Kafo ka jamalajɛ kalan bolodalen kura
1 Walisa an sinsinen ka to limaniya la, nin diɲɛ basigibali in kɔnɔ, an ka kan ka an ka dannaya da Jehowa kan. An bɛ se ka o dannaya jira don o don, cogo jumɛn na? N’an y’an ka dannaya da Jehowa kan, o bɛ nɔ bila anw, ani an ka denbaya ka ɲɛnamaya kɛcogo la cogo di? O dannaya b’an dɛmɛ cogo jumɛn na fana, walisa an k’an jija Sitanɛ ka diɲɛ kana se sɔrɔ an kan? San 2003 Kafo ka jamalajɛ kalan bolodalen bɛna o ɲininkaliw jaabi. A kumasenkun ye ko: ‘An ka dannaya da Jehowa kan, ka koɲuman kɛ.’ — Zab. 37:3.
2 An t’a jira ko kɛrɛnkɛrɛnnenw, ani waati gɛlɛnw dɔrɔn na, ko an y’an ka dannaya da Jehowa kan. Nka, an b’o jira waati bɛɛ de la. O bɛ nɔ bila an ka ko kɛtaw la, don o don. Jamalajɛ jɛmukan fɔlɔ bɛna o de jira ni barika ye. O jɛmukan tɔgɔ ye ko: “Dannaya da Jehowa kan tuma bɛɛ.” (Zab. 62:8) Jɛmukan kelen, tilalen yɔrɔ naani ye, o bɛna fɔ mɔgɔ naani fɛ. O tɔgɔ ye ko: “An k’a jira ko, an y’an ka dannaya da Jehowa kan.” An bɛ se ka kunnafoniw sɔrɔ cogo min na, ani an bɛ se k’u sirataama cogo min na fana, walisa ka hɛrɛ sɔrɔ furu kɔnɔ, ka kunkow ɲɛnabɔ denbaya kɔnɔ, ani ka an magoɲɛfɛnw sɔrɔ, o jɛmukan bɛna o bɛɛ jira. O kunnafoniw bɛɛ bɛna tali kɛ Bibulu de kɔnɔ.
3 An bɛ min miiri ɲuman ni juguman ta fan fɛ, ani fɛn minnu ka kan ka bila jɔyɔrɔ fɔlɔ la, Sitanɛ ka diɲɛ b’a ɲini fanga la, ka an hakilila yɛlɛma o kow la. (Esa. 5:20) Jɛmukan minnu tɔgɔw ye ko: “An kana tugu fɛn nafantanw nɔfɛ,” ani “An ka boli kojugu ɲɛ, an ka koɲuman kɛ,” o jɛmukanw bɛna barika don an na, walisa an jɔlen ka to a kan, ka Jehowa ka naamu kɔrɔtalenw mara. —Am. 5:14.
4 Jehowa bɛna nin kow sigicogo jugu wuli ka bɔ yen tuma min na, o don na, a ka baarakɛlaw ka kan k’u ka dannaya bɛɛ ta ka da a kan. O bɛna pereperelatigɛ foroba jɛmu na, n’o tɔgɔ ye ko: “An kisili ka bɔ diɲɛ ka ɲankatakow la, o waati ka surun.” O kɔfɛ, a bɛna ɲini an fɛ, an k’an yɛrɛ sɛgɛsɛgɛ jɛmukan kɔnɔna na, n’o tɔgɔ ye ko: Yali i bɛna jate mɔgɔ ye min ka kan ni Ala ka Masaya ye wa?” O don jamalajɛ bɛ kuncɛ ni nin dusulamin kuma ye: “An ka da Jehowa ka layidu talenw na.”
5 Batɛmu jɛmukan kɛtuma ye kafo ka jamalajɛ kelen-kelen bɛɛ waatiba dɔ ye. Mɔgɔ o mɔgɔ b’a fɛ ka batise, o tigi ka kan k’o fɔ joona, jɛkulu lakɔlɔsibaga ɲɛmɔgɔ ye, walisa ko wajibiyalenw ka se ka kɛ.
6 An bɛ waati basigibali min na, dannaya bɛ se ka da mɔgɔ kelenpe min kan, o ye Jehowa ye, wa, basigi bɛ sɔrɔ ale kelenpe de yɔrɔ. (Zab. 118:8, 9) An kelen-kelen bɛɛ bɛ dannaya min da Jehowa kan, o dannaya barika ka se ka bonya, tuma min na an bɛ kafo ka jamalajɛ kalan bolodalen bɛɛ la!