Don Kelen Jamalajɛ Kɛrɛnkɛrɛnnen Seginnkanni

Baara bɛna kɛ ni nin sɛbɛn ye walisa ka san 2005 Don kelen jamalajɛ kɛrɛnkɛrɛnnen labɛn ani ka seginnkanni kɛ a kan a tɛmɛnen kɔ. Barokun min bɛ sɛbɛnfura ɲɛ 4nan kan, ni o ye “Fɛɛrɛ kura tigɛra jamalajɛ kalan bolodalenw seginnkanni ko la,” o bɛ a ɲɛfɔ baara bɛna kɛ ni nin sɛbɛn ye cogo min na. Seginnkanni kɛtuma na, jɛkulu ka lajɛ bɛ kɛ waati min kɔnɔ o waati bɛ tila-tila cogo la walisa ɲininkali bɛɛ ka se ka kɛ. Seginnkanni ka kan ka sinsin min kan, o ye k’a jira cogo min na an bɛ se ka Lajɛba kalan waleya.

SƆGƆMADA FƐ KALAN

1. Mun na an magoba bɛ a la bi kosɛbɛ ka Jehowa lamɛn? Ka lamɛnni kɛ, o kɔrɔ ye mun ye? (“Mun na an ka kan ka Jehowa kumakan lamɛn?”)

2. Denbayaw bɛ se cogo di ka baara bolodacogo ɲuman mara, Alako ta fan fɛ? (“Denbaya minnu bɛ Ala ka kuma lamɛn ni ɲɛmajɔ ye”)

3. Cogo jumɛn na dɔw sera ka senfɛ seereya kɛ, kafo kɔnɔ? (“An ka ko bɛɛ kɛ Ala nɔɔrɔ kama”)

4. An bɛ se ka kalansira jumɛnw sɔrɔ ka bɔ misaliw la minnu kɛra kankarida ye, ni olu bɛ sɔrɔ Heburuw 3 ani 4 kɔnɔ? Jehowa bɛ kuma an fɛ bi cogo jumɛn na? (“An ka lamɛnni kɛ ni Ala bɛ kuma, o bɛ an lakana”)

5. Aw ye mun sɔrɔ ka bɔ batɛmu jɛmukan na? (“Yɛrɛbakun dili ani batɛmu”)

WULADA FƐ KALAN

6. An bɛ se ka mun kɔlɔsi Yesu denmisɛnninama ko la? Kafo denmisɛnw bɛ se cogo di ka a ka misali ladege? (“K’i ɲɛmajɔ Ala ka kuma fɛ, o bɛ fanga don an denw na cogoya min na”)

7. Sira jumɛnw fɛ bangebagaw bɛ se k’a daminɛ ka denyɛrɛnin ani denmisɛnninw kalan Jehowa ka sira la? (“Denmisɛnnin minnu bɛ u tulomajɔ Ala ka kuma fɛ walisa u ka se ka ko dege”)

8. An ka ɲɛnamaya taabolow jumɛnw fɛ an ka kan ka an hakili to Jehowa la, a denkɛ Yesu la ani jɔnkɛ dannamɔgɔ hakiliman la? (Mat. 24:45) Mun na o nafa ka bon? (“An ka an hakili to tuma bɛɛ Ala ka kalan na”)