Itre Hna Amekötiin

◼ Itre itus hna troa tro fë e Okotropa 1-17: Troa tro fë la itre zonal La Tour de Garde me Réveillez-vous ! Maine kola kepe së hnene la itre atr, xome jë la boroshür Thele, me tupath troa nyiqaane inine la Tusi Hmitrötr me angatr. Okotropa 18-Nofeba 14: Huliwa ka ketrepengön, troa tro fë la boroshür “ Veillez ! ” Nofeba 15-30: Écoute le grand Enseignant. Maine tro la itre atr a qaja, ka hape, pë fe kö nekö i angatr, haawe, hamëne ju la boroshüre Thele. Loi e troa thele troa inine la Tusi Hmitrötr memine la itre atr. Diseba: Atr Ka Tru Ne La Fene Hnengödrai. Maine pena, troa tro fë la itus La Bible : Parole de Dieu ou des hommes ? maine Trenge Edromë Qa Hnin La Tusi Hmitrötr. Januare: L’humanité à la recherche de Dieu.

◼ Ame la sinecetron la Huliwa Ne Baselaia celë, tre kolo “Porogaram Ne Ini Ne Cainöj Qaathei Akötresie Göi Macatre 2005,” thaa tro kö a apaatren, ke easë a troa huliwane ej ngöne la macatre 2005.

◼ Thaa sasaiatri kö a troa nyialien trongën la hna isa komadë itus hnene la itre trejin. Troa treqen tro la atre thup perezida a thuemacan la itre trejin ngöne la nöjei treu, troa canga komadën la itre itus thene la atrekë hnëqane lai ngöne la ekalesia, qëmeken tro angeic a iupi fë la hna komaad koi sasaiatri. Loi e troa atre hnyawa la itre itus ka ketre pengöne kö, nyine troa sipon.