Fɛɛrɛ kura tigɛra jamalajɛ kalan bolodalenw seginnkanni ko la

Ikomi Sitanɛ ka diɲɛ bɛ ka juguya ka taga a fɛ, Jehowa bɛ an kologɛlɛya walisa an ‘ka ban Alaɲɛsiranbaliya ani nin diɲɛ nege juguw ma, ka taama ni hakilisigi ani tilennenya ani alaɲɛsiran ye nin diɲɛ kɔnɔ.’ (Ti. 2:12) Ala ye fɛɛrɛ minnu tigɛ “jɔnkɛ dannamɔgɔ hakiliman” sababu fɛ, olu dɔw ye kafo ka jamalajɛ ani don kelen jamalajɛ kɛrɛnkɛrɛnnen ye, minnu bɛ kɛ san o san. (Mat. 24:45) O ɲɔgɔnlajɛw bɛ an barika bonya kosɛbɛ dɛ!

Fɛɛrɛ kura tigɛra o jamalajɛw kalanw seginnkanni ko la walisa k’an dɛmɛ an ye kuma minnu mɛn, olu ka to an kɔnɔ, ani an ka se k’olu waleya. An bɛna baara kɛ ka kɛɲɛ ni o ye k’a daminɛ Sɛtanburukalo 2004 la ka na a bila Utikalo 2005 la. An bɛna fɛn minnu kalan jamalajɛw la, ani ɲininkali minnu ɲɛsinnen bɛ o jamalajɛ kelen-kelen bɛɛ ma, o fɛnw bɛna sɔrɔ nin farankan ɲɛw 5-6 la. Ni jɛkuluw ka jamalajɛw waati surunyara kosɛbɛ tuma min na, u bɛna nin kunnafoni sɛgɛsɛgɛ Baara-ka-lajɛ la. Ni u ka jamalajɛw fana banna dɔrɔn, u tɛna mɛn ni u ma baro kɛ o kan. O ko bɛna kɛ cogo di?

Dɔgɔkun kelen walima dɔgɔkun fila sanni jɛkulu ka kafo jamalajɛ ka kɛ, baro bɛna kɛ miniti tan kɔnɔ barokun kan min tɔgɔ ye ko “Kafo ka jamalajɛ kura kalan bolodalen.” O baro bɛna kɛ Baara-ka-lajɛ la walisa ka an dɛmɛ an k’a dɔn fɛn minnu bɛna fɔ jamalajɛ la. O baro ɲɛminɛbaga bɛna an ɲɛsin fana seginnkanni ɲininkaliw ma. A bɛna dusu don an bɛɛ kɔnɔ walisa an ka yɔrɔ nafamaw sɛbɛn jamalajɛ kalan kɛtuma na, ka se ka seginnkanni labɛn min bɛna kɛ dɔgɔkun damadɔw dɔrɔn jamalajɛ kɔ fɛ.

Dɔgɔkun damadɔ kɔnɔ jamalajɛ tɛmɛnen kɔ fɛ, seginnkanni bɛna kɛ jamalajɛ kalan bolodalen don fɔlɔ kan, miniti 15 kɔnɔ. O kalan bɛna kɛ Baara-ka-lajɛ kɔnɔna na. Dɔgɔkun min bɛna da o kan, miniti 15 bɛna bila walisa ka baro kɛ jamalajɛ don filanan kalan bolodalen kan. Baro bɛna kɛ seginnkanni ɲininkaliw kan minnu bɛ nin farankan kɔnɔ. Fɛn minnu fɔra, olu nafa ye min ye tigitigi, seginnkanni bɛna sinsin o kan. Maakɔrɔw bɛna Baara-ka-lajɛ wɛrɛw yɔrɔ dɔw surunya, walima ka a yɔrɔ dɔ bɔ a la, walima yɛrɛ ka Baara-ka-lajɛ kalan bolodalen kura labɛn ka se ka seginnkanni kɛ.

O fɛɛrɛ kelen de bɛna tigɛ don kelen jamalajɛ kɛrɛnkɛrɛnnen ko la. Nka, o don kalan mumɛ bɛɛ seginnkanni bɛna kɛ miniti 15 kɔnɔ. An kelen-kelen bɛɛ ka kan ka nin farankan mara, ka baara kɛ ni a ye walisa ka nafaba sɔrɔ kalan ɲuman na min bɛ bɔ Jehowa yɔrɔ.​—Esa. 48:17, 18.