Kha Thu Lamah Pasian Muang Suakin

1. I nuntak theih nading bang kisam i hiam? (Matthai 5:3)

လူသားတွေရဲ့ လိုအပ်ရာကို ယေဟောဝါ သိတယ်။ ဥပမာ၊ လူတွေ အသက်ဆက်ရှင်​ဖို့ အစားအစာ၊ အဝတ်​အထည်​နဲ့ နေစရာ လိုတယ်။ အဲဒါတွေ​ထဲက တစ်ခုခု မရှိ​တော့ဘူး​ဆိုရင် အသက်ရှင်​ရပ်တည်ဖို့ ခက်ခဲ​လာမယ်။ ဒါ့အပြင် နောက်ထပ် လိုအပ်ရာ​တစ်ခု ရှိသေးတယ်။ ယေဟောဝါကို မှီခို​အားကိုးဖို့​ပါ။ (မဿဲ ၅:၃ ကို ဖတ်ပါ။) ယေဟောဝါကို အမြဲ မှီခို​နေ​မှ​ပဲ စစ်မှန်တဲ့​ပျော်ရွှင်မှု ရနိုင်မယ်။

2. “Kha thu lamah zawngkhal a kisate” cih in bang a cihnopna a hiam?

^၂ “ဘုရားသခင်ကို မှီခိုဖို့ လိုအပ်မှန်း သိမြင်​သူ” ဆိုတာ မူရင်း​ဂရိ​ဘာသာ​စကားမှာ​ဆိုရင် “စွမ်းအားတော်​ရဖို့ ထက်ထက်​သန်သန် တောင်းခံ​သူ” လို့လည်း အဓိပ္ပာယ်​ရတယ်။ တောင်းစား​သူ​တစ်ယောက်​ကို မြင်ယောင်​ကြည့်ပါ။ အဝတ်​အစား စုတ်စုတ်​ပြတ်ပြတ်​နဲ့ လမ်းဘေး​မှာ ထိုင်နေ​တယ်။ ပုံမှန်​မစား​ရတဲ့​အပြင် နေ့ဘက်​ဆို အပူဒဏ်၊ ညဘက်​ဆို အအေးဒဏ်​ခံရလို့ ပိန်လှီ​အားပြတ်​နေပြီး လူတွေ သူ့ကို ရှောင်ကြ​တယ်။ ဒါပေမဲ့ အသက်​ဆက်ရှင်​ဖို့​ဆိုရင် အကူအညီ တောင်းဖို့​လိုတယ်​ဆိုတာ သူ​သိထားတယ်။ အဲဒီလို​ပါပဲ “ဘုရား​သခင်ကို မှီခိုဖို့ လိုအပ်မှန်း သိမြင်​သူ၊” တစ်နည်း​အားဖြင့် “စွမ်းအားတော်​ရဖို့ ထက်ထက်​သန်သန် တောင်းခံ​သူ” ဟာ ကိုယ့်​ဘဝ​အသက်တာ​မှာ ယေဟောဝါရဲ့​အကူအညီ လိုတယ်ဆိုတာ ကောင်းကောင်း​သိတယ်။ ဒါကြောင့် ယေဟောဝါ ပြင်ဆင်ပေး​ထားတဲ့ လမ်းညွှန်ချက်တွေ​ကနေ အကျိုး​ရအောင် အတတ်နိုင်ဆုံး ကြိုးစားတယ်။

3. Hih sin ding thu-ah bang thu kikum ding i hiam?

^၃ ယေရှုနောက် တကောက်ကောက်​လိုက်ပြီး အသနားခံ​တဲ့ ဖိုနီးရှား​အမျိုးသမီး​အကြောင်း ဒီဆောင်းပါးမှာ ဦးဆုံး ဆွေးနွေး​ပါမယ်။ ဘုရားသခင်ကို မှီခိုဖို့ လိုအပ်မှန်း သိမြင်သူတွေ မွေးမြူ​ရမယ့် အရည်အသွေး​သုံးခု​အကြောင်း သူ့ဆီကနေ သိရမယ်။ ဒီ့အပြင် ယေဟောဝါကို မှီခို​ခဲ့​ကြ​တဲ့ တမန်တော် ပေတရု၊ ပေါလုနဲ့ ဘုရင်​ဒါဝိဒ်​တို့ရဲ့ စံနမူနာကို​လည်း ဆွေးနွေး​ကြပါမယ်။

FOENISIA NUMEI KIANG PAN I SIN THEIH THU

4. Jesuh kiangah Foenisia numei in bang ngen a hiam?

^၄ တစ်ခါက၊ ဖိုနီးရှား​အမျိုးသမီး​တစ်ယောက် ယေရှု​ဆီ ရောက်လာတယ်။ သူ့​သမီး​က “နတ်ဆိုးစွဲ​တဲ့ ဝေဒနာ​ကို အလူးအလိမ့် ခံစား​နေရ” တယ်။ (မ. ၁၅:၂၁-၂၈) အမျိုးသမီးက ယေရှု​အနား​လာ ဦးညွှတ်​ပြီး ‘ကျွန်မရဲ့ သမီးကို ကူညီ​ပါ​ဦး’ လို့ အသနား​ခံတယ်။ ယေရှု​ဆီ အကူအညီ​တောင်းချိန်မှာ အတုယူ​စရာ အရည်အသွေးတွေ ဖိုနီးရှား​အမျိုးသမီး တင်ပြခဲ့တယ်။ အဲဒီထဲက တချို့ကို လေ့လာ​ကြည့်ရအောင်။

5. Foenisia numei in bang pianziate lak a hiam? Jesuh in koi bangin thukkik a hiam? (Lim zong en in.)

^၅ ဖိုနီးရှား​အမျိုးသမီးဟာ နှိမ့်ချ​သူပါ။ ဘာလို့ အဲဒီလို ပြော​နိုင်တာလဲ။ ယေရှုက သူ့ကို ခွေး​ကလေးနဲ့ နှိုင်းပြီး ပြောပေမဲ့ သူ​စိတ်မဆိုး​ဘူး။ အဲဒီခေတ်​အခါက လူမျိုးခြား​တွေဟာ အိမ်မွေး​တိရစ္ဆာန်​အဖြစ် ခွေး​မွေးလေ့​ရှိတယ်။ သင့်ကို​သာ ယေရှု ခွေးကလေးနဲ့ နှိုင်းမယ်​ဆိုရင် ဘယ်လို တုံ့ပြန်မလဲ။ စော်ကားတယ်​လို့ ခံစားရပြီး ယေရှု​ဆီက အကူအညီ​မတောင်း​တော့ဘဲ ထွက်သွား​မလား။ ဖိုနီးရှား​အမျိုးသမီး အဲဒီလို မလုပ်ခဲ့ဘူး။ နှိမ့်ချမှု​ရှိတဲ့​အပြင် ဇွဲရှိသူ​လည်း ဖြစ်တယ်။ အကူအညီ​ပေးဖို့ မရ​မက တောင်းခံတယ်။ ဘာကြောင့်လဲ။ ယေရှုကို ယုံကြည်လို့​ပါ။ သူ့ရဲ့ ယုံကြည်ခြင်း ခိုင်ခံ့​တာကို ယေရှု သတိထားမိ​သွားပြီး သူ​တောင်းဆိုတဲ့​အတိုင်း လုပ်ပေးဖို့ ဆုံးဖြတ်​လိုက်တယ်။ “အစ္စရေး​အမျိုး​ထဲက ပျောက်နေတဲ့ သိုးတွေ” ကို ကူညီဖို့ မိမိ စေလွှတ်​ခံရတာ​လို့ ယေရှု ပြောခဲ့ပြီး​ဖြစ်ပေမဲ့ လူမျိုးခြား အမျိုးသမီးရဲ့ သမီးကို ကုသ​ပေးလိုက်တယ်။

6. Foenisia numei kiang pan bang sinthei i hiam?

^၆ ဘုရားကို မှီခို​အားကိုး​သူတွေ​ဟာ ဖိုနီးရှား​အမျိုးသမီး​လို နှိမ့်ချမှု ရှိရမယ်၊ ဇွဲရှိရမယ်၊ ခိုင်ခံ့တဲ့ ယုံကြည်ခြင်း ရှိရမယ်။ နှိမ့်ချမှု​ရှိမှ​ပဲ ယေဟောဝါ​ဆီက အကူအညီ​ကို ဇွဲရှိရှိ တောင်းခံ​မှာ​ဖြစ်တယ်။ ခရစ်တော်​ယေရှုကို အခိုင်အမာ ယုံကြည်ရမယ်။ နောက်လိုက်​တွေကို လမ်းညွှန်​ပေးဖို့ ခရစ်တော် အသုံးပြုနေတဲ့​သူတွေကို​လည်း ယုံကြည်​စိတ်ချ​ရမယ်။ (မ. ၂၄:၄၅-၄၇) ဒီ​အရည်အသွေးတွေ ကျွန်တော်တို့ တင်ပြတာ​ကို ယေဟောဝါနဲ့ သားတော်​ယေရှု နှစ်သက်တယ်။ (ယာကုပ် ၁:၅-၇ နဲ့ နှိုင်းယှဉ်ပါ။) အခု၊ တမန်တော် ပေတရု၊ ပေါလု၊ ဘုရင်​ဒါဝိဒ်​ဆီကနေ ယေဟောဝါကို မှီခို​နိုင်ပုံ​အကြောင်း လေ့လာ​ကြပါမယ်။

PETER BANGIN—PASIAN KAMMAL TAWH THA DIM SAK DEN IN

7. Peter in bang tavuante ngah a hiam?A man’ bang a sepkul a hiam? (Hebru 5:14–6:1)

^၇ တမန်တော် ပေတရုရဲ့ စံနမူနာကို သုံးသပ်​ကြည့်ပါ။ ယေရှုဟာ မေရှိယ​ဖြစ်ကြောင်း ဦးဆုံး လက်ခံသူ​တွေ​ထဲမှာ ပေတရု ပါတယ်။ “ထာဝရ​အသက်​ရစေတဲ့ စကားတွေ” သွန်သင်ပေးဖို့ ယေရှုကို ယေဟောဝါ​သုံးတယ် ဆိုတာ​လည်း ပေတရု သိတယ်။ (ယော. ၆:၆၆-၆၈) ယေရှု ရှင်ပြန်​ထမြောက်​ပြီး ကောင်းကင်​မတက်ခင် ပေတရု​ကို “ကျွန်တော့်ရဲ့ သိုးကလေး​တွေကို ကျွေးမွေးပါ” လို့ တာဝန်​ပေးခဲ့တယ်။ (ယော. ၂၁:၁၇) ယေရှု​ပေးတဲ့​တာဝန်ကို ပေတရု သစ္စာရှိရှိ ထမ်းဆောင်​တယ်။ ကျမ်းစောင် နှစ်စောင်​ရေး​ဖို့လည်း ပေတရု​ကို ယေဟောဝါ အသုံးပြု​တယ်။ ဒါပေမဲ့ ပေတရု​ကိုယ်တိုင် ဘုရား​နှုတ်ထွက်​စကားနဲ့ အားဖြည့်​ဖို့ လိုတယ်။ ပေတရု ဘာလုပ်​သလဲ။ တမန်တော်​ပေါလု ရေးတဲ့ ကျမ်းစောင်​တွေကို သူ လေ့လာ​ဆည်းပူး​တယ်။ ပေါလု​ရေးတဲ့ စာထဲမှာ “နားလည်ရ​ခက်တဲ့ အကြောင်း​အရာ​တချို့ ပါတယ်။” (၂ ပေ. ၃:၁၅၊ ၁၆) ဒါပေမဲ့ ဇွဲရှိရှိ သူ​ဆက်လေ့လာ​တယ်။ “မာတဲ့​အစာ” နဲ့​တူတဲ့ နက်နဲတဲ့​အကြောင်း​အရာတွေကို နားလည်ပြီး လက်တွေ့​ကျင့်သုံး​နိုင်အောင် ယေဟောဝါ ကူညီ​မယ်​ဆိုတာ​လည်း သူ​ယုံကြည်​စိတ်ချ​တယ်။—ဟီဘရူး ၅:၁၄–၆:၁ ကို ဖတ်ပါ။

8. Jehovah kiang pan lamlahna thak a ngah ciang Peter in koi bangin thukkik a hiam?

^၈ ပေတရု​ဟာ ယေဟောဝါ​ဆီက​လာတဲ့ ညွှန်ကြားချက်​တွေကို နာခံခြင်း​အားဖြင့် ယုံကြည်ခြင်း တင်ပြခဲ့တယ်။ ဥပမာ၊ ပင်လယ်​ကမ်းနား​က ယုပ္ပေ​မြို့မှာ ပေတရု ရောက်နေ​တုန်း မောရှေ​ပညတ်​အရ မစင်ကြယ်​ဘူး​လို့ သတ်မှတ်​ထားတဲ့ တိရစ္ဆာန်​တွေ​ကို သတ်​စားဖို့ စိတ်​အာရုံ​ကနေ​တစ်ဆင့် ကောင်းကင်​တမန် ညွှန်ကြားတယ်။ အဲဒီ​ညွှန်ကြားချက်​ဟာ ဂျူး​တစ်ယောက်​ဖြစ်တဲ့ ပေတရု​အတွက် ထိတ်လန့်စရာ​ပါပဲ။ စစချင်း​မှာတော့ ပေတရု​က “မစားနိုင်​ပါဘူး၊ သခင်။ ညစ်ညူးတဲ့​အရာ၊ မစင်ကြယ်တဲ့​အရာ တစ်ခုမှ ကျွန်တော် မစားဖူး​ပါ​ဘူး” လို့ ပြောတယ်။ ဒါပေမဲ့ “ဘုရားသခင် စင်ကြယ်​စေ​ပြီး​သား​အရာကို ညစ်ညူး​တယ်လို့ မပြောပါနဲ့တော့” ဆိုပြီး ကောင်းကင်​တမန် ပြန်ပြော​တယ်။ (တ. ၁၀:၉-၁၅) ပေတရု​ဟာ မိမိရဲ့ အတွေး​အခေါ်ကို ပြောင်းလဲ​ပြီး ယေဟောဝါ​ကို နာခံ​ခဲ့တယ်။ ဘယ်လို သိရသလဲ။ စိတ်​အာရုံ​မြင်ပြီး သိပ်​မကြာခင်​မှာ လူမျိုးခြား ကော်နေလိ လွှတ်လိုက်တဲ့ အမျိုးသား​သုံးယောက် ပေတရု​ဆီ ရောက်လာ​တယ်။ ကော်နေလိ​က မိမိ​အိမ်​လာဖို့ ပေတရု​ကို ဖိတ်တဲ့​အကြောင်း ပြောကြတယ်။ တကယ်​ဆိုရင် ပေတရု​ဟာ လူမျိုးခြား​တစ်ယောက်ရဲ့ အိမ်ထဲ ဝင်လေ့​မရှိဘူး။ လူမျိုးခြား​တွေဟာ မသန့်ရှင်းသူ၊ မစင်ကြယ်​သူ​လို့ ဂျူးတွေ ယူဆ​ထား​ကြတာ။ (တ. ၁၀:၂၈၊ ၂၉) အခုတော့ ယေဟောဝါ​က လူအားလုံးကို သတင်းကောင်း ကြား​စေချင်တယ်​ဆိုတဲ့ အမှန်​တရား​အလင်း ထွန်းလင်း​ပြတာကို ပေတရု ချက်ချင်း​နာခံ​တယ်။ (ပညာ. ၄:၁၈) ပေတရု ဟောပြောလို့ ကော်နေလိ​နဲ့ အိမ်သူ​အိမ်သားတွေ အမှန်​တရား​လက်ခံပြီး သန့်ရှင်းသော​စွမ်းအားတော်​ရကြတယ်၊ နှစ်ခြင်းခံ​ကြတယ်။—တ. ၁၀:၄၄-၄၈။

9. Lai Siangtho thuthukte i kan na-in bang hamphatna te ngahthei ding i hiam?

^၉ ပေတရုလိုပဲ ကျွန်တော်တို့ဟာ နို့နဲ့​တူတဲ့ ကျမ်းစာ​အခြေခံ​အမှန်တရား​တွေကို ပုံမှန်​ဖတ်ရှု​လေ့လာ​ရမယ်။ ဒီ့အပြင် မာတဲ့​အစာနဲ့​တူတဲ့ နက်နဲတဲ့ အကြောင်း​အရာတွေ​ကိုလည်း အချိန်ယူပြီး ကြိုးစား​လေ့လာ​ဖို့ လိုတယ်။ ဒီလို​လုပ်ရင် အကျိုး​ကျေးဇူး​နှစ်ခု ရမယ်။ ပထမ၊ ယေဟောဝါ​အကြောင်း ပိုသိ​လာလေ၊ ဘုရားကို ပိုချစ်လေ၊ ပို​ရိုသေ​လေးစား​လေ ဖြစ်လာမယ်။ ဒုတိယ၊ ယေဟောဝါ​အကြောင်း ပိုသိ​လာလေ ကောင်းကင်​ဘုံစံ ဖခင် ယေဟောဝါ​အကြောင်း တခြား​သူတွေ​ကို ပို​ပြောပြ​ချင်လေ ဖြစ်လာမယ်။ (ရော. ၁၁:၃၃။ ဗျာ. ၄:၁၁) ဒီ့အပြင် ကျမ်းစာ​သိနားလည်မှု​တွေ ပြုပြင်​ပြောင်းလဲ​သွားတဲ့​အခါ​မှာ​လည်း ချက်ချင်း​လက်ခံ​ရမယ်။ ဒါမှ ယေဟောဝါရဲ့ နှုတ်ထွက်​စကားတော်​နဲ့ အားဖြည့်​ထား​ရာ​ရောက်မယ်။

PAUL BANGIN—NGEINA THAK SILH SUAK IN

10. Kolose 3:8-10 ah bang silh ding kisam i hiam?

^၁၀ ဘုရား​နှစ်သက်မှု​ရဖို့ နောက်ထပ် ဘာလုပ်ရမလဲ။ တမန်တော်​ပေါလု​ပြောသလို “စရိုက်ဟောင်း​ကို . . . ချွတ်ပယ်” ပြီး “စရိုက်သစ်​ကို ဝတ်ဆင်” ရမယ်။ (ကောလောသဲ ၃:၈-၁၀ ကို ဖတ်ပါ။) ဘုရား​နှစ်သက်တဲ့ စရိုက်သစ်​ကို ဝတ်ဆင်​ဖို့​ဆိုတာ လွယ်တဲ့​ကိစ္စ​တော့ မဟုတ်ဘူး။ ပေါလုရဲ့ ပုံနမူနာကို သုံးသပ်​ကြည့်ပါ။ လူငယ်​အရွယ်​ကတည်းက ဘုရား​မျက်နှာသာ​ရဖို့ ပေါလု ကြိုးစား​ခဲ့တယ်။ (ဂလ. ၁:၁၄။ ဖိ. ၃:၄၊ ၅) ဒါပေမဲ့ ဘုရားကို ဝတ်ပြု​ကိုးကွယ်တဲ့​နည်းလမ်း မှားနေတယ်။ ခရစ်တော်ရဲ့ သွန်သင်ချက်​တွေကို မသိတဲ့​အပြင် မာန​လည်း ကြီး​တဲ့အတွက် “ရိုင်းစိုင်း​သူ” ဖြစ်ခဲ့တယ်။—၁ တိ. ၁:၁၃။

11. Paul in koi bang kikheelnate bawl a hiam? Hilhcian in.

^၁၁ ပေါလုဟာ ခရစ်ယာန် မဖြစ်ခင်​တုန်းက ဒေါသအိုး တစ်ယောက်​ပါ။ ယေရှုရဲ့ တပည့်​တွေကို ဒေါသ​ထွက်ပြီး “ခြိမ်းခြောက်၊ သတ်ဖြတ်​ချင်စိတ် ပြင်းထန်​နေ” တယ်လို့ တမန်တော်​ကျမ်းမှာ ဖော်ပြထားတယ်။ (တ. ၉:၁) ခရစ်ယာန်​ဖြစ်လာတဲ့​အခါ ဒေါသ​ကြီးတဲ့ စရိုက်ဟောင်း​ကို ကြိုးစား​ချွတ်​ခဲ့​ရမှာပဲ။ (ဧ. ၄:၂၂၊ ၃၁) ဒါတောင် ဗာနဗ​နဲ့ “အကြီးအကျယ် အငြင်းပွား” ချိန်​မှာ ပေါလုရဲ့ စရိုက်ဟောင်း ပြန်ပေါ်​လာတယ်။ (တ. ၁၅:၃၇-၃၉) ဘုရား​နည်းလမ်း​အတိုင်း ပြုမူဖို့ ပျက်ကွက်ခဲ့​ပေမဲ့ ပေါလု လက်မလျှော့​ခဲ့ဘူး။ ဘုရား​နှစ်သက်မှု​ရဖို့ သူ့ရဲ့ ‘ကိုယ်ခန္ဓာ​ကို ထိုးနှက်​ပြီး ထိန်းချုပ်’ ခဲ့တယ်။—၁ ကော. ၉:၂၇။

12. Paul in ngeina thak a silh suak theih nading bangin huh a hiam?

^၁၂ ပေါလုဟာ ကိုယ့်ကိုယ်ကိုယ် အားမကိုးဘဲ ဘုရားကို အားကိုးခဲ့​လို့ စရိုက်ဟောင်း​ကို ချွတ်ပြီး စရိုက်သစ်​ကို ဝတ်ဆင်​နိုင်​ခဲ့​တာ​ပါ။ (ဖိ. ၄:၁၃) ပေတရု​လိုပဲ ပေါလုလည်း “ဘုရား ပေးတဲ့ ခွန်အား” ကို မှီခို​အားကိုး​ခဲ့​ရတယ်။ (၁ ပေ. ၄:၁၁) ဒါတောင် ငါဟာ အသုံးမကျ​သူပါ​လား​လို့ ခံစားခဲ့​ရချိန်​တွေ ရှိတယ်။ အဲဒီ​အချိန်​တွေ​မှာ ယေဟောဝါ လုပ်ပေး​ခဲ့တာ​တွေ​ကို ပြန်​စဉ်းစား​တဲ့အတွက် စရိုက်သစ်​ကို ဝတ်မြဲ​ဝတ်ဆင်​ထား​နိုင်ဖို့ ခွန်အား​ရှိလာ​တယ်။—ရော. ၇:၂၁-၂၅။

13. Koi bangin Paul etteh thei ding i hiam?

^၁၃ ယေဟောဝါကို ဝတ်ပြုနေတာ နှစ်ပေါင်း​များစွာ ကြာပြီ​ဆိုရင်တောင် စရိုက်ဟောင်း​ကို ချွတ်ပြီး စရိုက်သစ်​ကို ဝတ်ဆင်​ရာ​မှာ ပေါလု​လိုပဲ အမြဲ ကြိုးစား​နေ​ရမယ်။ ကျွန်တော်​တို့လည်း တစ်ခါ​တလေ ဒေါသ​ပေါက်ကွဲ​ပြီး မဆင်​မခြင် ပြောဆိုမိ​နိုင်တယ်။ ဒီလို​လုပ်မိ​လို့ ဘုရား​မျက်နှာသာ မရနိုင်​တော့​ဘူး​လို့ မစဉ်းစား​သင့်ဘူး။ ကျွန်တော်တို့ရဲ့ စိတ်သဘော​ကို ပြုပြင်​ပြောင်းလဲ​ပြီး ဘုရား​မျက်နှာသာ​ရအောင် ဆက်ကြိုးစား​နေ​သင့်​တယ်။ (ရော. ၁၂:၁၊ ၂။ ဧ. ၄:၂၄) ဒါပေမဲ့ သိထားရ​မယ့် အချက်​ရှိတယ်။ အဝတ်​အစား မတော်​ရင် ပြင်ချုပ်​လို့​ရပေမဲ့ စရိုက်သစ် ဝတ်ဆင်​ရာ​မှာတော့ ကိုယ့်ဘက်က ပြုပြင်​ရမယ်။ ယေဟောဝါရဲ့​စံနှုန်း​အတိုင်း နေနိုင်အောင် ကြိုးစားရမယ်။

DAVID BANGIN —JEHOVAH BUK AH OM SUAKIN

14-15. Jehovah in a mite koi bangin kem a hiam? (Late 27:5) (Lim zong en in.)

^၁၄ စစ်မှန်တဲ့ ပျော်ရွှင်မှု​ရဖို့​ဆိုရင် အားဖြည့်​ရမယ့် အစား​အစာ၊ ဝတ်ဆင်​ရမယ့် အဝတ်​အစား​အပြင် လုံခြုံတဲ့ နားနေရာ​မှာ ကာကွယ်​ခံရဖို့​လည်း လိုတယ်။ ယေဟောဝါ ဘယ်လို ကာကွယ်​ပေးသလဲ။ ကာကွယ်​ခံရဖို့ ကျွန်တော်တို့ ဘာလုပ်ရ​မလဲ။

^၁၅ အခက်အခဲ​ကြုံရတဲ့အခါ ယေဟောဝါ ကာကွယ်​ပေးမယ်​ဆိုတာ ဘုရင်​ဒါဝိဒ် စိတ်ချတယ်။ (ဆာလံ ၂၇:၅ ကို ဖတ်ပါ။) ဒီနေ့​အချိန်မှာ မိမိ​လူတွေ​ကို ယေဟောဝါ ဘယ်လို ကာကွယ်​ပေးသလဲ။ ယုံကြည်ခြင်း​ကို ဖျက်ဆီး​ပစ်​နိုင်​တဲ့ အရာ​မှန်သမျှ​ကနေ ယေဟောဝါ ကာကွယ်​ပေးတယ်။ ကျွန်တော်တို့ကို တိုက်ခိုက်ဖို့​လုပ်တဲ့ လက်နက်​တစ်ခုမှ အောင်မြင်​မှာ မဟုတ်ဘူး​လို့ ကတိ​ပေးထားတယ်။ (ဆာ. ၃၄:၇။ ဟေရှာ. ၅၄:၁၇) စာတန်နဲ့ သူ့ရဲ့​အပေါင်း​အပါ​တွေ တန်ခိုး​ကြီး​တာ မှန်ပေမဲ့ ယေဟောဝါက သူတို့ထက် ပိုတန်ခိုး​ကြီးတယ်။ ကျွန်တော်တို့ရဲ့ အသက်ကို နုတ်ယူ​သွား​ရင်တောင် ယေဟောဝါက ရှင်ပြန်​ထမြောက်​ပေးမယ်။ (၁ ကော. ၁၅:၅၅-၅၇။ ဗျာ. ၂၁:၃၊ ၄) ယေဟောဝါနဲ့​ဆက်ဆံရေး ပြတ်တောက်​သွားတဲ့​အထိ စိုးရိမ်​စိတ်တွေ များ​မလာအောင်​လည်း ကူညီ​ပေးတယ်။ (ပညာ. ၁၂:၂၅။ မ. ၆:၂၇-၂၉) မေတ္တာ​ပြည့်ဝ​တဲ့​အဖ ဘုရား​သခင်က ညီအစ်ကို/မတွေကို သုံးပြီး ကျွန်တော်တို့ကို အားပေး​တယ်။ အကြီး​အကဲ​တွေကို သုံးပြီး ယုံကြည်ခြင်း ပြန်​ခိုင်ခံ့အောင် ကူညီ​ပေးတယ်။ (ဟေရှာ. ၃၂:၁၊ ၂) အစည်း​အဝေး​တွေ တက်တဲ့အခါ​လည်း ယေဟောဝါရဲ့ အကာ​အကွယ်​ရနိုင်တဲ့ နောက်ထပ်​နည်းလမ်း​တွေ သိလာ​တယ်။—ဟီ. ၁၀:၂၄၊ ၂၅။

16. Jehovah in koi bang danin David kem a hiam?

^၁၆ ယေဟောဝါကို ဒါဝိဒ် နာခံတဲ့အခါ ကာကွယ်​ခံရတယ်၊ မှန်ကန်တဲ့ ဆုံးဖြတ်ချက်​တွေ ချနိုင်တယ်။ (ပညာအလိမ္မာ ၅:၁၊ ၂ နဲ့ နှိုင်းယှဉ်ပါ။) ဒါပေမဲ့ ယေဟောဝါ​ကို မနာခံ​တဲ့အခါ သူ့​လုပ်ရပ်​ရဲ့ ဆိုးကျိုးတွေ မခံစား​ရအောင် ယေဟောဝါ ကာကွယ်​မပေးဘူး။ (၂ ရှ. ၁၂:၉၊ ၁၀) ကိုယ့်​အပြစ်​ကြောင့် မဟုတ်ဘဲ တခြားသူတွေ​ကြောင့် ဒါဝိဒ် ဒုက္ခ​ရောက်ချိန်​မှာကော။ ဒါဝိဒ် ရင်ဖွင့်​ဆုတောင်း​တဲ့အခါ ယေဟောဝါ​က ဒါဝိဒ်​ကို ချစ်တယ်၊ ဂရုစိုက်​ပေးမယ်​လို့ ကတိ​ပေးပြီး နှစ်သိမ့်​ပေးတယ်။—ဆာ. ၂၃:၁-၆။

17. Koi bangin David etteh thei ding i hiam?

^၁၇ ကျွန်တော်တို့လည်း ဆုံးဖြတ်ချက်တွေ​ချတဲ့အခါ ယေဟောဝါရဲ့ လမ်းညွှန်မှု​ကို ရှာရမယ်။ ယေဟောဝါ မ​ကာကွယ်​ပေးလို့ အခက်​အခဲ ကြုံရတာ​ဆိုပြီး အမြဲတော့ မယူဆ​သင့်ဘူး။ ကိုယ်တိုင်ရဲ့​ဆုံးဖြတ်ချက်​အမှားတွေ​ကြောင့် အခက်အခဲ ကြုံရတာ ဖြစ်နိုင်တယ်။ (ဂလ. ၆:၇၊ ၈) ကိုယ့်​အမှား​ကြောင့် မဟုတ်ဘဲ တခြား​သူတွေ​ကြောင့် အခက်အခဲ ကြုံရရင်​ကော။ ယေဟောဝါဆီ ရင်ဖွင့် ပြောပြပါ။ ကျွန်တော်တို့ရဲ့ စိတ်နှလုံး​နဲ့ ဉာဏ်ရည်​ဉာဏ်စွမ်း​ကို ယေဟောဝါ စောင့်ရှောက်​ပေးပါ​လိမ့်မယ်။—ဖိ. ၄:၆၊ ၇။

KHA THU LAMAH PASIAN MUANG SUAK IN

18. Bang hangin kha thu lamah Pasian muang ding kisam semsem a hiam?Bang i sep ding kisam a hiam?(Lim zong en in.)

^၁၈ ၂၀၂၆ ခုနှစ်အတွက် နှစ်ချုပ်​ကျမ်းချက်– “ဘုရားသခင်​ကို မှီခိုဖို့ လိုအပ်​မှန်း သိမြင်သူတွေ ပျော်ရွှင်​ချမ်းမြေ့​တယ်။” ဒီနေ့​အချိန်မှာ ဘုရားကို မှီခိုဖို့ ပို​လိုအပ်​လာတယ်။ ဘာကြောင့်လဲ။ ဘုရားကို မမှီခို​ဘဲ မှားယွင်းတဲ့ ဘာသာရေး​နဲ့ လူ့​အတွေး​အခေါ်​တွေကို အားကိုးပြီး ကိုယ့်နည်း​ကိုယ့်ဟန်နဲ့ ပျော်ရွှင်မှု​ရှာ​နေ​ကြ​သူ​တွေ များလာလို့​ပါ။ သူတို့​လို ကျွန်တော်တို့ မဖြစ်ချင်​ကြဘူး။ ဒါကြောင့် ဘုရားရဲ့ နှုတ်ထွက်​စကားနဲ့ အားဖြည့်​နေပါ။ စရိုက်သစ်​ကို ဆက်​ဝတ်ဆင်​နေပါ။ ဘုရား​ပြင်ဆင်​ပေးတဲ့ နားနေရာ​မှာ အကာ​အကွယ် ယူ​နေပါ။