Ri utzil nqïl rma yoj kʼo chpan jun grupo de predicación

1, 2. ¿Achkë nkiʼij jojun qachʼalal chrij ri grupos de predicación?

¿NNATÄJ chawä ri qʼij taq xbʼix chawä chë ya ütz chik yatel chutzjoxik le Biblia? Kantzij na wä chë ri qʼij riʼ kan kiʼ wä akʼuʼx rma xatok chpan jun mamaʼ grupo winäq ri nkiyaʼ rqʼij rbʼiʼ Jehová (Sal. 148:1, 2, 12, 13). Ri qʼij riʼ rït chqä xatok chpan jun ti koʼöl grupo ri kʼo pan acongregación ri nbʼix grupo de predicación che rä. Re grupos reʼ nqrtoʼ rchë más ütz nqaʼän che rä qasamaj chrij rtzjoxik le Biblia «chwäch jontir Rwachʼlew» (Mat. 24:14).

² ¿Achkë naquʼ rït chkij ri koköj taq grupos yebʼanon pa congregación? Jun qachʼalal ri Wendya rbʼiʼ nuʼij: «Ri yïn kʼo pa jun koʼöl grupo kan kowan yirtoʼon. Ri qachʼalal kikʼutun chi nwäch nkʼaj chik rbʼanik ntzjoj le Biblia, y yinkitoʼon rchë nyaʼon nmetas chqä rchë nbʼeqʼiʼ ri metas riʼ chqä yenwilon ütz taq amigos». Y jun qachʼalal ri Ricardo rbʼiʼ nuʼij: «Chi nwäch rïn, ri yatok jun superintendente de grupo kan kowan rqʼij. Taq jun publicador nutoʼ jun winäq rchë nbʼeʼok testigo, ri superintendente de grupo xtkowin chqä xttoʼ ri qachʼalal ri kʼa riʼ tqasäx pa yaʼ rchë más jnan xtuʼän rwäch rkʼë Jehová». Y jun chik qachʼalal ri Dina rbʼiʼ nuʼij: «¡Kan nqä chi nwäch chë ri congregación yerbʼanon grupos de predicación! Ri qachʼalal ri ye kʼo pan grupo kan ye achiʼel ta nfamilia».

3. ¿Achkë xtqatzʼët chpan re tjonïk reʼ?

³ Chpan re tjonïk reʼ xtqatzʼët achkë samaj yaʼon pa rqʼaʼ jun superintendente de grupo chqä rauxiliar, y xtqatzʼët achkë rbʼanik yekitoʼ qachʼalal ri ye kʼo pa kigrupo. Chrij riʼ xtqatzʼët achkë ütz nqaʼän chqajujnal rchë nqatoʼ qagrupo. Y pa rkʼisbʼäl xtqtzjon chrij ri utzil nqïl rma yoj kʼo chpan jun grupo.

RI SUPERINTENDENTE DE GRUPO CHQÄ RAUXILIAR

4. a) ¿Achkë samaj ri kʼo más rqʼij yaʼon qa pa kiqʼaʼ ri superintendentes de grupo? b) ¿Achkë rbʼanik ri superintendente yertoʼ ri publicadores ri ye kʼo pa rgrupo? (Tatzʼetaʼ chqä ri recuadro «Jojun chkë ri samaj ri ütz nuʼän ri superintendente de grupo»).

⁴ Ri superintendente de grupo ya riʼ jun ukʼwäy bʼey ri chaʼon kimä ri nkʼaj chik ukʼwäy taq bʼeyb rchë yertoʼ ri nkʼaj chik publicadores rchë más jnan nuʼän kiwäch rkʼë Jehová. ¿Achkë rbʼanik nuʼän riʼ? Naʼäy, kan nchʼpü chkij ri qachʼalal ri ye kʼo pa rgrupo (Prov. 27:23). Rma ri ukʼwäy bʼey kowan yerajoʼ ri qachʼalal, kan nutzʼët achkë nkʼatzin chkë. Rma nuʼän riʼ xtkowin xkertoʼ rchë más jnan xtuʼän kiwäch rkʼë Jehová, xtkʼuqbʼaʼ kikʼuʼx chqä xkertoʼ rkʼë xa bʼa achkë xtkʼatzin chkë (Prov. 12:25; Is. 32:2; Sant. 2:15-17). Rkaʼn, yertoʼ chkijujnal ri publicadores rchë yeʼel más chutzjoxik le Biblia. Nutäj rqʼij rchë ntel rkʼë rgrupo ri fines de semana. Chqä nutäj rqʼij rchë nukʼuqbʼaʼ kikʼuʼx ri publicadores y yertoʼ rchë más ütz nkiʼän che rä rtzjoxik le Biblia. Si kʼo mul ma ütz ta nuʼän chwäch ntel chutzjoxik le Biblia, xtuʼij qa che rä rauxiliar o jun chik publicador chë xtresaj ri grupo. Rox, yertoʼ ri kʼojolaʼ ri yeqasan chik pa yaʼ rchë xtyaʼöx más kisamaj pa congregación (1 Tim. 3:1). Ri ukʼwäy bʼey riʼ nuʼij chkë chë kan ütz najin nkiʼän che rä kisamaj, xtyaʼ kinaʼoj ri relesan pä chpan le Biblia chqä xkertoʼ rchë nkiʼän ri xtkʼatzin rchë xkebʼeʼok siervos ministeriales o ukʼwäy taq bʼey. Rma yatok jun superintendente de grupo kan rkʼwan kʼïy samaj, ri ukʼwäy taq bʼey xkekichaʼ ri ancianos ri xkebʼanö re samaj reʼ.

5. ¿Achkë rma kʼo mul ma chaq bʼaʼ ta nuʼän chawäch nakʼwaj bʼey chpan jun grupo?

⁵ Kʼo mul ma chaq bʼaʼ ta nuʼän chawäch naʼän jontir ri samaj chpan jun grupo. Tqatzʼetaʼ ri nuʼij Jorge, jun superintendente de grupo aj Alemania. Achiʼel ryä, kʼïy chkë ri ukʼwäy taq bʼey yaʼon kʼïy samaj pa kiqʼaʼ pa congregación. Jorge nuʼij: «Rïn nyaʼon chi nwäch ye nskʼij äl jontir ri qachʼalal, ye kʼa kʼo mul kwest nuʼän chi nwäch rma kʼo kʼïy nkʼatzin nbʼän». Jun ukʼwäy bʼey ri 70 rjnaʼ aj Uganda ri Abel rbʼiʼ nuʼij: «Pa qacongregación ma ye kʼïy ta ukʼwäy bʼey chqä siervos ministeriales. Y rma ye kʼïy publicadores ye kʼo chpan jun grupo, kan kwest nuʼän chi nwäch chaq taqïl yenbʼechʼaʼej ri qachʼalal». Y jun chik ukʼwäy bʼey aj Surinam ri Obed rbʼiʼ, nuʼij: «Kan nqä chi nwäch yentjoj nkʼaj chik, ye kʼa rchë naʼän ya riʼ nkʼatzin najäm awäch chqä natäj aqʼij. Y kʼo mul ri qachʼalal ri najin yeʼatoʼ ma nkibʼeqʼiʼ ta yän kimetas. Rma kʼo kʼïy achkë nkʼatzin nbʼän, xa chrij chik riʼ nyaʼ wä wan, y ya riʼ nbʼanö chwä chë ma yikowin ta chik yentoʼ nkʼaj chik». Rma riʼ, ¿achkë xketoʼö ri ukʼwäy taq bʼey si najin nbʼanatäj ya reʼ kikʼë?

6. ¿Achkë rma más ütz chë ri grupos ma kan ta ye nmaʼq?

⁶ Taq ri grupos de predicación ma kan ta ye nmaʼq, ri superintendente de grupo xtkowin xttamaj más kiwäch ri qachʼalal ri ye kʼo pa rgrupo chqä xtkowin xkertoʼ rchë más jnan xtuʼän kiwäch rkʼë Jehová. Ye kʼa, ¿si chpan jun congregación ma kan ta ye kʼïy ancianos ye kʼo? Rchë ri superintendente xtkowin xttzʼët achkë nkʼatzin chkë ri ye kʼo pa rgrupo, ri ukʼwäy taq bʼey xtkichaʼ jun siervo ministerial rchë ttzʼetaʼ jun grupo, rchë ke riʼ ma kan ta ye kʼïy publicadores yejeʼ chpan jun grupo. Taq ri grupos ma kan ta ye nmaʼq, ri superintendentes xkekowin xtkiʼän ri samaj ri kʼo más rqʼij, y ya riʼ xkekitoʼ ri qachʼalal rchë ma nkiyaʼ ta qa Jehová chqä rchë yekiköchʼ ri kʼayewal.

7. Si chpan jun congregación ma ye kʼïy ta ancianos ye kʼo, ¿achkë ütz nkiʼän ri superintendentes de grupo rchë yekitoʼ jontir ri publicadores? (1 Pedro 5:2; tatzʼetaʼ chqä ri achbʼäl).

⁷ Si rït yït jun superintendente de grupo y pan acongregación ma kan ta ye kʼïy ukʼwäy taq bʼey ye kʼo, tatjoj ri qachʼalal ri ntoʼö awchë chpan ri grupo, rchë xttamaj achkë rbʼanik xkertoʼ qachʼalal (taskʼij 1 Pedro 5:2). Tayaʼ jojun samaj pa rqʼaʼ ri nkowin nuʼän. Jun ejemplo, kʼo mul ütz naʼij che rä chë tresaj ri grupo. Kixchʼö rkʼë Jehová y titzjoj achkë samaj najin nkiʼän ri publicadores chpan ri grupo. Taʼij che rä a auxiliar chë tbʼä awkʼë taq xtiʼän visitas de pastoreo. Taq majanä tiʼän ri visitas riʼ, titzjoj achkë rbʼanik xtiʼän che rä. Y taq xiʼän yän ri visita taʼij che rä achkë ütz xuʼän y chrij riʼ tayaʼ jojun rnaʼoj ri xtkowin xtsmajij. Si xtaʼän ya riʼ rkʼë qachʼalal, ya riʼ xtuʼän chë xttoʼ rchë chwäch apü xttok jun superintendente de grupo (2 Tim. 2:2). Ütz chqä naʼij chkë jojun qachʼalal achiʼaʼ chqä ixoqiʼ ri jnan rbʼanon kiwäch rkʼë Jehová chë kekitoʼ ri publicadores ri ye kʼo chpan ri grupo. Jun ejemplo. Ri precursores chqä nkʼaj chik qachʼalal ri kʼo kexperiencia ütz yekitoʼ ri kʼakʼakʼ taq publicadores chqä ri nkʼaj chik qachʼalal ri kwest nuʼän chkiwäch nkitzjoj le Biblia. Ütz yekitoʼ rchë nkimäj tzij rkʼë jun winäq, nkiʼän revisitas o yekitoʼ rchë nkitjoj jun winäq chrij le Biblia. Komä tqatzʼetaʼ oxiʼ ri nqkowin nqaʼän jontir röj ri publicadores rchë nqtoʼon rkʼë qagrupo.

RI RBʼANIK NQKOWIN NQATOʼ QAGRUPO

8. ¿Achkë ütz nqaʼän rchë nqtoʼon rkʼë qagrupo? (Romanos 1:12).

⁸ Tqatzjoj le Biblia rkʼë qagrupo. Taq nqatzjoj le Biblia rkʼë qagrupo nqrtoʼ «rchë nqakʼuqbʼalaʼ qakʼuʼx chqawäch» (taskʼij Romanos 1:12). Ya reʼ nqrtoʼ rchë ma kan ta nqaxiʼij qiʼ nqtzjon kikʼë ri winäq. Chqä nqatzjoj le Biblia chkipan jojun territorios ri kwest nuʼän chqawäch. Si rma qasamaj ma nqkowin ta nq·el rkʼë ri grupo, ¿ütz komä nuʼän chqawäch nqakʼutuj permiso che rä qajefe rchë nqaʼän ya riʼ? Rkʼë jbʼaʼ kan xtyaʼ qʼij chqë (Neh. 2:4-6). Si rma jun qayabʼil o rma ya xbʼä qajnaʼ kwest nuʼän chqawäch nqapon akuchï nkimöl wä kiʼ qachʼalal, qtzjon rkʼë ri qasuperintendente de grupo. Rkʼë jbʼaʼ ryä xtuʼän arreglo rchë xtqaʼän conectar qiʼ pa video llamada, rchë xtqaʼän cartas o rchë xtqatzjoj le Biblia pa teléfono. ¿Y si yït qʼopoj o yït kʼajol na ye kʼa kwest nuʼän chawäch yatel chutzjoxik le Biblia? Ütz yatzjon kikʼë qachʼalal ri ye kʼo pan agrupo rchë yatel kikʼë chutzjoxik le Biblia ronojel semanas. Rkʼë jbʼaʼ nkʼatzin natzʼët achkë riʼ ri kʼo más rqʼij chawäch, rchë ke riʼ kan pa rbʼeyal xtaksaj ri atiempo (Rom. 12:11; Col. 4:5). Si xtaʼän riʼ kan kʼo utzil xtawïl. Taʼij che rä Jehová chë katurtoʼ rchë narayij naʼän rraybʼal. Chqä taʼij che rä chë tyaʼ pä awchqʼaʼ rchë naʼän riʼ (Filip. 2:13).

9. ¿Achkë ütz nqaʼän rchë más jnan nuʼän qawäch pa qagrupo? (Romanos 12:13).

⁹ Ronojel mul qspan. Taq röj nqaʼän ya riʼ, nqtoʼon chë jontir kiʼ qakʼuʼx nqaʼän pa qagrupo (taskʼij Romanos 12:13). Tqaquʼ rij ya reʼ, ¿ütz komä nuʼän chqawäch nqatzüj qachoch rchë qachʼalal nkimöl kiʼ rchë ütz yeʼel chutzjoxik le Biblia? Chpan jojun congregaciones, ri grupos kibʼanon arreglo rchë nkijalalaʼ kiʼ ronojel semanas rchë nkiyaʼ rway ri discursante. Taq napon kiturno, jojun chkë ri publicadores ri ye kʼo chpan kigrupo nkimöl kiʼ rchë jnan yejeʼ chqä yewaʼ, yajün taq ri discursante ma nkowin ta nkanaj qa. Ya Sara jun precursora especial, nuʼij: «Taq yeʼapon ri qachʼalal pa wachoch, ma nkanüy ta achkë nyaʼ chkë, rma riʼ ntäj nqʼij rchë ma kan ta nchʼpü nkʼuʼx chrij ri rkïl wäy ri xtinyaʼ chkë. Komä, nyaʼ más wan chrij ri ntamaj kiwäch qachʼalal». Si röj nqatäj qaqʼij chë pa qagrupo kan achiʼel ta qafamilia nqatzʼët qiʼ, ya riʼ xtuʼän chë más naqaj xtqjeʼ wä che rä Jehová chqä chkë qachʼalal (Neh. 8:10; Hech. 20:35).

10. ¿Achkë ütz nqaʼän rchë más ütz rbʼanik nqatzjoj le Biblia? (Proverbios 1:5; 27:17; tatzʼetaʼ chqä ri achbʼäl).

¹⁰ Tqatjaʼ qaqʼij rchë más ütz rbʼanik nqatzjoj le Biblia. Taq más ütz xtqaʼän che rä rbʼanik nqatzjoj le Biblia, más jaʼäl xtqanaʼ xtqatzjoj le Biblia rkʼë qagrupo. ¿Kʼo komä jun naʼoj ri nawajoʼ nasmajij ri xkaturtoʼ rchë más ütz xtatzjoj le Biblia? Si ke riʼ, takʼutuj atoʼik che rä jun precursor o che rä jun qachʼalal ri kʼo pan agrupo ri kan kʼo rexperiencia (taskʼij Proverbios 1:5; 27:17). Tqaʼij che rä qasuperintendente de grupo, achkë qametas nqajoʼ nqabʼeqʼiʼ. Y ryä kan xttäj rqʼij rchë xtqrtoʼ rchë xtqabʼeqʼiʼ qametas. Ya Ester, jun qachʼalal ixöq ri kan kwest nuʼän chwäch numäj tzij kikʼë ri winäq, nuʼij: «Xinbʼij che rä jun qachʼalal precursora chë kirtoʼ rchë nbʼän revisitas, ri qachʼalal riʼ xjäm rwäch rchë chaq taqïl xel wkʼë chutzjoxik le Biblia. Chqä xirtoʼ rchë xinchäp rtjonik jun winäq chrij le Biblia. Kan janina kiʼ nkʼuʼx rma xinkʼutuj ntoʼik che rä. Y rma xinbʼän ya riʼ, komä kan kiʼ nkʼuʼx ntzjoj le Biblia». Rkʼë ya reʼ nqʼalajin chë kʼo kʼïy rbʼanik nqkowin nqtoʼon rkʼë qagrupo.

RI UTZIL NQÏL RMA YOJ KʼO CHPAN JUN GRUPO

11, 12. ¿Achkë utzil nqïl rma yoj kʼo chpan jun grupo? Tatzjoj jun experiencia.

¹¹ Nqrtoʼ rchë más jnan nuʼän qawäch rkʼë Jehová. Tqatzʼetaʼ achkë utzil nqïl jontir rma yoj kʼo chpan jun grupo. Ri malkaʼn, ri majun ta kiteʼ kitat y ri qachʼalal ri ya kʼo chik kijnaʼ —ri kowan yejowäx rma Jehová— xtyaʼöx ri toʼïk ri nkʼatzin chkë taq más xtkʼatzin chkë (1 Tes. 2:8 Sant. 1:27). Chqä yojkitoʼ rchë más ütz rbʼanik nqatzjoj le Biblia. Y ri kʼojolaʼ ri yeqasan chik pa yaʼ, yetjöx rchë nyaʼöx más kisamaj pa congregación (1 Tim. 3:10).

¹² Tqatzʼetaʼ ri nuʼij ya Wendy, ri xqatzjoj qa chpan ri párrafo 2, ryä nuʼij: «Rma ntat ma nrajoʼ ta chë röj nq·ok testigos, nteʼ ma nkowin ta wä ntel rkʼë ri grupo kʼïy sábados o domingos. Ye kʼa rïn nyaʼöx wä qʼij chwä rchë yinel. Jun precursora ri ya kʼo chik rjnaʼ kan kowan xirtoʼ y chaq taqïl nq·el wä rkʼë chutzjoxik le Biblia. Kʼo kʼïy xkʼüt chi nwäch ri kan kowan yirtoʼon pa congregación chqä taq yinel chutzjoxik le Biblia. Nnatäj chwä chë kʼïy mul ri superintendente de grupo xyaʼ kʼïy naʼoj chwä ri yeʼelesan pä chpan le Biblia y ri naʼoj riʼ kʼa najin na yirtoʼ».

13. Rma yoj kʼo chpan jun grupo, ¿achkë rbʼanik yojkitoʼ ri qamigos? (Tatzʼetaʼ chqä ri achbʼäl).

¹³ Nqrtoʼ rchë yeqïl qamigos ri yojkitoʼ chqä nkikʼuqbʼaʼ qakʼuʼx. Taq röj nq·el chutzjoxik le Biblia kikʼë qachʼalal ri ye kʼo pa qagrupo, ya riʼ xtqrtoʼ rchë más jnan xtuʼän qawäch kikʼë (Filip. 1:27). Taq ri grupos ma kan ta ye nmaʼq xkertoʼ ri qachʼalal ri kwest nuʼän chkiwäch nkimäj tzij kikʼë nkʼaj chik. Chqä ma kwest ta más xtuʼän chkiwäch xkejeʼ kamigos (2 Cor. 6:13). Si kʼo jun qayabʼil, jun qachʼalal xkäm o kʼo jun nbʼanö chqë chë nqbʼison o nchʼpü qakʼuʼx, ri qachʼalal ri ye kʼo pa qagrupo xtkiyaʼ qatoʼik (1 Tes. 5:14). Y, taq más naqaj chik kʼo pä ri nimaläj tijöj poqonal, más xkekʼatzin xkejeʼ qamigos (Mat. 24:21). Tapeʼ qachʼalal janina yojkajoʼ, ma ntel ta chë tzij chë ma xtqatäj ta chik poqän. Ye kʼa xtqrtoʼ rchë xtqqʼax chwäch xa bʼa achkë kʼayewal (Prov. 17:17).

14. Rma yoj kʼo chpan jun grupo, ¿achkë qatoʼik nqïl taq nqïl jun kʼayewal?

¹⁴ Nqrtoʼ taq kʼo jun kʼayewal nqïl. Taq kʼo jun yabʼil ri nukraj riʼ, jun qʼeqäl jöbʼ, jun mamaʼ slonel, taq chaq kʼateʼ yabʼä pan hospital, taq nyaʼöx kʼayewal chqij o ma nqrqʼiʼ ta qarajil, ri qachʼalal ri ye kʼo pa qagrupo kan xtkiyaʼ qatoʼik, yajün taq majanä tbʼanatäj ri xqaʼij qa. Ri Comité de Servicio rchë ri Congregación, chqä rkʼë kitoʼik ri superintendentes de grupo, xtkichʼöbʼ achkë rbʼanik xkekitoʼ ri qachʼalal taq kʼo jun xtkʼatzin chkë o kʼo jun xtbʼanatäj kikʼë. Y si kʼo jun chaq kʼateʼ nbʼanatäj, ri superintendentes de grupo xkekiskʼij äl jontir ri qachʼalal ri ye kʼo pa kigrupo rchë nkitzʼët si ütz kiwäch o kʼo jun nkʼatzin chkë, achiʼel si nkʼatzin —yetzʼet rma jun doctor, nkʼatzin kiway, kiyaʼ, kitzyaq o kachoch—, rchë ke riʼ xtyaʼöx ri toʼïk ri nkʼatzin chkë. ¡Kan janina jaʼäl nqanaʼ rma qataman chë ri qachʼalal ri ye kʼo pa qagrupo kan xkojkitoʼ pä taq xtqaqʼaxaj jun kʼayewal!

15. ¿Achkë nqajoʼ nqaʼän jontir ri yoj kʼo chpan rtinamit Jehová?

¹⁵ Achiʼel wä xqaʼij pä pa naʼäy, rtinamit Dios kan mamaʼ nüm. Chlaʼ chkaj kan pa mil chë millones ri ángeles ye kʼo ri nkinmaj rtzij Jehová. Y chwäch Rwachʼlew ye kʼo nueve millones rsamajelaʼ Jehová, y kʼa najin na yekʼiyïr más (Zac. 8:23; Apoc. 5:11). Reʼ kaʼiʼ molaj reʼ jnan najin yesamäj rchë nkitzjoj ri ütz taq rtzjol chrij Rqʼatbʼäl tzij Dios (Apoc. 14:6, 7). Rma riʼ, tqabʼanaʼ jontir ri kʼo pa qaqʼaʼ rchë nqatoʼ ri qagrupo, rma ri grupo nqrtoʼ rchë nqayaʼ rqʼij Jehová rkʼë ronojel qan (Sal. 111:1).