Kafo Ka Jamalajɛ Seginnkanni
Baara bɛna kɛ ni nin sɛbɛn ye walisa ka san 2005 kafo ka jamalajɛ labɛn ani ka seginnkanni kɛ a kan a tɛmɛnen kɔ. Barokun min bɛ sɛbɛnfura ɲɛ 4nan kan, ni o ye ko “fɛɛrɛ kura tigɛra jamalajɛ kalan bolodalenw seginnkanni ko la,” o bɛ a ɲɛfɔ baara bɛna kɛ ni nin sɛbɛn ye cogo min na. Seginnkanni kɛtuma na, jɛkulu ka lajɛ bɛ kɛ waati min kɔnɔ o waati bɛ tila-tila cogo la walisa ɲininkali bɛɛ ka se ka kɛ. Seginnkanni ka kan ka sinsin min kan, o ye k’a jira cogo min na an bɛ se ka kafo ka jamalajɛ kalan waleya.
DON FƆLƆ SƆGƆMADA FƐ KALAN
1 Hakilitigiya min bɛ bɔ Ala yɔrɔ, mun bɛ se k’an dɛmɛ k’o sɔrɔ?
2. Minnu bɛ kafo kɔnɔ, olu dɔw ye cɛsiri jumɛn kɛ walisa ka kibaru duman lase mɔgɔ caman ma?
DƆN FƆLƆ WULADA FƐ KALAN
3. Mun na a nafa ka bon kosɛbɛ an ka kɛ mɔgɔ jɛlen ye an kɔnɔ alako ta fan fɛ? O b’a wajibiya an ka mun kɛ?
4. An ni an balimaw cɛ, an bɛ se k’a jira cogo jumɛn na ko an ye mɔgɔ sabalilen ye?
5. Ka kɛ mɔgɔ hakilitigi ye, o kɔrɔ ye mun ye? Waati min bɛ i bolo, i bɛ min kɛ ni o ye, o b’a jira cogo di ko i ye hakilitigi ye?
6. Saul ni Nuhun ka misaliw bɛ an kalan mun na? An bɛ se ka a jira ko ‘an labɛnnen don Ala kanminɛ’ kama cogo jumɛnw na? (Yak. 3:17)
7. Kerecɛnw bɛ se k’u yɛrɛ tanga cogo di filankafɔya ma?
8. An bɛ se ka Paul ladege cogo di ni an bɛ kuma Ala ka hakilitigiya kan?
DON FILANAN SƆGƆMADA FƐ KALAN
9. An b’a fɛ ka tugu fɛn minnu nɔfɛ, mun na an ka kan ka olu sugandi ni hakilisigi ye? Mun bɛna an dɛmɛ k’o kɛ?
10. Minnu bɛ kafo kɔnɔ, olu ye cɛsiri jumɛnw kɛ walisa ka na lajɛw la tuma bɛɛ? O ye nafa lase u ma cogo jumɛn na?
11. Dutigiw bɛ se ka dɔ fara u ka dukɔnɔmɔgɔw barika kan alako ta fan fɛ cogo di?
12. Kafo mago ye mun ni mun ye, ni o fɔra an ye?
DON FILANAN WULADA FƐ KALAN
13. Iko a fɔra cogo min na foroba jɛmu na, hakilitigiya min bɛ bɔ san fɛ, o sababu fɛ baara tilennen jumɛnw kɛra?
14. Mun na hakilintanyako don ka i jigi da i yɛrɛ kan, walima mɔgɔw kan minnu ɲɛminɛnen tɛ Ala ka hakilitigiya fɛ? An ka kan ka an yɛrɛ kɔlɔsi ko jumɛnw na?
15. Ala ka hakilitigiya bɛ an lakana jan jumɛnw ma?
16. Mun na a nafa ka bon kosɛbɛ an ka laadilikan sirataama min dira an ma kafo ka jamalajɛ kalan bolodalen na?