“Makadungog Mog mga Gubat”

“Sulod sa mga 60 ka tuig nga nagtrabaho ko ingong journalist, kapig 40 na ka gubat sa lainlaing bahin sa kalibotan ang nahimoan nakog report diha sa balita. Nasaksihan nako ang grabeng kagubot nga nahitabo panahon sa Cold War, dayon kalit ning nahunong. Pero nakapabalaka kaayo nako ang tuig 2025—dili lang tungod sa daghang dagko nga gubat kondili tungod kay naay purohan nga ang usa niini nga mga gubat makapatunghag dako kaayong kadaot sa daghang nasod.”—John Simpson, world affairs editor sa BBC, kami ang nagpabaga sa pipila ka pulong.

Ang mga tawo nabalaka bahin sa mga gubat nga nagakahitabo karon. Daghan ang naghunahuna kon matapos pa ba ni. Unsay gitudlo ni Jesus?

Ang gitudlo ni Jesus

Gitagna ni Jesus ang mga kahimtang nga nagakahitabo karon. Iyang giingnan ang iyang mga sumusunod: “Makadungog mog mga gubat sa lainlaing dapit.”—Mateo 24:6.

Bisag makapabalaka ang mga gubat ug kagubot nga atong nakita karon, dili ta angayng mawad-an ug paglaom. Ngano? Kay si Jesus nagtudlo nga ang mga gubat nga nakaapektar sa daghang tawo—apil na ang ubang mga panghitabo, kahimtang, ug batasan sa mga tawo—maoy “ilhanan” nga nagkinabuhi na ta sa “hinapos sa sistema sa mga butang.” (Mateo 24:3; Lucas 21:7) Nagpakita ni nga sa umaabot taposon ni Jesus ang gubat. Sa unsang paagi?

Ang himoon ni Jesus

Sa dili madugay, ang Hari sa Gingharian sa Diyos, si Jesus, magtapos sa mga gubat sa tibuok yuta.—Salmo 46:9.

Aron mahibalo ug dugang bahin niining malinawon nga kahimtang sa umaabot ug kon unsay kaayohan niini kanato, basaha ang artikulo nga “Sa Unsang Paagi Matapos ang Gubat ug Panag-away?”