Sɔn-ni-sɔn gafeninw jiracogo

La Tour de Garde 15 mai

“Don o don, an bɛ dɔ mɛn farinya kow kan. Yala e miiri la nin kɛcogoya ninnu tun bɛ yen fɔlɔ fɔlɔ wa? [A to jaabi ka di i ma.] E ka a filɛ Bibulu bɛ min fɔ. [Matiyu 24:37 kalan.] Nuhun ka tile la mɔgɔw tun ka jugu fo Ala ye u bɛɛ furan ka bɔ dugukolo kan, k’a tɔ to Nuhun ani a ka denbaya ye. Ko minnu kɛra o tuma na, nafa min bɛ olu la bi ka ɲɛsin an ma, nin gafenin b’o jira.”

Réveillez-vous ! 22 mai

“Bi, bana min bɛ sɔrɔ fɛnɲɛnamaninw fɛ, o ye an ka kɛnɛya jugu dɔ la kelen ye. Yali i bɛ a dɔn ko fɛɛrɛw bɛ yen, an bɛ se ka minnu tigɛ walisa k’an yɛrɛ lakana wa? [Jaabi kɔnɔ]. Nin gafenin bɛ kuma o fɛɛrɛw kan, ani Bibulu bɛ layidu min ta ka ɲɛsin waati ma, waati min na, bana tɛna kɛ tun.” A kuncɛ ni Esayi 33:24 kalanni ye.

La Tour de Garde 1er juin

“Mɔgɔw bɛ nafolo min di jɛkulu dɔw ma, Ala kama, walisa ka mɔgɔ wɛrɛw dɛmɛ, o minɛ cogo jugu ye dɔw bila k’u yɛrɛ ɲininka ni hakilitigiya don yɛrɛ, ka nafolo di jɛkuluw ma walisa u ka mɔgɔw lahinɛ ni a ye. Nka hali bi, mɔgɔ caman mago bɛ dɛmɛ na. E fɛ, mun bɛ se ka kɛ? [Jaabi kɔnɔ, o kɔ i ka Heburuw 13:16 kalan.] Nin gafenin bɛ a ɲɛfɔ, fɛn dicogo min ka di Ala ye.”

Réveillez-vous ! 8 juin

“A jɛlen don ko mɔgɔw tɛ jogo ɲumanya ni ko ɲuman kɛ jate tun i n’a fɔ lawale la. Yali i y’a kɔlɔsi k’o ye tiɲɛ ye wa? [Jaabi kɔnɔ.] Bibulu bɛ nin kiraya kuma fɔ min bɛ mɔgɔ kabakoya. [2 Timote 3:1-5 kalan.] Nin Réveillez-vous ! bɛ a ɲɛfɔ kun min na hadamadenya bɛ ka yɛlɛma ani min bɛ na kɛ don nataw la.”