Avril

Sa ki Zezi ti dir i montre ki nou bezwen annan lafwa dan sa ranson pour nou kapab ganny lavi eternel. (Efe. 1:7) Bann ki Zezi ti dir i form parti “lezot mouton” pa devret manz sa dipen e bwar sa diven ki ganny pase pandan Repa Senyer. (Zan 10:16) Me kantmenm sa, zot osi zot ganny bann byenfe atraver laser ek disan Zezi Kri. Zot ganny sa bann byenfe ler zot demontre lafwa dan sakrifis Zezi e dan bann bon keksoz ki zot pou gannyen akoz sa sakrifis. (Zan 6:53) De lot kote, bann ki devret manz sa dipen e bwar sa diven, i montre ki zot form parti sa nouvo lalyans e zot annan lespwar pour dirize dan Rwayonm Bondye ki dan lesyel. Alor, ki swa nou en Kretyen swazir oubyen nou form parti lezot mouton, nou bezwen demontre lafwa dan sa ranson pour nou kapab ganny lavi eternel. w24.12 13 ¶14, 16

Pandan Repa Senyer, Zezi ti partaz dipen san lelven avek son bann zapot e i ti dir zot ki sa i reprezant son lekor. Apre sa, i ti pas en lakoup diven pour zot bwar e i ti dir ki sa diven i reprezant “disan lalyans.” (Mark 14:22-25; Lik 22:20; 1 Kor. 11:24) Sa nouvo lalyans i ganny fer zis avek “pep Izrael,” setadir Izrael spirityel ki pou “dan Rwayonm Bondye.” (Ebr. 8:6, 10; 9:15) Sa ki Zezi ti dir pandan Repa Senyer ti aplik pour sa “pti troupo.” Bann premye dimoun ki ti form parti sa group ti son bann zapot ki ti avek li sa zour swar. Zot sa bann ki pou ganny en plas dan lesyel ansanm avek Zezi. w24.12 11 ¶9-10.

Zezi ti ganny trair par enn son bon zanmi. Apre, son bann lennmi ti aret li, ensilte li e akiz li pour keksoz ki i pa’n fer. Zot ti kondann Zezi amor e fer li soufer en kantite. Bann solda ti anmenn Zezi dan sa landrwa kot i ti pou ganny touye e klout li lo en poto. Zezi ti reste fidel menm si i ti soufer en kantite, me i ti annan Enn ki ti soufer plis ki li. Sa ti Zeova. Zeova ti annan sa pouvwar ek sa abilite pour anpes son Garson soufer me i pa ti fer nanryen. Akoz i ti fer sa? Parski Zeova i kontan nou. Sakrifis Zezi i sa pli gran laprev ki Zeova i kontan ou. I ti donn son Garson konman en sakrifis e i ti vreman soufer en kantite pour sov ou dan pese ek lanmor. (1 Zan 4:9, 10) I anvi ed nou pour reisi obeir li, menm si nou fer pese e i anvi tir pese konpletman dan lavenir. w24.08 6 ¶13-14

Nou kapab pli byen konpran ki kantite Zeova i kontan nou ler nou reflesir lo ki kantite son leker ti fermal ler i ti vwar son Garson soufer. Satan i dir ki napa en serviter Bondye ki pou reste fidel avek Bondye ler keksoz i vin difisil. Pour montre ki Satan i en manter, Zeova ti les Zezi soufer avan i mor. (Zob 2:1-5) Zeova ti vwar ler dimoun ti boufonn Zezi, bann solda ti bat li e apre klout li lo en poto. Apre Zeova ti vwar ler son Garson ti mor dan en fason kriyel. (Mat. 27:28-31, 39) Zeova ti kapab anpes tousala arive. (Mat. 27:42, 43) Me si Bondye ti fer sa, Zezi pa ti pou’n kapab pey sa ranson e nou ti pou napa lespwar. Alor, Zeova ti les son Garson soufer ziska ki i mor. w25.01 22 ¶7

I le 16 Nizan lannen 33. Bann disip Zezi i sagren e zot per. De parmi bann disip i kit Zerizalenm pour al Emais. Pandan ki zot pe marse, en zonm i zwenn zot e konmans mars avek zot. Bann disip i rakont sa zonm konsernan bann move keksoz ki’n arive avek Zezi. Sa zonm i konmans koz avek zot konsernan bann keksoz ki zot pa pou zanmen oubliye. I ti servi sa ki’n ganny ekrir par “Moiz ek tou bann Profet” pour eksplik zot akoz Mesi ti bezwen soufer e mor. Ler sa trwa zonm i ariv Emais, sa de disip i realize ki sa zonm ki ti pe koz avek zot ti Zezi, ki Bondye ti’n resisite. (Lik 24:13-35) Pandan sa dernyen 40 zour ki Zezi ti lo later, Zezi ti aparet avek son bann disip plizyer fwa. Pandan sa letan, Zezi ti ankouraz son bann disip parski zot ti sagren e per. Zot ti reganny zot lazwa e zot ti ganny sa kouraz pour anons e ansenny sa bon nouvel konsernan Rwayonm. w24.10 12 ¶1-3

I normal ki anmezir letan i pase en zanfan i grandi pour vin en adilt. Me pour en Kretyen kapab vin matir, i bezwen fer zefor. Annou vwar legzanp bann Kretyen dan lavil Korent. Zot ti aksepte sa bon nouvel, batize, ganny lespri sen e zot ti aprann en kantite keksoz avek zapot Pol. (Akt 18:8-11) Me kantmenm sa, plizyer lannen apre ki zot ti’n batize, en kantite parmi zot pa ti ankor vin bann Kretyen matir. (1 Kor. 3:2) Pour nou vin en Kretyen matir, premyerman nou bezwen anvi vin matir. Bann ki “kontan ki zot napa leksperyans” e ki anvi reste parey zot ete, pa pou zanmen vin bann Kretyen matir. (Prov. 1:22) Nou pa anvi vin parey en adilt ki pa oule pran okenn responsabilite e ki depan lo son paran pour fer desizyon pour li. O kontrer, nou anvi pran nou responsabilite e fer sir ki nou kontinyen vin pli pros avek Zeova. Si ou pe fer zefor pour vin en Kretyen matir, priy Zeova pour donn ou “sa dezir ek lafors pour azir.”—Fili. 2:13. w24.04 4 ¶9-10

Zeova i dir nou ki mannyer i santi ler i ziz bann dimoun. (Ezek. 33:11) Zeova pa pou detri en dimoun pour touzour si i napa en bon rezon pour fer li. I annan bokou pitye e i pran pitye sak fwa i posib pour li fer li. Ki nou konnen konsernan bann dimoun ki pa pou ganny resisite? Labib i mansyonn zis detrwa dimoun ki pa pou ganny resisite. Zezi ti montre ki Zida Iskaryot pa pou ganny resisite. (Mark 14:21; vwar osi Zan 17:12 ek not letid dan nwtsty.) Zida ti konnen ki sa ki i pe al fer ti mal me i ti volonterman opoz Zeova ek Son Garson. (Vwar Mark 3:29 ek not letid dan nwtsty.) Pareyman, Zezi ti dir ki serten sef relizye ki ti’n opoz li ti pou napa okenn lespwar pour ganny resisite ler zot mor. (Mat. 23:33; vwar Zan 19:11 ek not letid “the man” dan nwtsty.) Zapot Pol ti averti bann Kretyen ki bann aposta ki pa repantir pa pou ganny resisite.—Ebr. 6:4-8; 10:29. w24.05 4 ¶10-11

Ler nou reste pros avek Zeova, Satan pa pou kapab fer nou okenn ditor ki Zeova pa kapab repare. (1 Zan 3:8) Dan nouvo lemonn, Zeova pou kontinyen protez son bann zanmi fidel kont bann keksoz ki kapab gat zot lanmitye avek li e osi kont lanmor. (Rev. 21:4) I vreman en gran loner pour nou vin bann envite dan latant Zeova. Nou kapab annan en bon lanmitye avek li e sa lanmitye i kapab dire pour touzour. (Ezek. 37:27) Ki mannyer nou devret konport nou si nou anvi reste konman en envite dan latant Zeova? Si en dimoun i envit ou dan son lakour, ou pou anvi konnen ki sa dimoun i ekspekte avek ou. Pareyman, nou anvi konnen ki Zeova i ekspekte avek bann ki anvi reste konman en envite dan son latant. Sa lanmour ki nou annan pour Zeova i motiv nou pour fer tou sa ki nou kapab pour “fer [Zeova] vreman plezir.” (Kol. 1:10) Nou devret toultan annan en gran respe pour li e pa zanmen oubliye ki Zeova i ete. Sa gran respe ki nou annan pour Zeova pou ed nou evit okenn kondwit ki pou ofans li. Nou toultan anvi mars avek nou Bondye avek limilite.—Mik. 6:8. w24.06 4 ¶8-9

Zeova ti demann Abraam pour ofer son garson Izaak konman en sakrifis. Sa ti bezwen en keksoz vreman difisil pour Abraam fer. Kantmenm sa, i ti pare pour obeir Zeova. Ler Abraam ti pros pour touy son garson, Bondye ti anpes li. Zeova ti konnen ki Abraam ti pou soufer en kantite si i ti touy son garson. Legzanp Abraam i montre nou ki Zeova ti pou fer dan lavenir. Zeova ti pou pare pour ofer son prop Garson ki i ti kontan konman en sakrifis. Sa i montre ki Zeova i kontan bann imen en kantite. (Zen. 22:1-18) Plizyer santenn lannen pli tar, ler Zeova ti donn bann Izraelit son Lalwa, i ti demann zot pour fer bann sakrifis pour zot pese kapab ganny pardonnen. (Lev. 4:27-29; 17:11) Sa bann sakrifis ti montre ki Zeova ti pou ofer en pli gran sakrifis pour sov bann imen dan pese. Bondye ti demann son bann profet pour ekri konsernan sa desandans ki ti’n ganny promet. Anfet, sa desandans ti en Garson Bondye ki spesyal ki ti pou soufer e ganny touye pour li kapab sov bann imen, enkli ou, dan pese ek lanmor!—Iza. 53:1-12. w24.08 4 ¶7-8

Ler ou lir Labib, reflesir lo ki mannyer ou kapab aplik sa ki ou pe lir. Anmezir ki ou lir en porsyon dan Parol Bondye, demann ou lekor: “Ki mannyer mon kapab aplik sa lenformasyon la konmela oubyen dan lavenir?” Annou vwar en legzanp. Meton ou’n lir 1 Tesalonisyen 5:17, 18. Apre ki ou’n lir sa de verse, ou kapab pran letan pour reflesir lo lakantite fwa ki ou priye e lo si ou lapriyer i profon. Ou osi kapab mazin lo serten rezon akoz ou rekonesan anver Zeova. Petet sa i fer ou deside pour remersye Zeova pour trwa keksoz spesifik. Menm si ou pas en ptigin letan pour reflesir lo sa ki ou lir dan Labib, sa pou ed ou pour konpran Parol Bondye e pour fer sa ki i dir. Mazin sa kantite byenfe ki ou pou gannyen si ou fer sa toulezour avek lezot porsyon Labib ki ou lir. Sa pou fer ki avek letan, ou pou vin en pli bon serviter Zeova. w24.09 4-5 ¶9-10

Zeova in kree nou dan en fason kot nou pli zwaye ler nou donnen ki ler nou resevwar. Nou santi nou byen ler nou kapab ed nou bann frer ek ser e nou kontan ler zot eksprim zot lapresyasyon. Me ki swa sa dimoun i eksprim son lapresyasyon oubyen non, nou zwaye parski nou’n kapab fer en keksoz ki byen. Pa zanmen oubliye ki nenport keksoz ki ou donnen, “Zeova i kapab donn ou bokou plis ki sa.” (2 Kron. 25:9) Nou pa pou zanmen kapab donn lezot plis ki sa ki Zeova i donn nou e ler Zeova i rekonpans nou, sa i sa pli gran lazwa. Alor annou determinen pour kontinyen swiv legzanp nou Papa ki dan lesyel ki zenere. w24.09 31 ¶20-21

Zeova i pran pitye e i demontre konpasyon. (Ps. 103:13; Iza. 49:15) Ler nou sagren, Zeova osi i sagren. (Zek. 2:8) I fer li fasil pour nou aprann konn li e vin son zanmi. (Ps. 25:14; Akt 17:27) Zeova i annan limilite setadir “i bese pour get lesyel ek later e i ed en malere ki pe asiz dan lapousyer.” (Ps. 113:6, 7) Tou sa bann rezon i fer nou anvi glorifye nou Bondye. Nou glorifye Zeova parski nou anvi lezot i konn li. En kantite dimoun pa konn laverite konsernan Zeova. Akoz? Parski Satan in dir bann mansonz lo Zeova e sa in avegle en kantite dimoun. (2 Kor. 4:4) Satan in fer dimoun krwar ki Zeova i en Bondye ki kontan revanze, ki Zeova pa kontan nou e ki Zeova i responsab pour laplipar soufrans ki i annan lo later. Me nou, nou konn laverite konsernan nou Bondye. Nou annan sa loportinite pour dir lezot konsernan sa kalite Bondye ki Zeova i ete e pour ed zot glorifye li zot osi.—Iza. 43:10. w25.01 3 ¶6-7

Dan premye syek, Satan ti servi serten dimoun pour dir bann mansonz lo Zezi, menm si Zezi ti Garson Bondye, i ti parfe e i ti fer bann mirak. Par egzanp, bann sef relizye ti dir dimoun ki Zezi in ganny sa pouvwar pour sas demon avek “sef demon.” (Mark 3:22) Ler Zezi ti pe ganny anmennen ankour, bann sef relizye ti akiz li konmkwa in koz kont Bondye e zot ti persyad lafoul pour fer li ganny touye. (Mat. 27:20) Pli tar ler bann disip Zezi ti pe anons sa bon nouvel, bann ki ti pe opoz zot “ti ensit e met presyon lo dimoun” pour persekit sa bann Kretyen. (Akt 14:2, 19) Konsernan sa parol dan Akt 14:2, Latour Veyer le 1 Desanm 1998 an Angle, ti eksplike ki sa bann ki ti siport Satan e ki ti rezet sa mesaz ki bann Kretyen ti pe anonse ti osi dir bann move keksoz lo sa bann Kretyen pour ki dimoun pa ekout zot e ay zot. Ozordi Satan i ankor pe “anbet dimoun lo later antye.” w24.04 11 ¶15-16

Ki swa en dimoun i ganny resisite oubyen non, sa pa depan lo kan ki i mor. Zeova i sa Ziz parfe. Son bann desizyon i toultan drwat e zis. (Ps. 33:4, 5) Nou kapab asire ki “sa Ziz lo later antye” pou fer sa ki drwat. Osi, i rezonnab pour nou dir ki si en dimoun i ganny loportinite pour viv pour touzour, sa pa depan lo kote i reste. Zeova pa pou zanmen konsider plizyer milyon dimoun konman “kabri” zis akoz zot reste dan bann landrwa kot zot pa’n zanmen ganny sa loportinite pour tann sa mesaz konsernan Rwayonm Bondye. (Mat. 25:46) Zeova ki sa Ziz lo later antye i drwat e i kontan sa bann dimoun plis ki nou, nou kapab kontan zot. Nou pa konnen ki mannyer Zeova pou kontrol bann levennman pandan gran ladetres. Petet serten sa bann dimoun pou ganny sa loportinite pour aprann konsernan Zeova e met lafwa dan li ler Zeova i fer tou dimoun lo later konn son non.—Ezek. 38:16. w24.05 12 ¶14-15

Pep Zeova i kontan ed kanmarad. (2 Kor. 8:4) Me parfwa i demann kouraz pour fer sa. Par egzanp, ler i annan en lager, bann ansyen i realize ki zot bann frer ek ser i bezwen lankourazman ek sipor. Petet zot osi bezwen ganny akse avek Labib ek nou bann piblikasyon oubyen bann keksoz materyel parey manze, lenz ek en landrwa reste. Bann ansyen i kontan zot bann frer ek ser. I pour sa rezon ki zot donn zot bann frer ek ser sa ki zot bezwen menm ler i danzere pour fer sa. Dan bann sityasyon koumsa, i enportan ki nou obei bann lenstriksyon parski sa pou ed nou reste ini. Alor, swiv lenstriksyon ki nou gannyen sorti kot sa biro brans ki nou tonm anba la. (Ebr. 13:17) Bann ansyen i devret regilyerman revwar bann lenstriksyon konsernan lafason ki sak dimoun i devret prepare pour en dezas e ki pour fer ler i annan en dezas. (1 Kor. 14:33, 40) Demontre kouraz me fer atansyon. (Prov. 22:3) Reflesir avan ou azir. Pa pran bann risk ki pa neseser. Depan lo Zeova. I kapab ed ou pour ed ou bann frer ek ser dan en fason kot zot tou zot sen e sof. w24.07 4 ¶8; 5 ¶11

Lerwa David ti konn Zeova e i ti depan lo li. Ler Lerwa Sail ek lezot ti pe esey touy David, David ti priy Zeova pour demann li led. Apre ki Bondye ti’n reponn lapriyer David e sov li, David ti dir: “Zeova i vivan!” (Ps. 18:46) David pa ti pe zis dir ki Bondye i egziste. En liv referans i dir ki David ti pe eksprim son konfyans ki Zeova i sa Bondye vivan ki toultan pe fer keksoz pour ed son pep. David ti eksperyans pour li menm ki Bondye i vivan e sa ti fer li pli determinen pour kontinyen servi e loue Zeova. (Ps. 18:28, 29, 49) Ler nou asire ki Zeova i sa Bondye vivan, sa i kapab ed nou pour vin pli devoue dan nou servis. Nou pou annan lafors pour andire ler nou annan problenm e nou pou anvi kontinyen travay dir dan nou servis pour Bondye. Nou pou osi pli determinen pour reste pros avek Zeova. w24.06 20-21 ¶3-4

Ki nou kapab aprann avek sa ki Zapot Pol ti dir bann Kretyen Tesalonik? Ler nou tann en keksoz ki pa an armoni avek sa ki nou’n aprann dan Labib oubyen nou tann en zistwar sokan, nou bezwen annan disernman. En fwa dan ansyen Linyon Sovyetik, nou bann lennmi ti donn bann frer en let ki zot ti dir i sorti kot biro prensipal Temwen Zeova. Sa let ti ankouraz serten frer pour form zot prop lorganizasyon. Sa let ti paret konmsi i ti vreman sorti kot biro prensipal. Me bann frer fidel pa ti ganny anbete. Zot ti realize ki sa mesaz ki dan sa let pa ti an armoni avek sa ki zot ti’n ganny ansennyen. Ozordi, bann dimoun ki pa kontan laverite i parfwa servi bann keksoz parey Enternet ek rezo sosyal pour esey konfiz e diviz nou. Olye les lezot “konfiz [nou],” nou kapab protez nou lekor par reflesir lo si sa ki nou’n tande oubyen lir, i an armoni avek sa laverite ki nou’n aprann.—2 Tesa. 2:2; 1 Zan 4:1. w24.07 12 ¶14-15

Desizyon pli enportan ki en dimoun i kapab fer, i ler i deside pour dedye son lavi avek Zeova e form parti Son fanmir ki ador li. Zeova i oule ki tou dimoun i fer sa. Akoz? Parski i anvi ki nou vin son zanmi e ki nou viv pour touzour. (Det. 30:19, 20; Gal. 6:7, 8). Par kont, Zeova pa fors nou pour servi li. I les sak dimoun deside sa ki i pou fer. Me ki pou arive si en Kretyen batize i kas lalwa Bondye e fer en pese grav? Si i pa repantir i bezwen ganny tire dan kongregasyon. (1 Kor. 5:13) Toudmenm, Zeova i vreman anvi ki sa dimoun i retourn kot Li. Anfet, sa i en rezon enportan akoz Zezi ti mor pour nou, pour fer li posib pour en dimoun ki’n fer pese, repantir. Nou Bondye lanmour i sipliy avek bokou konpasyon bann dimoun ki’n fer pese pour repantir.—Zek. 1:3; Rom. 2:4; Zak 4:8. w24.08 14 ¶1-2

Ler zapot Zan ti ekri sa trwazyenm let, serten dimoun ti’n konmans ansenny bann mansonz e ti pe fer divizyon dan kongregasyon. Me i ti annan lezot ki ti pe “kontinyen reste dan laverite.” Zot ti pe obei Zeova e zot ti pe “obei son bann komannman.” (2 Zan 4, 6) Sa bann Kretyen fidel ti fer Zan ek Zeova vreman zwaye. (Prov. 27:11). Ki nou aprann? Ler nou reste fidel avek Zeova, nou pou zwaye e nou pou fer lezot osi zwaye. (1 Zan 5:3) Par egzanp, nou zwaye parski nou fer Zeova plezir. Zeova i vreman kontan ler nou reziste tantasyon e nou obei son bann komannman. Bann lanz osi i kontan. (Lik 15:10) Nou osi kontan ler nou vwar nou bann frer ek ser pe reste fidel. (2 Tesa. 1:4) Ler sa lemonn i ganny detrir, nou pou zwaye parski nou konnen ki nou’n reste fidel avek Zeova menm dan en lemonn ki ganny kontrole par Satan. w24.11 12 ¶17-18

Ki kantite letan ou devret obzerv sa dimoun avan ki ou dir li ki ou enterese avek li? Si ou dir sa dimoun tro boner, i kapab krwar ki ou en dimoun ki pa reflesir avan ou fer bann desizyon. (Prov. 29:20) Me si sa dimoun i realize ki ou enterese avek li e ou pran tro bokou letan avan ler ou dir li ki ou enterese avek li, i kapab krwar ki ou en dimoun ki vwar li difisil pour fer desizyon. (Ekle. 11:4) Rapel ki avan ou dir en dimoun ki ou enterese avek li, i pa neseser ki ou konvenki ki ou pou definitivman marye avek sa dimoun. Me ou devret konvenki ki ou’n pare pour marye e ki sa dimoun i kapab vin en bon konzwen pour ou. Ki ou devret fer si ou realize ki en dimoun i enterese avek ou e i ti pou anvi aprann konn ou pli byen? Si ou pa anvi konmans pwente avek li, ou kapab montre par ou aksyon ki ou pa enterese. I ti pou mal pour les en dimoun krwar ki ou pare pour pwente avek li ler ou pa vreman anvi.—Efe. 4:25. w24.05 22-23 ¶9-10

Zis bann Kretyen ki’n vreman ganny swazir par lespri sen e ki fidel, ki pou ganny resevwar par Zezi dan Rwayonm lesyel. Bann Kretyen swazir ki pa kontinyen veye pa pou ganny rasanble ansanm avek “bann ki’n ganny swazir.” (Mat. 24:31) Osi, tou bann ki annan en lespwar pour viv pour touzour lo later, i devret ekout lavertisman Zezi, setadir zot devret kontinyen veye e kontinyen reste fidel. Nou’n aprann konn Zeova byen, alor nou annan konfyans ki tou sa ki i fer i byen. Nou pa enkyet si dan nou letan Zeova i ankor pe swazir bann Kretyen fidel pour al viv dan lesyel. Nou mazin sa ki Zezi ti dir dan sa legzanp lo plantasyon rezen konsernan bann travayer ki ti vin travay dan dernyen moman. (Mat. 20:1-16) Bann ki ti vin travay dan plantasyon rezen pli tar dan lazournen, ti ganny menm lapey avek bann ki ti konmans travay pli boner. Dan menm fason, nenport letan ki en Kretyen i ganny swazir pour al viv dan lesyel, sa Kretyen pou ganny son rekonpans si i reste fidel. w24.09 24 ¶15-17

Zezi in kit en legzanp parfe lo ki mannyer pour sirmont lenzistis. En kantite dimoun ti tret li dan en fason enzis, enkli son fanmir. Son fanmir ti dir ki i ti’n perdi latet, bann sef larelizyon ti akiz li konmkwa i ti pe travay avek bann demon, bann solda Romen ti boufonn li, fer li martir e touy li. (Mark 3:21, 22; 14:55; 15:16-20, 35-37) Me Zezi ti andir tousala san fer nanryen. Ki nou kapab aprann avek son legzanp? (1 Pyer 2:21-23) Zezi in kit en legzanp parfe lo ki nou pou fer ler nou fer fas avek lenzistis. I ti konnen kan ki i pou reste trankil e kan ki i pou koze. (Mat. 26:62-64) I pa ti santi ki i bezwen donn en larepons pour tou bann mansonz ki dimoun ti dir lo li. (Mat. 11:19) Ler i ti koze, i pa ti ensilte oubyen menas bann ki ti persekit li. w24.11 4-5 ¶9-10

Meton ou donn en dimoun ki ou kontan en zoli kado ki i kapab servi. Ou ti pou dezapwente si sa dimoun ti met sa kado dan en bwat e i pa servi. De lot kote, ou ti pou kontan si sa dimoun i servi sa kado e i montre ki i apresye sa kado. Ki mannyer sa legzanp i relye avek sa kado ki Zeova in donn nou setadir sa ranson? Zeova in donn son Garson pour mor pour nou. Alor i bezwen ki Zeova i vreman kontan ler nou demontre lapresyasyon pour sa kado presye e pour sa lanmour ki’n motiv li pour pey sa ranson (Zan 3:16; Rom. 5:7, 8) Anmezir letan i pase, i kapab ki nou nepli vwar sa ranson konman en kado presye. I pou konmsi nou’n met sa kado ki Bondye in donn nou dan en landrwa kot nou pa vwar. Pour anpese ki sa i arive, nou bezwen regilyerman rapel tou sa ki Bondye ek Kris in fer pour nou. w25.01 26 ¶1-2

En frer ki ganny apwente konman en ansyen pa devret en dimoun ki’n fek vin en Kretyen. Menm si i pa neseser ki ou’n batize pour plizyer lannen, kantmenm sa, ou bezwen letan pour vin en Kretyen matir. Avan ki ou ganny apwente pour vin en ansyen, ou bezwen montre ki ou pe swiv legzanp Zezi setadir ou annan limilite e ou pare pour espere ziska ki Zeova i donn ou plis responsabilite dan kongregasyon. (Mat. 20:23; Fili. 2:5-8) Ou montre ki ou en dimoun fidel par reste atase avek Zeova, par viv dapre son bann standar drwat e par swiv lenstriksyon sorti kot son lorganizasyon. Labib i montre klerman ki en ansyen i devret kalifye pour ansennyen. Eski sa i vedir ki ou bezwen en bon orater? Non. Pa tou ansyen ki bann bon orater me bann ansyen i bezwen kapab servi Labib byen pour ansenny e ankouraz lezot dan predikasyon e ler zot fer vizit lankourazman. w24.11 23-24 ¶14-15

Ler ou lir en keksoz dan Labib ki ou pa tro konpran, fer resers. Apre sa, pandan lazournen, ou kapab medit lo sa ki ou’n aprann e lo ki sa lenformasyon i dir ou konsernan Zeova, son Garson e lo zot lanmour pour ou. (Ps. 119:97) Pa bezwen dekouraze si ou pa vwar en nouvo keksoz oubyen en keksoz enteresan sak fwa ki ou lir Labib oubyen ou fer resers. Dan en sans ou parey en dimoun ki pe rod lor. Souvandfwa en dimoun ki pe rod lor i bezwen pas plizyer erdtan oubyen zour avan ki i vwar en pti bout lor. Kantmenm sa, i kontinyen parski sak pti bout lor i presye pour li. Dan menm fason, sak nouvo keksoz ki nou aprann dan Labib i bokou pli presye ki lor. (Prov. 8:10) Alor kontinyen lir Labib e kontinyen rod bann nouvo keksoz ki ou kapab aprann.—Ps. 1:2. w25.01 25 ¶14-15

Zeova i ekspekte ki nou pare pour pardonn bann ki’n ofans nou. (Ps. 86:5; Lik 17:4; Efe. 4:32) I kapab arive ki en dimoun i dir oubyen fer en keksoz ki vreman bles ou santiman. Ou kapab santi koumsa sirtou si sa dimoun i enn ou zanmi pros oubyen en manm ou fanmir. (Ps. 55:12-14) Parfwa nou kapab sitan ankoler oubyen ofanse ki nou santi konmsi nou’n ganny pike avek en zouti. (Prov. 12:18) I kapab ki nou esey inyor sa santiman. Me si nou fer sa, i pou konmsi nou’n ganny pike avek en kouto e nou pa tir sa kouto dan sa blesir. Pareyman, nou pa kapab ekspekte ki nou santiman i sanze si nou inyor zot. Ler en dimoun i ofans nou, i kapab ki nou premye reaksyon i pour pran lakoler. Labib i dir ki i kapab arive ki nou ankoler me i osi dir ki nou pa devret reste ankoler. (Ps. 4:4; Efe. 4:26) Akoz? Parski lakoler pa souvan anmenn bon rezilta. (Zak 1:20) Rapel ki parfwa i kapab arive ki nou ankoler me nou ki deside si nou pou reste ankoler avek sa dimoun. w25.02 15 ¶4-6

Zezi ti donn en legzanp pour montre ki en dimoun ki anmas larzan me ki pa “ris devan Bondye,” i bet. (Lik 12:16-21) Personn pa konnen ki pou arive dan lavenir. (Prov. 23:4, 5; Zak 4:13-15) Zezi ti dir ki tou bann ki anvi vin son disip, ti pou bezwen pare pour “abandonn” bann keksoz materyel ki zot annan. (Lik 14:33) Sanmenm sa ki ti arive dan premye syek avek bann Kretyen Zide. Zot ti reste zwaye menm si zot ti perdi tou sa ki zot ti annan. (Ebr. 10:34) Ozordi en kantite frer ek ser in perdi zot louvraz parski zot pa’n siport en parti politik. (Rev. 13:16, 17) Kwa ki ti ed zot pour fer sa? Zot ti annan konfyans total dan promes Zeova ki dir: “Mon pa pou zanmen kit ou e mon pa pou zanmen abandonn ou.” (Ebr. 13:5) Alor nou fer sa ki nou kapab pour nou annan sa ki nou bezwen dan nou bann vye zour e si en keksoz i arive, nou annan konfyans total ki Zeova pou ed nou. w25.03 29 ¶13-14

Zeova pa ekspekte ki nou vin en Kretyen matir lo nou menm. I’n donn nou bann berze ek bann ansenyan dan kongregasyon pour ed nou vin bann Kretyen matir, setadir pour nou kapab “ariv lo menm degre devlopman ki Kris.” (Efe. 4:11-13) Zeova i osi donn nou son lespri sen pour ed nou konn “fason panse Kris.” (1 Kor. 2:14-16) Osi, Bondye in donn nou sa kat Levanzil ki ed nou pour konn fason panse Zezi, lafason ki i ti koze e sa ki i ti fer ler i ti lo later. Ler ou swiv legzanp Zezi e annan menm fason panse avek li, sa pou ed ou pour vin en Kretyen matir. Me ler nou ti fek vin Kretyen, nou ti aprann “bann lansennyman de baz konsernan Kris.” w24.04 4-5 ¶11-12

Toulezour, nou bezwen fer bann desizyon. Serten desizyon i ase fasil pour fer. Par egzanp, ler nou pe deside ki nou pou manze pour brekfas oubyen ki ler nou pou al dormi. I annan lezot desizyon ki pli difisil pour fer. Sa bann desizyon i kapab annan en lefe lo nou lasante, nou lazwa, nou fanmir oubyen nou ladorasyon pour Zeova. Nou anvi ki bann desizyon ki nou fer i anmenn byenfe pour nou ek nou fanmir. Me sa ki pli enportan ankor, nou anvi ki nou bann desizyon i fer Zeova plezir. (Rom. 12:1, 2) En keksoz enportan ki nou bezwen fer pour nou kapab fer en bon desizyon i pour annan tou lenformasyon. Akoz sa i enportan? Imazin en pasyan ki al kot dokter akoz i annan en maladi grav. Eski sa dokter pou fer en desizyon lo ki tretman pour donn sa pasyan san egzamin sa pasyan oubyen demann li kestyon avan? Non. Ou osi ou pou fer bann pli bon desizyon si ou premyerman reflesir lo tou lenformasyon ki annan pour fer avek ou sityasyon. w25.01 14 ¶1-3

Ki nou konnen konsernan lafason ki Zeova i pran pitye? Ki mannyer i montre ki i “pa oule ki personn i ganny detrir”? (2 Pyer 3:9) Annou vwar lafason ki Zeova ti pran pitye pour serten dimoun ki ti fer bann pese grav. Lerwa David ti fer bann pese grav. Sa i enkli adilter ek mert. Me Lerwa David ti repantir alor Zeova ti pran pitye pour li e pardonn li. (2 Sam. 12:1-12) Lerwa Manase ti fer en kantite move keksoz pour laplipar son lavi. Me kantmenm sa, Zeova ti pran pitye pour li e pardonn li parski i ti’n repantir. (2 Kron. 33:9-16) Sa bann legzanp i fer nou rapel ki Zeova i pran pitye sak fwa ki i vwar ki i annan rezon pour fer li. I pou resisit bann dimoun koumsa parski zot ti realize ki zot in fer bann pese grav e zot ti repantir. w24.05 4 ¶12