Sɔn-ni-sɔn gafenin jiracogo

La Tour de Garde 15 mai

“Bɛɛ bɛ ka jɔrɔ ni faantanya barika bonyali ye ka taga a fɛ. E fɛ, yala nin tɔɔrɔko in bɛna ban an ka diɲɛ in kɔnɔ wa? [Jaabi makɔnɔ.] A filɛ Ala bɛ layidu min ta. [Esayi 65:21 kalan, i ka a jira ko bɛɛ bɛna a ka baara tɔnɔ sɔrɔ.] Layidu talen in bɛna tiimɛ cogo min na, nin La Tour de Garde bɛ o ɲɛfɔ, ani a bɛ laadilikan dɔ di min bɛ mɔgɔ dɛmɛ ka fantanya kun sisan.” Fɛɛrɛ tigɛ, walisa ka segin ka na nin ɲininkali jaabi: Yɛlɛma in min layidu tara, o bɛna kɛ tuma jumɛn?

Réveillez-vous ! 22mai

“Denmisɛn caman tɛ a kala ma ko kojugu bɛ se ka u sɔrɔ ni u y’u yɛrɛ bila teri ɲini na ɛntɛrinɛti fɛ. Yali e delila ka i yɛrɛ ɲininka, kojugu minnu bɛ se ka sɔrɔ a kɔnɔ wa? [Jaabi makɔnɔ.] Nin barokun bɛ bangebagaw ani denmisɛnw dɛmɛ u ka a dɔn kojugu minnu bɛ mɔgɔ sɔrɔ ni an bɛ teriyasira don ni mɔgɔw ye ɛntɛrinɛti sira fɛ.” [Ntalenw 22:3 kalan, ani a ɲɛfɔ cogo min na Solomani ka nin kuma bɛ se ka ta ka baara kɛ ni ɛntɛrinɛti ye.]

La Tour de Garde 1er juin

“An kumana ni mɔgɔ fanba min ye, olu sɔnna a ma ko tuma dɔw la, kumaɲɔgɔnya ka gɛlɛn furu kɔnɔ. Yali e delila ka i yɛrɛ ɲininka, min bɛ se ka kɛ walisa ka furuɲɔgɔnw dɛmɛ u ka u yɛrɛ tanga o gɛlɛya suguw ma wa? [Jaabi makɔnɔ. Ntalenw 12:18 kalan, i ka a jira ko mɔgɔ bɛ se ka baara kɛ ni a nɛnkun ye cogo fila fɛ minnu tɛ kelen ye fewu.] Nin barokun bɛ laadilikanw di kumaɲɔgɔnya kɛcogo kan min bɛ bɛn sinsin furu kɔnɔ.”

Réveillez-vous ! 8 juin

“Siga tɛ a la ko i y’a kɔlɔsi ko mɔgɔ caman bɛ tɔgɔ, nafolo ani fanga ɲini walisa ka hɛrɛ sɔrɔ. E hakili la, ka boli nin fɛnw nɔfɛ, o bɛ se ka hɛrɛ lase mɔgɔ ma wa? [Jaabi makɔnɔ.] A kɔlɔsi masa Solomani ko fɛn min nafa ka bon, ale min tun ye nafolobatigi ani fangatigi ye. [1 Masakɛw 3:​9 kalan, i ka kuma jogow kan, masa Solomani ye minnu ɲini.] Nin gafenin bɛ an dɛmɛ an ka hakilinata ɲuman sɔrɔ natabaya kan, ka Alako bila ɲɛfɛ.”