‘O Zeova, ouver son lizye’

LO EN pti montanny dan en vale Izrael, i ti annan en lavil ki ti ganny proteze avek bann gro miray ki ti apel Dotann. En zour granmaten, en serviter ti al deor e i ti ganny sok! I ti annan bann seval, saret ek en larme byen pwisan bann Siriyen ki ti’n ariv la pandan lannwit. La aprezan zot ti’n anserkle lavil pour atak zot. Sa larme ti pe rod zis en dimoun e sa i profet Elisa. Sa serviter ti vreman per, alor i ti taye pour al dir sa profet, setadir son met, ki son lavi ti an danze.

Sa pa ti premye fwa ki lavi Elisa ti an danze. Plizyer lannen avan sa, Zeova ti anvoy profet Eliya pour apwent Elisa konman profet apre li e pour form li. Ansanm, sa de zonm ti’n fer fas avek Lerwa Aab, son larenn Zezabel ek zot garson Aazya. Zot tou le trwa ti fer bann move keksoz. Apre sa, en saret dife ti desann vitman e separ sa profet aze avek son pli zenn zanmi. Eliya ti ganny pran dan en tanpet divan. Petet Elisa pa’n zanmen vwar son zanmi pli aze ankor, me i ti kontinyen fer sa travay ki Eliya ti’n konmanse. Elisa ti diriz “garson bann profet” dan lager Zeova kont ladorasyon Baal.—2 Rwa. 2:15.

Zeova ti permet Elisa pour fer bann mirak. Pa tro lontan pase, sa profet ti’n geri Naamann, en sef larme e serviter enportan Ben-Adad, lerwa Siri. Me olye montre son rekonesans, sa lerwa ti kontinyen atak Izrael. Me Zeova ti kontinyen dir Elisa kote Ben-Adad ti pe al atake. Sa lerwa Siriyen ti ankoler e i ti demann son bann serviter lekel parmi zot ki ti pe fer zot lennmi konn zot plan. Enn son serviter ti dir li ki profet Zeova, Elisa, “ki dir lerwa Izrael bann keksoz ki ou dir dan ou prop lasanm.” Ler Ben-Adad ti tande ki Elisa ti Dotann, i ti anvoy son bann zonm pour tyonbo sa profet.

Serviter profet Elisa ki ti vwar sa larme Siriyen premye. I ti tay kot profet e dir: “Ar wi mon met! Ki nou pou fer?” Elisa ti vwar ki son serviter ti per, alor i ti dir li: “Pa bezwen per!” Apre i ti osi dir sa parol inoubliyab: “Parski i annan plis avek nou ki i annan avek zot.” Petet sa serviter pa ti oule krwar sa ki sa profet ti pe dir. Ki mannyer zis de zonm i kapab plis ki en gran larme? Alor Elisa ti priye e dir: “O Zeova, silvouple, ouver son lizye pour li vwar.”

Deswit Zeova ti reponn son lapriyer. Zeova ti ouver lizye sa serviter pour ki i kapab vwar sa ki ti pe arive dan lesyel. En sel kou sa serviter ti vwar en gran larme ki ti bokou plis ki okenn larme imen: “I ti vwar en kantite seval ek saret lager dife lo bann montanny otour Elisa”!

Sa larme Siriyen pa ti vwar sa larme lanz Zeova. Alor sa larme Siriyen ti avans ver sa lavil pour pran Elisa. Me Elisa ti demann Zeova pour fer zot vin aveg. Me sa pa vedir ki bann Siriyen ti’n vreman vin aveg, i paret ki Zeova ti zis anpes zot konpran sa ki zot ti pe vwar. Vi ki zot pa ti kapab konpran nanryen, zot ti les Elisa gid zot. Elisa ti anmenn zot Samari, apepre 16 kilomet zistans avek kot i ti pe reste e apre i ti demann Zeova pour ouver zot lizye pour ki zot vwar. Ler Zeova ti ouver zot lizye, en sel kou zot ti konpran kot zot ti ete. Zot ti’n pri dan milye lavil prensipal Izrael! Lerwa Izrael ti anvi touy zot. Me Elisa ti pran pitye pour zot e i ti demann lerwa pour donn zot manze e fer zot retourn se zot. Sa resi i fini koumsa: “Depi sa zour, bann group bandi Siriyen pa’n zanmen vin ankor dan pei Izrael.”

Sa profet ti konnen ki i ti annan en larme lanz. I “ti vwar” zot avek son lizye lafwa. Pandan tou sa letan ki i ti pe servi Zeova, i ti’n aprann ki Zeova ek son bann lanz pa zanmen tro lwen e ki zot toultan pare pour ed bann serviter Zeova ki fidel. Vi ki Elisa ti konn sa, sirman sa ti donn li kouraz e sa i kapab annan menm lefe lo nou osi.

Lir sa resi dan Labib:

• 2 Lerwa 6:8-23

Pour diskit lo la:

Ki mannyer Elisa ti demontre kouraz?

1. 2. Akoz Elisa ti demann “de porsyon” lespri sen ki Eliya ti annan? (2 Rwa. 2:9; w03-E 1/11 31)

   Ou larepons

2. 3. Akoz i rezonnab pour mazinen ki Zeova pa ti fer bann Siriyen aveg fizikman me i ti fer zot pa konpran sa ki zot ti pe fer? (it-E “Blindness” ¶6)

   Ou larepons

3. 4. Dekrir sa ki Elisa ti fer konman en profet. (it-E “Elisha” ¶27-28)

   Ou larepons

Reflesir lo sa bann leson

• Dan ki sityasyon ki nou kapab ganny lafors ler nou “vwar” bann lanz avek nou lizye lafwa? B

  Ou larepons

  

• Ki mannyer bann ansyen ek lezot i kapab imit lafason ki Elisa ti ankouraz son serviter?

  Ou larepons

• Ki lezot fason ou kapab imit kouraz Elisa dan ou lavi?

  Ou larepons

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Ki mon ti pou kontan demann Elisa ler i resisite?

  Ou larepons

Aprann plis

Ki legzanp Elisa in kite pour bann frer ki ganny en nouvo responsabilite?

Annan respe pour bann zonm eksperyanse (4:48)

Get lezot leson ki nou kapab aprann dan lavi Elisa.

“Elisa ti vwar bann saret dife—Eski ou osi?” (w13 15/08 28-30)