I ti vin en ros

ZEZI ti deside pour donn Pyer en nouvo non deswit apre ki i ti zwenn li. Kris ti dir: “Ou menm Simon, garson Zan, ou pou ganny apele Sefas.” Aparaman “Sefas” ek “Pyer” i vedir “En bout ros.” Akoz Zezi ti swazir sa non? En ros i solid e stab e i kapab ganny servi konman materyo konstriksyon. I paret ki Zezi ti pe dir ki son zanmi ti pou vin koumsa.

Eski Pyer ti vreman vin solid parey en ros? Parey nou’n vwar dan Sapit 45, Pyer pa ti toultan koumsa. Parfwa i pa ti tro stab e i ti sanze fasilman, menm par ler i ti per. Kantmenm sa, Zezi ti annan konfyans dan son zanmi. I ti konfidan ki avek letan Pyer ti pou devlop plis kouraz. Eski Zezi ti annan rezon?

Apre ki Zezi ti’n sakrifye son lavi e resisite, i ti konfye son bann zapot en travay enportan. Pyer ti pare pour fer sa travay. Avek letan i ti devlop plis kouraz ankor. Pandan en lafet Zerizalenm, Pyer ti debout devan en lafoul plizyer milye Zwif ki ti byen relizye e i ti dir zot ki zot ti responsab pour lanmor Mesi. Ler zot ti tann sa, “sa ti desir zot leker” e en kantite parmi zot ti repantir. Alor, apepre 3,000 dimoun ti ganny batize e vin disip Zezi.

Pyer ti fer predikasyon vin sa travay prensipal dan son lavi. Zezi ti konfye li “bann lakle Rwayonm.” Savedir Pyer ti ganny sa responsabilite pour ed trwa diferan group dimoun pour antre dan Rwayonm lesyel. Alor avek kouraz e san fer lapreferans, Pyer ti pres avek bann Zwif, apre avek bann Samariten e finalman avek dimoun lezot nasyon oubyen dimoun ki pa ti Zwif. Pyer ti al en kantite landrwa e parfwa son madanm ti avek li. I ti prese e ankouraz lezot frer ek ser osi. Pyer ti menm al reste Babilonn menm si i ti vreman lwen.

Pandan plizyer deseni, Pyer ti kontinyen fer sa travay malgre bann problenm ek persekisyon ki i ti gannyen. Par egzanp Pyer ek lezot zapot ti ganny met dan prizon plis ki en fwa. Bann sef larelizyon Zwif ti donn zot lord pour aret prese. Me Pyer ti dir zot: “Nou devret obeir Bondye plito ki zonm.” Menm si zot ti ganny bate apre sa, zot ti kontinyen koz avek dimoun lo Rwayonm Bondye ek sa Lerwa ki Zeova ti’n apwente, Zezi Kri.

Bann Kretyen ti kontinyen ganny persekite en kantite. Etyenn ti ganny touye parey nou’n vwar dan sapit avan. Apepre di-z-an pli tar, Zak, en zapot ek zanmi Pyer, ti osi ganny touye akoz son lafwa. Sa move dirizan ki ti’n donn lord pour touy Zak ti vwar ki sa mert ti’n fer plezir bann Zwif ki ti opoz bann Kretyen, alor i ti donn lord pour aret Pyer osi. Pyer ti ganny anmare avek lasenn e ganny met dan kaso avek bann gard ki ti pe vey li. Eski i ti pe mazinen ki sa ler ki Zezi ti predir ti’n arive, kot i ti pou ganny anmare e ganny met amor?

Pli tar sa zour swar, en lanz ti aparet en sel kou. I ti lev Pyer, tir sa lasenn lo li e fer li sorti dan son kaso. Zot ti pas o bor bann gard, pas dan en gran baro e ariv lo semen. Ki Pyer ti fer apre sa? I pa ti mazin zis son prop lekor. I ti plito al direk dan sa landrwa kot i ti konnen son bann fer ek ser ti pe ador e priy Zeova. I bezwen ki zot ti vreman kontan pour vwar Pyer e sa ti ankouraz zot!

Pyer pa ti zanmen oubliy lord son Senyer: “Fortifye ou bann frer,” “donn manze mon bann pti mouton.” (Lik 22:32; Zan 21:17) Avek lardyes i ti prese e ankouraz pep Bondye partou kot i ti ale. I pa ti parfe. I ti fer fot. Enn fwa, i ti fer en move desizyon akoz i ti anvi fer plezir lezot. Me en lot zapot ti konsey li. Avek limilite Pyer ti aksepte sa konsey e i ti aprann atraver sa konsey. I ti kontinyen ankouraz son bann frer ek ser. I ti ganny enspire pour ekrir de let ki form parti Labib. Apre ki i ti’n fidelman servi Zeova pandan plizyer deseni, Pyer ti ganny tyonbo e anmennen dan prizon pour en dernyen fwa kot i ti ganny touye. Me i pa ti zanmen perdi son lafwa ek kouraz. Pyer ti’n vreman vin en “ros”!

Lir sa resi dan Labib:

• Matye 16:18, 19

• Zan 1:40-42; 21:14-19

• Akt 2:14-43; 5:17-42; 8:14-17, 25; 10:44-48; 12:1-17

• Galat 2:11-14

• 1 Pyer 5:13

• 2 Pyer 1:12-15

Pour diskit lo la:

Ki mannyer Pyer ti demontre kouraz?

Al pli o profon

1. 1. Zezi ti donn Pyer “bann lakle Rwayonm.” Ki mannyer Pyer ti servi sa bann lakle? (Mat. 16:18, 19; ijwbq lartik 124 ¶1-5) A

   Ou larepons

   

2. 2. Kwa ki montre ki Pyer pa ti fer lapreferans menm avan i ti vizit Korney ki pa ti Zwif? (Akt 10:5-7, 23; bt 69 ¶1, not) B

   Ou larepons

   

3. 3. Kwa ki montre ki Pyer ti aksepte sa konsey ki i ti gannyen avek Pol? (w17.04 25-26 ¶15-17)

   Ou larepons

4. 4. Akoz Pyer ti al reste Babilonn? (it-E “Captivity” ¶24; w14 15/1 24 ¶9)

   Ou larepons

Reflesir lo sa bann leson

• Avek kouraz ek respe, Pyer ti koz avek en lafoul Zerizalenm. Dan ki sirkonstans ki nou sirtou bezwen demontre kouraz ek respe?

  Ou larepons

• Menm si Pyer ti annan en rol enportan dan kongregasyon, i ti aksepte konsey Pol. Ki mannyer nou kapab imit Pyer? C

  Ou larepons

  

• Ki lezot fason ki ou kapab imit kouraz ki Pyer ti demontre dan sa resi?

  Ou larepons

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Ki ou’n aprann lo Pyer ki fer ou kontan ki i’n ganny swazir pour al dirize avek Kris dan lesyel?

  Ou larepons

Aprann plis

Ki mannyer legzanp Pyer i kapab ed nou pour depan lo Zeova e aret per?

Aprann avek zot legzanp—Pyer (6:48)

Servi sa aktivite pour aprann plis leson dan sa resi ki dan Akt sapit 10.

“God Is Impartial” (Bann seri “Bible Study Activities” lo Enternet)