Sɔn-ni-sɔn gafeninw jiracogo

La Tour de Garde 15 sept

“Mɔgɔ miliyɔn caman dalen b’a la ko se kɛrɛnkɛrɛnnen bɛ ‘mɔgɔ senumanw,’ walima ‘walijuw’ bolo, wa, ko a ka ɲi ka delili kɛ u sababu fɛ. E hakilila ye mun ye o ko la? [Jaabi kɔnɔ.] A lajɛ Yesu Kirisita ye min fɔ. [Yuhana 14:6 kalan.] O kama, mɔgɔ dɔw b’u yɛrɛ ɲininka ni a ka ɲi, walima ni a man ɲi ka delili kɛ ‘senumanw’ sababu fɛ. Nin Tour de Garde bɛ o barokun nafama sɛgɛsɛgɛ.”

Réveillez-vous! 22 sept.

“Binnkanni juguw kɛlen bɛ ka mɔgɔ caman jɔɔrɔ bi, kɛlɛkɛminɛn minnu dilannen bɛ ni banakisɛ, ni posɔnɛ ye, olu sen bɛ o binnkanni juguw la. E fɛ, yali hadamadenw ka gofɛrɛnamanw bɛna fura sɔrɔ nin diɲɛ in n’a binnkanni juguw la wa? [Jaabi kɔnɔ.] Ala b’a fɛ ka min kɛ, Bibulu bɛ o jira. [Ezekiɛl 34:28 kalan.] Ko minnu sen bɛ o la, Réveillez-vous! bɛ o dɔw sɛgɛsɛgɛ.”

La Tour de Garde 1 oct.

“An ɲɛ bɛ ɲagaminba minnu na an lamini na, i n’a fɔ, kɛlɛw, kojuguw, ani wale minnu bɛ mɔgɔ ja siran kosɛbɛ, mɔgɔ caman b’u yɛrɛ ɲininka, ni o kow tɛna ban abada. E hakilila ye mun ye o ko la? [Jaabi kɔnɔ.] Nin layidu min bɛ Bibulu kɔnɔ, o bɛ mɔgɔ hakili latigɛ. [Zaburu 37:​10, 11 kalan.] Nin gafenin b’a ɲɛfɔ mun na Ala ma dan bila hali bi kojugu, n’a nɔfɛ tɔɔrɔw la.”

Réveillez-vous! 8 Oct.

Denbaya min kɔnɔ bangebaga kelen don k’a denw lamɔ, o denbaya suguw hakɛ bɛ ka caya kosɛbɛ, cogo la min bɛ mɔgɔ dabali ban. Bibulu b’a jira ko olu hinɛba bɛ an Dabaga la. [Zaburu 146: 9 kalan.] Bangebaga minnu kelen don k’u denw lamɔ, Bibulu sariyakolow bɛ se k’u dɛmɛ cogo min na walisa u k’u denw lamɔ a ɲɛ ma, nin Réveillez-vous! b’o jira.”