‘Aw ka taa’ fɛ ka nin kɛ k’aw hakili to ne la’
1 Hadamadenw ka teli ka koba kɔrɔ lagosi ni waati bɛ tɛmɛna. O ye kun dɔ de ye min kosɔn Yesu kɛtɔ ka “Matigi ka surɔfana” sigi, a ye ci di a ka kalandenw ma ko: ‘Aw ka taa’ fɛ ka nin kɛ k’aw hakili to ne la.’ Kabini o tuma sa, ka ɲɛsin Yesu ka saya kunbɛn ma, Krecɛnw ye Ala kanminɛ ka “Matigi [ka] saya ko de fɔ, fo a ka na.”—1 Kɔr. 11:20, 23-25; 26, NW.
2 Yanni dɔɔnin cɛ, Yesu bɛna “saga kulunin” mɔgɔ labanw ladon sankolola bon kɔnɔ, o mɔgɔ minnu hakɛ bɛ ka dɔgɔya ka taa’ fɛ. (Luk. 12:32; Yuh. 14:2, 3) Ɲinan, munnen tɔw ni “saga wɛrɛw” jamaba mɔgɔ minnu hakɛ bɛ cayala ka taa’ fɛ, u bɛna bonya sɔrɔ tuguni ka Matigi ka surɔfana kunbɛn kɛ Awirilikalo tile 11 la. (Yuh. 10:16; Jir. 7:9, 10) An ka ɲumandɔn bɛna bonya kosɛbɛ ka ɲɛsin Jehowa ka kanuyaba ma, a kɛlen k’a Denkɛ bangelen kelenpe ci hadamadenw ye. Yesu ka misali ni a ka kanuya ni a ka kantigiya fo ka se saya ma walisa ka kunmabɔnafolo bɔ, ani a sigili sisan iko Ala ka Masakɛ Masaya la, ani Masaya bɛna na ni duba minnu ye hadamadenw ma, olu ye fɛnw ye minnu bɛna da kɛnɛ kan. Tiɲɛ na, o ye hakilijigin kun ye dɛ!
3 An k’an labɛn kabini sisan: An bɛɛ ka baara kɛ walisa ka nin Hakilijigin don waati in kɛ nisɔndiyaba ani waleɲumandɔn waati ye an yɛrɛw ani tɔw bɛɛ ye minnu bɛna u fara an kan. An bɛ se k’an dusukun labɛn an kɛtɔ ka Bibulu maanaw kalan minnu bɛ Yesu ka cidenyabaara don labanw kan, ani ko minnu nana n’a ka saya ye. Dɔgɔkun caman kɔnɔ sanni Hakilijigin don ka se, an ka denbaya ka kalan ka kan ka kɛ Le plus grand homme gafe masalakunw 112-16nan kan.
4 An dɔnbagaw jɔli na se ka na Hakilijigin don na n’an y’a bɔ an yɛrɛ la k’u lafaamuya o ko in nafa la ani k’u wele ka na, ani k’a jira k’u bɛna kunbɛn ka ɲɛ? Kabini sisan, an ka mɔgɔw tɔgɔ sɛbɛn, ani an k’an seko kɛ k’u dɛmɛ walisa u ka se ka na. O kɔ, an k’u dɛmɛ ka taa’ fɛ ka balikuya alako ta fan fɛ an kɛtɔ ka dusu don u kɔnɔ u ka lajɛw matarafa tuma bɛɛ.
5 Hakilijigin don waati la, mabɛn kɛrɛnkɛrɛnnenw bɛna kɛ walisa mɔgɔ kelen-kelen bɛɛ ka cogow sɔrɔ ka dɔ fara a ka waajuli kan. Waati bolodacogo ɲuman fɛ, yali an bɛ se ka kɛ tutigɛbaga farankanw ye Awirilikalo walima Mɛkalo la wa? Cogo bɛɛ la fisama dɔ la kelen walisa k’a jira k’an b’an hakili jigin ni waleɲumandɔn ye Yesu ka kunmabɔnafolo la ani a kɔrɔ bɛɛ ye min ye an bolo, o ye ka kuma an ka Ala, Jehowa ko la, ani a ka Masaya bɛna na ni duba minnu ye a denkɛ sababu la.—Zab. 79:13; 147:1.