Réveillez-vous! nimɔrɔ kɛrɛnkɛrɛnnen bɛna jira Nowanburukalo la
1 Ɲininkaliw bɛ mɔgɔ caman fɛ, u b’u yɛrɛ ɲininka minnu na ni kɔnɔnajɛya ye Bibulu nafa ko la, i n’a fɔ ninnu: Ni hadamadenw de ye Bibulu sɛbɛn, a bɛ se ka wele cogo di ko Ala ka Kuma? Kun jumɛn na ne ka kan ka ne ka dannaya da Bibulu kan walisa o ka ne ɲɛminɛ ne ka walew la? Nafa jumɛn b’a la k’i ka waati ta ani k’i cɛsiri ka Bibulu kalan ani k’a sɛgɛsɛgɛ? Bibulu jumɛn ka kan ka ta o kama? Nin ɲininkali dɔw jaabi dilen bɛ Nowanburukalo Réveillez-vous! nimɔrɔ kɛrɛnkɛrɛnnen kɔnɔ, n’o tɔgɔ ye ko “ Pouvez-vous avoir confiance en la Bible ? “ (Aw bɛ se k’aw ka dannaya da Bibulu kan? )
2 An b’a fɛ ka nin Réveillez-vous! nimɔrɔ kɛrɛnkɛrɛnnen jɛnsɛn kosɛbɛ an ka waajulikɛyɔrɔ la. Ni a bɛ se k’a kɛ, i ka wajuli kɛ du-ni-du ni jɛkulu ye sibiri o sibiri Nowanburukalo kɔnɔna na. Nin Réveillez-vous! nimɔrɔ kɛrɛnkɛrɛnnen jira i somɔgɔw la, i sigiɲɔgɔnw la, i baarakɛɲɔgɔnw la, i karamɔgɔw la, i lakɔlidenɲɔgɔnw la, ani i ka segin-ka-bɔnyew la. N’i bɛ taa sanni kɛ tuma min na, walima n’i bɛ taa taama na, i ka o nimɔrɔ dɔw ta i bolo. Maakɔrɔw ye o Réveillez-vous! nimɔrɔ kɛrɛnkɛrɛnnen hakɛ ɲini min ka ca ni u ka hakɛ ɲininen kɔrɔlen ye, walisa jɛkulu ka se ka hakɛ sɔrɔ min bɛ bɔli kɛ.
3 I ka Bibulukalan daminɛ: N’i ye o gafenin di mɔgɔ dɔ ma, i ka fɛn dɔ fɔ min b’a to i bɛ se ka Bibulukalan daminɛ sani i k’i ka kuma kuncɛ. Misali la, i bɛ se k’a fɔ ko: “Ni n seginna ka na tuma min na, ne b’a fɛ k’a jira i la Bibulu bɛ jaabi min di nin ɲininkali la: ‘Ala sagonata ye mun ye ka ɲɛsin dugukolo ma?’” O kɔfɛ, i ka segin ka na ni Qu’enseigne la Bible ? gafe ye, ka a ɲɛw 4-5 jira i barokɛɲɔgɔn la, walima ka a tilayɔrɔba 3 dakun 1-3 sɛgɛsɛgɛ. Walima i bɛ se ka nin fɔ: “Ni n seginna ka na tuma min na, ne b’a fɛ ka baro kɛ Bibulu kirayakuma dɔ kan min bɛ ka tiimɛ sisan.” N’i seginna ka na, gafe tilayɔrɔba 9 jira i barokɛɲɔgɔn la, o kɔfɛ, e ni i barokɛɲɔgɔn ka baro kɛ dakunw 1-3 kan. Walima i bɛ se k’a fɔ dɔrɔn i barokɛɲɔgɔn ye ko: “Mɔgɔw bɛ min kalan Bibulu kɔnɔ, olu caman bolo a ka gɛlɛn k’o faamu. Ni n seginna ka na tuma min na, ne b’a fɛ k’a jira i la i bɛ se ka dɔ fara i ka Bibulu faamuyali kan cogo min na.” N’i seginna ka na, i ka Qu’enseigne la Bible ? gafe ta, k’a jira a la Bibulukalan bɛ kɛ cogo min na.
4 “Kitabu senumaw” bɛ Bibulu dɔrɔn de kɔnɔ, o kitabu senumaw de bɛ se ka “hakilitigiya di i ma walisa i ka kisi.” (2 Tim. 3:15) O la sa, an bɛɛ b’a fɛ ka an cɛsiri kosɛbɛ k’an sen don Réveillez-vous! nimɔrɔ kɛrɛnkɛrɛnnen jɛnsɛnni baara la walisa ka mɔgɔw dɛmɛ u ka dannaya ka bonya Bibulu la.