Sɔn-ni-sɔn gafeninw jiracogo?

La Tour de Garde 15 mai

“E miiri la, yali Ala bɛ se ka dɔn wa? [Jaabi kɔnɔ] Laala, e bɛ sɔn a ma ko i tɛ mɔgɔ min dɔn, i ma teli ka da o tigi la. Bibulu bɛ dusu don an kɔnɔ k’a ɲini ka Ala dɔn kosɛbɛ. [Kɛwalew 17:27 kalan.] An bɛ se ka dɔ fara an ka Ala dɔnniya kan cogo min na, nin barokunw b’o jira an na.”

Réveillez-vous ! 22 mai

U ka cɛsiri kɔnɔ walasa ka an kunkow ɲɛnabɔ, diɲɛ ɲɛmɔgɔw ye miiriya caman ta k’u waleya. U ye fɛɛrɛ kura tigɛ, n’o bɛ wele ko ‘globalisation.’ O fɛɛrɛ kura bɛ se ka nɔ bila an ka diɲɛnatigɛ la cogo min na kabini sisan, nin sɛbɛn in bɛ o ɲɛfɔ. Bibulu bɛ fɛɛrɛ min kofɔ ka ɲɛsin diɲɛ kunkow ɲɛnabɔli ma, o fana ɲɛfɔlen don a kɔnɔ. O kɔ, Matiyu 6:​9, 10 kalan.

La Tour de Garde 1er juin

Ko minnu kɛra kɔsa in na diɲɛ kɔnɔ, o bɛ ka mɔgɔ caman bila k’u yɛrɛ ɲininka mun na mɔgɔ minnu ma fosi kɛ, olu bɛ sa k’a sɔrɔ u sa tuma ma se? Yali i delila k’i yɛrɛ ɲininka mun na mɔgɔ bɛ sa wa? [Jaabi kɔnɔ, o kɔ, ɲɛ 7 nan ta. Cii kɛlen bɛ ka sɛbɛnni minnu lamini, o lajɛ.] Yali i b’a fɛ k’a dɔn Bibulu bɛ min fɔ o maana nkalonma ninnu dɔ la kelen kan wa? N’a bɛ se ka kɛ, i ka Bibulu tɛmɛsira kofɔlen dɔ kalan.

Réveillez-vous ! 8 juin

Mɔgɔ caman bɛ miiri ko diinɛ ni dɔnniya tɛ bɛn. Dɔw yɛrɛ ka jatɛminɛ na, ni i bɛ miiri iko dɔnnikɛla, i tɛ se ka da Ala ko la. E yɛrɛ hakilila ye mun ye o ko la? [Jaabi kɔnɔ] Réveillez-vous! bɛ o barokun ɲɛfɔ cogo jɛlenba la.