Ɲininkaliw Jaabi

◼ A bɛnnen don ka jɛkulu ka gafe kalan kura sigi tuma jumɛn na?

Kulu kura sigili ka kan ka jateminɛ n’a bɛnnen don ka mɔgɔ nataw hakɛ to 15 ɲɔgɔn na, walima o hakɛ jukɔrɔ dɔɔnin, gafe kalan kelen-kelen bɛɛ kɛyɔrɔ la, sow kɔnɔ, walima Masaya So kɔnɔ. Mun na o ko bɛ fɔ ka gɛlɛya?

Ni jɛkulu ka gafe kalan mɔgɔw man ca, gafe kalan ɲɛminɛbaga bɛ se k’i mago don kosɛbɛ mɔgɔ kelen-kelen bɛɛ la min bɛ na o lajɛ la. Ka fara o kan, cogo bɛ bɛɛ bolo ka kuma hukumu kɔnɔ min bɛ mɔgɔ dɛmɛ k’a ka limaniya jira kɛnɛ kan a ka kumaw sababu fɛ. (Heb. 10:23; 13:15) Ka kulu misɛnninw sigi yɔrɔ caman na jɛkulu ka wajulikɛyɔrɔ bɛɛ la, o bɛ nɔgɔya don Jɛkulu ka Gafe Kalan matarafali la, ani forobaara lajɛw taali la. Jɛkulu minnu ye dɔ fara u ka gafe kalan kɛyɔrɔw kan, u y’a ye ko mɔgɔ minnu bɛ na u la, ko dɔ farala o mɔgɔ mumɛ hakɛ kan.

Cogo kɛrɛnkɛrɛnnenw b’a to a ka ɲi ka kulu dɔ sigi hali n’a y’a sɔrɔ a mɔgɔ tɛna caya. O bɛ se ka kɛ yɔrɔ mabɔnnen dɔ ko ye, walima yɔrɔ koronnen dɔ ko ye, walima sigilanw bɛ dɛsɛ yɔrɔ min na. N’o ka kan tuma min na, kulu dɔ bɛ se ka sigi min ka lajɛ bɛ kɛ tilefɛ la la, mɔgɔkɔrɔbaw ni sufɛ baarakɛlaw kama, walima balimamusow kama minnu cɛ tɛ Jehowa Seerew ye.

Fanga bɛ weleweledala minnu na alako ta fan fɛ, weleweledala kisɛw, ani kalan ɲɛminɛbaga mankutulen, ani kalanjɛkɛbaga ɲuman, olu mɔgɔ suguw ka kan ka bila gafe kalan kulu kelen-kelen bɛɛ la. Balimakɛw ka kan k’a ɲini ka cogo dafa walasa ka jɛkulu mago ɲɛ o yɔrɔw la.

Maakɔrɔw bɛ se ka dɔ fara jɛkulu ka ɲɛtaa kan n’u bɛ jateminɛ kɛ ka jɛkulu ka gafe kalan kuluw mɔgɔw hakɛ bɛrɛ bɛn, k’u mago don u la koɲuman alako ta fan fɛ, k’a kɛ cogo la min b’a to u ka kɛ yɔrɔ ɲumanw na fana. N’a bɛnnen don tuma o tuma, gafe kalan kulu kuraw ka kan ka sigi walasa mɔgɔ bɛɛ ka se ka nafaba sɔrɔ o fɛɛrɛ tigɛlen na alako ta fan fɛ. Yali i bɛ se k’i ka so labila gafe kalan dɔ kama wa? Mɔgɔ caman minnu y’o kɛ, u ye baraji caman sɔrɔ alako ta fan fɛ.