Sako Mashimbu Unyingike Zambi

Sako mashimbu hanga ulilongese hakutwala kuli Zambi ni kupwa sepa lienyi. Nyi muchilinga, yena mukolesa ufulielo we. Tutalenu yize Yesu alongesele ha yikuma yino:

Yize Yesu ambile

“Kawaha waze ananyingika ngwo, kanafupu Zambi.”—Mateu 5:3.

• Yetu eswe, twakuzanga kunyingika ma kumbululo a yihula yino: Mumu liaka atutangile? Mumu liaka atu anji akumona lamba? Yika yakulingiwa kuli mutu nyi hafwa? Mba tuwahilile twatamba kuwana ma kumbululo a yihula yino.

“Mutu katambile kutwama wika ni mwono mumu lia mbolo, alioze ha liji lieswe lia kutuhuka mu kanwa lia Yehova.”a—Mateu 4:4.

• Ngwe chizechene twakufupa kulia cha ku musunya, tunafupu nawa kulia cha ku spiritu. Yesu kashindakenyene ha chikuma cha kufupa Zambi.

“Liji lienu lili umwenemwene.”—Yoano 17:17.

• Yesu kambile ngwenyi, Zambi kakutulisa ku spiritu, kupalikila mu Liji lienyi Mbimbiliya.

Tunakukolweza use mashimbu hanga unyingike Zambi, mumu chino muchikunehena uwahililo wamwenemwene. Tala yikuma yimwe yize muyihasa kukukwasa:

• Tanga Mbimbiliya chawana.

• Eta longeso lia Mbimbiliya liawana ni ukwaso wa umwe longeshi.