Mun bɛ se ka fɔ sɔn-ni-sɔn gafeninw ko la?

La Tour de Garde 15 sept.

“Mɔgɔ minnu bɛ tiɲɛ kanu, u bɛ sɔrɔ diinɛ fanba kɔnɔ. Nka, tuma caman na, diinɛw ka teli ka na ni farali ye hadamadenw cɛma. Mun bɛ se ka kɛ walasa ka mɔgɔ dusukun tilennenw kɛ kelen ye? [Jaabi kɔfɛ, Sofoni 3:9 kalan.] Ala lakika dɔnniya bɛ mɔgɔw kɛ kelen ye cogo min na, ani yɔrɔ bɛɛ la, nin sɛbɛn b’o jira.”

Réveillez-vous! 22 sept.

“An fanba fɛ, an b’a miiri k’an bɛna dumuni caman sɔrɔ k’a kɛ tuma bɛɛ. Nka, sisan siansi nana ni jɔrɔnanko caman ye minnu bɛ se ka baloko bila farati la. Nin sɛbɛn bɛ kuma o haminanko dɔw kan. Bibulu bɛ jigiya min di o kunko ɲɛnabɔcogo lakika kan, a b’o fana ɲɛfɔ.”

La Tour de Garde 1er oct.

“I bɛ sɔn a ma ko ka limaniya Ala la, o tɛ mɔgɔ caman ka ko ye tun. Mun na a bɛ ten? [Jaabi kɔfɛ, Heburuw 11:1 kalan.] Nin sɛbɛn b’a ɲɛfɔ limaniya lakika ye min ye. N’o b’i la, ani n’o t’i la, o danfara fana fɔlen bɛ a kɔnɔ.”

Réveillez-vous! 8 oct.

“Iko i yɛrɛ b’a dɔn cogo min na, Halloween seli bɛ kɛ yɔrɔ caman na, wa denmisɛnnin caman fana b’o diyabɔ. Nka, yali i delila ka cogo sɔrɔ k’a dɔn o seli bɔra yɔrɔ min wa? [A to a k’i jaabi.] I bɛn’a ye ko nin barokun kalanni bɛna diya i ye kosɛbɛ, kɛrɛnkɛrɛnnenya la n’i ye bangebaga ye min b’i mago don o ko la.”