Mɔgɔw ladɔnniyali baaraba bɛna kɛ diɲɛ yɔrɔ bɛɛ la kafoba ka jamalajɛ ko la min tɔgɔ ye ko “Kisili ka surun”
Jɛkulu bɛɛ weleweledalaw ka sɛbɛndɛnnin kɛrɛnkɛrɛnnen jɛnsɛn
1 Ladɔnniyali baaraba dɔ bɛna kɛ diɲɛ yɔrɔ bɛɛ la ni sɛbɛndennin dɔ ye kafoba ka jamalajɛ ko la, n’o jamalajɛ bɛna kɛ jamana 155 kɔnɔ. O baara daminɛna ɲinan Mɛkalo la jamana dɔw la, wa, a bɛna to sen na fo kafoba ka jamalajɛ bolodalenw bɛɛ ka kɛ diɲɛ yɔrɔ bɛɛ la.
2 Ikomi an sera laban donw bantuma yɛrɛ de la, jamalajɛw bɛna u sinsin a kan ko Ala ye layidu ta ko ale bɛna mɔgɔw kisi ka bɔ nin diɲɛ juguman na. O la sa jamalajɛw bɛna kɛ welekanba ye ka ɲɛsin mɔgɔ ma minnu labɛnna ɲɛnamaya banbali kama. A cikan bɛna u bila ka miiri ko nataw la. Walisa mɔgɔ miliyɔn tan caman ka o dususaalokuma ni o jigiyakuma mɛn, a ɲininen bɛ Jehowa Seerew ka jɛkulu 98 000 ni kɔ fɛ, diɲɛ bɛɛ kɔnɔ, u ka u sen don ni nisɔndiya ye mɔgɔw ladɔnniyali baara la jamalajɛ ko la, olu yɛrɛ welelen bɛ jamalajɛ min na.
3 Sɛbɛndennin hakɛ dɔ bɛna di jɛkuluw bɛɛ ma, min bɛ bɔli kɛ. O bɛna a to weleweledala kelen-kelen bɛɛ ka sɛbɛndɛnnin 50 sɔrɔ, o ye a cayalenba ye. A tɔ min bɛ to o kɔfɛ, jɛkulu tutigɛbagaw bɛ se ka baara kɛ ni olu ye. Jɛkulu bilala ka taa kafoba ka jamalajɛ min na, dɔgɔkun saba sanni o jamalajɛ ka daminɛ, jɛkulu kelen-kelen bɛɛ bɛna o ladɔnniyali baara daminɛ. O bɛ waati caman labila jɛkulu ye a ka se k’a ka waajulikɛyɔrɔ bɛɛ baara, walima a fanba.
4 Min ka fisa, o ye ka sɛbɛndɛnnin di an barokɛɲɔgɔn kelen-kelen de ma, ni o bɛ se ka kɛ. Nka, ni an ma mɔgɔ dɔw sɔrɔ u ka so, sɛbɛndennin bɛ se ka bila u ka da la cogo la min b’a to mɔgɔ wɛrɛw kana a ye. An ka kan k’an cɛsiri ni timinandiyaba ye walisa ka sɛbɛndennin bɛɛ tila-tila dɔgɔkun saba kɔnɔna na.
5 An dalen b’a la ko seereya belebeleba de bɛna kɛ diɲɛ yɔrɔ bɛɛ la, ni an bɛɛ lajɛlen ye an cɛsiri walisa ka mɔgɔw ladɔnniya Kafoba ka Jamalajɛ ko la min tɔgɔ ye ko “Kisili ka surun” iko a jiralen bɛ nin barokun kɔnɔ cogo min na. An bɛ Jehowa deli a ka duba kosɛbɛ aw kelen-kelen bɛɛ ka cɛsiriw ye ni aw bɛ ka nin ladɔnniyali baara kɛrɛnkɛrɛnnen kɛ diɲɛ bɛɛ kɔnɔ.