Ɲininkaliw Jaabi

◼ Mun na an ka kan ka jateminɛ kɛ, n’an bɛ seereya kɛ lɛtɛrɛ fɛ?

A dɔnnen bɛ ko ka seereya kɛ lɛtɛrɛ fɛ, o ye kɛcogo ye min nafa ka bon kosɛbɛ kibaru duman wajuli la. Nka, ko minnu kɛra kɔsa in na diɲɛ kɔnɔ, o y’a to mɔgɔ caman bɛ u yɛrɛ kɔlɔsi sisan lɛtɛrɛ dayɛlɛ ko la, n’a sɔrɔ u t’a bɔyɔrɔ dɔn. Lɛtɛrɛ min bɔyɔrɔ dɔnnen tɛ, walima ni a cibaga tɔgɔ sɛbɛnnen tɛ a kan, olu bɛ filɛ fɛn ye mɔgɔ ka kan k’i farati min na, janko lɛtɛrɛ min sɛbɛnna bolo la, n’a ka girin, walima n’a ka bon. Mɔgɔ minnu bɛ o lɛtɛrɛ sugu sɔrɔ, u bɛ se k’o fili k’a sɔrɔ u ma a dayɛlɛ. An bɛ se ka mun kɛ walasa an ka lɛtɛrɛw fana kana fili o cogo la?

N’an bɛ se, an ka lɛtɛrɛ ni a foroko ka sɛbɛn masin na. Lɛtɛrɛ bɛ ci mɔgɔ min ma, o tigi de tɔgɔ ka kan ka sɛbɛn lɛtɛrɛ foroko kan. An man kan ka foroba tɔgɔ sɛbɛn lɛtɛrɛ foroko kan, i n’a fɔ: “Sokɔnɔmɔgɔ.” Ka fara o kan, lɛtɛrɛ cibaga ka ladɛrɛsi ka kan ka ye tuma bɛɛ lɛtɛrɛ foroko kɔ kan. Ni farati b’a la k’i ka ladɛrɛsi sɛbɛn, i bɛ se k’i tɔgɔ ani Masaya So ladɛrɛsi sɛbɛn. I kana lɛtɛrɛ ci k’a sɔrɔ tɔgɔ ni ladɛrɛsi tɛ a kan. I kana Tɔn bolofara ka Baarada ladɛrɛsi sɛbɛn abada. —San 1996 Nowanburukalo Ministère du Royaume Réponses à vos questions yɔrɔ lajɛ (O tɛ Kameruni bɔko kɔnɔ).

Lɛtɛrɛ misali, ani hakilila wɛrɛw bɛ se ka sɔrɔ Tirer profit de l’école du ministère théocratique gafe ɲɛ 71-3 nan na. O ɲɛfɔliw bɛna an dɛmɛ ka lɛtɛrɛw kɛ baarakɛminɛn nafamaw ye walasa ka kibaru duman fɔ mɔgɔw ye.