¶4–g. 323 ¶3)

N. 4: Tune Kaa La Aqane Tro Sa Acatren La Aqane Imelekeu Së Me Iehova

21 Maac E Tusi Hmitrötr: 1 Samuela 10-13 Nyima 166

Atreine Cainöj: Aqane Troa Huliwane Hnyawa La Itre Hnying (be g. 236 ¶1-5)

N. 1: Qejepengöne Jë La Pengöne La Baselaia (be g. 280 ¶1-5)

N. 2: 1 Samuela 10:​1-​12

N. 3: Tune Ka La Aqane Tro La Itre Keresiano a Ce Mele Memine La Sinee i Angatr Ka Thaa Ce Hmi Kö Me Angatr?

N. 4: Troa Tui Keriso La Itre Atr Hna Amelene Hmaca Matre Troa Ce Musi Me Nyidrë (rs g. 323 ¶5–g. 324 ¶3)

28 Maac E Tusi Hmitrötr: 1 Samuela 14-15 Nyima 172

Atreine Cainöj: Itre Hnying Nyine Troa Ithanatan La Itre Mekune Ka Nyipi Ewekë (be g. 237 ¶1-2)

N. 1: Qejepengöne Jë La Thangane La Baselaia Koi Së (be g. 281 ¶1-4)

N. 2: w03 15/3 g. 19-20 ¶17-21

N. 3: Pine Nemen Matre Kola Hotr La Itre Keresiano

N. 4: Aliene La Melehmaca Elany Kowe La Itre Atr (rs g. 324 ¶4–g. 325 ¶3)

4 Eip. E Tusi Hmitrötr: 1 Samuela 16-18 Nyima 27

Atreine Cainöj: Itre Hnying Nyine Jëne Troa Ithanatane La Ketre Mekun (be g. 237 ¶3–g. 238 ¶2)

N. 1: Pine Nemen Matre Kola Nyipiewekën Hnene La Itre Keresiano La Troa Ini Thei Mus (w03 15/3 g. 10 ¶1–g. 11 ¶5)

N. 2: 1 Samuela 17⁠:​41-51

N. 3: Pine Nemen Matre Thaa Tro Kö a Ahnëjinën La Itre Hna troa amelene Hmaca Pine Lo Itre Ngazo i Angatr Ekö (rs g. 326 ¶1)

N. 4: Ame La Troa Mekune La Itre Thangan La Itre Huliwa Së, Tre, Kolo Hi Lai a Aijijë Së Troa Ajan La Ewekë Ka Loi Nge Troa Methinën La Ewekë Ka Ngazo

11 Eip. E Tusi Hmitrötr: 1 Samuela 19-22 Nyima 73

Atreine Cainöj: Itre Hnying Nyine Troa Upe La Ketre Atr Troa Fe La Itre Sipu Aliene La Hni Angeic (be g. 238 ¶3-5)

N. 1: Tune Kaa La Aqane Tro La Itre Thöth a Kökötr Ngöne La Götrane La Ua (w03 1/4 g. 8-10)

N. 2: 1 Samuela 20⁠:​24-​34

N. 3: Pine Nemen Matre Ka Mingöminge Lolo La Nyipi Qahmihmi

N. 4: Tune Kaa La aqane Troa Mele Hmaca e Celë Fen Hnene La “Munëne La Itre Ka Mec” (rs g. 326 ¶2–g. 327 ¶2)

18 Eip. E Tusi Hmitrötr: 1 Samuela 23-25 Nyima 61

Atreine Cainöj: Itre Hnying Nyine Troa Acatren La Mekun (be g. 239 ¶1-2)

N. 1: Amë Jë La Lapaune i Eö Koi Iehova Qa Kuhu Hni Eö Ka Pexej (w03 1/11 g. 4-7)

N. 2: w03 1/5 g. 17 ¶11-14

N. 3: Itre Ka Troa Mele Hmaca e Celë Fen (rs g. 327 ¶3–g. 328 ¶3)

N. 4: Pine Nemen Matre Kola Isisinyikeu Me Aberahama

25 Eip. E Tusi Hmitrötr: 1 Samuela 26-31 Nyima 217

Atreine Cainöj: Itre Hnying Nyine Troa Lepetrij La Ketre Aqane Mekune Ka Ngazo (be g. 239 ¶3-5)

Revizio Hna Ce Ithanatan

2 Mei E Tusi Hmitrötr: 2 Samuela 1-3 Nyima 91

Atreine Cainöj: Itre Ceitun Me Itre Aqane Troa Hamë Së La Itre Ini (be g. 240 ¶1–g. 241 ¶1)

N. 1: Ame La Kola Ini Tre, Thaa Göi Tro Hmekuje Kö a Hetrenyi La Ketre Huliwa (w03 15/3 g. 11 ¶6–g. 14 ¶6)

N. 2: 2 Samuela 2⁠:​1-11

N. 3: Kola Eatr Lo Itre Ewekë Ka Amaman La Hlepëti i Iesu Ngöne La Itre Macatre Ka Nyimutre (rs g. 329 ¶1-2)

N. 4: Itre Thangane Ka Nyimutre Hne Së Hna Kapa Qa Ngöne La Hne Së Hna Huliwa Nyipici

9 Mei E Tusi Hmitrötr: 2 Samuela 4-8 Nyima 183

Atreine Cainöj: Loi e Troa Xome La Itre Ceitun (be g. 241 ¶2–g. 242 ¶1)

N. 1: Iehova a Sikusikune Fe La Itre Thöth (w03 15/4 g. 29 ¶3–g. 31 ¶3)

N. 2: 2 Samuela 5⁠:​1-12

N. 3: Nemene La Hna Eatrën Hnene La Isisinyikeu Ne La Trenge Wathebo?

N. 4: Thaa Mama Kö Kowe La Lue Meke i Atr La Kola Bëeke Hnei Keriso (rs g. 329 ¶3–g. 330 ¶2)

16 Mei E Tusi Hmitrötr: 2 Samuela 9-12 Nyima 66

Atreine Cainöj: Itre Ceitun Hna Xom Qa Hnine La Tusi Hmitrötr (be g. 242 ¶2-3)

N. 1: Öhne Fe Kö Iehova La Itre Huliwa i Nyipunie? (w03 1/5 g. 28-31)

N. 2: 2 Samuela 9⁠:​1-13

N. 3: Aqane Troa Bëeke Hnei Iesu Nge Aqane Troa Öhnyi Nyidrë Hnei Lue Meke i Atr (rs g. 330 ¶4–g. 331 ¶5)

N. 4: Ngöne Nemene Götran La Kola Qaja, Ka Hape, Ka Mele La Wesi Ula i Akötresie? (Heb. 4⁠:⁠12)

23 Mei E Tusi Hmitrötr: 2 Samuela 13-15 Nyima 103

Atreine Cainöj: Tro Kö Sa Trotrohnin? (be g. 242 ¶4–g. 243 ¶1)

N. 1: Nemene La Hne Së Hna Atre Jëne La Itre Ithuemacanyi Qaathei Noa? (w03 15/5 g. 4-7)

N. 2: 2 Samuela 13⁠:10-22

N. 3: Tune Kaa La Aqane Tro Sa Trotrohnine La Ioane 11⁠:​25, 26?

N. 4: Itre Ewekë Ka Qaja La Hlepëti Keriso (rs g. 332 ¶1-5)

30 Mei E Tusi Hmitrötr: 2 Samuela 16-18 Nyima 132

Atreine Cainöj: Itre Ceitun Hna Xome Qa Ngöne La Itre ewekë Hna Melën Ngöne La Nöjei Drai (be g. 244 ¶1-2)

N. 1: Maine Easë a Ajan Troa Huliwa Ngöne La Inamacan, Nyipi Ewekë Tro Sa Pane Mekune Hnyawa (w03 15/7 g. 21-3)

N. 2: w03 15/5 g. 16-17 ¶8-11

N. 3: Thaa Trenge Wathebo Kö Koi Itre Keresiano La Troa Metrötrën La Drai Sabath (rs g. 343 ¶1–g. 344 ¶2)

N. 4: Pine Nemen Matre Thaa Ka Ngazo Kö La Troa Ipië

6 Juun E Tusi Hmitrötr: 2 Samuela 19-21 Nyima 224

Atreine Cainöj: Itre Ceitun Ka Lolo Thatraqane La Itre Ka Drei Së (be g. 244 ¶3–g. 245 ¶4)

N. 1: Loi e Tro Sa Trotrohnine Hnyawa La Aliene La Ihaji (w03 1/10 g. 20 ¶1–g. 21 ¶5)

N. 2: 2 Samuela 19:​1-​10

N. 3: Nemene La Aqane Tro La Keresiano a Lö Hnine La Ijine Mano i Akötresie?

N. 4: Thaa Hnei Tusi Hmitrötre Kö Hna Hane Qaja, Ka Hape, Tro Adamu a Xötrethenge La Hna Amekötin Göi Sabath (rs g. 344 ¶3–g. 345 ¶1)

13 Juun E Tusi Hmitrötr: 2 Samuela 22-24 Nyima 74

Atreine Cainöj: Loi e Troa Xome Hnyawa La Itre Jëne Ini Hne Së Hna Goeën (be g. 247 ¶1-2)

N. 1: Loi e Tro Sa Drengethenge Hnyawa La Ini Me Thupën La Itre Sepeneqë Së (w03 15/9 g. 21 ¶1–g. 22 ¶4)

N. 2: 2 Samuela 24⁠:​10-17

N. 3: Thaa Hnei Iesu Kö Hna Thupaluën La Trenge Wathebo Matre Caas Nyine Göi Itre Nyine Troa Kuca “Göi Hmi” Nge Ketre Göi “Thiina” (rs g. 345 ¶2–g. 346 ¶1)

N. 4: Tune Kaa La Aqane Tro La Keresiano a Thaa Hane Ce Sinee Memine La fen?

20 Juun E Tusi Hmitrötr: 1 Ite Joxu 1-2 Nyima 2

Atreine Cainöj: Tune Kaa La Aqane Xome Iesu La Itre Jëne Ini Hne Së Hna Goeën (be g. 247 ¶3)

N. 1: Loi e Tro Sa Inin Troa Mejihnin La Itre Ewekë (w03 1/6 g. 8-​11)

N. 2: w03 1/6 g. 12-​13 ¶1-4

N. 3: Nemene La Eloine La Hnaatreenene Wathebo?

N. 4: Hna Ce Apëne Hi Lo Treen Lao Wathebo Memine Lo Trenge Wathebo (rs g. 346 ¶2-3)

27 Juun E Tusi Hmitrötr: 1 Ite Joxu 3-6 Nyima 167

Atreine Cainöj: Nyimu Aqane Troa Xome La Itre Jëne Ini Hne Së Hna Goeën (be g. 248 ¶1-3)

Revizio Hna Ce Ithanatan

4 Julai E Tusi Hmitrötr: 1 Ite Joxu 7-8 Nyima 194

Atreine Cainöj: Aqane Troa Xome La itre Map, Me Itre Porogaram Ne Asabele Hna Fejan, Me Itre Kaset Video (be g. 248 ¶4–g. 249 ¶2)

N. 1: Loi e Troa Wangatrune La Itre Trejin Me Easë Ka Qatre Hë (w03 1/9 g. 30-​1)

N. 2: 1 Ite Joxu 8:​1-​13

N. 3: Tune Kaa La Aqane Ngaan Iesu La Fen?

N. 4: Pine Nemen Matre Ame La Kola Apën La Trenge Wathebo Tre, Thaa Kolo Kö Lai a Hape Paatre Fe Hë La Itre Wathebo Ngöne La Thiina (rs g. 347 ¶1-2)

11 Julai E Tusi Hmitrötr: 1 Ite Joxu 9-​11 Nyima 191

Atreine Cainöj: Aqane Troa Xome La Itre Jëne Ini Hne Së Hna Goeën Ngöne Kola Tru Hnei Atr (be g. 249 ¶3–​g. 250 ¶1)

N. 1: Itre Nyine Anyipicine Laka Ka Mele Iesu Ekö e Celë Fen (w03 15/6 g. 4-7)

N. 2: 1 Ite Joxu 9:​1-9

N. 3: Pengöne La Sabath Kowe La Itre Keresiano (rs g. 347 ¶3–g. 349 ¶1)

N. 4: Ijije Hi Tro Sa Nue La Dorog e Hne Së Hna Trongën La Itre Trepene Meköt Qa Hnine La Tusi Hmitrötr

18 Julai E Tusi Hmitrötr: 1 Ite Joxu 12-​14 Nyima 162

Atreine Cainöj: Pine Nemen Matre Nyipi Ewekë Troa Eköthe Hnyawa La Aqane Troa Ithanatan La Ketre mekun (be g. 251 ¶1-3)

N. 1: Itre Mekun Koi Itre Huliwa, Nge Thupene Lai Itre Thangan (w03 15/1 g. 30 ¶1-3)

N. 2: 1 Ite Joxu 12⁠:​1-​11

N. 3: Tune Kaa La Aqane Tro La Lapaun a Xatua Së Troa Cile Kowe La Itre Itupath

N. 4: Itre Hna Qaja Hnei Tusi Hmitrötr Ka Hape Itre Ka Hmitrötr (rs g. 350 ¶1-3)

25 Julai E Tusi Hmitrötr: 1 Ite Joxu 15-​17 Nyima 158

Atreine Cainöj: Aqane Nyiqaane Troa Ithanatane La Ketre Mekun (be g. 251 ¶4–g. 252 ¶3)

N. 1: Nemene La Aqane Tro Sa ‘Trotrohnine La Aja i Iehova’ (w03 1/12 g. 21 ¶2–g. 23 ¶2)

N. 2: w03 15/7 g. 19 ¶15-​17

N. 3: Pine Nemen Matre Thaa Easë Kö a Hane Thithi Thatraqane La “Ite Ka Hmitröt” (rs g. 351 ¶1-3)

N. 4: Tune Kaa La Aqane Aupune La Hace Ne La Itre Keresiano Hnene La Uati Hmitrötr?

1 Ogas E Tusi Hmitrötr: 1 Ite Joxu 18-​20 Nyima 207

Atreine Cainöj: Eu La Tro Sa Amaman, Ka Hape, Easë a Thele Troa Iloi (be g. 252 ¶4–g. 253 ¶2)

N. 1: Itre Thöth Tro Thenge Jë Nyipunie La Aja i Iehova (w03 15/10 g. 23 ¶1–g. 24 ¶1)

N. 2: 1 Ite Joxu 18⁠:​1-​15

N. 3: Ijije Hi Tro La Itre Keresiano Asë a Wa Wene Hnyawa

N. 4: Nyipici Ngöne La Troa Hmi Kowe La Ketre Igötrane Ne La Ketre Atr Maine Kowe La Itre “Ka Hmitrötr” (rs g. 352 ¶1–g. 353 ¶1)

8 Ogas E Tusi Hmitrötr: 1 Ite Joxu 21-​22 Nyima 92

Atreine Cainöj: Hnyinge Jë Nge Hamëne Jë La Itre Nyine Troa Acatren Lai Mekun (be g. 253 3–g. 254 ¶2)

N. 1: Thaa Tro Hmaca Kö a Puafala La Itre Atr (w03 1/8 g. 4-7)

N. 2: 1 Ite Joxu 21⁠:​15-26

N. 3: Ame La Itre Nyipi Keresiano Ka Hmitrötr Tre, Itre Atr Ka Ngazo Fe Angatr (rs g. 353 ¶2)

N. 4: Pine Nemen Matre Loi e Tro Sa Catr Nge Nemen La Aqane Tro Sa Traqa Kowe Lai?

15 Ogas E Tusi Hmitrötr: 2 Ite Joxu 1-4 Nyima 16

Atreine Cainöj: Aqane Eköth La Mekun Hna Nyitrepen Ngöne La Wesi Ula i Akötresie (be g. 255 ¶1–g. 256 ¶2)

N. 1: Hnei Nyipunieti Hna Kapa Gufan, Hamëne Gufane Jë (w03 1/8 g. 20-​2)

N. 2: 2 Ite Joxu 3:​1-​12

N. 3: Pine Nemen Matre Kola Mele Aqeanyi La Itre Atr Qëmekene Lo Iwë?

N. 4: Hapeu, Qa Hnine Kö La Tusi Hmitrötr La Ini Göi Iamele E Celë Fen Me E koho Hnengödrai? (rs g. 354 ¶2)

22 Ogas E Tusi Hmitrötr: 2 Ite Joxu 5-8 Nyima 193

Atreine Cainöj: Aqane Eköth La Ketre Mekun Jëne La Itre Nyine Anyipicin Qa Cahu Trön (be g. 256 ¶3-5)

N. 1: Inine Jë Troa Atreine Nyiqaane Ithanata Memine La Itre Atr (w03 1/8 g. 29-​31)

N. 2: w03 1/8 g. 19 ¶18-​22

N. 3: Tro Kö La Itre Atr Elanyi a Kapa La Iamele? (rs g. 355 ¶1)

N. 4: Nemene La Itre Thiina Ka Lolo i Iona Nyine Tro Sa Xötrethenge?

29 Ogas E Tusi Hmitrötr: 2 Ite Joxu 9-​11 Nyima 129

Atreine Cainöj: Loi e Troa Amamane Hnyawa La Itre Nyine Anyipicin (be g. 257 ¶1-4)

Revizio Hna Ce Ithanatan

5 Sem. E Tusi Hmitrötr: 2 Ite Joxu 12-​15 Nyima 175

Atreine Cainöj: Itre Aqane Troa Catre Thel Matre Troa Ketr La Hni Ne La Itre Atr (be g. 258 ¶1–g. 259 ¶1)

N. 1: Epuni Kö a Hane Thele Iehova Hnyawa? (w03 15/8 g. 25-8)

N. 2: 2 Ite Joxu 12:​1-​12

N. 3: Pine Nemen Matre Loi e Tro Nyipunie a Catre Xome La Thiina Ka Menyik?

N. 4: Tro La “Nöjei Atre Asëjëihë” a Kapa La Iamele (rs g. 355 ¶2)

12 Sem. E Tusi Hmitrötr: 2 Ite Joxu 16-​18 Nyima 203

Atreine Cainöj: Loi e Tro Sa Thel Matre Tro La Itre Atr a Fe Amamane La Aliene La Itre Hni Angatr (be g. 259 ¶2-4)

N. 1: Nemene La Hna Mekune Hmaca Hnene La Itre Atr Göi Iesu? (w03 15/8 g. 6 ¶6–g. 8 ¶6)

N. 2: 2 Ite Joxu 16⁠:​10-​20

N. 3: Hna Qaja Hnene La Tusi Hmitrötr, Ka Hape, Hetrenyi La Itre Atr Ka Thaa Tro Kö a Hane Mel (rs g. 355 ¶3–g. 356 ¶2)

N. 4: Tro Sa Atre Tune Kaa La Ka Loi Kowe La Joxu?

19 Sem. E Tusi Hmitrötr: 2 Ite Joxu 19-​22 Nyima 89

Atreine Cainöj: Ahlëne Jë La Itre Aliene Hni Ka Lolo Thene La Itre Atr (be g. 259 ¶5–g. 260 ¶1)

N. 1: “Xölehuje Catëne Ju La Ite Tulu Ne Trenge Ewekë Ne Mele” (w03 1/1 g. 29 ¶2–g. 30 ¶4)

N. 2: 2 Ite Joxu 19⁠:​20-​28

N. 3: E Ase Hë Amelen Thaa Kolo Kö Lai a Hape Ka Mele Palua Pala Pë Hë (rs g. 356 3-6)

N. 4: Nemene La Ewekë Hne Së Hna Atre Qaathene Lo Itre Trejine Ne Semurina?

26 Sem. E Tusi Hmitrötr: 2 Ite Joxu 23-​25 Nyima 84

Atreine Cainöj: Xatuane Jë La Itre Ka Drei Së Troa Xoue Akötresie (be g. 260 ¶2-3)

N. 1: Tusi Hmitrötr Memine La Itre Aliene Ej Hna Kapa Ka Hape Qaathei Akötresie—Götrane 1 (si g. 299 ¶1-6)

N. 2: w03 15/8 g. 20 ¶6-10

N. 3: Easë a Goeëne Aloine La Mele Elany

N. 4: Pine Nemen Matre Nyipi Ewekë Troa Hetre Wene Ne La Lapaune Së (rs g. 356 ¶7–g. 357 ¶3)

3 Okot. E Tusi Hmitrötr: 1 Aqane lapa ite joxu 1-4 Nyima 51

Atreine Cainöj: Akötresieti a Wangatrun La Aqane Ujë Së (be g. 260 ¶4–g. 261 ¶1)

N. 1: Tusi Hmitrötr Memine La Itre Aliene Ej Hna Kapa Ka Hape Qaathei Akötresie—Götrane 2 (si g. 300-2 ¶7-16)

N. 2: 1 Aqane lapa ite joxu 4:​24-​43

N. 3: Easë a Atre Tune Kaa, Ka Hape, Ka Mele Lae Diabolo (rs g. 364 ¶3–g. 365 ¶3)

N. 4: Iehova a Hnimi Së Isa Ala Caas

10 Okot. E Tusi Hmitrötr: 1 Aqane lapa ite joxu 5-7 Nyima 195

Atreine Cainöj: Xatuane Jë La Itre Atr Ka Drei Së Troa Isa Waimekun (be g. 261 ¶2-4)

N. 1: Tusi Hmitrötr Memine La Itre Aliene Ej Hna Kapa Ka Hape Qaathei Akötresie—Götrane 3 (si g. 302-5 ¶17-26)

N. 2: 1 Aqane lapa ite joxu 5⁠:​18-26

N. 3: Ewekë Hne Së Hna Atre Göne La “drai i Iehova”

N. 4: Ame Satana Tre, Thaa Celë Kö La Ngazo Ka Eje E kuhu Hni Ne La Itre Atr (rs g. 365 ¶4–g. 366 ¶2)

17 Okot. E Tusi Hmitrötr: 1 Aqane lapa ite joxu 8-11 Nyima 201

Atreine Cainöj: Loi e Tro Sa Catre Thele Troa Drengethenge Ka Qa Kuhu Hni (be g. 262 ¶1-4)

N. 1: Itre Hna Cinyihan Hnine La Tusi Hmitrötr Qene Heberu —Götrane 1 (si g. 305-6 ¶1-5)

N. 2: 1 Aqane lapa ite joxu 10⁠:​1-14

N. 3: Thaa Hnei Akötresieti Kö Hna Xupi Diabolo (rs g. 366 ¶3)

N. 4: Tro Sa Atreine Nyiqaane Ithanata Koi Drei?

24 Okot. E Tusi Hmitrötr: 1 Aqane lapa ite joxu 12-15 Nyima 80

Atreine Cainöj: Loi e Tro Sa Ce Huliwa Me Iehova Ngöne La Troa Ketr La Hni Ne La Itre Atr (be g. 262 ¶5)

N. 1: Itre Hna Cinyihan Hnine La Tusi Hmitrötr Qene Heberu —Götrane 2 (si g. 306-7 ¶6-9)

N. 2: w03 1/11 g. 10-11 ¶10-13

N. 3: Aliene La Hna Qaja Ka Hape Troa Tro Hnyawa Ngöne La Ëje i Iehova

N. 4: Pine Nemen Matre Thaa Hnei Akötresieti Kö Hna Canga Apaatrenyi Satana Thupene Lo Hnei Angeic Hna Icilekeu (rs g. 367 ¶1-2)

31 Okot. E Tusi Hmitrötr: 1 Aqane lapa ite joxu 16-20 Nyima 129

Atreine Cainöj: Tune Kaa La Aqane Tro Sa Trongëne Hnyawa La Traeme Hna Athipe Koi Së (be g. 263 ¶1–g. 264 ¶4)

Revizio Hna Ce Ithanatan

7 Nof. E Tusi Hmitrötr: 1 Aqane lapa ite joxu 21-25 Nyima 215

Atreine Cainöj: Aqane Ithuecatr Ka Hetre Thangane Ka Loi (be g. 265 ¶1-3)

N. 1: Itre Hna Cinyihan Hnine La Tusi Hmitrötr Qene Heberu —Götrane 3 (si g. 307-10 ¶10-16)

N. 2: 1 Aqane lapa ite joxu 22⁠:​1-10

N. 3: The Tro Pi Kö Së a Wangesixan La Trenge Catre i Satana (rs g. 368 ¶1-3)

N. 4: cTune Kaa La Aqane Tro Sa Acatren La Aqane Imelekeu Së Itre Trefën

14 Nof. E Tusi Hmitrötr: 1 Aqane lapa ite joxu 26-29 Nyima 35

Atreine Cainöj: Ithuecatre Jë Pine La Ihnim (be g. 266 ¶1-4)

N. 1: Itre Hna Cinyihan Hnine La Tusi Hmitrötr Qene Heberu —Götrane 4 (si g. 310-12 ¶17-​25)

N. 2: 1 Aqane lapa ite joxu 29:​1-9

N. 3: Pine Nemen Matre Kola Akötrën La Itre Hlue i Iehova

N. 4: Easenyi Hë Matre Thapa Pi Hë La Itre Atr Qa Ngöne La Nyinyithina i Satana (rs g. 369 ¶1–g. 370 ¶1)

21 Nof. E Tusi Hmitrötr: 2 Aqane lapa ite joxu 1-5 Nyima 46

Atreine Cainöj: Loi e Troa Nyitrepene La Itre Ithuecatre Së Hnene La Tusi Hmitrötr (be g. 266 ¶5–g. 267 ¶1)

N. 1: Itre Hna Cinyihan Hnine La Tusi Hmitrötr Qene Heberu —Götrane 5 (si g. 312-13 ¶26-​31)

N. 2: 2 Aqane lapa ite joxu 2⁠:​1-​10

N. 3: Loi e Tro Sa Trotrohnine La Aliene La Ihaji

N. 4: dHapeu, Ngazo La Troa Ce Meköle Trefën? (rs g. 370 ¶2–g. 371 ¶4)

28 Nof. E Tusi Hmitrötr: 2 Aqane lapa ite joxu 6-9 Nyima 106

Atreine Cainöj: Loi e Troa ‘Qaja Mekötin’ La Itre Ewekë (be g. 267 ¶2-3)

N. 1: Itre Hna Cinyihan Hnine La Tusi Hmitrötr Qene Heleni —Götrane 1 (si g. 315-​16 ¶1-7)

N. 2: w03 1/12 g. 15-​16 ¶3-6

N. 3: Tune Kaa La Aqane Tro Sa Amaman, Ka Hape, Easë Madrin Atraqatr Troa Nyihlue i Iehova

N. 4: eMekune i Tusi Hmitrötr Göne La Troa Ce Meköl Hnei Lue Trahmany Maine Lue Föe (rs g. 372 ¶2-4)

5 Dis. E Tusi Hmitrötr: 2 Aqane lapa ite joxu 10-14 Nyima 116

Atreine Cainöj: Pine Nemen Matre Loi e Troa Ithuecatrekeu (be g. 268 ¶1-3)

N. 1: Itre Hna Cinyihan Hnine La Tusi Hmitrötr Qene Heleni —Götrane 2 (si g. 316-17 ¶8-16)

N. 2: 2 Aqane lapa ite joxu 12: ​1-​12

N. 3: Pine Nemen Matre Nyipi Ewekë Koi Së La Ihnimi gufa i Akötresie

N. 4: Itre Nyine Troa Saze Ngöne La Mele Së Matre Troa Amadrinë Akötresie (rs g. 372 ¶5–g. 373 ¶2)

12 Dis. E Tusi Hmitrötr: 2 Aqane lapa ite joxu 15-19 Nyima 182

Atreine Cainöj: Amekunëne Hmaca Jë La Itre Hna Kuca Hnei Iehova (be g. 268 ¶4–g. 269 ¶2)

N. 1: Itre Hna Cinyihan Hnine La Tusi Hmitrötr Qene Heleni —Götrane 3 (si g. 317-​19 ¶17-​25)

N. 2: 2 Aqane lapa ite joxu 19: ​1-​11

N. 3: Pine Nemen Matre Hna Tria Hnene La Atr Ka Pexej (rs g. 278 ¶3–g. 279 ¶3)

N. 4: Ewekë Hne Së Hna Atre Qa Ngöne La Hnepe Lapa i Iesu

19 Dis. E Tusi Hmitrötr: 2 Aqane lapa ite joxu 20-24 Nyima 186

Atreine Cainöj: Nemene La Aqane Xatuane Iehova La Nöje i Nyidrë (be g. 269 ¶3-5)

N. 1: Itre Hna Cinyihan Hnine La Tusi Hmitrötr Qene Heleni —Götrane 4 (si g. 319-​20 ¶26-​32)

N. 2: w03 15/12 g. 16-17 ¶13-15

N. 3: Itre Thangane Ka Loi Hne Së Hna Kapa Qa Ngöne La Hne Së Hna Mejihnine La Itre Ewekë

N. 4: Pine Nemene Matre Loi e Tro Sa Trotrohnine Hnyawa La Pengöne La Ngazo (rs g. 280 ¶2–g. 281 ¶2)

26 Dis. E Tusi Hmitrötr: 2 Aqane lapa ite joxu 25-28 Nyima 137

Atreine Cainöj: Amamane Jë la Madrine Së Kowe La Itre Huliwa i Iehova Ngöne La Hneijine Së (be g. 270 ¶1–​g. 271 ¶2)

Revizio Hna Ce Ithanatan

[Ithueamacany]