Iko Manahɛn, Jehova ka baara bila jɔyɔrɔ fɔlɔ la i ka ɲɛnamaya kɔnɔ

San kɛmɛ fɔlɔ la, balima minnu tun ye kow ɲɛminɛ Antiose jɛkulu kɔnɔ, Manahɛn tun ye olu dɔ ye. Manahɛn “ni jamana kuntigu Hɛrɔde mɔna so kelen kɔnɔ”, o kɔrɔ ye ko, u ye u ka kalan kɛ yɔrɔ kelen na (Kɛw. 13:1). O b’a jira ko, Manahɛn tun ye mɔgɔ kalannenba de ye. A bɛ se ka kɛ fana ko, a lamɔna du min kɔnɔ, o du kɔnɔ mɔgɔw tun ye nafolotigiw ye.

O bɛɛ n’a ta, Manahɛn y’a latigɛ k’a ka krecɛn ye ani k’a ka jɛkulu kɔkɔrɔdon kosɛbɛ. A ma to a ka kalan walima jɛɲɔgɔnya min bɛ a ni fangatigiw cɛ, o k’a bila k’a yɛrɛ ka ɲɛtaa ɲini. Nka, a tun b’a seko bɛɛ de kɛ walisa ka balimaw dɛmɛ.

Manahɛn ka misali b’a jira an na ko ka baara kɛ Jehova ye, o de nafa ka bon ka tɛmɛ ka jɔyɔrɔ ɲini nin diɲɛ kɔnɔ. Iko Manahɛn, anw fana ka kan k’a ɲini ka alako baaraw de bila jɔyɔrɔ fɔlɔ la an ka ɲɛnamaya kɔnɔ ka tɛmɛ ni jɔyɔrɔ ɲinini kan nin diɲɛ kɔnɔ (Mat. 6:33). Ka fara o kan, hali n’an b’an sɛbɛ don an ka kalan na, an b’an jija “ka ko ɲumanw faranfasi” ani k’an janto an yɛrɛw la walisa an ka kalan walima an ka fɔrmasiyɔn kana an bali ka Jehova bato a ɲɛ ma.—Fil. 1:​9, 10.