Kuntilenna kuraw ka ɲɛsin ɲinan baara ma!

San 1998 Utikalo la, an b’a fɛ ka weleweledalaw hakɛ cayalenba 850 ani 190 sɔrɔ Senegali ni Mali la. Yali o bɛ se ka kɛ wa? Ɔwɔ! Weleweledala minnu bɛ o jamanaw fila la sisan, n’an ye olu fara ɲɔgɔn kan, an bɛ hakɛ 836 de sɔrɔ Senegali ani 178 Mali la. Nka, fo sisan, o jamana kelen-kelen bɛɛ la, an ye welewedalaw makɛɲɛ min sɔrɔ kalo o kalo, o kɛra 807 ye Senegali ani 162 ye Mali la. O makɛɲɛ minnu ɲɔgɔn ma deli ka sɔrɔ, an bɛ se k’o tɛmɛ ni welewedala kelen-kelen bɛɛ y’a labɛn cogo kɛrɛnkɛrɛnnen na walisa k’a sen don cidenyabaara la Utikalo la, ani n’a y’a ka dantigɛli sɛbɛn bila a waati la. Ikomi kalo daminɛ bɛ bɛn Sibiridon ani Karidon ma, mun na an tɛna an labɛn ka waajuli kɛ kabini o dɔgɔkun laban na? An kɛtɔ ka baara daminɛ jɔɔna kalo kɔnɔ, an bɛna se ka d’a la k’an bɛna waati kɛ seereya baara la Utikalo la. Ka fara o kan, ni jɛkulu kelen-kelen bɛɛ ye weleweledala kelen sɔrɔ, laala, kuntilenna min jiralen bɛ sanfɛla la, an bɛna o sɔrɔ. An k’an ka cɛsiriw fara ɲɔgɔn kan, o la, an bɛna weleweledalaw hakɛ cayalenba kura sɔrɔ. O na kɛ tanulikan ye dɛ min bɛna bɔ ka taa Jehowa yɔrɔ!—Zab. 47:⁠2.