Paggahin ug Panahon Para sa Diyos

Ang imong kinabuhi mahimong mas malipayon ug naay kahulogan kon maggahin kag panahon para sa Diyos. Kon imo ning himoon, giatiman nimo ang imong espirituwal nga panginahanglan. Konsideraha ang gitudlo ni Jesus bahin ani.

Ang gisulti ni Jesus

“Malipayon kadtong mahunahunaon sa ilang espirituwal nga panginahanglan.”—Mateo 5:3.

• Gusto natong tanan nga mahibalo sa tubag niini nga mga pangutana: Unsay katuyoan sa kinabuhi? Nganong daghan kaayo ang nag-antos? Unsay mahitabo dihang mamatay ang tawo? Magmalipayon gyod ta kon mahibaloan nato ang tubag niini nga mga pangutana.

“Ang tawo mabuhi, dili sa tinapay lamang, kondili sa matag pulong nga magagula sa baba ni Jehova.”a—Mateo 4:4.

• Sama nga nagkinahanglan tag literal nga pagkaon, kinahanglan pod natong tagan-an ang atong espirituwal nga panginahanglan. Giklaro ni Jesus nga kinahanglan tang mosalig sa Diyos aron matagbaw ang atong espirituwal nga panginahanglan.

“Ang imong pulong mao ang kamatuoran.”—Juan 17:17.

• Si Jesus nagtudlo kon unsa ang pangunang paagi nga ang Diyos nagtagana sa atong espirituwal nga panginahanglan—pinaagi sa iyang Pulong, ang Bibliya.

Makaplagan nimo ang tinuod nga kalipay kon maggahin kag panahon para sa Diyos ug tagbawon nimo ang imong espirituwal nga panginahanglan. Niay pipila ka paagi nga makatabang nimo:

• Basaha ang Bibliya nga walay bayad.

• Pag-request ug libreng interactive nga pagtuon sa Bibliya uban ang usa ka instruktor.