A Sia Lama Ngaihsutna Lungsim I Do Zawh Theih Dan

1-2. Paul in bang lungkhamnate nei a hiam? Ei ading bang huhna kingah thei ding a hiam? (Rom 7:21-24)

တမန်တော်​ပေါလု​လို့ ပြောလိုက်ရင် စိတ်ထဲ ဘာ​ပေါ်လာသလဲ။ သတ္တိ​ရှိတဲ့ သာသနာပြု၊ သိပ်တော်တဲ့ သွန်သင်သူ၊ ကျမ်းစောင် အများဆုံး​ရေးသူ အနေနဲ့​လား။ ပေါလုဟာ တကယ်လည်း အဲဒီလို​လူမျိုး​ပါ။ ဒါပေမဲ့ ပေါလုဟာ ဝမ်းနည်း​တတ်သူ၊ စိတ်ဓာတ်ကျ၊ စိတ်ပူပန်​တတ်သူ​လည်း ဖြစ်တယ်။ ကျွန်တော်တို့​လိုပဲ အပျက်​သဘော​တွေ​ကို တိုက်ထုတ်​ခဲ့​ရတဲ့ အချိန်တွေ​လည်း ရှိခဲ့တယ်။

^၂ ရောမ ၇:၂၁-၂၄ ကို ဖတ်ပါ။ ရောမ​မြို့သား​တွေကို​ရေးတဲ့ စာထဲမှာ ခံစားချက်​တွေကို ပေါလု ထည့်ရေး​ထားတယ်။ ကျွန်တော်တို့​လည်း သူ့လို ခံစားရ​တတ်တယ်။ ပေါလုက သစ္စာရှိ ခရစ်ယာန်​တစ်ယောက် ဖြစ်တာ​တောင် စိတ်ထဲမှာ ဘုရား​အလိုတော်​ဆောင်ချင်​စိတ်နဲ့ အမှား​လုပ်ချင်စိတ် လွန်ဆွဲ​နေတဲ့​အခါ​တွေ​ရှိတယ်။ ဒီ့အပြင် အရင်က လုပ်ခဲ့တဲ့​အမှားတွေ​ကြောင့် ဒါမှမဟုတ် လက်ရှိ​ကြုံနေ​ရတဲ့ ပြဿနာ​တွေကြောင့် အပျက်​သဘော​ဝင်လာ​ချိန်​လည်း​ရှိတယ်။

3. Hih sin ding thu pan bang thu kikum ding i hiam? (“Kammal hilhcian na.” zong en in.)

^၃ ပေါလု အပျက်သဘော​ဝင်တဲ့​အချိန်တွေa ရှိပေမဲ့ တစ်ချိန်လုံး အဲဒီ​အတွေး​တွေ​နဲ့​ပဲ နစ်မွန်း​မနေဘူး။ “အဖြစ်ဆိုး​လိုက်တာ” လို့ ပေါလု ဘာကြောင့် ခံစားရ​တာလဲ။ အပျက်​သဘော​တွေ​ကို ဘယ်လို တွန်းလှန်ခဲ့​သလဲ။ အပျက်​သဘော​တွေ ဝင်လာ​တဲ့အခါ ကျွန်တော်တို့ ဘယ်လို တွန်းလှန်​နိုင်သလဲ။ ဒီမေးခွန်း​တွေရဲ့ အဖြေကို သုံးသပ်​ကြရအောင်။

PAUL IN A SIA LAM NGAIHSUTNATE BANG HANGIN NEI A HIAM

4. Paul in a sia lam ngaihsutnate bang hangin nei a hiam?

^၄ အတိတ်က​လုပ်ရပ်တွေကြောင့်။ ခရစ်ယာန်​ဖြစ်​မလာခင်​က ရှောလုလို့ လူသိ​များတဲ့ ပေါလုဟာ ဆိုးရွားတဲ့ လုပ်ရပ်တွေ လုပ်ခဲ့တယ်။ သစ္စာရှိသူ သတေဖန် ကျောက်ခဲနဲ့​ပေါက်သတ်​ခံရတဲ့ ကိစ္စမှာ အလိုတူ​အလိုပါ ဖြစ်ခဲ့တယ်။ (တ. ၇:၅၈။ ၈:၁) ခရစ်ယာန်​တွေကို အကြီး​အကျယ် ညှဉ်းပန်း​နှိပ်စက်​ရာ​မှာ​လည်း ဦးဆောင်​ခဲ့တယ်။—တ. ၈:၃။ ၂၆:၉-၁၁။

5. A beisa hunah a sepna hangin Paul in bang lungsim nei a hiam?

^၅ ခရစ်ယာန်​ဖြစ်လာပြီးနောက် ပေါလုဟာ အရင်က​လုပ်ခဲ့တာ​တွေ ပြန်တွေးပြီး စိတ်ဒုက္ခ​ရောက်တဲ့​အချိန်တွေ ရှိတယ်။ ခရစ်ယာန်​ဖြစ်တာ ကြာလေ အရင်က​လုပ်ခဲ့တာ​တွေကို တနုံ့နုံ့​ပြန်တွေးပြီး စိတ်မကောင်း​လေ ဖြစ်မှာပဲ။ အေဒီ ၅၅ လောက်​တုန်းက ကောရိန္သု​မြို့သား​တွေ​ဆီ​ရေးတဲ့ ပထမ​စာမှာ “ဘုရား​သခင်ရဲ့​အသင်းတော်​ကို ညှဉ်းဆဲ​ခဲ့လို့ တမန်တော်​လို့​တောင် အခေါ်​မခံ​ထိုက်ဘူး” လို့ ဖော်ပြ​ထားတယ်။ (၁ ကော. ၁၅:၉) ငါးနှစ်​လောက်​ကြာ​ပြီးနောက် ဧဖက်​မြို့သား​တွေ​ဆီ​ရေးတဲ့ စာမှာ​လည်း “အရေး​မပါဆုံး​သူထက် ပိုပြီး​အရေး​မပါတဲ့ ကျွန်တော်” လို့ ပြောတယ်။ (ဧ. ၃:၈) “ငါဟာ အရင်က ဘုရားကို စော်ကား​ပြောဆိုသူ၊ ညှဉ်းပန်း​နှိပ်စက်​သူ၊ ရိုင်းစိုင်း​သူ” ဖြစ်ခဲ့​တယ်လို့ တိမောသေ​ဆီ ရေးတဲ့​စာမှာ ဖတ်ရ​တယ်။ (၁ တိ. ၁:၁၃) အသင်းတော်​တွေဆီ လည်ပတ်​တဲ့အခါ အရင်က သူ​နှိပ်စက်​ခဲ့ဖူး​သူတွေ၊ သူတို့ရဲ့ မိသားစု​ဝင်​တွေ​နဲ့ ဆုံတဲ့အခါ ပေါလု ဘယ်လောက်​တောင် အနေရ​ခက်​မလဲ မြင်ယောင်​ကြည့်ပါ။

6. Paul lunggim a sak thei bang thu dangte om a hiam? (A nuai a ciaptehna zong en in.)

^၆ ကိုယ်ခန္ဓာ​မှာ​စူးတဲ့​ဆူး။ ပေါလု​ကို စိတ်ဒုက္ခ​ပေးတဲ့​အရာ​က “ကိုယ်ခန္ဓာ​မှာ​စူးတဲ့​ဆူး” လိုပဲ​လို့ သူ​ပြောတယ်။ (၂ ကော. ၁၂:၇) အဲဒီ​ဆူး​က ဘာလဲ​ဆိုတာ အတိ​အကျ မသိရဘူး။ ဒါပေမဲ့ သူ့စကားကို​ကြည့်ရင် ခန္ဓာပိုင်း၊ စိတ်ပိုင်း နာကျင်​စေတဲ့​အရာ တစ်ခုခု​ဖြစ်မှန်း သိနိုင်တယ်။b

7. Kicin lohna hangin Paul in bang haksakna thuak a hiam? (Rom 7:18, 19)

^၇ ကိုယ်တိုင်ရဲ့ မစုံလင်မှု။ ကိုယ်တိုင်ရဲ့ အားနည်းချက်​တွေကို ပေါလု တိုက်လှန်​ခဲ့​ရတယ်။ (ရောမ ၇:၁၈၊ ၁၉ ကို ဖတ်ပါ။) ကောင်းတာ လုပ်ချင်တဲ့ ဆန္ဒရှိ​ပေမဲ့ မလုပ်​နိုင်တဲ့​အခါတွေ ရှိတယ်။ မလုပ်သင့်​တာကို လုပ်မိ​သွားတဲ့​အခါတွေ​လည်း ရှိတယ်။ ဒါကြောင့် မကောင်း​တာကို ရှောင်ပြီး ကောင်းတာ​ကို​လုပ်နိုင်အောင် မပြတ် ကြိုးစား​ခဲ့ရတယ်​လို့ ပေါလု ဝန်ခံတယ်။ (၁ ကော. ၉:၂၇) ကြိုးစားတဲ့​ကြားက မကောင်းတာ​လုပ်မိ​သွားတဲ့​အခါ သူ့ကိုယ်သူ ဘယ်လောက်​တောင် စိတ်ပျက်​နေ​လိုက်မလဲ။

PAUL IN A SIA LAM NGAIHSUTNATE KOI BANGIN DO A HIAM

8. Kicin lohna hangin pumpi deihnate do dingin Paul in bang sem a hiam?

^၈ ပေါလု​ရေးတဲ့​စာတွေကို ကြည့်ရင် စွမ်းအားတော်​အကူ​အညီနဲ့ အပြစ်​ရှိတဲ့ အလို​ဆန္ဒ​တွေကို တွန်းလှန်​နိုင်​ကြောင်း သူ အလေး​အနက် စဉ်းစား​ခဲ့​ပုံ​ရတယ်။ (ရော. ၈:၁၃။ ဂလ. ၅:၁၆၊ ၁၇) ခရစ်ယာန်တွေ အမြဲတမ်း တိုက်လှန်​နေ​ရမယ့် အကျင့်​တွေ​အကြောင်း ပေါလု မကြာ​ခဏ သတိပေး​လေ့​ရှိတယ်။ (ဂလ. ၅:၁၉-၂၁၊ ၂၆) ဒီ​သတိ​ပေးချက်​တွေကို ကြည့်ရင် ပေါလုဟာ ကိုယ်တိုင်ရဲ့​အားနည်းချက်​တွေကို သိအောင်​လုပ်တယ်။ ဘာတွေ ပြုပြင်​ပြောင်းလဲ​ရမယ်၊ ဘယ်လို​ပြောင်းလဲ​ရမယ်​ဆိုတာ သိဖို့ ကျမ်းစာကို လေ့လာတယ်။ ကျမ်းစာ​ကနေ သိလာ​တာနဲ့​အညီ နေထိုင်ဖို့ ကြိုးစား​တယ်​ဆိုတာ ထင်ရှားတယ်။ ဒါကြောင့်​လည်း တခြား​သူတွေ​ကို သတိပေး​နိုင်​ခဲ့တာ။

9-10. A sia lam ngaihsutnate do dingin Paul bangin huh a hiam? (Efesa 1:7) (Lim zong en in.)

^၉ ပေါလု အပျက်သဘော​ဝင်တဲ့ အချိန်တွေ​ရှိပေမဲ့ တစ်ချိန်လုံး ဝင်​နေတာ​တော့ မဟုတ်ဘူး။ ဥပမာ၊ သူ့ရဲ့​ခရီး​သွားဖော်​ဆီ​က ကြားရတဲ့​သတင်း​ကြောင့် အားတတ်​ခဲ့ချိန်၊ ဝမ်းသာ​ခဲ့​ချိန်​တွေ ရှိတယ်။ (၂ ကော. ၇:၆၊ ၇) ယုံကြည်​သူချင်း​တွေနဲ့ ခင်မင်​ရင်းနှီး​ခွင့်​ရလို့ သူ​ပျော်တယ်။ (၂ တိ. ၁:၄) ဘုရား​မျက်နှာသာ ရထား​တယ်​လို့လည်း သူ​ခံစားမိ​မှာပဲ။ ဒါကြောင့် ဘုရား​သခင်ကို “အမှား​အမှန်​သိစိတ် ကြည်လင်​စွာ” ကိုးကွယ်​နေ​တယ်လို့ ကျေကျေ​နပ်နပ်ကြီး သူ​ပြော​နိုင်​ခဲ့တာ။ (၂ တိ. ၁:၃) ရောမ​မြို့မှာ ထောင်ကျ​နေချိန်​မှာတောင် ဘုရား​သခင်​ကြောင့် “ဝမ်းမြောက်​ကြပါ” လို့ ယုံကြည်​သူချင်း​တွေ​ကို အားပေး​ခဲ့တယ်။ (ဖိ. ၄:၄) ပေါလုဟာ စိတ်ပျက်​စရာ​တွေ​အကြောင်း တစ်ချိန်လုံး တွေး​နေ​သူ​မဟုတ်ဘဲ အပျက်​သဘော​ဝင်လာ​တာနဲ့ ချက်ချင်း တွန်းလှန်​ပြီး အကောင်းမြင်​သဘော​ရှိအောင် ကြိုးစားသူ​ဆိုတာ သူ့​စကားတွေ​အရ သိနိုင်တယ်။

^၁၀ အပျက်သဘော​တွေ​ကို တိုက်လှန်ပြီး အကောင်းမြင်​သဘော ထိန်းထား​နိုင်တဲ့ နောက်​အကြောင်းရင်း တစ်ခုက ယေရှုရဲ့ ရွေးဖိုး​ကို ယုံကြည်​လို့ပါ။ (ဂလ. ၂:၂၀။ ဧဖက် ၁:၇ ကို ဖတ်ပါ။) ရွေးဖိုးကြောင့် မိမိရဲ့ အပြစ်​တွေကို ယေဟောဝါ ခွင့်လွှတ်​မယ်​ဆိုတာ အပြည့်​အဝ စိတ်ချ​နိုင်​ခဲ့တယ်။ (ရော. ၇:၂၄၊ ၂၅) အရင်က အမှားတွေ လုပ်ခဲ့​ပေမဲ့၊ အားနည်း​ချက်တွေ ရှိနေ​ပေမဲ့ ရွှင်လန်း​တဲ့​စိတ်နဲ့ ယေဟောဝါ​ကို ဝတ်ပြု​နိုင်ခဲ့တယ်။—ဟီ. ၉:၁၂-၁၄။

11. Paul ih tuakkhakna pan koi bangin thangah thei i hiam?

^၁၁ ပေါလုလိုပဲ ကျွန်တော်တို့လည်း ဘုရား​မနှစ်သက်​တာကို မတွေး​မိအောင်၊ မပြော​မိအောင်၊ မလုပ်​မိအောင် ကြိုးစား​နေ​ရနိုင်တယ်။ “ငါ​တော်တော် အသုံး​မကျ​တာ​ပဲ” ဆိုပြီး ကိုယ့်​ကိုယ်ကို စိတ်ပျက်​မိ​နိုင်တယ်။ အသက် ၂၀ အရွယ် ညီအစ်မ အလိုင်ဇာ​အကြောင်းc သုံးသပ်​ကြည့်ပါ။ “ပေါလု​အကြောင်း​စဉ်းစား​ရင် ကျွန်မ တကယ် ခွန်အား​ရတယ်။ အသုံး​မကျဘူးလို့ ခံစားရတာ ငါ​တစ်ယောက်တည်း မဟုတ်ဘူး​ဆိုပြီး စိတ်သက်သာရာ​ရသွားတယ်။ ကျေးကျွန်တွေ ဘာ​ခံစား​နေရတယ်​ဆိုတာ ယေဟောဝါ​သိပါ​လား​လို့ တွေးမိ​တယ်” ဆိုပြီး ပြောတယ်။ ကျွန်တော်​တို့လည်း ပေါလုလို အပျက်​သဘော​ဝင်ချိန်​တွေ ရှိပေမဲ့ ကြည်လင်​တဲ့​သိစိတ်၊ ရွှင်လန်း​တဲ့​စိတ်နဲ့ ယေဟောဝါ​ကို ကိုးကွယ်​နိုင်အောင် ဘာလုပ်​နိုင်သလဲ။

A SIA LAM NGAIHSUTNATE KOI BANGIN DO ZO DING I HIAM

12. A sia lam ngaihsutnate do zo dingin bang te sem ding i hiam?

^၁၂ ဘုရားနဲ့ ရင်းနှီးစေ​မယ့် အရာတွေကို လုပ်ဆောင်​နေပါ။ အာဟာရ​ရှိရှိ စားမယ်၊ လေ့ကျင့်ခန်း ပုံမှန်​လုပ်မယ်၊ အိပ်ရေးဝဝ အိပ်မယ်​ဆိုရင် နေလို့​ထိုင်လို့​ကောင်းတယ်။ အဲဒီလိုပဲ ကျွန်တော်တို့​လည်း နေ့တိုင်း ကျမ်းစာ​ဖတ်မယ်၊ အမှုဆောင်မှာ ပါဝင်​မယ်၊ အစည်း​အဝေး​တွေကို ပြင်ဆင်​ပြီး တက်ရောက်​မယ်၊ မှတ်ချက်​တွေ ပေးမယ်​ဆိုရင် ဘုရားနဲ့ ရင်းနှီး​နေ​မှာ ဖြစ်ပြီး အပျက်​သဘော​တွေ​ကို တိုက်လှန်​နိုင်မယ်။—ရော. ၁၂:၁၁၊ ၁၂။

13-14. Pasian tawh kinai theihnate i sep manin Pasian sila pawlkhatin bang hamphatna ngah uh a hiam?

^၁၃ အသက် ၃၉ နှစ်အရွယ်မှာ ရှားပါး ကင်ဆာ​ရောဂါ​ခံစားရတဲ့ ဂျွန် အကြောင်း စဉ်းစား​ကြည့်ပါ။ ရောဂါ​ရှိတယ်​ဆိုတာ သိလိုက်​ရတဲ့​အခါ သူ တော်တော်​ထိတ်လန့်​သွားပြီး စိုးရိမ်​စိတ်တွေ​ဝင်လာ​တယ်။ ‘ငယ်ငယ်​ရွယ်ရွယ်နဲ့ ဒီလို​ရောဂါ​ကြီး ဖြစ်ရ​လား’ ဆိုပြီး လက်မခံနိုင်​ခဲ့ဘူး။ ပိုဆိုး​တာက ဂျွန်ရဲ့​သားလေး​က အသက် ၃ နှစ်ပဲ ရှိသေးတယ်။ ဒီ​အခြေ​အနေကို ရင်ဆိုင်​နိုင်ဖို့ သူ ဘယ်ကနေ အကူ​အညီ​ရခဲ့​လဲ။ “ပင်ပန်း​နေတဲ့​ကြား​က မိသားစု​လိုက် အစည်း​အဝေး​အားလုံးကို ရအောင်​တက်တယ်၊ အမှုဆောင်​လုပ်ငန်းမှာ အပတ်တိုင်း ပါဝင်တယ်၊ မိသားစု​ဝတ်ပြုမှု ပုံမှန်​လုပ်တယ်” လို့ ပြောတယ်။ “ရောဂါ​ရှိမှန်း​သိ​လိုက်​ရချိန်မှာ စိုးရိမ်​ထိတ်လန့်​ခဲ့​ပေမဲ့ နောက်ပိုင်း ဘုရားပေး​ခွန်အား​နဲ့ ခံရပ်နိုင်​လာတယ်။ ယေဟောဝါရဲ့​မေတ္တာ​ကိုလည်း အပြည့်​အဝ​ခံစား​ရတယ်။ ကျွန်တော့်ကို ယေဟောဝါ ခွန်အားပေး​ခဲ့​သလို ညီအစ်ကို/မတွေ​ကိုလည်း ခွန်အား​ပေးမှာ​ပါ” လို့ ဆက်ပြောတယ်။

^၁၄ အစောပိုင်းမှာ ဖော်ပြခဲ့တဲ့ အလိုင်ဇာ အခုလို​ပြောတယ်– “အစည်း​အဝေးတွေ တက်တဲ့​အခါ​တိုင်း၊ ကိုယ်ပိုင်​လေ့လာမှု​လုပ်တဲ့​အခါ​တိုင်း ဘုရား ငါ့ကို တကယ်​ချစ်ပါ​လား၊ ငါ့​ဆုတောင်း​ချက်​တွေကို အဖြေပေး​ပါလား​လို့ ခံစား​ရတယ်။ ဒါနဲ့ စိတ်ထဲ​နေလို့​ကောင်း​သွားတယ်။” အာဖရိက​က တိုက်နယ်​ကြီးကြပ်မှူး ဇနီး​မောင်နှံ ဖြစ်တဲ့ နိုလန်​နဲ့ ဒိုင်ယန်း အခုလို ပြောတယ်– “စိတ်ဓာတ်ကျ​နေတဲ့​အချိန်​တွေမှာ​တောင် စွဲစွဲမြဲမြဲ ဆုတောင်း​တယ်၊ ကျမ်းစာ​လေ့လာ​တယ်၊ အစည်း​အဝေး​တက်တယ်၊ အမှုဆောင်မှာ ကြိုးစား​ပါဝင်တယ်။ ဒီလိုနဲ့ စိတ်အား ပြန်​တက်​လာတယ်။ ဒါကြောင့် စိတ်ဓာတ်​ကျပြီ​ဆိုရင် ဘုရား​ကူညီ​ပေးမယ်​ဆိုတာ ကိုယ့်ကိုယ်ကိုယ် ပြန်​သတိပေး​တယ်။ ဘယ်လို​ကူညီ​မယ်​ဆိုတာ အတိ​အကျ မသိ​ပေမဲ့ ကူညီ​မယ်​ဆိုတာ စိတ်ချ​တယ်။”

15. A sia lam ngaihsutnate do zo dingin bang i sep ding kisam a hiam? Gentehna pia-in.

^၁၅ အပျက်သဘော​တွေ တွန်းလှန်နိုင်ဖို့ သတ်သတ်​မှတ်မှတ် လုပ်ရမယ့်​အရာတွေ ရှိတယ်။ ဥပမာ၊ ခါးနာ​နေတယ် ဆိုပါစို့။ လမ်းလျှောက်​ပေးတာ​ကောင်းပေမဲ့ ခါးနာ​ပျောက်​ဖို့​ဆိုရင် အဲဒါထက်​မက လုပ်ဖို့ လိုနိုင်တယ်။ ခါးနာ​ရတဲ့​အကြောင်းရင်းကို သိဖို့ ရှာဖွေ​လေ့လာ​နိုင်တယ်၊ ဆရာဝန်​နဲ့​ပြဖို့ လိုတာ​တောင် ဖြစ်နိုင်တယ်။ အဲဒီလို​ပါပဲ၊ ကျွန်တော်​တို့မှာ ဘာလို့ အပျက်​သဘော​ဝင်​သလဲ၊ ဘယ်လို တွန်းလှန်​နိုင်​မလဲ​ဆိုတာ သိဖို့ ကျမ်းစာနဲ့ အဖွဲ့​အစည်း​စာပေ​တွေမှာ ရှာဖွေ​လေ့လာ​နိုင်တယ်။ ညီအစ်ကို/မတွေ​ဆီ​က အကြံဉာဏ်​ကောင်း​တွေ တောင်းနိုင်​တယ်။ အထောက်​အကူပြုနိုင်​တဲ့ နောက်ထပ် ဘာ​အကြံပြုချက်​တွေ ရှိသေး​သလဲ။

16. A sia lam i ngahsutna a hang i theihna ding bang sep ding kisam a hiam? (Late 139:1-4, 23, 24)

^၁၆ ကိုယ့်​အခြေအနေ​အမှန်ကို သိဖို့ ဆုတောင်း​ဆန်းစစ်ပါ။ ဘုရင်​ဒါဝိဒ်ဟာ မိမိကို ယေဟောဝါ​ကောင်းကောင်း သိကြောင်း နားလည်​တယ်။ ဒါကြောင့် သူ​ဘာကြောင့် “ပူပင်​သောက” ရောက်နေ​သလဲ သိအောင် ကူညီ​ပေးဖို့ ယေဟောဝါ​ဆီ ဆုတောင်း​တယ်။ (ဆာလံ ၁၃၉:၁-၄၊ ၂၃၊ ၂၄ ကို ဖတ်ပါ။) ကျွန်တော်တို့လည်း အပျက်​သဘော​ဝင်​ရတဲ့ အကြောင်းရင်းကို သိအောင်၊ တွန်းလှန်နိုင်​အောင် ကူညီ​ပေးဖို့ ယေဟောဝါဆီ ဆုတောင်း​နိုင်တယ်။ ‘ငါ ဘာအတွက် စိုးရိမ်​နေတာလဲ။ ငါ့ကို အမြဲ​လိုလို စိုးရိမ်​စေတဲ့​အရာ ရှိသလား။ အပျက်​သဘော​ဝင်လာပြီ​ဆိုရင် အကောင်းဘက်ကို တွေးဖို့ ကြိုးစား​သလား’ စတဲ့ မေးခွန်း​တွေနဲ့ ကိုယ့်ကိုယ်ကိုယ် ဆန်းစစ်​နိုင်တယ်။

17. A hoih lam ngaihsutna i neih theihna ding bang thute kan thei i hiam? (Lim zong en in.)

^၁၇ ကိုယ့်​အခြေအနေနဲ့ ကိုက်ညီတဲ့ အကြောင်းအရာကို လေ့လာပါ။ ယေဟောဝါရဲ့ အရည်​အသွေး​တစ်ခု​အကြောင်း လေ့လာ​တာ​လည်း ကောင်းတယ်။ ဥပမာ၊ တမန်တော်​ပေါလုဟာ ရွေးဖိုး​အကြောင်း၊ ယေဟောဝါရဲ့ ခွင့်လွှတ်မှု​အကြောင်း တွေးတော​ဆင်ခြင်​လို့ ဘုရားရဲ့​ကရုဏာ​ကို ခံစား​နားလည်​ခဲ့တယ်။ သင်လည်း ပေါလုလို လုပ်နိုင်တယ်။ ယေဟောဝါ​သက်သေတွေ​အတွက် ကျမ်းစာ​လေ့လာမှု လမ်းညွှန် ဒါမှမဟုတ် သင့်​ဘာသာ​စကားနဲ့ ရနိုင်တဲ့ ကျမ်းစာ​လေ့လာမှု ကိရိယာ​တွေ​သုံးပြီး ဘုရား​သခင့် ကရုဏာ၊ ခွင့်လွှတ်မှု၊ ခိုင်မြဲတဲ့​မေတ္တာ​အကြောင်း ရှာဖွေ​လေ့လာပါ။ ကိုယ့်အတွက် အထောက်​အကူ​ပြုတဲ့ ဆောင်းပါး​တွေ တွေ့ပြီ​ဆိုရင် သေချာ​မှတ်ထားပြီး မြင်သာ​တဲ့​နေရာမှာ ထားပါ။ အပျက်​သဘော​ဝင်လာပြီ​ဆိုတာနဲ့ အဲဒီ​ဆောင်းပါး​တွေ​ကို လေ့လာပါ။ ဆောင်းပါးမှာ​ပါတဲ့ ကျမ်းချက်တွေ ဖတ်ပြီး ယေဟောဝါ​ကို ဘယ်လို​တုပ​နိုင်တယ်၊ ကိုယ့်အတွက် ဘယ်လို​အကျိုးပြု​နိုင်တယ်​ဆိုတာ စဉ်းစားပါ။—ဖိ. ၄:၈။

18. Kristian pawlkhat in bang thute kan uh a hiam?

^၁၈ အစပိုင်းမှာ ဖော်ပြခဲ့တဲ့ ညီအစ်မ အလိုင်ဇာ ဒီလိုပြောတယ်– “ကျွန်မ​လည်း ပြဿနာတွေ တစ်ပြိုင်နက် ကြုံခဲ့ရတယ်။ ဒါကြောင့် ယောဘ​အကြောင်း လေ့လာ​ဖြစ်တယ်။ ယောဘ ဒုက္ခ​တစ်ခုပြီး​တစ်ခု ကြုံရလို့ စိတ်ချုံးချုံး​ကျတဲ့​အချိန် ရှိခဲ့တယ်။ ဒုက္ခတွေ ဘာလို့ ကြုံရ​သလဲ​ဆိုတာ မသိတာ​တောင် ယေဟောဝါ​ကို သူ​ဆက်​မှီခို​အားကိုး​ခဲ့တာ။” (ယောဘ ၄၂:၁-၆) ဒိုင်ယန်း​လည်း ဒီလို​ပြောတယ်– “ကျွန်မတို့ လင်မယား​နှစ်ယောက် ယေဟောဝါထံ ချဉ်းကပ်လော့ စာအုပ်ကို အတူ​လေ့လာ​ကြတယ်။ ယေဟောဝါက ကျွန်မ​တို့ကို အိုးထိန်း​သမား​လို ပုံသွင်း​ပေးတယ် ဆိုတဲ့ အချက်ကို ကြိုက်တယ်။ လုပ်ခဲ့​မိတဲ့ အမှားတွေ​ကြောင့် စိတ်ပျက်​အားလျော့​နေချိန်မှာ ကျွန်မတို့ကို ယေဟောဝါ သင်ပေး​နေတာ၊ ပိုကောင်းတဲ့​သူ​ဖြစ်အောင် ပုံသွင်း​ပေး​နေတာ​လို့ တွေးလိုက်​တော့ ဘုရားနဲ့ ပိုရင်းနှီး​လာ​သလို ခံစား​ရတယ်။”—ဟေရှာ. ၆၄:၈။

JEHOVAH IN HONG HUH DING CIH MUANG IN

19. Khat veivei bang ngaihsun khatthei i hiam? A hih hang bang lungmuang thei i hiam?

^၁၉ ဒီ​စာစောင်မှာပါတဲ့ အကြံပေးချက်​အားလုံးကို ကြိုးစား​လုပ်နေ​ရင်း​နဲ့​တောင် တစ်ခါ​တလေ အပျက်​သဘော​တွေ ဝင်လာနိုင်​ပါတယ်။ တချို့​ရက်​တွေမှာ​ဆိုရင် လုံးလုံး​စိတ်ဓာတ်ကျ​နေနိုင်တယ်။ ဒါပေမဲ့ ယေဟောဝါရဲ့​အကူ​အညီနဲ့ အပျက်​သဘော​တွေ နည်းနိုင်သမျှ​နည်းအောင် လုပ်နိုင်​ပါတယ်။ နေ့ရက် တော်တော်​များများ​မှာ​တော့ ကြည်လင်တဲ့​သိစိတ်နဲ့ ယေဟောဝါကို ဝတ်ပြု​နိုင်မယ်၊ စိတ်​ရွှင်လန်း​စရာ အကြောင်းရင်း​တွေ ရှိနေမယ်​ဆိုတာ ယုံကြည်​စိတ်ချ​နိုင်တယ်။

20. Bang sem dingin khensat na hiam?

^၂၀ အရင်က​လုပ်ခဲ့တဲ့ အမှားတွေ​ကြောင့်၊ ကြုံနေ​ရတဲ့ အခက်​အခဲ​ကြောင့်၊ ကိုယ်တိုင်ရဲ့ မစုံလင်မှု​ကြောင့် အပျက်​သဘော​ဝင်လာ​တဲ့အခါ တွန်းလှန်​ဖို့ ကြိုးစား​ကြရအောင်။ ယေဟောဝါရဲ့ အကူ​အညီနဲ့ အောင်မြင်​နိုင်​ပါတယ်။ (ဆာ. ၁၄၃:၁၀) အပျက်​သဘော လုံးဝ​မရှိတော့မယ့်​အချိန်ကို ကျွန်တော်တို့ မျှော်လင့်​နေကြ​ပါတယ်။ အဲဒီ​အချိန်​ကျရင် ပူပင်​သောကရောက်​စေ​တဲ့​အရာ ဘာ​တစ်ခုမှ ရှိတော့မှာ မဟုတ်ဘူး။ နေ့သစ်​မှာ နိုးထ​လာတိုင်း မေတ္တာရှင် ဘုရား​သခင် ယေဟောဝါကို ပျော်ရွှင်စွာ ဝတ်ပြု​ကိုးကွယ်​ဖို့​အတွက်ပဲ ဖြစ်နေပါ​လိမ့်မယ်။