“I ka jɛkulu wajulikɛyɔrɔ ka bon wa?”

¹ Lawale la, Yesu tun ye Israɛl jamana bɛɛ yaala, k’a ta Juda dugubaw la ka n’a bila Galile dugu misɛnninw na, ka wajuli ɲɛnama kɛ o yɔrɔw bɛɛ la. (Mar. 1:​38, 39; Luka 23:⁠5) Ni a se b’an ye, an fana ka kan ka kibaru duman fɔ mɔgɔ camanba ye. (Mar. 13:10) Nka, o bɛ sɔn ka gɛlɛya. Mun na?

² Afiriki tilebin yanfan ni a cɛmancɛ yanfan jɛkulu caman bɛ wajuli kɛ burusikɔnɔnaw de la, minnu bonya bɛ taga taari kɛmɛ caman na. Tuma dɔw la, mɔgɔw ka ca kosɛbɛ o yɔrɔw la. O la sa, jɛkulu minnu bɛ kan wɛrɛw fɔ, olu bɛ baara kɛ o yɔrɔw la walasa k’o kanw fɔbagaw ɲini. Ka ɲɛsin mɔgɔw ma minnu sigilen bɛ o yɔrɔ janw na, an bɛ se ka mun kɛ walasa k’u dɛmɛ u ka se ka tiɲɛ dɔn Jehowa, Yesu ani Masaya ko la?

³ An ka kow labɛn ɲɛmajɔ la: Wajuli baara lakɔlɔsibaga ani wajulikɛyɔrɔ ko bɛ balimakɛ min bolo, olu ka kan ka jɛkulu ka wajuli baara labɛn koɲuman walasa nafaba ka sɔrɔ o la. Laala, sibiridon kɛrɛnkɛrɛnnenw bɛ se ka boloda ni mɔgɔ fanba bɛ se ka tile kuuru bɛɛ kɛ wajuli baara la. Ni jɛkulu bɛna baara kɛ wajulikɛyɔrɔw la minnu ka jan, i k’a boloda ka mɛn foro baara la. O tuma na sa, i k’i ka tilelafana ta i bolo. Aw bɛ se ka ɲɔgɔn lajɛ joona, k’a da yɔrɔ janya kan. Walima, wajuli bɛna kɛ yɔrɔ min na, aw k’a boloda ka foro baara lajɛ kɛ o kɛrɛ fɛ. Aw ka mobiliko labɛn walasa ka se k’a dɔn balimaw ka mobili hakɛ minnu bɛna taa, ani bisiba, walima takisi hakɛ minnu bɛna luwe. O kun ye mɔgɔ caman ka se ka taa. I ka fɛɛrɛ tigɛ k’o yɔrɔ sugu baara, ni waati ani sira cogoyaw ka ɲi.

⁴ Mɔgɔ minnu bɛ baara kɛ yɔrɔw la, kan wɛrɛw fɔbagaw bɛ yɔrɔ minnu na, olu tɛna waati tiɲɛ ni wajuli kariti kura, ani ni mɔgɔ tɔgɔw, ni u ka ladɛrɛsiw jɔnjɔnw b’u bolo. (O karati ye sɛbɛn ye dugu kinw jiralen bɛ min kan.) I ka ladɛrɛsiw labɛn ka kɛɲɛ ni wajulikɛyɔrɔw ye walasa ni weleweledalaw bɛ taa wajuli kɛ yɔrɔ dɔ la, mɔgɔ minnu bɛ o yɔrɔ la, u ka se ka taa bɔ olu bɛɛ ye.

⁵ I k’a lajɛ ko i ye sɛbɛnw hakɛ ta i bolo min bɛ bɔli kɛ. Ni wajulikɛyɔrɔ tɛ baara fo tuma kelen-kelen, i bɛ se ka sɛbɛndennin dɔ, walima sɔn-ni-sɔn gafenin kɔrɔlen dɔ to mɔgɔw bara, mɔgɔ minnu tɛ u ka so. Ni Aimeriez-vous en savoir plus sur la Bible? sɛbɛndennin bɛ sɔrɔ, e ni mɔgɔ o mɔgɔ bɛ bɛn, i bɛ se ka o di o tigiw ma, k’u bila fana mɔgɔw bara minnu tɛ u ka so.

⁶ An ka an bolo di ɲɔgɔn ma cogo dafalen na: Ka baara kɛ wajulikɛyɔrɔ la min ka bon, o b’a wajibiya jɛkulu kɔnɔmɔgɔ bɛɛ ka u bolo di ɲɔgɔn ma. Ni wajuli bɛ kɛ yɔrɔ min na, ni o ka jan kosɛbɛ, mɔgɔ minnu bɛ mobili kelen kɔnɔ, olu ka kan k’u bolo fara ɲɔngɔn kan walasa ka ɛsansi san. An ka kan ka jateminɛ kɛ ni an ye mɔgɔ sɔrɔ min b’a fɛ ka baro kɛ. An k’an hakili to a la tuma bɛɛ, ko an ka kan ka mɔgɔw bɛɛ ye, nka, an ni minnu nana mɔbili kelen kɔnɔ, n’u bɛ k’an kɔnɔ, an ka kan k’olu fana bonya. N’i b’a fɛ ka mɛn baro la mɔgɔ dɔ fɛ, tiɲɛ ka di min ye, yali i bɛ se ka kow labɛn walasa e ni minnu bɛ ɲɔngɔn fɛ, olu ka se ka tɛmɛn ni foro baara ye wa?

⁷ Tiɲɛ ka di mɔgɔ minnu ye, i ka fɛɛrɛ jɔnjɔnw tigɛ ka segin ka taa bɔ olu bɛɛ ye. Ni a bɛ se ka kɛ yɔrɔ min na, i jija k’o tigi ka telefɔni numoro sɔrɔ, ka fara a ka ladɛrɛsi kan. O kun ye i ka se ka a lasɔrɔ, ka dɔ fara seereya kan telefɔni fɛ. Sira minnu bɛ o dugumisɛnninw na, ni tɔgɔ t’u la, walima ni numoro tɛ u sow la, i yɛrɛ ka o yɔrɔ karati dilan min bɛ se k’i dɛmɛ ka na bɔ o tigi ye kokura, walima tamasiyɛn minnu bɛ o tigi ka yɔrɔ la, walima a kɛrɛ fɛ, i bɛ se k’o sɛbɛn

⁸ Bonyaba don an bolo ka tugu Yesu ka nin cikan na ko: ‘Aw mana se dugu o dugu la, duguba wala dugu misɛn, aw ka mɔgɔ ɲini min ka kan n’a ye’ (Mat. 10:11) Siga t’a la Jehowa bɛna barika don an ka cɛsiriw la, n’an b’a bɔ an yɛrɛ la ka an yɛrɛ bɛɛ di o baara in ma, o baara min bɛ nisɔndiya di an ma, ka an wasa kosɛbɛ!