SIN DING THU 14
Pasian San Theih Biakpiakna
Sin ding thu 13-a i kikup mah bangin, biakna khempeuh pen Pasian in sang khin lo hi. Ahih hang, ei hong Piangsak Pa’ san theih dan dingin i bia thei hi. Koi bang “biakna [ahih kei leh, pawlpi]” pen Pasian in sang a hiam? (James 1:27) Lai Siangtho hong hilh thute kan in.
1. I biakna in bang tungah a kibulphuh ding kisam a hiam?
I biakna in Lai Siangtho tungah a kibulphuh ding kisam hi. Jesuh in Pasian kiangah: “Na thu in thuman thutak ahi hi,” ci-in gen hi. (Johan 17:17, ZSV) Biakna pawlkhatte in Pasian’ kammal ahi, Lai Siangtho sunga thuman pen thusim lo-in, mihing thuhilhnate le ngeinate hilh zaw uh hi. “Pasian’ thukhamte a nawlkhin” mite pen Jehovah in deih lo hi. (Marka 7:9 sim in.) Ahih hangin, Lai Siangtho thuhilhna banga i zuih ciangin Pasian a lungdam hi.
2. Jehovah pen koi banga i biak ding kilawm a hiam?
Ei hong Piangsak Pa ahih manin, Jehovah bek i biak ding kilawm hi. (Maangmuhna 4:11) Milim, lim, le a kibawltawm lim khat peuhpeuh zang lo-in amah bek it a, i biak ding ahi hi.—Isaiah 42:8 sim in.
I biakna pen Jehovah adingin ‘a siangtho le a san theih’ ahih ding kisam hi. (Rom 12:1) Pasian’ tehnate tawh kizui-a i nuntak ding kisam cihna hi. Gentehna-in, Jehovah a itte in kipi kitenna tawh kisai ama thupiakte thupi ngaihsutin zui uh hi. Zatep, tuibuk muam, khaini muam, kunza hai, guihtheih khamtheih zatui zat, le zu tampi dawnna cih bang a lauhuai gamtatnate pelh uh hi.a
3. Thu uppih unaute tawh Jehovah i biakkhop ding bang hang kisam a hiam?
Kalsima kikhopnate in ‘mihon kikhopna sungah TOPA [Jehovah] phat’ theihna hunpha hong pia hi. (Late 111:1, 2) I phat theih dan lam khat pen Pasian phatna la sakna ahi hi. (Late 104:33 sim in.) Jehovah in a hong it manin le nuntak nuam nei den dingin hong huh thei cih a theih manin kikhawm dingin hong kalh hi. Kikhopnate-ah khatlekhat kihanthotna le tha kipiakna hunpha kingah hi.
ZON BEH INLA, MUH BEH IN
Jehovah in biakna-ah milim zat a deih lohna a hang sittel in. Pasian i phat theihna a thupi mahmah lampi dangte zong kan in.
4. Biakna-ah milim zat ding hi lo
Milim biak pen Pasian in a deih lohlam koici theithei i hiam? VIDEO hong in. Tua khit teh a nuai-a dotna kikum un.
Lai Siangtho hun lai-a Pasian’ mite pawlkhat in biakna-ah milim a zat uh ciangin bang thu piang a hiam?
Mi pawlkhat in milimte zangin Pasian naih sawm uh hi. Tua banga a zat uh ciangin Pasian tawh a kinai takpi uh hiam? Paikhiatna 20:4-6 le Late 106:35, 36 sim in. Tua khit teh hih dotnate kikum un:
Biakna-ah mite in bang milimte le bang limte a zat uh mu ngei na hiam?
Milimte zat pen Jehovah in bangci muh a hiam?
Milimte zat pen nangh bangci muh na hiam?
5. Jehovah bek i biakna in upna man lote pan hong suaktasak
Lampi man tawh Jehovah i biakna in upna man lote pan a hong suahtaksak theih dan en in. VIDEO hong in.
Late 91:14 sim in. Tua khit teh hih dotna kikum un:
Jehovah in a mah bek it a, a bia mite tungah bang kamciam a hiam?
6. Pawlpi kikhopnate-ah Pasian i bia hi
Kikhopnate-ah phatna la sakna le dotnate i dawnna tawh Jehovah phatin khatlekhat tha i kipia hi. Late 22:22 sim in. Tua khit teh hih dotnate kikum un:
Kikhopna-ah dotnate’ dawnna a kipiate zaknop na sa hiam?
Dawnna pia dingin na kithawikhol nuam hiam?
7. I theihkhiat thute i genkhiatna in Jehovah lungdamsak
Midangte kiangah Lai Siangtho thuman i genkhiat theih dan tampi om hi. Late 9:1 le 34:1 sim in. Tua khit teh hih dotna kikum un:
Lai Siangtho sung pana na theihkhiat thute lakah midangte kianga na genkik nop a om hiam?
MI PAWLKHATTE’ GEN: “Biakna pawlpi thupi kei. Lungsim man i neih ding bek kisam.”
Nangh bangci ngaihsut?
TOMLAKNA
Piangsak Pa bek bia-a, kikhopnate-ah amah phatin, i theihkhiat thute midangte kiangah i genkik ciangin amah a lungkimsak ihi hi.
Kikupkikna
Pasian’ san theih biakna koici theithei ding i hiam?
Bang hangin Jehovah bek bia ding i hiam?
Pasian’ maipha a ngah nuam mite tawh Pasian i biakkhop ding bang hangin kisam a hiam?
THEIH BEH NADING
“Milimte Bia Nawn Ke’ng” cih thulu-ah nupi khat in milim biakna a taisan theih dan sim in.
“Lai Siangtho In Nuntakna Kikhelsak” (Vilnatausang, July 1, 2011)
Pawlpi kikhopnate-ah dotnate na dawn theih nadinga hong huh thei ding thute kan in.
“Pawlpi Sungah Jehovah Phat Un” (Vilnatausang, January 2019)
Haksatnate a neih hang, kikhawm veve ahih mana khangno khat in hamphatna a ngah dan en in.
Mi a tamzaw in singlamteh pen Khristian ciaptehna bangin ngaihsun uh hi. Ahih hangin biakna-ah singlamteh zat ding a kilawm hiam?
“Jehovah Tecite In Biakna-ah Bang Hangin Singlamteh Zang Lo Uh A Hiam?” (Website-a thu)
a Hih thute pen a nung lama sin ding thute-ah i kikum ding hi.